مشكلة في الباترول ...! وش الحل ؟

[المجمعة عشق]

سلام عليكم


اخواني الاعضاء والمشرفين


مرحبا بكم جميعا


انا عندي مشكلة بالباترول (95) <<<< قصدي مشاكل



1) الزجاجة الاماميه مع المطاب تتحرك يمين وشمال شي خفيف

وايضا معها قرقعة بسيطة بالطبلون


وايضا العارضة الامامية اللي نازلة من التنده وممسكة الزجاجة مع الجوانب


احس انها تهتز ايضا واظنها السبب !!!!


وش الحل وكيف طريقة تثبيتها ؟


مع اني رحت لمحل زجاج السيارات قلت يمكن يغرون الزجاجة بغراء وتمسك


لكن تفاجئت انه يقول ان مثل هالموديل تركب بدون غراء !!!!


يعني مافيه فايده.....!






2) التنسيم في الابواب الخلفية (تجي من البر ولا كل اغراضك اللي بالشنطة مغبره شئ مو طبيعي )
وهذي تواجه اكبر ملاك الباترول في الموديلات المشابهه






3) الموتر خليجي سوبر ساري يعني درايش قدام مع مثلثات


بحثت عن جلب القزاز جديدة ولاقيت للاسف لان دريشة السواق فيه قطع بالربل ومزعج جدا صوت التنسيم

وين ممكن احلصه ؟؟؟





واتمنى من لديه الخبرة والمعرفة ان لايبخل علي



ولكم جزيل الشكر



ابو معاذ ;)

[سوبر مكشات]

مامثل السلقه

كان معي ولا يدخل غبار

انصحك والامر لك بدل موترك بسلقه

[التل الصامت]

الله يعنيك على ما واجهت من المشاكل

ولكن الاخوان يفيدونك ان شاء الله

[المحاسب]

السلام عليكم اخوي مالك الى محل تربيط متخصص والله يعينك مثل النويصر وابن مرضاح

[المجمعة عشق]

مامثل السلقه

كان معي ولا يدخل غبار

انصحك والامر لك بدل موترك بسلقه

اخي انا موتري معدل على شكل سلقة يعني مواصفات سوبر وشكل سلقة


بس المشكلة في الباب الخلفي عجزت القا لها حل


شكرا لك ياقلبي على التعليق


التل الصامت لاهنت اخوي



اخوي المحاسب الظاهر اني بوديه للنويصر كثير مدحوه لي لكن مااعلم بكم يربطون الموتر ؟



اشكر الجميع على المرور لكن ليت احد يخبر لي محل يبي جلب الدرايش لني تعبت وانا ادور ولاحصلتهن

[البوعينين99]

عليكم السلام

مشكله الباب الخلفي لها حل بإذن الله .

روح لأي محل زينه وبتلقى نوع من الأسفنج الاصق يمنع تسريب الهوى والغبار , انا مجربه على موتري وزي الفل . ترى مايكلفك غير 20 ريال وهذا صورته:

https://www.ragingspeed.co.uk/catalog/images/Door-Seal-Strips.jpg


وتقدر انت تركبه .

[المجمعة عشق]

البوعينين

الله لايهينك

انا كنت اعتقد ان هالاسفنج مايفيد


بس مادامك تمدحه بركبه ان شاء الله وبشوف