{{{رابطة ملاك البرادو }}}

[خ الفياض]

محمد 555
سؤالك صح ميه ميه
مع كامل اعترافي لقوة السته سلندر
وشهي عيوب الاربعه سلتدر
غير قوة التسارع والفزه ... :)





لا عليك مو شرط ان الواحد يمتلك افضل شي لكن الاهم انه يمتلك مطلوبه وراحته وان شاء الله انك مرتااااااااااااح ب موترك ربي يهنيك به ولايضيق صدرك سيارتك حليله ولاتنسى علامة الراحه تايوتا

[classica]

http://www.4wdaction.com.au/newsletter/2009/prado_promo/pic5.jpg


سوووووووال الله لا يهينكم ..كم قيمت البراااادو 2010 الجديد ؟؟؟؟؟؟؟

[hpsami]

سجل عندك برادو 2008 ذهبي
الاحساء

[amar.net]

مساكم الله بالخير

يوم الخميس وبحمد الله وشكره ................ رزقني الله بمولود جديد اسميته عمرو بارك الله فيه ومنحه الصحه والعافيه وجعله قرة عيني وانبته الله النبات الطيب و الصالح

[أبوخالدالعراك]

السلام عليكم ورحمة الله وبركاته
خلونا نتكلم يا حبايب قلبي بموضوعيه
لما نقول ستة سلندر
طبيعي جدا ان تكون على قدر قوة هذه الماكينه الجباره
وكذلك البدي ولقير والدبل والمساعدات ... الخ
السنة سلندر شئ ثاااااااني
ومسأله صرفيته ففعلا .. هو اقل نتيجة تزويده بنظام
الاحتقان المتطور للوقود واللي تميزت به سيارات تيوتا عموما
والصوت والدوشه تقريبا لا تذكر .. ورساوه خياليه
ولو ذكرت مميزات الستة سلندر ما اوفيه حقه
لكن انا اهتمامي منصب فى النوع المزود باقل كماليات واربعه سلندر
والاربعه سلندر نزلوه انواع كثيره
بل بعضها نزل بفخامه لا تصدق
وانا شخصيا اعترفت انى مجرم بالاستعمال
ما احب الفخامه والقوه والتسارع ...الخ
انما احتاج المتانه .. الصبر .. الاحتمال .. الاداء ..
محتاج سهل فى الصيانه ورخيص فى سعر القطع
محتاج موتر ما يردني عن اى جو او مكان ابيه ويقواه
خالي من التعقيدات .. يتقبل اى نوع من الاضافات اللى انا احتاجها فقط
ويكفي ان كل من امتلك البرادو شهد له بكل التميز بجميع انواعه
وانا ناوى اخضعه لاقسي الاختبارات بعد اسبوعين باذن الله
واذا على العيوب فهى قليله .. وانا ما شريته الا من قبل كم يوم بس
الفزه ضعيفه .. خزان واحد متوسط الحجم ..
وانا اعترف انه فى كم يوم .. كسب احترامي واعجابي
سعيد جدا بانضمامي للرابطه
نراكم على خير
والسلام عليكم ورحمة الله وبركاته

[خ الفياض]

السلام عليكم ورحمة الله وبركاته
خلونا نتكلم يا حبايب قلبي بموضوعيه
لما نقول ستة سلندر
طبيعي جدا ان تكون على قدر قوة هذه الماكينه الجباره
وكذلك البدي ولقير والدبل والمساعدات ... الخ
السنة سلندر شئ ثاااااااني
ومسأله صرفيته ففعلا .. هو اقل نتيجة تزويده بنظام
الاحتقان المتطور للوقود واللي تميزت به سيارات تيوتا عموما
والصوت والدوشه تقريبا لا تذكر .. ورساوه خياليه
ولو ذكرت مميزات الستة سلندر ما اوفيه حقه
لكن انا اهتمامي منصب فى النوع المزود باقل كماليات واربعه سلندر
والاربعه سلندر نزلوه انواع كثيره
بل بعضها نزل بفخامه لا تصدق
وانا شخصيا اعترفت انى مجرم بالاستعمال
ما احب الفخامه والقوه والتسارع ...الخ
انما احتاج المتانه .. الصبر .. الاحتمال .. الاداء ..
محتاج سهل فى الصيانه ورخيص فى سعر القطع
محتاج موتر ما يردني عن اى جو او مكان ابيه ويقواه
خالي من التعقيدات .. يتقبل اى نوع من الاضافات اللى انا احتاجها فقط
ويكفي ان كل من امتلك البرادو شهد له بكل التميز بجميع انواعه
وانا ناوى اخضعه لاقسي الاختبارات بعد اسبوعين باذن الله
واذا على العيوب فهى قليله .. وانا ما شريته الا من قبل كم يوم بس
الفزه ضعيفه .. خزان واحد متوسط الحجم ..
وانا اعترف انه فى كم يوم .. كسب احترامي واعجابي
سعيد جدا بانضمامي للرابطه
نراكم على خير
والسلام عليكم ورحمة الله وبركاته




اشكرك على رحابة صدرك

:good2:وكلامك سليم مليون بالميه:good2:
الواحد يشوف احتياجاته وبناء عليه يختار الموتر اللي يناسبه مو على شان فلان يمدح ال6 اخذه
اهنيك على قناعتك و خصوصيتك واحترامك
عموما ننتظر تجربتك الموثقه بالصور عن هالوحش بس ارفق عليه تراه خوي درب

وسلامتك

[خ الفياض]

سجل عندك برادو 2008 ذهبي
الاحساء

حياك ربي ونورت الرابط

وعساك على القوه

وننتطر تفاعلك ومشاركاتك

العدد اصبح 47

ماشاء الله تبارك الله

[خ الفياض]

مساكم الله بالخير

يوم الخميس وبحمد الله وشكره ................ رزقني الله بمولود جديد اسميته عمرو بارك الله فيه ومنحه الصحه والعافيه وجعله قرة عيني وانبته الله النبات الطيب و الصالح



ماشاء الله تبارك الرحمن
الف مليار مبروووووووووك
اللهم اجعله من حفظو كتابك وقر به عيني واللديه
اللهم اجعله بارا بهما
ونعم الاسم اختيار موفق

[طير البر 1]

السلام عليكم ورحمة الله وبركاته

اخوي amar.net مبروك المولود وإنشاء الله من مواليد السعاده وجعله الله من حفظة القرآن والمسلمين اجمعين . اللهم آمين

اخوي 2005s بالنسبة لأفضل ورشه خاصة ميكانيكا ومكيف ومن واقع تجربه طبعاً لفيت الصناعية القديمة تقريباً لثلاثة أيام متاوصله بخصوص تغيير زيت القير . وأي ورشه تقول الزين عندي والشين حولي وتعرفون ان تغيير الزيت يختلف من حيث موديل السيارة لأن البرادو 2003 و 2004 يوجد عيار في الماكينة من موديل 2006 لا يوجد عيار وما ادري عن 2005 المهم دخلت ورشة العضيب بأخر الصناعية القديمة متخصه بصيانة لاند كروزر وصرحه الورشه نظيفه والعماله الموجوده من الجنسية الفلبينية وشغلهم زين واسعارهم مقارنة بالوكالة أفضل وللعلم اسم العضيب في كل شارع بالرياض وانتبه منهم .في الورشه محاسب سوداني اسمه ابو حسن . وشكراً

[سالم11]

السلام عليكم

يا الربع الهدروليك في البرادو عندي معلق ومره تنزل السياره ومره ترتفع وهالحين علق والسياره نازله وش الحل تكفون

[طير البر 1]

اخوي سالم 11 حاول تفصل البطارية لإعادة البرمجه وللعملومية بعد فصل البطارية يمكن القزاز ما يفتح اتوماتيك والبرمجه تختلف تتغير بالشاشه الأمامية .

[الرهيف1]

ما شاء الله تبارك الله
الرابطة معد تلحق على المشاركين فيها والمنتمين الجدد
ولعد يمديني ارد على كل واحد لضيق الوقت ولكن اقول واكرر ما رأيكم في اجتماع ولو لعصرية يوم خميس نتجاذب فيها أطراف الحديث عن قرب .

[الرهيف1]

اخوي سالم 11 حاول تفصل البطارية لإعادة البرمجه وللعملومية بعد فصل البطارية يمكن القزاز ما يفتح اتوماتيك والبرمجه تختلف تتغير بالشاشه الأمامية .

أرجو التوضيح فهذه المعلومات جديدة بالنسبة لي ويمكن لغيري كيف يعيد ضبطها من خلال الشاشة؟؟؟؟

[الرهيف1]

السلام عليكم

يا الربع الهدروليك في البرادو عندي معلق ومره تنزل السياره ومره ترتفع وهالحين علق والسياره نازله وش الحل تكفون

كم موديل البرادو عندك؟ وهل تستطيع ربط بداية المشكلة بشي ء مثلا اكلت حفرة او مطب جامد او غيرت شي في الكهرباء

[الرهيف1]

السلام عليكم

سجل عندك برادو 2005 اربعه سلندر

بس عندي اسفسار عن احسن ورشة فى الرياض

حدد نوع العطل اللي تريد صيانته

[الرهيف1]

تكفون يا اخواني

ممكن احد يفيدني

ايش الميزه في الـ6 سلندر غير الفزه والسرعه

وايش هي عيوب الـ 4 سلندر

علماً اني مو راعي بر وطلعات

يعني قليل طلعات البر


تكفون انتظر اجابتكم عشان احسم الموضوع


الله يجزاكم خير

يفرق معك في طلوع العقبات الاسفلتية وخصوصا لما تكون محمل ركاب او مشغل المكيف
عندنا في الجنوب طلعات شوية جامدة ويضطر صاحب البرادو احيانا ان يشبك الدبل الثقيل في بعض الاماكن شديدة الارتفاع على الرغم ان الخط اسفلت وبالذات لما تضطرك سيارة مقابلة للوقوف ثم اكمال السير

[q8salem]

وسلامي لكل احبابي



حياك الله يا بو حصة

الصدامات االي في الصورة هي ماركة ARB وهي معروفة وفيه محل في الامارات وفي المملكة وكلاء لها.

وممكن تبحث عنها في النت بسهولة بس ترى اسعارهم غالية لان الخامة والتصنيع لا يعلى عليه..


وبارك الله فيكم جميعا

[طير البر 1]

الرهيف1 مجرد ايضاح بعد فصل البطارية تتغير برمجة الشاشة مثل الساعه وقنوات الراديو

[العميري]

بسم الله الرحمن الرحيم

السلام عليكم ورحمة الله وبركاته

ماشاء الله تبارك الله الأعضاء في ازدياد اللهم زد وبارك .
يا أخوان ودنا يكون هناك ترتيب للرابطة حتى يتم التعارف والأستفادة .

هذا اقتراح ولا يهنون الأخوان أولا تحديد رئيس الرابطة ما أدري إذا كان فيه أفيدونا . وتقسيم الأعضاء إلى مجموعات مثلاً:
المجموعة الأولى مجموعة الرياض :
1
2

المجموعة الثانية مجموعة الدمام :
1
2

وهكذا... وكل مجموعة تتعرف وتستفيد من أعضائها ، وإذا احتاج عضو مجموعة الرياض من منطقة الدمام شيئ أو فزعة :mad: مجموعة الدمام ما تقصر ويكون التعارف والأستفادة من مناطق المجموعة وهذا من غير استضافة الرابطة في مناطق المجموعة ويكون لكل مجموعة مسؤول يرجعون لرئيس الرابطة من ترتيب الأجتماعات وطلعات البر وغيره .
وهذا مجرد اقتراح بسيط من غير ترتيب .


وتقبلوا تحياتي ودمتم بخير،،،

[برق المحمل]

الله يحييك أكثر أخوي

العطل فى القير و حساس الدبل

[mohamed555]

الرهيف1

بيض الله وجهك

amar.net

اللهم اجعله من حفظة كتابك الله
اسال الله ان يقر به عيني واللديه



العميري

رايك سديد وجميل توكل على الله


سؤوووووال أخير

قبل السؤال ترى ماعندي اي خلفيه عن البرادو

يعني لحد :D

سؤالي هل يوجد هليدروليك بالاربعه سلندر 2010

وايش الفايده منه

لاني 90% راح اشتري برادو 2010 اربعه سلندر

واحتاج معلومات عنه

والشكر كل الشكر للاخوان على اطلالتهم

اخوكم ابو فهد

[الجاملي]

السلا م عليكم اسجل في الرا بطه وعندي برادو 2007 اخوكم الجاملي

[الجاملي]

اخوي ابو فهد اترك عنك الاربعه سلندر ترا ه ثجيل مثل اللاند الكروز السته اشتر برادو 6او لاند 8سلندر والله يوفقك

[خ الفياض]

السلا م عليكم اسجل في الرا بطه وعندي برادو 2007 اخوكم الجاملي


حياك الله بين اخوانك
وننتظر منك كل ماهو مميز
وصل العدد48
ما شاء الله

[خ الفياض]

السلام عليكم

يا الربع الهدروليك في البرادو عندي معلق ومره تنزل السياره ومره ترتفع وهالحين علق والسياره نازله وش الحل تكفون



اخوي لما تفصل البطاريه يصير اعادة برمجه لجميع اجهزة السياره
وبالنسبه ل القزاز ما راح يشتغل معك على طول وممكن تحتاج يومين حتى يشتغل القزاز كله و اول واحد راح يشتغل هو تبع السواق
الحركه هذي ان شايفها وجربتها مره ثانيه ونفس الطريقه وهذي كلها كانت في موديل 2005 ال2006 اللي معي حاليا ما ادري عنه

اذا مازال العطل موجود ممكن الحساسات بها وصخ او الله يعينك على الوكاله ولا واحد فنان ب الهيدروليك
المهم لازم تخبرنا وش يصير معك
ونحن ب انتظار حلك ل المشكله
وسلامتك

[خ الفياض]

بسم الله الرحمن الرحيم

السلام عليكم ورحمة الله وبركاته


ماشاء الله تبارك الله الأعضاء في ازدياد اللهم زد وبارك .
يا أخوان ودنا يكون هناك ترتيب للرابطة حتى يتم التعارف والأستفادة .

هذا اقتراح ولا يهنون الأخوان أولا تحديد رئيس الرابطة ما أدري إذا كان فيه أفيدونا . وتقسيم الأعضاء إلى مجموعات مثلاً:
المجموعة الأولى مجموعة الرياض :
1
2

المجموعة الثانية مجموعة الدمام :
1
2

وهكذا... وكل مجموعة تتعرف وتستفيد من أعضائها ، وإذا احتاج عضو مجموعة الرياض من منطقة الدمام شيئ أو فزعة :mad: مجموعة الدمام ما تقصر ويكون التعارف والأستفادة من مناطق المجموعة وهذا من غير استضافة الرابطة في مناطق المجموعة ويكون لكل مجموعة مسؤول يرجعون لرئيس الرابطة من ترتيب الأجتماعات وطلعات البر وغيره .
وهذا مجرد اقتراح بسيط من غير ترتيب .


وتقبلوا تحياتي ودمتم بخير،،،




الاقتراح ممتاز جدااااااااااااا وفي محله
لكن ودنا ب واحد تبرع و يكون هو مسؤال الرابطه
انا من مجموعة الغربيه واللي وده يسجل معي يرسل لي على الخاص او هنا وانا تحت امركم جميعا

[خ الفياض]

الرهيف1

بيض الله وجهك

amar.net

اللهم اجعله من حفظة كتابك الله
اسال الله ان يقر به عيني واللديه



العميري

رايك سديد وجميل توكل على الله


سؤوووووال أخير

قبل السؤال ترى ماعندي اي خلفيه عن البرادو

يعني لحد :D

سؤالي هل يوجد هليدروليك بالاربعه سلندر 2010

وايش الفايده منه

لاني 90% راح اشتري برادو 2010 اربعه سلندر

واحتاج معلومات عنه

والشكر كل الشكر للاخوان على اطلالتهم

اخوكم ابو فهد



الهيدروليك موجود ب الفل اوبشن ال6 سلندر او ممكن النوع اللي اقل منه ماني متأكد
لكن جزما ليس موجود ب ال4 سلندر
اتمنى اني افدتك

[خ الفياض]

الرهيف1 مجرد ايضاح بعد فصل البطارية تتغير برمجة الشاشة مثل الساعه وقنوات الراديو



اكيد اخوي لكن البرادو به حركة القزاز وانا مجربها
يعني القزاز ما راح يشتغل على طول

[mohamed555]

الهيدروليك موجود ب الفل اوبشن ال6 سلندر او ممكن النوع اللي اقل منه ماني متأكد

لكن جزما ليس موجود ب ال4 سلندر
اتمنى اني افدتك





اخي الفياض

كل الشكر والتقدير لشخصك الكريم على ردك السريع

الهايدروليك ايش الفايده منه ؟

وهل البرادو مريح بالخطوط الطويله

احتاج اجابة شخص مجرب

ولكم الشكر والدعاء

[خ الفياض]

اخي الفياض

كل الشكر والتقدير لشخصك الكريم على ردك السريع

الهايدروليك ايش الفايده منه ؟

وهل البرادو مريح بالخطوط الطويله

احتاج اجابة شخص مجرب

ولكم الشكر والدعاء



لاشكر على واجب
البرادو مريح جدا بالنسبه لراحة الجيوب
انا كان معي بدون هيدورليك 2005
والان معي فل اوبشن 2006
ب الهيدروليك السياره مريحه اكثر و رساوه اكثر ويكفيك انه الهيدروليك تبعه مثل الفي اكس ار بالضبط

[رابح999]

اخوي لما تفصل البطاريه يصير اعادة برمجه لجميع اجهزة السياره



وبالنسبه ل القزاز ما راح يشتغل معك على طول وممكن تحتاج يومين حتى يشتغل القزاز كله و اول واحد راح يشتغل هو تبع السواق
الحركه هذي ان شايفها وجربتها مره ثانيه ونفس الطريقه وهذي كلها كانت في موديل 2005 ال2006 اللي معي حاليا ما ادري عنه



نعم اخي الفياض اذا فصلت البطاريه الزجاج يحتاج برمجه وهي سهله تقوم بقفل كل زجاج من مفتاحه الخاص به ( وليس من مفاتيح الزجاج التي عند السائق ) وتجعل الزر مرفوع مدة عشرة ثواني وبعدها يشتغل الزجاج ويمكن بعد ذلك التحكم به عن طريق المفاتيح التي في باب السائق .
اتمنى ان اكون قد استطعت الشرح

[amar.net]

لكم مني التحيه وبالاخص كل من هناني بالمولود الجديد

الشي الثاني نصيحه مني لكل الخوان اللي يبون شراء موتر برادو لاياخذون غير سته سلندر وان كانت الماده مو متوفره ياخذ سته سلندر اقل مواصفات هذا عن تجربه (معاي برادو 2008 اتوماتيك) تحياتي لكلي مرابطي البرادو

[amar.net]

almoveed وينك مومبين بالرابطه عسي المانع خير

[رابح999]

سجل برادو 2005 Gx2 اربعه سلندر قير عادي اشتريته من وكالة عبداللطيف جميل قبل خمسه سنوات وطوال هذه الفتره لم ارى منه الا كل خير
وبالنسبه الاربعة السلندر فالفزه ضعيفه فقط وبالصحراء ما شاء الله عليه خاصه انه قير عادي وقد ذهبت به الى اصعب الاماكن وخاصه الجبليه الوعره التي لايسلكها الا جيوب تويوتا العشه ولم يخذلني اطلاقا وهو حمار مكده اعزكم الله ويذكرني بسيارات الكرسيدا الشهيره بتحملها وقلة اعطالها ويكفي انه 100% ياباني
موفقين يااعضاء الرابطه

[خ الفياض]

سجل برادو 2005 Gx2 اربعه سلندر قير عادي اشتريته من وكالة عبداللطيف جميل قبل خمسه سنوات وطوال هذه الفتره لم ارى منه الا كل خير
وبالنسبه الاربعة السلندر فالفزه ضعيفه فقط وبالصحراء ما شاء الله عليه خاصه انه قير عادي وقد ذهبت به الى اصعب الاماكن وخاصه الجبليه الوعره التي لايسلكها الا جيوب تويوتا العشه ولم يخذلني اطلاقا وهو حمار مكده اعزكم الله ويذكرني بسيارات الكرسيدا الشهيره بتحملها وقلة اعطالها ويكفي انه 100% ياباني
موفقين يااعضاء الرابطه




حياك وبياك بين اخوانك
صدقت
والبرادو عملي ما شاء الله عليه ويكفيك ان ياباني ميه بالميه
وخاصه ان اللي معك قير عايدي
اصبح العدد 49
ماشاء الله
وننتظر تفاعلا اكثر

ياشباب وين ارخص محل يبيع القطع الاستهلاكيه الاصليه غير الوكاله
واذا احد عنده اسعار بعض القط الضروري يعطينا خبر
بالنسبه لزيت القير وش افضل زيت ومتى يتم تغييره
سيارت قربت على 120 وش الصيانه الضروريه ب نظركم هل سير التيمن ضروري يتغير عند ال120 ولا اصبر الى 150 مثل الفكس ار

انا كنت معتقد انه يتغير عند ال120 لكن تذكرت ان الفكس ار عند ال150 ومدري هل اغير ولا اصبر عليه
احد يفيدنا

[خ الفياض]

نعم اخي الفياض اذا فصلت البطاريه الزجاج يحتاج برمجه وهي سهله تقوم بقفل كل زجاج من مفتاحه الخاص به ( وليس من مفاتيح الزجاج التي عند السائق ) وتجعل الزر مرفوع مدة عشرة ثواني وبعدها يشتغل الزجاج ويمكن بعد ذلك التحكم به عن طريق المفاتيح التي في باب السائق .
اتمنى ان اكون قد استطعت الشرح



اشكرك على هالمعلومه
واضحه جدا يعطيك ربي العافيه

[بدر المحمد]

http://www.4wdaction.com.au/newsletter/2009/prado_promo/pic5.jpg


سوووووووال الله لا يهينكم ..كم قيمت البراااادو 2010 الجديد ؟؟؟؟؟؟؟



بسم الله الرحمن الرحيم
أول شي اخوي
راح اعطيك أسعار عبداللطيف
نبدأ بــ 6 سرندل txl وسعره 137 ألف
بعدين vx1 طبعا 6 سرندل 163 ألف
بعدين vx2 بـ 180 ألف
بعدين vxl بـ 195 ألف
وإن شاء الله الأسعار تكون صحيحة:good2:

[أستاذ محتار]

عندي سؤال ياخوان بالنسبة لصوت محرك البرادو 6 سلندر عندي كأنه عالي وفيه زي التكتكة له علاج ولا طبيعي

[خ الفياض]

عندي سؤال ياخوان بالنسبة لصوت محرك البرادو 6 سلندر عندي كأنه عالي وفيه زي التكتكة له علاج ولا طبيعي



الصوت العالي مدري وش تقصد يعني اعلى من المعدل الطبيعي
ضغط المكينه عالي ولا طبيعي اتوقع انك واهم ان شاء الله طبيعي صوت موترك

اما صوت التكتكه الخفيف طبيعي جداااااا

اتمنى اني افدتك

[طير البر 1]

السلام عليكم ورحمة الله وبركاته

اخوي العميري انا اييد اقتراحك وانا من سكان الرياض . وشكراً

[العميري]

بسم الله الرحمن الرحيم


أشكر كل من أيد الفكرة وأرجو التفاعل من باقي الأعضاء وتم التسجيل حتى الآن في ثلاث مناطق وهي :

1( مجموعة الوسطى )

طير البر 12( مجموعة الغربية )

خ الفياض3( مجموعة الشرقية )

العميري
وين باقي الشباااااااااااااااااااب :mad:

[مزدهر]

سجل عندك برادو 2005 ستة سرندل قير عادي
وأحب مع أول مشاركي لي أن أقدم بعض المعلومات
1 . لايوجد سير تيمن يغير في البرادو
2 . زيت القير الاتوماتيكي لمديلات 2005 وفوق أفضل شي تغيره في الوكالة بدون تغيير فلتر القير لأن الفلتر عبارة عن شبك حديد فقط أما السيارات الأخرى يكون الفلتر من الورق أو الكرتون الكلام هذا لسته سرندل . السعر 280 ريال أو 380 ماني متأكد
كيف تدري إن سيارتك فلتر القير حديد أو ورق ؟؟
الإجابة بسيطة هي إذا كان فيه عيار للقير هذا يكون فلتره ورق وإذا كان لايوجد عيار يكون حديد
السيارة التي تكون بدون عيار تمشي بالزيت 80 ألف إلى 120 ألف حسب الإستخدام
أما السيارات التي فيها عيار تمشي 40 ألف إلي 60 ألف
كذلك حسب الإستخدام
3 . اللي يعانون من مطب أو صلابة البرادو ويبغاه يصير مريح ( vx1 , vx2 ) الحل بسيط هو تغيير المساعدات الخلفية وتركيب مسعدات أف جي
4 . إذا بغيت تغير زيت القير العادي ضع زيت تروس أصلي أس ديلكو أمريكي سعر العلبة الوحدة 35 ريال تقربياً علماً أن القير ياخذ علبتين فقط
5. أشكر من قام بوضع هذه الرابطة وتقبلوا تحياتي

[عشه83]

السلام عليكم يا أخوان ,,ليتكم تجابون على أسئله خ فياض ,,تراها تهم الكثيرين فعلا وين أرخص محل يبيع القطع الاستهلاكيه؟؟ سير التيمن متى يفضل تغييره ؟؟ الزيوت وش تنصحون بالنسبه للمكينه والجير؟؟ وين نلقى تجهيزات البرادو مثل الشنطه اللي تحفظ الاغراض ,,,موفقين...amar.net مبرووووك ماجاك والله ينبته نبات حسن ويجعله من حفظه كتابه وبار بوالديه,,,

[Yahya8]

الاخ classica سعر البرادو 2010 4 سرندل فل تماتيك 113500 بدون عازل ..TXL 4 Cerndal

[عاشق رباعيات]

سجل عندك برادو 2005 ستة سرندل قير عادي
وأحب مع أول مشاركي لي أن أقدم بعض المعلومات
1 . لايوجد سير تيمن يغير في البرادو
2 . زيت القير الاتوماتيكي لمديلات 2005 وفوق أفضل شي تغيره في الوكالة بدون تغيير فلتر القير لأن الفلتر عبارة عن شبك حديد فقط أما السيارات الأخرى يكون الفلتر من الورق أو الكرتون الكلام هذا لسته سرندل . السعر 280 ريال أو 380 ماني متأكد
كيف تدري إن سيارتك فلتر القير حديد أو ورق ؟؟
الإجابة بسيطة هي إذا كان فيه عيار للقير هذا يكون فلتره ورق وإذا كان لايوجد عيار يكون حديد
السيارة التي تكون بدون عيار تمشي بالزيت 80 ألف إلى 120 ألف حسب الإستخدام
أما السيارات التي فيها عيار تمشي 40 ألف إلي 60 ألف
كذلك حسب الإستخدام
3 . اللي يعانون من مطب أو صلابة البرادو ويبغاه يصير مريح ( vx1 , vx2 ) الحل بسيط هو تغيير المساعدات الخلفية وتركيب مسعدات أف جي
4 . إذا بغيت تغير زيت القير العادي ضع زيت تروس أصلي أس ديلكو أمريكي سعر العلبة الوحدة 35 ريال تقربياً علماً أن القير ياخذ علبتين فقط
5. أشكر من قام بوضع هذه الرابطة وتقبلوا تحياتي
مشكور على المعلومات الحلوه هذي , بالنسبة لي أنا غيرت زيت القير وفلتر القير بعد ما كمل 75 الف كيلو وغيرت معها البواجي وفعلا زي ما قلت أن الفلتر كان قطعه معدنيه مستطيله كأنها لوحه سياره وشريته ب160 ريال اصلي وغيرته عند مركز البازعي اللي في صناعيه الدائري عن قولة أني بوفر ومنحاش من غلاء الوكاله ويا أنه صدع بي و بهذلني ذا البازعي فمره ماسك خط إلا ولميه المكينه مولعه والموتر ينتفض وارجع للبازعي واثره ما ركب الكويلات مضبوط ثم عدت على خير واتفاجأ بعد فتره أن بيتي امتلى بقع زيت وما توقعته أنه من البرادو وارجع لهم واثرهم ما ركبو وجه الكارتير مضبوط وصراحه عطاني هالبازعي درس أن مثل هالأشياء الحساسة في السياره ما اتعامل فيها إلا مع وكالة ابو جميل .

[مزدهر]

السلام عليكم يا أخوان ,,ليتكم تجابون على أسئله خ فياض ,,تراها تهم الكثيرين فعلا وين أرخص محل يبيع القطع الاستهلاكيه؟؟ سير التيمن متى يفضل تغييره ؟؟ الزيوت وش تنصحون بالنسبه للمكينه والجير؟؟ وين نلقى تجهيزات البرادو مثل الشنطه اللي تحفظ الاغراض ,,,موفقين...amar.net مبرووووك ماجاك والله ينبته نبات حسن ويجعله من حفظه كتابه وبار بوالديه,,,

1 بالنسبة لقطع الغيار أرى إن محلات النهدي هي أرخص شي
2 لايوجد سير تيمن في البرادو
3 الزيت للمكينة إلترا سفن بترومين مع ملاحظة يوجد زيت فوكس مغشوش بالسوق
4 القير زيت الوكالة أفضل شي بالنسبة للأوتو
5 العادي أس ديلكو 80/90 زيت تروس
6 بالنسبة للشنطة ما فهمت وش تقصد لاكن عندك السنيدي للرحلات و العليان تلقى أي شى تبيه

[أبوخالدالعراك]

بسم الله الرحمن الرحيم



أشكر كل من أيد الفكرة وأرجو التفاعل من باقي الأعضاء وتم التسجيل حتى الآن في ثلاث مناطق وهي :

1( مجموعة الوسطى )

طير البر 12( مجموعة الغربية )

خ الفياض3( مجموعة الشرقية )

العميري

وين باقي الشباااااااااااااااااااب :mad:




طيب واللى بالكويت يتبع الشرقيه والا الشماليه ...؟

[mohamed555]

سجلوني من ضمن قائمة المنطقه الوسطى



حصلت برادو فل اربعه سلندر ميه وثمانية بمعارض اللي على طريق خريص بالرياض

ايش رايكم السعرمناسب

وايشالمقصود بالعازل

[Yahya8]

سجلوني من ضمن قائمة المنطقه الوسطى



حصلت برادو فل اربعه سلندر ميه وثمانية بمعارض اللي على طريق خريص بالرياض

ايش رايكم السعرمناسب

وايشالمقصود بالعازل


أتوقع السعر مناسب جدا إذا كان 2010 ماشي 0 لأنه في الوكالة سعره تقريبا 113500 بدون عازل ....

العازل سعره تقريبا 1600 و أظنه عازل الحراه (تظليلة)..

[العميري]

بسم الله الرحمن الرحيم
أخوي خالد العراك طبعاً إلي من الكويت بيكون من مجموعة دولةالكويت هلا ومرحبا بالكويت وأهلها ما أدري أنت من الكويت عموما ًتم تسجيلك :D ماصدقنا خبر ههههههه .

ممبروك يا أخوي mohamed555 الله يعطيك خيره ويكفيك شره .

1( مجموعة الوسطى )

طير البر1
mohamed5552( مجموعة الغربية )

خ الفياض3( مجموعة الشرقية )

العميري4 ( مجموعة دولة الكويت )

خالد العراك

[أستاذ محتار]

يعطيك العافية اخوي خ الفياض

[q8salem]

1( مجموعة الوسطى )
طير البر1
mohamed5552( مجموعة الغربية )
خ الفياض3( مجموعة الشرقية )
العميري4 ( مجموعة دولة الكويت )
خالد العراك
q8salem وسيتم تغيير الاسم لاحقا بإذن الله


الترتيب حلو

[بدر المحمد]

المنطقة الوسطى
سجل

[العميري]

1( مجموعة الوسطى )

طير البر1
mohamed555
بدر المحمد2( مجموعة الغربية )

خ الفياض3( مجموعة الشرقية )

العميري
hpsami (http://mekshat.com/vb/member.php?u=69571)
4 ( مجموعة دولة الكويت )

خالد العراك
q8salem وسيتم تغيير الاسم لاحقا بإذن الله

[أبوخالدالعراك]

الاخ العميري
الله يستر لا تصير الرابطه عالميه
ويجونك من استراليا والصين وسيبيريا
:):):)
( ملاحظه : ابو خالد وليس خالد )
حفظكم الله جميعا

[الصاارم]

السلام عليكم


مساكم الله بالخير


احييكم على هالرابطه الاكثر من رائعه لموتر اكثر من رائع


ابشركم تم شراء برادو 2010 TX- L 6سلندر ماشاء الله تبارك الله


وتم اخذ معلومات في استفسارات سابقه عن الموتر في هذه الرابطه وبعض الاعضاء ماقصرو في الاجابات


بس حبيت انضم معكم في هالرابطه وان شاء الله نفيد ونستفيد

[ابو حصة]

لمن طلب بعض الأفكار الابداعية للبرادو (الأمير)

هذه بعض الصور وإن شاء الله تعجبكم



صدام مفصل خاص للبرادو من 2003 وفوق



http://www.arb.com.au/resources/features/3421410-28-43-103/3421410_1.jpg
يالغالي الرماية ماعندهم زي هذي الي عندهم حقت الباترول من غير صاجة تحت بحكم ان برطم البرادو كبير بالحيل
اذا فيه ورش زي المميز والمواهب تضبطها انعم بها لان سعرها ظارب فوق في الامارات فوق 5000 درهم بدون ونش
اذا عندكم علم هاتوه

[mazn12]

سجلني في المجموعة

تبوك

[Mkx]

برادو ذهبي 4سلندر قير عاادي gx

[amar.net]

مساكم الله بالخير ودي اركب شاشه ونفقيشن وكاميرا خلفيه هل ساحتاج الي تعديل اوتغيير بعض القطع فيما عدا المسجل طيب بعدين ايش افضل نوعيه يكون فيه راديو عالمي

[1برادو]

سجل عندك
المجموعة الجنوبية

[طير البر 1]

السلام عليكم ورحمة الله

اخوي عاشق رباعيات انا غير زيت القير في ورشه بالصناعية القديمه بالرياض وما شاء الله شغلهم زين ونظيف واجمالي السعر الزيت والفلتر والوجه وشغل اليد بـ 480 ريال وعلى فكره قبل ما يغير الزيت قام بتجربة السيارة وبعد تغير الزيت قام بتجربة السيارة وهذا للتأكيد على شغلهم وسعر الوكاله تقريباً 800 ريال وما تدري ايش يسون بسيارتك .
وبالنسبة للسير الداخلي انا اقصد الجنزير (حديد) داخل الماكينه من الأمام . وشكراً

[خ الفياض]

حيا الله الشباب

ما شاء الله اعضاء جدد
وتفاعل كبير انا ماني قادر اركز جاي من كشته و ورانا دوام الله لايعوق ب شر ف اعذرونا لكن الشكر موصول ل الكل وهنيكم على الحماس ومبروك يا الصارم الله يعطيك من خيره ويكفيك شره ان شاء الله


المهم اللي ما استوعبته

من جد سير التيمن مابه هالبرادو شي غريب طيب الجنزير ما يتغير ومتى

طيب انا موتري قرب على ال120 وش الصيانه اللازمه اوتو طبعا

[أبوخالدالعراك]

السلام عليكم ورحمة الله وبركاته
الحمدلله والصلاة والسلام على رسول الله
وعلى آله وصحبه أجمعين

نصيحه مجرب ...
الكاتالوج المرفق مع السياره به معلومات هامه جدا
منها معلومات الصيانه وانواع الزيوت المناسبه
بالاسم والرقم ودرجة اللزوجه ونوع القطع
بل حتى الاطارات المناسبه وارقامها واحجامها
انصحكم جميعا بقرائته بتمعن
صدقوني بتتفاجؤون
النت مليئ بالمعلومات الكثيره
والكل يدعي ان معلومته صح بل هى الاصح
والعكس صحيح مع الاسف
وياما ناس مشو وراء نصائح النت
( بحسن نية الناصح بلا شك )
وكانت لهذه النصائح نتائج مدمره لمركباتهم


بارك الله فى جهودكم
شـكــ وبارك الله فيكم ـــرا لكم ...
لكم مني أجمل تحية

[العميري]

1-( مجموعةالوسطى )


طير البر1

mohamed555

بدر المحمد

2-( مجموعةالغربية )


خ الفياض

3-( مجموعة الشرقية )


العميري

hpsami (http://mekshat.com/vb/member.php?u=69571)

4-( مجموعة دولة الكويت )


أبوخالد العراك :good2:

q8salem


5-( مجموعة الجنوبية )


1برادو

6-( مجموعة تبوك )


mazn12

[ابووشمي1]

سلام عليكم
انا من الرياض
برادو 2006 vx2
توني شاريه بعد ماقريت ردودكم في ذا الموقع الجميل
فيه المساعدات الخلفيه تهريب بسيط تحتاج تغيير
بس وش تنصحون اي مساعدات
كفرات غيرتها بنفس حقت الوكاله اضمن

[ابووشمي1]

بالنسبه لصوت الهواء مع السرعه عندي لها حل ممتاز
رحت لمحل اعرفه في الصناعيه
وركب لي ليات مكيف صحراوي داخل الربل اللي في الابواب من فوق فقط عشانا مايقسى صكت الباب
طريقة التركيب
شوية شحم او زيت وندخل اللي في الربله من الفتحات الصغيره لحد ما يوصل للحد المطلوب

[الرهيف1]

1-( مجموعةالوسطى )



طير البر1

mohamed555

بدر المحمد

2-( مجموعةالغربية )


خ الفياض

3-( مجموعة الشرقية )


العميري

hpsami (http://mekshat.com/vb/member.php?u=69571)

4-( مجموعة دولة الكويت )


أبوخالد العراك :good2:

q8salem

5-( مجموعة الجنوبية )


1برادو

6-( مجموعة تبوك )


mazn12

أضفني مع المنطقة الوسطى

[الرهيف1]

سجل عندك برادو 2005 ستة سرندل قير عادي
وأحب مع أول مشاركي لي أن أقدم بعض المعلومات
1 . لايوجد سير تيمن يغير في البرادو
2 . زيت القير الاتوماتيكي لمديلات 2005 وفوق أفضل شي تغيره في الوكالة بدون تغيير فلتر القير لأن الفلتر عبارة عن شبك حديد فقط أما السيارات الأخرى يكون الفلتر من الورق أو الكرتون الكلام هذا لسته سرندل . السعر 280 ريال أو 380 ماني متأكد
كيف تدري إن سيارتك فلتر القير حديد أو ورق ؟؟
الإجابة بسيطة هي إذا كان فيه عيار للقير هذا يكون فلتره ورق وإذا كان لايوجد عيار يكون حديد
السيارة التي تكون بدون عيار تمشي بالزيت 80 ألف إلى 120 ألف حسب الإستخدام
أما السيارات التي فيها عيار تمشي 40 ألف إلي 60 ألف
كذلك حسب الإستخدام
3 . اللي يعانون من مطب أو صلابة البرادو ويبغاه يصير مريح ( vx1 , vx2 ) الحل بسيط هو تغيير المساعدات الخلفية وتركيب مسعدات أف جي
4 . إذا بغيت تغير زيت القير العادي ضع زيت تروس أصلي أس ديلكو أمريكي سعر العلبة الوحدة 35 ريال تقربياً علماً أن القير ياخذ علبتين فقط
5. أشكر من قام بوضع هذه الرابطة وتقبلوا تحياتي
الله الله
لله درك كم كان كلامك مزدهرا بالمعومات القيمة والمفيدة جدا
رجاء خاص: لا تحرمنا من وجودك في هذه الرابطة ولا تحرمنا من ها المعلومات حتى وإن كانت عادية بالنسبة لك فقد تكون لغيرك ثمينة
وفقك الباري وزادك من علمه ............ما شاء الله تبارك الله
ولي عودة فيما بعد لسؤالك عن بعض الأشياء

[مزدهر]

سلام عليكم
انا من الرياض
برادو 2006 vx2
توني شاريه بعد ماقريت ردودكم في ذا الموقع الجميل
فيه المساعدات الخلفيه تهريب بسيط تحتاج تغيير
بس وش تنصحون اي مساعدات
كفرات غيرتها بنفس حقت الوكاله اضمن

إذا كان مساعدات موترك عادي مو كهرب وتبغاه يصير مريح شوي شف مساعدات أف جي
سعر الاثنين 170 بعد الخصم أما إذا معا عندك مشكلة بالمطب مساعدات البلد ممتازات

[ابووشمي1]

إذا كان مساعدات موترك عادي مو كهرب وتبغاه يصير مريح شوي شف مساعدات أف جي
سعر الاثنين 170 بعد الخصم أما إذا معا عندك مشكلة بالمطب مساعدات البلد ممتازات
هل مساعدات الاف جي جيده للبر ما ابي الموتر يطامر في البر

[مزدهر]

الله الله
لله درك كم كان كلامك مزدهرا بالمعومات القيمة والمفيدة جدا
رجاء خاص: لا تحرمنا من وجودك في هذه الرابطة ولا تحرمنا من ها المعلومات حتى وإن كانت عادية بالنسبة لك فقد تكون لغيرك ثمينة
وفقك الباري وزادك من علمه ............ما شاء الله تبارك الله
ولي عودة فيما بعد لسؤالك عن بعض الأشياء

ماسوينا شي وأنا أخوك أبشر باللي نقدر عليه
وعندي رأي ورا ما تخلوننا مجموعة وحده أحسن من التشتت
وإذا كنتو ملزمين سجل الوسطى

[مزدهر]

هل مساعدات الاف جي جيده للبر ما ابي الموتر يطامر في البر

مع البر ممتاز لاكن إذا كنت راعي تنسيم بالنفود يطامر شوي
وفيه ملاحظة لمساعدات الإف جي ((يبطنج )) بالنفود يعني لازم تنسيم
لاكن مع الخط راح تدعيلي

[fusfus]

معروض علي سياره تويوتا برادو موديل 2003 Vx فل كامل ماشيه 77000 شبه جديده ارجو من اهل الخبره تقييم السياره ولكم مني الدعاء. تحياتي

[مزدهر]

معروض علي سياره تويوتا برادو موديل 2006 Vx فل كامل ماشيه 77000 شبه جديده ارجو من اهل الخبره تقييم السياره ولكم مني الدعاء. تحياتي
السيارة vx2 ولا vx3 لإن أغلب الناس يقول ل vx2 فل كامل
إذا كان vx2 السعر من 86 إلى 88
أذا كان vx3 السعر من 93 إلى 95
تقربياً

[fusfus]

اسف السياره 2003

[عاشق رباعيات]

السلام عليكم ورحمة الله




اخوي عاشق رباعيات انا غير زيت القير في ورشه بالصناعية القديمه بالرياض وما شاء الله شغلهم زين ونظيف واجمالي السعر الزيت والفلتر والوجه وشغل اليد بـ 480 ريال وعلى فكره قبل ما يغير الزيت قام بتجربة السيارة وبعد تغير الزيت قام بتجربة السيارة وهذا للتأكيد على شغلهم وسعر الوكاله تقريباً 800 ريال وما تدري ايش يسون بسيارتك .
وبالنسبة للسير الداخلي انا اقصد الجنزير (حديد) داخل الماكينه من الأمام . وشكراً
هلا اخوي طير البر 1 , بالنسبه لتجربه السياره فالبازعي يجرب السياره عقب ما يخلص من شغله بس أحيانا ما يبين معك ان فيه مشكله في التهريب او غيره الا بعد فتره مو علطول , وبالنسبه للورشه اللي تقول عنها فياليت لو تكرمت تقول وش اسمها عشان استفيد ويستفيد الاخوان في الرابطه اذا بغوا يسوون صيانه لسياراتهم .

[الرهيف1]

والله فعلا كلام الأخ مزدهر
انا لا أأيد التشتت في المجموعات
ولا ارى له فائدة
وانا لدي اقتراح
وهو تقسيم الرابطة الى اقسام مثلا الصيانة وقطع الغيار وقسم رحلات ولوازمها وقسم للبيع والشراء

[fusfus]

طيب ومساعدتي بتقييم السياره سابقه الذكر مالها طاري ياهل الخير

[مزدهر]

اسف السياره 2003
إذكر لنا مواصفات السيارة الله يخليك علشان نقدر نفيدك
فتحة أو بدون تماتيك ولا عادي
اللون فيه صبع ولا سليم

[fusfus]

معروض علي سياره تويوتا برادو موديل 2003 Vx فل كامل ماشيه 77000 شبه جديده فتحه اتوماتيك اللون ابيض بدون صدوم ارجو من اهل الخبره تقييم السياره ولكم مني الدعاء. تحياتي

[البدراني11]

بالنسبه لصوت الهواء مع السرعه عندي لها حل ممتاز
رحت لمحل اعرفه في الصناعيه
وركب لي ليات مكيف صحراوي داخل الربل اللي في الابواب من فوق فقط عشانا مايقسى صكت الباب
طريقة التركيب
شوية شحم او زيت وندخل اللي في الربله من الفتحات الصغيره لحد ما يوصل للحد المطلوب
عز الله انك ذيب ...صراحة دقه في العمل
بس هل التهريب يطلع في السرعات المنخفظة ؟ عندي على سرعات عالية فقط


مع البر ممتاز لاكن إذا كنت راعي تنسيم بالنفود يطامر شوي
وفيه ملاحظة لمساعدات الإف جي ((يبطنج )) بالنفود يعني لازم تنسيم
لاكن مع الخط راح تدعيلي
يعني في الخط اريح من الاصلية ؟

معروض علي سياره تويوتا برادو موديل 2003 Vx فل كامل ماشيه 77000 شبه جديده ارجو من اهل الخبره تقييم السياره ولكم مني الدعاء. تحياتي

ماعندي علم خاصة انه اخو الجديد -ما شاء الله تبارك الله - وموديل قديم لكن اظن انه من 55- 65 الف والله اعلم

[مزدهر]

معروض علي سياره تويوتا برادو موديل 2003 Vx فل كامل ماشيه 77000 شبه جديده فتحه اتوماتيك اللون ابيض بدون صدوم ارجو من اهل الخبره تقييم السياره ولكم مني الدعاء. تحياتي

السعر من 65 إلى 67 تقربيا

[fusfus]

رحم الله والديكم رحمه واسعه وجزاكم الله خيرا

[العميري]

يا أخوان أنا ذكرت في الرد أدناه أن المقصود من المجموعات هو الأستفادة ومعرفة مناطق أعضاء الرابطة وهذا فقط للعلم والأستفادة مستقبلاً من الأجتماعات ومعرفة الأسعار ومعرفة تواجد بعض التجهيزات للبرادو والمواصفات وغيرها من الأمور التي قد يحتاج إليها أعضاء الرابطة مثلاً مجموعة دولة الكويت نستفيد من الأخوان أسعار البرادو وقطع الغيارالخ... .
وهذا لا يعني تشتيت الرابطة نحن مجموعة واحدة وهذا مجرد للمعرفة وكما ذكرت أنفاً ، وهذا أقتراح فقط والأمر لله ثم للأعضاء الرابطة وتقبلوا فائق تقديري واحترامي ،،،،،،،،






بسم الله الرحمن الرحيم





السلام عليكم ورحمة الله وبركاته

ماشاء الله تبارك الله الأعضاء في ازدياد اللهم زد وبارك .
يا أخوان ودنا يكون هناك ترتيب للرابطة حتى يتم التعارف والأستفادة .

هذا اقتراح ولا يهنون الأخوان أولا تحديد رئيس الرابطة ما أدري إذا كان فيه أفيدونا . وتقسيم الأعضاء إلى مجموعات مثلاً:
المجموعة الأولى مجموعة الرياض :
1
2

المجموعة الثانية مجموعة الدمام :
1
2

وهكذا... وكل مجموعة تتعرف وتستفيد من أعضائها ، وإذا احتاج عضو مجموعة الرياض من منطقة الدمام شيئ أو فزعة :mad: مجموعة الدمام ما تقصر ويكون التعارف والأستفادة من مناطق المجموعة وهذا من غير استضافة الرابطة في مناطق المجموعة ويكون لكل مجموعة مسؤول يرجعون لرئيس الرابطة من ترتيب الأجتماعات وطلعات البر وغيره .
وهذا مجرد اقتراح بسيط من غير ترتيب .


وتقبلوا تحياتي ودمتم بخير،،،

[ابووشمي1]

[quote=البدراني11;3875927]عز الله انك ذيب ...صراحة دقه في العمل
بس هل التهريب يطلع في السرعات المنخفظة ؟ عندي على سرعات عالية فقط


كانا الصوت يطلع عندي بعد 190
امزح معك الصوت كان بعد 140 من باب الراكب اذا فيه شوي هواء والحمد لله الان الصوت راح
واذا تبي الورشه اللي تسويها بالقرب من اليرموك فيه بوفيه بعد اليرموك باتجاه الجنوب هو اللي جنبها اسمه مبارك
مع العلم اقصى سرعه وصلت بالسياره كانت 155 فقط

[خ الفياض]

معروض علي سياره تويوتا برادو موديل 2003 Vx فل كامل ماشيه 77000 شبه جديده ارجو من اهل الخبره تقييم السياره ولكم مني الدعاء. تحياتي



60000
تزيد او تنقص قليلا

[خ الفياض]

هذي صورة المبروك

ماشاء الله

طبعا الصوره احترافيه

http://www.mekshat.com/vb/../pix/upload03/images143/mk47325__mg_035555555555555.jpg


التوقيع كيف يكون رابطه شغال

[amar.net]

وش رايكم لو نعمل ترشيحات لافضل زميل يكون مشرف الرابطة ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
مجرد اقتراح.............. وانا ضد فكرة المجموعات حتي لا يحصل انحصار للافكار

[ابو حصة]

نصيحة مجرب تعبت من مساعدات شد البلد والوكالة كل فترة تفقع وينزل الموتر لاني راعي طربقة
خربتها وطقيت المساعدات الاسترالية مع اليايات بعد وكنت وقتها متروع منها ولكن بعد ماحطيتها ارتحت معها وخاصة اني راعي سفرات وتحميل عفوش
واللهم لك الحمد لها فوق سنتين وماعليها خلاف وفيها ميزة انها ترفع السيارة من 1 الى 3 سم

[ابو حصة]

نصيحة مجرب تعبت من مساعدات شد البلد والوكالة كل فترة تفقع وينزل الموتر الاني راعي طربقة
خربتها وطقيت المساعدات الاسترالية مع اليايات بعد وكنت وقتها متروع منها ولكن بعد ماحطيتها ارتحت معها وخاصة اني راعي سفرات وتحميل عفوش
واللهم لك الحمد لها فوق سنتين وماعليها خلاف وفيها ميزة انها ترفع السيارة من 1 الى 3 سم

[ابو حصة]

نصيحة مجرب تعبت من مساعدات شد البلد والوكالة كل فترة تفقع وينزل الموتر الاني راعي طربقة
خربتها وطقيت المساعدات الاسترالية مع اليايات بعد وكنت وقتها متروع منها ولكن بعد ماحطيتها ارتحت معها وخاصة اني راعي سفرات وتحميل عفوش
واللهم لك الحمد لها فوق سنتين وماعليها خلاف وفيها ميزة انها ترفع السيارة من 1 الى 3 سم

[خ الفياض]

مشكله وجدتها ب منتدى اخر هل من حل
الرجال ب مدينة الرياض
اللي عنده الحل او مر ب المشكله وهي ميكانيكه بحته او يعرف ورشه متخصصه ب هالمشاكل لايبخل عليه وانا بأذن الله اوصل له الحل
المشكله كما كتبها راعيها كان الله ب عونه
اخواني ولا عليكم امر انا شاري برادو 2008 على وقته جديد vx2 ومن شريته وفيه مشكله ومسببه لي ازعاج وهي اذا ذا وصلت سرعة 100 وثبت عليها يطلع صوت ونه في الخلف وتختفي بعد ماازود السرعه واذا مشيت 120 وما فوق يطلع صوت ونه قدام مادري من الدفرنسات ولا من القير ارجو الافاده ولا عليك امر طبعا رحت لعبد اللطيف الحرامي وقالي السياره مافيها اي شي طبعا يصرفني الله يخليكم ابغى الافاده وهل هذا الشي عادي في البرادو


انا اتوقع انها رمان لكن داخلي او خارجي مدري

[1برادو]

السلام عليكم ورحمة الله وبركاته
انا عملت صيانة لسيارتي <برادو خليجيvx1-2005> وحبيت اطلعكم على اسعار الصيانة في وكالة عبدالطيف جميل.
طبعا توي مشتري السيارة قبل شهرين تقريبا وكانت الصيانة كا التالي:
ا-فحص شامل على السيارة.
2-تغيير زيت القير مع الفلتر<القير تماتيك>.
3-تغيير زيت الدبل+ الدفرنس.
4-تغيير البواجي.
5-تغيير جلد العكس اليمين مع اصلاح العكس.
6- شد الجلنط كان مرتخي شوي.
7- تغيير المساعدات الاربعة امامي وخلفي .
8-تغيير صوفة المكينة.
9-اصلاح سوتش القير كان خربان شوي.
مجموع المبلغ بعد الخصم قطع وتركيب وتغيير زيوت 4100 ريال في الوكالة.
-تغيير سير المكينة الخارجي مع رمان بكرتين من البكرات.في ورشة غير الوكالةمع التركيب 360 ريال.<السير260ريال +الرمان40 ريال+تركيب 60 ريال>
-تغيير فحمات الفرامل الامامية والخلفية.خارج الوكالة
قيمة الفحمات الامامية200ريال والفحمات الخلفية 100ريال وتركيبها 80 ريال.
المجموع الأجمالي للصيانة السابقة:4100 +360+380=4840 ريال
بالنسبة لاسعار القطع في الوكالة مسجلة عندي في الفاتورة قبل الخصم وعملي خصم على الاجمالي في الفاتورة النهائية لذلك ما كتبت اسعار القطع .
حبيت انقل لكم تجربتي للفائدة ولكم جزيل الشكر.

[هام]

السلام عليكم
انا معكم عضو جديد واردت استشارتكم عن برادو vx1 2009
الموتر جديد وماشي 45الف كم يسوى ؟
وشكرا

[هام]

اللون ابيض

[خ الفياض]

السلام عليكم
انا معكم عضو جديد واردت استشارتكم عن برادو vx1 2009
الموتر جديد وماشي 45الف كم يسوى ؟
وشكرا


حياك ربي وان شاء الله تفيد و تستفيد
اتوقع تسوى
105 الى 110
وسلامتك

[ابووشمي1]

السلام عليكم
عندي زي الطقه بعد ما اوقف السياره واترك الفرامل ابي اتحرك احس بزي النتعه خفيفه.من ايش

[q8salem]

السلام عليكم
عندي زي الطقه بعد ما اوقف السياره واترك الفرامل ابي اتحرك احس بزي النتعه خفيفه.من ايش


السلام عليكم

غالبا هذه تكون من نظام ABS لما يفك الربط وتحصل معي

والله أعلم

وأعتقد ممكن يفيدونا الاخوان أكثر عنها

[خ الفياض]

السلام عليكم
عندي زي الطقه بعد ما اوقف السياره واترك الفرامل ابي اتحرك احس بزي النتعه خفيفه.من ايش



اتوقع من زيت القير قديم
غير الزيت مع الفلتر وان شاء الله بسيطه

[هام]

السلام عليكم
واشكر الأخ (خ الفياض) على الرد والله يكتب اللي فيه الخير ان شاءالله

[البدراني11]

وانا لدي اقتراح
وهو تقسيم الرابطة الى اقسام مثلا الصيانة وقطع الغيار وقسم رحلات ولوازمها وقسم للبيع والشراء

اقتراح ممتاز وهو نفس اللي في بالي من يوم فتحت الرابطة

تخيلو يا اخوان لو بعد كم شهر او سنة ....كم بيصير في الموضوع من رد وكيف تبحث عن الفوائد الموجودة وقد تكون مكررة .... الخ
لذلك اقول كيف نحقق تقسيم الرابطة الى الاقسام المشار اليها اعلاه ...في رايي كالتالي :


1- نضع قوالب متفق عليها مثل (مساعدات)(اسعار)(ورش صيانة)(كفرات)
2- عند كتابة اي اجابة او سؤال ..تكون بداية الرد بالقالب المخصص كما هو مكتوب .
3- يلتزم الجميع بكتابة القالب كما هو لفظ ومعنى وكتابة .
4- النتيجة عند القيام بعملية البحث في الموضوع يمكنك من كتابة القالب بنفس الصيغة وتخرج لك الردود الخاص بالقالب المراد فقط .


هذا ما لدي وان كان من احد من الرابطة عنده معلومات حاسوبية اكثر يفيدنا عن هذا وتطويره او ما ترونه مناسب

[طير البر 1]

السلام عليكم ورحمة الله وبركاته

اخوي 1برادو مبروك السياره الله يعطيك من خيرها ويكفيك شرها اللهم آمين

والصيانه جيده ( ولكن عندي ملاحظه السعر غالي جدا ) .

ونرحب بالأعضاء الجدد

[طير البر 1]

السلام عليكم
عندي زي الطقه بعد ما اوقف السياره واترك الفرامل ابي اتحرك احس بزي النتعه خفيفه.من ايش

نفس الشي موجده عندي واعتقد انه عادي 2006م vx3

[الرهيف1]

نفس الشي موجده عندي واعتقد انه عادي 2006م vx3

وانا عندي ايضا وخصوصا حينما امسك فرامل بقوة نوعا ما والى ان اقف بدعسة واحدة على الفرامل فلما اهدي من مسكة الفرامل تحس بنتعة خفيفة وكأن الرفرامل على درجتين واحس انها طبيعية جدا وكذلك احس انها تدل على جودة في تقنية فرامل البرادو،،،،،والله اعلم

[الصاارم]

السلام عليكم

مساكم الله بالخير

حبيت اسنفسر عن كتابه تطلع بالطبلون وهي ECO

هل فيه احد عنده خلفيه عنها

والموتر برادو 2010 TXL

الله لايهينكم

[1برادو]

السلام عليكم ورحمة الله وبركاته


اخوي 1برادو مبروك السياره الله يعطيك من خيرها ويكفيك شرها اللهم آمين

والصيانه جيده ( ولكن عندي ملاحظه السعر غالي جدا ) .

ونرحب بالأعضاء الجدد
وعليكم السلام ورحمة الله وبركاته
الله يبارك فيك وطول عمرك.
بالنسبة للسعر اكيد بيكون غالي لأن اسعار الوكالة غالية بالذات شغل اليد.
وعلشان الوكالة تعطيك ضمان على الصيانة 6 شهور.

[طير البر 1]

السلام عليكم



مساكم الله بالخير


حبيت اسنفسر عن كتابه تطلع بالطبلون وهي ECO


هل فيه احد عنده خلفيه عنها


والموتر برادو 2010 TXL



الله لايهينكم

اخوي الصارم ارجع للكتلوج اكيد بتلقى تفسير لها لأن السيارة جديدة (ما شاء الله تبارك الله) أو للوكالة وحلل الضمان . وشكراً

[راعي سمنان]

اخي انا طلعت لي عباره ECO ولا ادري ماهي ولكن لم ارجع للكتلوج بعد ولكن عند التغيير بزر عداد المسافه يجيك ECO OF

ان شاء الله لي عوده للموضوع

[خ الفياض]

السلام عليكم
مساكم الله بالخيرات
مكينة البرادو الجديد V6 4000 سي سي لها قدرة تبلغ 271 حصان ولكن لاحظ انها عند 5600 دورة على المقياس الأوروبي EEC وهو محصلة القدرة الناتجة على عمود الكردان (Engine Shaft). بدون حساب فقد او ضياع جزء من هذه الطاقة في القير ومن بعده الدفرنشات (الأمامي والخلفي).

أما مكينة السته سلندر القديم من قبل 2010 V6 4000 سي سي لها 240 حصان عند 5200 دورة على المقياس الأمريكي SAE. فبحساب رايشيو القير إلى الدفرنش (المسننات) ومقدار خسارة او فقدان الطاقة في كل من القير والدبل والدفرنشات تكون النتيجة العامة لمحصلة الطاقة النازلة على الكفر تقريبا متساوية مع البرادو الجديد
يعني ان الجهد الذي تبذله المكينه الجديده حتى تصل الى 271 اعلى ب كثير من الجهد ل المكينه القديمه حتى تصل ل240
5600 دوره بالنسبه للجديده توصل 271 حصان
5200 دوره بالنسبه للقديمه توصل 240 حصان
ولو الشركات عندها شوي ذمة كان اعطت قوة المكينة بإستخدام مقياس القوة النازلة على الكفر (Effective horsepower (EHP).

كلام جميل اعجبني احببت ان انقله لكم
ب اختصار شديد البرادو القديم والجديد نفس القوه تقريبا

وسلامتكم

[amar.net]

السلام عليكم
عندي زي الطقه بعد ما اوقف السياره واترك الفرامل ابي اتحرك احس بزي النتعه خفيفه.من ايش
هذا الصوت طبيعي موجود في كل البرادو ولك التحيه

[amar.net]

مساكم الله بالخير ودي اركب شاشه ونفقيشن وكاميرا خلفيه هل ساحتاج الي تعديل اوتغيير بعض القطع فيما عدا المسجل طيب بعدين ايش افضل نوعيه يكون فيه راديو عالمي

سامحوني علي تكرار الطلب لكن الموضوع مهم بالنسبه لي

[1برادو]

استفسار
السلام عليكم ورحمة الله وبركاته
عندي صوت طقطقة مع رجة بسيطة في الدركسون اذا طلعت على الجلد اوعلى المطبات الصغيرة.
اللي عنده خبرة لا يبخل علينا والله اني محتار ما ادري ايش المشكلة.

[الصاارم]

1برادو (http://www.mekshat.com/vb/member.php?u=152019)

راعي سمنان (http://www.mekshat.com/vb/member.php?u=1788)

خ الفياض (http://www.mekshat.com/vb/member.php?u=47325)

بيض الله وجيهكم ماقصرتو

[سلطان الأحساء]

السلام عليكم وجمعه مباركه ا اخوان

انا عندي برادو 2007 vx2 اللون لؤلؤي

وناوي اغير الكفرات اليوم ماشيه حوالي 70الف

ومحتار وش اختار ؟؟

ردو علي عاجل

[بدر المحمد]

السلام عليكم



مساكم الله بالخير


حبيت اسنفسر عن كتابه تطلع بالطبلون وهي ECO


هل فيه احد عنده خلفيه عنها


والموتر برادو 2010 TXL



الله لايهينكم





يا الله حيه
يا خوي أنا عندي نفس السيارة وتطلعلي نفس اللى عندك وبحث عنه بالكتالوج
وتقل فهت إنه إذا راحت الكله معناه إنك تصرف بنزين دون فايده
والله العالم وأتمنا اني افتك :good2:

[خ الفياض]

السلام عليكم وجمعه مباركه ا اخوان

انا عندي برادو 2007 vx2 اللون لؤلؤي

وناوي اغير الكفرات اليوم ماشيه حوالي 70الف

ومحتار وش اختار ؟؟

ردو علي عاجل


الافضل ميشلان ثم دنلوب
واختار نفس المقاس بالضبط

[سلطان الأحساء]

واحد نصحني بالبيرلي

[1برادو]

السلام عليكم وجمعه مباركه ا اخوان

انا عندي برادو 2007 vx2 اللون لؤلؤي

وناوي اغير الكفرات اليوم ماشيه حوالي 70الف

ومحتار وش اختار ؟؟

ردو علي عاجلوعليكم السلام ورحمة الله وبركاته
مبروك السيارة والله يعطيك خيرها ويكفيك شرها.
اما الكفرات عندك عدة خيارات حسب الدراهم والاستخدام :
1- ميشلان
2- بيرللي
3- يوكوهاما
4- بيرجيستون
5- دنلوب
6- ميكسيس

[1برادو]

استفسار :



1-سيارتي برادو vx1خليجي الساير عندي لمبة المكينة التشيك تولع فجأة بدون اسباب لمدة معينة ساعات وبالكثير يوم وتنطفي لحالها كم يوم والمشكلة مستمرة.
لا ادري ممكن مبرجه ولا بواجي
2-قطع الغيار الخليجي تختلف عن السعودي مثل المساعدات الاربعة وسير المكينة الخارجي لأني غيرتها وتفاجأت يوم عرفت انها تختلف.
لا اعتقد ممكن السير على شان الثلاجه


اللي يقدر يفيدنا لا يبخل علينا ونأسف على الإطالة ولكم جزيل الشكر
يعطيك العافية اخوي خ الفياض كلامك صحيح 100%
اللمبة سويت لها برمجة وانحلت المشكلة و السير طلع مختلف علشان الثلاجةونفس السيرالسعودي بدون ثلاجة والمساعدات نفس المساعدات السعودية مافيه فرق ابد.
بس المشكلة طلعة من الوكالة انا رحت وتأكدت منهم.
اشكرك على مرورك واهتمامك ولك خالص تحياتي.

[الصاارم]

يا الله حيه

يا خوي أنا عندي نفس السيارة وتطلعلي نفس اللى عندك وبحث عنه بالكتالوج
وتقل فهت إنه إذا راحت الكله معناه إنك تصرف بنزين دون فايده
والله العالم وأتمنا اني افتك :good2:



الله يحييك اخ بدر المحمد

انا بحثت بالكتالوج بحث سريع ومالقيته

قلت اذا رحت للوكاله اسألهم لأني خلال هاليومين ابروح ان

شاء الله

لكن لقيت بشاشة الطبلون اذا ضغطت على العدادت تطلع لك

من ضمن القائمه وفيها (on و off) انا اخترت

(off) لين اعرف وش سالفته

[خ الفياض]

يعطيك العافية اخوي خ الفياض كلامك صحيح 100%
اللمبة سويت لها برمجة وانحلت المشكلة و السير طلع مختلف علشان الثلاجةونفس السيرالسعودي بدون ثلاجة والمساعدات نفس المساعدات السعودية مافيه فرق ابد.
بس المشكلة طلعة من الوكالة انا رحت وتأكدت منهم.
اشكرك على مرورك واهتمامك ولك خالص تحياتي.


حياك اخوي واحنا ب الخدمه
وليتنا نوفي مع الرجال شرواك
وعساك على القوه

[برق المحمل]

بسم الله الرحمن الرحيم


السلام عليكم ورحمة الله وبركاته

ماشاء الله تبارك الله الأعضاء في ازدياد اللهم زد وبارك .
يا أخوان ودنا يكون هناك ترتيب للرابطة حتى يتم التعارف والأستفادة .

هذا اقتراح ولا يهنون الأخوان أولا تحديد رئيس الرابطة ما أدري إذا كان فيه أفيدونا . وتقسيم الأعضاء إلى مجموعات مثلاً:
المجموعة الأولى مجموعة الرياض :
1 s2005
2

المجموعة الثانية مجموعة الدمام :
1
2

وهكذا... وكل مجموعة تتعرف وتستفيد من أعضائها ، وإذا احتاج عضو مجموعة الرياض من منطقة الدمام شيئ أو فزعة :mad: مجموعة الدمام ما تقصر ويكون التعارف والأستفادة من مناطق المجموعة وهذا من غير استضافة الرابطة في مناطق المجموعة ويكون لكل مجموعة مسؤول يرجعون لرئيس الرابطة من ترتيب الأجتماعات وطلعات البر وغيره .
وهذا مجرد اقتراح بسيط من غير ترتيب .


وتقبلوا تحياتي ودمتم بخير،،،



s2005 فى مجموعة الرياض

[المهاجر333]

السلام عليكم
كيفكم إن شاالله بصحة وعافية
أبكون ظيف جديد عليكم إن شاالله وأنا من أشد معجبين بالبرادو
ولكن في كم سؤال لأربعة سرندل
أولا مالفرق بين gx1 و gx2 ؟
وش أفضل بنزين 91 أو 95
وضروري أغير زيت القير علماً بأني ماسمعت يغير زيت القير أبداً
وماهي الأشياء التي يتغير من قطع الغيار من كل فترة وفترة
وهل عملي البرادو من كل شي
يعطيكم العافية جميعاً
وآسف على كثرة الأسئلة

[خ الفياض]

السلام عليكم
كيفكم إن شاالله بصحة وعافية
أبكون ظيف جديد عليكم إن شاالله وأنا من أشد معجبين بالبرادو
ولكن في كم سؤال لأربعة سرندل
أولا مالفرق بين gx1 و gx2 ؟
وش أفضل بنزين 91 أو 95
وضروري أغير زيت القير علماً بأني ماسمعت يغير زيت القير أبداً
وماهي الأشياء التي يتغير من قطع الغيار من كل فترة وفترة
وهل عملي البرادو من كل شي
يعطيكم العافية جميعاً
وآسف على كثرة الأسئلة



وعليكم السلام ورحمةالله وبركاته
حياك اخوي بين اخوانك
الفرق ما ادري بصراحه
البنزبن كله ماشي
اما القير اذا تماتيك غيره اذا عادي لا والتماتيك يتغير عند 120 الف كيلو
الاشياء الاستهلاكيه هي اللي تتغير عند الصيانه الدوريه مثل الباواجي والفلاتر
ومره اخرى نورت الحته يا باشا

[المهاجر333]

اخوي خ الفياض جزاك الله خير
سؤال الله لايهينك
بطارية البرادو 4 سلندر
70 إمبير ولا80 إمبير
أرجوا الإفادة
وشكراً ياريس

[enzo_q8]

صبحكم الله بالخير جميعا يامعشر البرادوو :D

الله يعطيكم خير مواتركم ويكفيكم شرها ان شاءالله

سجلوني معاكم

برادو ربع vx 2008

6سلندر كامل المواصفات كشنات جلد مع تدفئه فتحه

اضافات

شاشه كينوود مع كاميره خلفيه ونظام جارمن للملاحه

معاونات اود مان الاستراليه ارتفاع 3 انش

صدام امامي ماركه ARB مع ونش 3 طن

كمبريسور هواء ماركه ARB مثبت داخل الكبوت

رنقات ماركه XD الامريكيه مقاس 17 عرض 9

تواير ماركه BFgoodrich 275/57/17

العيب الوحيد بالسياره

انها خزان واحد بس :(

اذكرو الله جزاكم الله خير

http://img714.imageshack.us/img714/6655/86374342.jpg

[المهاجر333]

ماشالله
الله يعطيك خيرها ويكفيك شرها

[التنهات3]

:l صراحة فكرة حلوة جدا ونتمنى نستفيد من بعض وأن معي برادو خليجي ذهبي فل كامل:lr

[بدر المحمد]

ماشاء الله
وش السيارة ياenzo_q8
الله يطعمك من خيره ويكفيك شره
وحياك الله معنا


قهووه يااشبااب

[fusfus]

[quote=بدر المحمد;3890122]
يا الله حيه



يا خوي أنا عندي نفس السيارة وتطلعلي نفس اللى عندك وبحث عنه بالكتالوج
وتقل فهت إنه إذا راحت الكله معناه إنك تصرف بنزين دون فايده
والله العالم وأتمنا اني افتك :good2:

اخي بدر بالنسبه للكلمه اللي تطلع عندك وهي ECO هي اختصار لكلمه ECONOMY وتعني اقتصاد وحسب علمي ان السياره وانت ماشي فيها تحولت الى الإقتصاد ويقصد به البنزين وهذه ميزه كانت ما تجي الإ بالسيارات الفخمه من اول والأن حطوها ميزه بكثير من السيارات لتوفير البنزين خاصه وانت ماشي مسافه طويله كسفر وغيره ارجو انني افدتك تحياتي

[خ الفياض]

ماشاء الله تبارك الله
حياكم الله ياشباب
اخوي راعي الوحش الربع عطاك الله من خيره وكفاك شره شي يطررررررررررب ماشاء الله عليك اضافات حلوه ورائعه


باشباب
زيت القير مع تغييره كم يكلف لان الشركه غاليه
اللي يخبر لي ورشه مضبوطه واهم شي عندي الشغل العدل والسعر الممتاز والوقت السريع مو مشكله انا جاي الرياض هذا الاسبوع تكفون ياشباب ودي احد يرد لي خبر بدري قبل الثلاثاء
الثلاجه احد قدر يفصلها عن المكيف يعني احد حصل احد يفصلها وتصير تشتغل لوحدها

انا بنتظار اجابتكم عاجلا
وسلامتكم

[بدر المحمد]

لا تقول يا fusfus كثير من السيارات
قل بس ببرادو
ههههههههه
مغرور
الله يعطيك العافية على المعلومة

[q8salem]

ما شاء الله يا enzo_q8 والله يبارك لك على الموتر الطيب

بخصوص الخزان الواحد هذه ممكن تسوي خزان إضافي بإلغاء التاير السبير وتحطه فوق أو على الباب الخلفي. أو إنك تتصل علي كل ما احتجت بنزين تراني حاضر وانا اخوك ...



وعدني سؤال عن صدامات (دعاميات ARB) مع الونش من وين ركبتهم وكم تكلفتهم؟؟



بارك الله فيكم



فيني طلعة كشته ومادري وين اروح وعندي اجازة :(

:f

[ابو حصة]

صدام امامي ماركه ARB مع ونش 3 طن

يالحبيب ابحث عن هذا وبدون ونش وكم سعر عندكم بالكويت فضلاً لا امراً

http://img714.imageshack.us/img714/6655/86374342.jpg
وبارك الله فيك

[الناقد1]

السلام عليكم



يا أخوان أن عندي بليزر موديل 2005 سعودي ماشي 150 ألف 6 سلندر دبل طبعاً أنا مشتريه قبل فتره من أحد أصدقائي هو اللي فاكه من الوكاله أصفار وارغب ببيعه لظروف العمل خارج المملكة ؟؟ اللون فضي

[amar.net]

السلام عليكم



يا أخوان أن عندي بليزر موديل 2005 سعودي ماشي 150 ألف 6 سلندر دبل طبعاً أنا مشتريه قبل فتره من أحد أصدقائي هو اللي فاكه من الوكاله أصفار وارغب ببيعه لظروف العمل خارج المملكة ؟؟ اللون فضي




يالطيب هذي رابطة البرادو مش البليزر تقبل مروري

[خ الفياض]

مشكله وحل

الكشافات اللي بالصدام تطلع صوت طقطقه خفيف جدااااااا مع المطبات والمطناج

الحل ضع كميه من السلكون بين الكشاف والصدام من الجهه السفليه واضغطه خفيف ولصق عليه شطرطون ل مده يوم واحد بعدها راح ينتهي الصوت ل انك عبيت الفراغ اللي بينه وبين الصدام ب السلكون

صوت طقطقه خفيف في الفيابر اللي على الباب والحل ضع سلكون من اسفل بينها وبين الباب بدون ماتفك الفيبر حتى لا تنكسر الكلبسات حقت الفيبر نفسه واضغط عليها ولصق شطرطون ل مده يوم واحد وبكذا انحلت المشكله لانك عبيت الفراغ بالسلكون والفراغ بسبب ضعف الكلبس من كثر فك وصك الباب
عموما احيانا لازم تفك وتغير الكلبس وعلامة ذلك ان الفيبر متوسع وطالع برا حبتين ويكون واضح جدا عندها ماينفعك السلكون والكلبس مو موجود الا بالوكاله وانواع وواشكال ممكن ل للفيبابر بس اكثر من 4 انواع فالحذر عند الطلب
ياشباب ممكن احصل صور ل برادو به دعاميه اماميه مثل حقت ورشة المواهب اللي مع العده لاني ادرس فكرة تركيبها

وياشباب انا مازلت انتظر الاجابه منكم ل الاسئله السابقه بالرد اعلاه

[طير البر 1]

السلام عليكم ورحمة الله وبركاته

اخوي خ الفياض بالنسبه للورشه في الصناعية القديمة بالرياض وانا غيرت الزيت عندهم وشغلهم نظيف وتقريب شغلهم 150 ريال و قطع الغيار 320 ريال تقريباً القطع فلتر + وجه + زيت وفيه نوعين من الزيت احرص على الزيت الزين وسعره 65-70 تقريباً والجالون 4 لتر يعني اشتر عدد 2 جالون لأنه ياخذ تقريباً 6 لتر هذا لـ 6 سلندر وعلى فكره اللون الخارجي لعلبة الزيت رصاصي ومحل القطع بالشارع العام بالصناعيه بعد محل السالم للزجاج بأتجاه الشمال (وكالة الرشيد موزع معتمد) واسم الورشه مركز العضيب وهذا رقم التلفون 4465940 خاصه بصيانة لاند كروزر وعندهم فني فلبيني قصر القامه (محترف) وانتبه بتشوف مراكز كثيره بأسم العضيب انتبه منهم وافضل تروح الصباح من بدري وتخلص بدري وتحتاج من الوقت للتغير الزيت حوالي ساعه . وأتمنى يكون الشرح وافي . وشكراً :good2:

[enzo_q8]

المهاجر333
الله يسلمك ويخليك ان شاءالله

بدر المحمد

لزوم الوناسه والمغامره بالبر D:

الله يسلمك ويخليك ويحييك

خ الفياض

الله يسلمك ويخليك ان شاءالله من ذوقك والله اخوي

بالنسبه حق زيت الفير انا الوكاله قالولي مايتغير ؟ مايحتاج تغيير ؟

q8salem

حبيب والله وماتقصر

شوف هذا موقعهم وفيه ارقامهم

http://www.naseralsayergroup.com/parts.htm

ومكانهم بالري جنب وكاله اودي ولامبورجيني شركه ناصر

ابو حصه

الله يسلمك في كم حبه بالوكاله للحين مانباعو في منهم 4 سلندر وفي 6 واسعارهم من تقريبا 9000 دينار وانت نازل هالسعر الي معروض بس لما تروح اكيد بتلقى خصم

وفي مستعمل تقدر تشوفهم بهالموقع

http://www.q8car.com/newsite/cars/arabic/main.asp?brand=%CA%E6%ED%E6%CA%C7&model=%C8%D1%C7%CF%E6&Year=&Price=&Tran_Type=&WebPage=CarsList

مشكورين وماقصرتو على الردود الطيبه

[البدراني11]

شكل الرابطة ما ودها تتنظم
:eek: :eek: :eek:

[أبوبسام1]

السلام عليكم شباب .. أتمنى الانضمام في الرابطة ويسعدني ذلك جدا ...

عندي سؤااال عااااجل :

أنا معي برادو تانكيين .. وودي أرفعة من ورا وقدام لأنه نازل شوي (شد بلده) ..

سؤالي : وش رايكم باليايات الاسترالية ..هل هي مجربة ومضبوطة بكل النواحي؟

وهل تأثر سلبيا على الموتر بشكل عام , وخاصة بعد مرور وقت من تركيبها؟

وكم ترفع من سم من الخلف؟

وإذا حطيت يايات الاسترالية في الخلف .. اللي في الامام هل أرفعه بكعكات ؟ وكم (سم) للكعكات لكي أرفعه في الامام؟


وهل اليايات الاسترالية لها أنواع وأحجام؟

أرجو إفاااادتي لمن جرب ذلك عااااااااااااجلا ... ولكم جزيل الشكر .

[خ الفياض]

شكل الرابطة ما ودها تتنظم
:eek: :eek: :eek:





:good2:واحد يتبرع ويقول انا المدير العام ويحدد اللجان :good2:

[خ الفياض]

السلام عليكم ورحمة الله وبركاته

اخوي خ الفياض بالنسبه للورشه في الصناعية القديمة بالرياض وانا غيرت الزيت عندهم وشغلهم نظيف وتقريب شغلهم 150 ريال و قطع الغيار 320 ريال تقريباً القطع فلتر + وجه + زيت وفيه نوعين من الزيت احرص على الزيت الزين وسعره 65-70 تقريباً والجالون 4 لتر يعني اشتر عدد 2 جالون لأنه ياخذ تقريباً 6 لتر هذا لـ 6 سلندر وعلى فكره اللون الخارجي لعلبة الزيت رصاصي ومحل القطع بالشارع العام بالصناعيه بعد محل السالم للزجاج بأتجاه الشمال (وكالة الرشيد موزع معتمد) واسم الورشه مركز العضيب وهذا رقم التلفون 4465940 خاصه بصيانة لاند كروزر وعندهم فني فلبيني قصر القامه (محترف) وانتبه بتشوف مراكز كثيره بأسم العضيب انتبه منهم وافضل تروح الصباح من بدري وتخلص بدري وتحتاج من الوقت للتغير الزيت حوالي ساعه . وأتمنى يكون الشرح وافي . وشكراً :good2:


جزاك الله خيرا والظاهر انه ماعندي وقت اسويها لكن ب احاول ان شاء الله
وربي لايحرمك الاجر اخوي
بس القير يأخذ جالون واحد والاصلي قيمته 93 والفلتر ب200 وحاجه ماني متأكد
مره اخرى ربي يعطيك العافيه

[بدايعية]

موووووفقين

[amar.net]

:good2:واحد يتبرع ويقول انا المدير العام ويحدد اللجان :good2:




بالنسبه لي انا ارشحك اخوي ابومعاذ لما لمسناه منك من دماثة الاخلاق والتفاعل الايجابي مع كل الاعضاء........ واللي معي في الراي يؤكد الترشيح............ابوعمرو

[خ الفياض]

بالنسبه لي انا ارشحك اخوي ابومعاذ لما لمسناه منك من دماثة الاخلاق والتفاعل الايجابي مع كل الاعضاء........ واللي معي في الراي يؤكد الترشيح............ابوعمرو


انا والله لي الشرف اني اخدم الرجال شرواكم لكن انا بعيد ب الغربيه ولا اقدر اجمعكم ولا انسق وياكم لكن خلني مرشد طلابي :D ولاتزعل

والف شكر على ثقتكم اخوي وعلى اخلاقك الراقيه لكن اعذرني

[الرهيف1]

انا والله لي الشرف اني اخدم الرجال شرواكم لكن انا بعيد ب الغربيه ولا اقدر اجمعكم ولا انسق وياكم لكن خلني مرشد طلابي :D ولاتزعل

والف شكر على ثقتكم اخوي وعلى اخلاقك الراقيه لكن اعذرني


ما لك عذر خ الفياض
وكونك في الغربية ما يمنع
فعلا انت اللي محيي الرابطة وتواجدك أفضل من الجميع بالإضافة أخلاقك العالية المتمثلة في عباراتك- ما شاء الله عليك -،،،وفقك الله

[saaa]

السلام عليكم ورحمة الله وبركاته

اود ان تقبلوا انظامي لكم لاني متابع جديد للرابطه

وبحكم اني امتلك بفضل الله برادو 2009 VX2

فاود ان اكون من المشاركين ( بمداء تفيد وتستفيد ) وانا من مدينة الرياض

واحيي الجميع بدون استثناء لتفاعلهم ونشاطهم الملحوظ


ورد على الاخ الذي اتمنى ان يقراء ويكون له فيه فائدة




الثلاجه احد قدر يفصلها عن المكيف يعني احد حصل احد يفصلها وتصير تشتغل لوحدها

انا بنتظار اجابتكم عاجلا
وسلامتكم

الثلاجه مرتبطه بالمكيف لانها فقط حافظه للبرودة وبالمكمبرسر الخاص في المكيف تاخذ البروده منه

(( علشان ما يجي واحد يتعلم في سيارتك وفي النهايه يقول ما قدرت ))

هناك استفسار عن سير التمين ومتى يتم تغييره

بحكم ان السيارة لايوجد فيها سير تيمن وانما جنزير ويتتم تغيير فقط في حال ارتخاء الشدادت الخاصه بالجنزير

اذا طلع صوت في المكينة وتاكدت انه من الجنزير او شدادتها او التوظيب لان تغيير الجنزير يعتبر شبه

فك المكينة للتوظيب (( فانتبه لهذه النقطه التي قد تخفى على البعض )) بسبب الفنين الغير المؤهلين الموجودين بكثره

معلومه عامه للسيارات

اذا كان سير التمين تلقى صدر المكينة من البلاستيك المقوى

بينما الجنزير يكون من الالمنيوم او حديد الزهر


اتمنى ان اكون قد استطعت ان افيدكم

وتقبلو منى اطيب التحيه

اخوكم
بوزيد

ان كان ما قلته صح فمن الله وان كان غير ذلك فمن نفسي والشيطان

[الرهيف1]

السلام عليكم ورحمة الله وبركاته

اود ان تقبلوا انظامي لكم لاني متابع جديد للرابطه

وبحكم اني امتلك بفضل الله برادو 2009 VX2

فاود ان اكون من المشاركين ( بمداء تفيد وتستفيد ) وانا من مدينة الرياض

واحيي الجميع بدون استثناء لتفاعلهم ونشاطهم الملحوظ


ورد على الاخ الذي اتمنى ان يقراء ويكون له فيه فائدة

الثلاجه مرتبطه بالمكيف لانها فقط حافظه للبرودة وبالمكمبرسر الخاص في المكيف تاخذ البروده منه

(( علشان ما يجي واحد يتعلم في سيارتك وفي النهايه يقول ما قدرت ))

هناك استفسار عن سير التمين ومتى يتم تغييره

بحكم ان السيارة لايوجد فيها سير تيمن وانما جنزير ويتتم تغيير فقط في حال ارتخاء الشدادت الخاصه بالجنزير

اذا طلع صوت في المكينة وتاكدت انه من الجنزير او شدادتها او التوظيب لان تغيير الجنزير يعتبر شبه

فك المكينة للتوظيب (( فانتبه لهذه النقطه التي قد تخفى على البعض )) بسبب الفنين الغير المؤهلين الموجودين بكثره

معلومه عامه للسيارات

اذا كان سير التمين تلقى صدر المكينة من البلاستيك المقوى

بينما الجنزير يكون من الالمنيوم او حديد الزهر


اتمنى ان اكون قد استطعت ان افيدكم

وتقبلو منى اطيب التحيه

اخوكم
بوزيد

ان كان ما قلته صح فمن الله وان كان غير ذلك فمن نفسي والشيطان


أشكرك اخي saaa لتفاعلك وإثراءك للرابطة بالمعلومات القيمة
لا عدمناك
وكذلك من المعلومات القيمة التي استفدتها هنا من الاخوان ان فلتر القير لا يغير في البرادو لأنه عبارة عن صفيحة معدنية

[البدراني11]

بالنسبه لي انا ارشحك اخوي ابومعاذ لما لمسناه منك من دماثة الاخلاق والتفاعل الايجابي مع كل الاعضاء........ واللي معي في الراي يؤكد الترشيح............ابوعمرو

وانا معك يا ابو عمرو ....اخونا الفياض له باع كبير في البرادو حتى له صولات وجولات مع منتديات برادويه ( لاتخلينا نفضح يا ابو معاذ ;) )

[برادوvx3]

ماشاء الله والله شي جميل
ورابطه ولا اروع
اود الانظمام اليكم
برادو vx3 2008
المنطقه الشرقيه

[saaa]

السلام علكيم ورحمة الله وبركاته

ملاحظه مهمه

كثر الكلام عن فلتر زيت القير

(( لابد من تغير فلتر زيت القير مع كل تغيره لزيت القيرالكرتون( الورقي) والحديد ))


اتمنى ان اكون قد استطعت ان افيدكم

وتقبلو منى اطيب التحيه

اخوكم
بوزيد

ان كان ما قلته صح فمن الله وان كان غير ذلك فمن نفسي والشيطان

[خ الفياض]

ياشباب طلبناكم اعذرونا انا لا استطيع ذلك بس خلوني مرشد طلابي مو مشكله

حيا الله الشباب الجدد وان شاء الله تفيدونا ونفيدكم
وماشاء الله عليك من اول مشاركه يا saaa وفتدنا كثيرررررررررر
بالنسبه للفلتر لازم يتغير اذا غيرت الزيت
بس هناك نقطه ذكرها احد الاخوان من الكويت يقول مو لازم يتغير زيت القير احد يفيدنا عنها

في حفظ الباري

[saaa]

بس هناك نقطه ذكرها احد الاخوان من الكويت يقول مو لازم يتغير زيت القير احد يفيدنا عنها

في حفظ الباري




هلا فيك اخوي خ الفياض وبالجميع

احب ان بين نقطه بسيطه اي محرك (( مكينة او قير او دفرنس)) يتكون من حركته بما يسمى ((الرايش))

يجتمع في فلتر الزيت وفي كرتير القير بالاخص تجد قطعة مغناطيس شبه مثبته

والقير يوجد فيه مضخة القير(طرمبة القير) التي تحتوي بما يسمى الخريطه وهي عباره كرت رمان بلي وعن مسارات للزيت وتضخ الزيت حسب التعشيقات وهذه مع عدم الاهتمام بتغير الزيت والفلتر في موعده ومع الوقت يبداء الرايش بسد المسارات الخاصه في الزيت ويعرقل حركة الكرات رمان بلي


وهناك سئوال يطرح نفسه

لماذا المكينه يوجد فيها سره لتغيير الزيت والقير الاتوماتيكي لا يوجد فيه !!!


اتمنى ان اكون قد استطعت ان افيدكم

وتقبلو منى اطيب التحيه

اخوكم
بوزيد

ان كان ما قلته صح فمن الله وان كان غير ذلك فمن نفسي والشيطان

[ابو حصة]

السلام عليكم شباب .. أتمنى الانضمام في الرابطة ويسعدني ذلك جدا ...

عندي سؤااال عااااجل :

أنا معي برادو تانكيين .. وودي أرفعة من ورا وقدام لأنه نازل شوي (شد بلده) ..
ارفعة احسن
سؤالي : وش رايكم باليايات الاسترالية ..هل هي مجربة ومضبوطة بكل النواحي؟
انا مجربها وتمام والحمدلله من سنتين او تزيد
وهل تأثر سلبيا على الموتر بشكل عام , وخاصة بعد مرور وقت من تركيبها؟
لا مالها تاثير
وكم ترفع من سم من الخلف؟
ترفعة من 1 الى 3 سم تقريباً انا مجربها ومرتاح معها بيتغير شكل السيارة عليك بترتفع تم تتأقلم بعد كذا عليها وتصير اي جرف ودك تروحله خاصة ان عندي سلة خلفية وراعي طربقة في كل مكان
وإذا حطيت يايات الاسترالية في الخلف .. اللي في الامام هل أرفعه بكعكات ؟ وكم (سم) للكعكات لكي أرفعه في الامام؟
نصيحة لا تقرب الكعكات تخلخل موترك


وهل اليايات الاسترالية لها أنواع وأحجام؟
شف الي عند الرماية انا خذتها مع مساعداتها

أرجو إفاااادتي لمن جرب ذلك عااااااااااااجلا ... ولكم جزيل الشكر .
والله يوفقك

[q8salem]

السلام عليكم

من المعروف ان البرادو قوي وعزمه ممتاز وخفيف بنفس الوقت


لكن عندي استفسار بخصوص سحب السيارات واظهارها من التغاريز والطين

هل الافضل سحبها من الخلف مثل اي قلص او سحبها ريويس من الامام؟؟



سألني واحد من الربع وهو يشوفني اسحب سيارة عائلة مغرزة وقالي إن الأفضل سحبها من الأمام وأنا أرجع ريويس علشان ما يتعور القير


رديت عليه بأن المصنع عمل هوك القلص من الخلف وأكيد هم أبخص


ما هو رأي الأخوان وأهل الخبرة؟؟



وسلامي للجميع

[راعي الطويلات]

السلام عليكم ورحمة الله وبركاته

عن إذن المشرف
للبيع برادو 2010 Vx1 جديد
اللون لؤلوي داخلي بيج
6 سلندر
سعودي وارد عبداللطيف جميل
فتحة- أنوار زينون- شاشة- كمرة خلفيه...........
مع العلم أن السعر بالوكالة
ب SR160,500
السلام عليكم ورحمة الله وبركاته


http://www.mekshat.com/vb/showthread.php?t=267135

[الرهيف1]

ماشاء الله والله شي جميل
ورابطه ولا اروع
اود الانظمام اليكم
برادو vx3 2008
المنطقه الشرقيه

حياك الله بين أهلك وإخوانك
وين شفتك انا قبل كذا؟؟؟؟؟؟؟;)
سؤال في الصورة المعروضة كشاف ناقص والا لا ؟طيب هل هو سهل الخلع من التطعيس والا انه منسرق والا ايه؟

[الرهيف1]

هلا فيك اخوي خ الفياض وبالجميع

احب ان بين نقطه بسيطه اي محرك (( مكينة او قير او دفرنس)) يتكون من حركته بما يسمى ((الرايش))

يجتمع في فلتر الزيت وفي كرتير القير بالاخص تجد قطعة مغناطيس شبه مثبته

والقير يوجد فيه مضخة القير(طرمبة القير) التي تحتوي بما يسمى الخريطه وهي عباره كرت رمان بلي وعن مسارات للزيت وتضخ الزيت حسب التعشيقات وهذه مع عدم الاهتمام بتغير الزيت والفلتر في موعده ومع الوقت يبداء الرايش بسد المسارات الخاصه في الزيت ويعرقل حركة الكرات رمان بلي


وهناك سئوال يطرح نفسه

لماذا المكينه يوجد فيها سره لتغيير الزيت والقير الاتوماتيكي لا يوجد فيه !!!


اتمنى ان اكون قد استطعت ان افيدكم

وتقبلو منى اطيب التحيه

اخوكم
بوزيد

ان كان ما قلته صح فمن الله وان كان غير ذلك فمن نفسي والشيطان


ممكن تجاوبنا لماذا لا يوجد سرة للقير؟

سؤال للاخوان بعد كم كيلو يفترض تغيير زيت القير ؟ ، وهل الافضل أثناء تغييره تنزيل الزيت القديم بالكامل أم ابقاء شيء؟
الدفرنس هل يغير زيته في البرادو وبعد كم كيلو؟

[saaa]

ممكن تجاوبنا لماذا لا يوجد سرة للقير؟

سؤال للاخوان بعد كم كيلو يفترض تغيير زيت القير ؟ ، وهل الافضل أثناء تغييره تنزيل الزيت القديم بالكامل أم ابقاء شيء؟
الدفرنس هل يغير زيته في البرادو وبعد كم كيلو؟


هلا بك اخوي الرهيف1

فعلاً لماذا لايوجد سره في كرتير القير الاتوماتيكي !!!

اقول بالله التوفيق

لانه يلزمك بتغير الفلتر وانزال جميع الزيت القديم بمجرد فك الكرتير لانه يكون في هذه الحاله محمل ((بالرايش))

وياليت ان نرجع الى الكتلوج الخاص في السياره لمعرفة المسافه التي بعدها يتم تغيير زيت القير


مسألة تغيير زيت الدفرنس بالاخص لا يفضل .

لانه يكون زيت الدفرنس محمل بالبرايش من طول مدة الاستخدام الناتج عن تأكل التروس في الدفرنس ويكون شبه مغطي مناطق الاحتكاك وبمجرد تغيير الزيت ينزل (( الرايش)) ويكون فيه ونه بسيطه بسبب الفراغ الذي كان مغطيه الرايش ومزعجه للسائق ترتفع مع الوقت لتكون غير محتمله ويكون الحل النهائي اما تغيير الكرونه الخاصه بالدفرنس اوتغيير الدفرنس كامل (علماً بانه لايوجد فنيين متمكنيين في الدفرنس) فتضطر في النهايه الى تغيير الدفرنس كامل

وفي حالة اصلاح الدفرنس التي تستلزم اجراء الصيانه الخاصة بالدفرنس يلزم تغيير زيت الدفرنس بالزيت الثقيل المعروف بمعيار 90 او اعلى ويرجع الى كتلوج السياره ليبن معيار الزيت الخاص بالدفرنس

اتمنى ان اكون قد استطعت ان افيدكم
وتقبلو منى اطيب التحيه
اخوكم
بوزيد
ان كان ما قلته صح فمن الله وان كان غير ذلك فمن نفسي والشيطان

[saaa]

السلام عليكم ورحمة الله وبركاته

عن إذن المشرف
للبيع برادو 2010 Vx1 جديد
اللون لؤلوي داخلي بيج
6 سلندر
سعودي وارد عبداللطيف جميل
فتحة- أنوار زينون- شاشة- كمرة خلفيه...........
مع العلم أن السعر بالوكالة
ب SR160,500
السلام عليكم ورحمة الله وبركاته


http://www.mekshat.com/vb/showthread.php?t=267135


اخوي

الله يوفقك في بيعتك ويعوضك خير منها

وبالتوفيق للجميع

[الرهيف1]

هلا بك اخوي الرهيف1

فعلاً لماذا لايوجد سره في كرتير القير الاتوماتيكي !!!

اقول بالله التوفيق

لانه يلزمك بتغير الفلتر وانزال جميع الزيت القديم بمجرد فك الكرتير لانه يكون في هذه الحاله محمل ((بالرايش))

وياليت ان نرجع الى الكتلوج الخاص في السياره لمعرفة المسافه التي بعدها يتم تغيير زيت القير


مسألة تغيير زيت الدفرنس بالاخص لا يفضل .

لانه يكون زيت الدفرنس محمل بالبرايش من طول مدة الاستخدام الناتج عن تأكل التروس في الدفرنس ويكون شبه مغطي مناطق الاحتكاك وبمجرد تغيير الزيت ينزل (( الرايش)) ويكون فيه ونه بسيطه بسبب الفراغ الذي كان مغطيه الرايش ومزعجه للسائق ترتفع مع الوقت لتكون غير محتمله ويكون الحل النهائي اما تغيير الكرونه الخاصه بالدفرنس اوتغيير الدفرنس كامل (علماً بانه لايوجد فنيين متمكنيين في الدفرنس) فتضطر في النهايه الى تغيير الدفرنس كامل

وفي حالة اصلاح الدفرنس التي تستلزم اجراء الصيانه الخاصة بالدفرنس يلزم تغيير زيت الدفرنس بالزيت الثقيل المعروف بمعيار 90 او اعلى ويرجع الى كتلوج السياره ليبن معيار الزيت الخاص بالدفرنس

اتمنى ان اكون قد استطعت ان افيدكم
وتقبلو منى اطيب التحيه
اخوكم
بوزيد
ان كان ما قلته صح فمن الله وان كان غير ذلك فمن نفسي والشيطان


الله ينور عليك ويزيدك من العلم
لكن انا ابغى رأيك انت في وقت التغيير لزيت القير بعد كم كيلو؟
لأني لما وديت موتري للوكالة لتشييك ال 20 الف او 25 قالوا بنغير لك الزيت حق القير وما وافقتهم على ذلك احس انه بدري على تغيير

[برق المحمل]

السلام عليكم ورحمة الله وبركاته

عن إذن المشرف
للبيع برادو 2010 Vx1 جديد
اللون لؤلوي داخلي بيج
6 سلندر
سعودي وارد عبداللطيف جميل
فتحة- أنوار زينون- شاشة- كمرة خلفيه...........
مع العلم أن السعر بالوكالة
ب SR160,500
السلام عليكم ورحمة الله وبركاته


http://www.mekshat.com/vb/showthread.php?t=267135


الله يرزقك اخوووي بالبيعه الطيبه

[saaa]

الله ينور عليك ويزيدك من العلم
لكن انا ابغى رأيك انت في وقت التغيير لزيت القير بعد كم كيلو؟
لأني لما وديت موتري للوكالة لتشييك ال 20 الف او 25 قالوا بنغير لك الزيت حق القير وما وافقتهم على ذلك احس انه بدري على تغيير


اخوي الفاضل الرهيف 1

الله يجزاك خير على الكلام الطيب

انت طلبت راي الشخصي وانا اقولك في الاول والاخير راجع الكتلوج (( تعرف ليش اقول هذا الكلام لسبب بسيط لان كل قير يختلف من سياره الى اخرى مثل قير الخاص بالاريعه سلندر يختلف عن السياره ذات السته سلندر وممكن المواصفات تحتلف من سياره الى اخرة مثل السعودي يخلف في المواصفات عن الخليجي ومن موديل لثاني))


انت حسيت ان تغيير زيت القير بدري وانا اقولك دائما راجع الكتلوج لانه هو الحل الوحيد الصحيح ولا تسمع كلامي ممكن يأثر عليك لكن المصنع هو الي يعلمك الصحيح

بعدين اخوي الرهيف 1 خذ من وقتك شئ بسيط وتصفح الكتلوج راح تلقى حاجات تكون خافيه عنك وتلقى مواصفات او طريقة تشغيل صحيح لبعض الاجزاء تفيدك كثير

اتمنى ان اكون قد استطعت ان افيدكم
وتقبلو منى اطيب التحيه
اخوكم
بوزيد
ان كان ما قلته صح فمن الله وان كان غير ذلك فمن نفسي والشيطان

[الرهيف1]

اخوي الفاضل الرهيف 1

الله يجزاك خير على الكلام الطيب

انت طلبت راي الشخصي وانا اقولك في الاول والاخير راجع الكتلوج (( تعرف ليش اقول هذا الكلام لسبب بسيط لان كل قير يختلف من سياره الى اخرى مثل قير الخاص بالاريعه سلندر يختلف عن السياره ذات السته سلندر وممكن المواصفات تحتلف من سياره الى اخرة مثل السعودي يخلف في المواصفات عن الخليجي ومن موديل لثاني))


انت حسيت ان تغيير زيت القير بدري وانا اقولك دائما راجع الكتلوج لانه هو الحل الوحيد الصحيح ولا تسمع كلامي ممكن يأثر عليك لكن المصنع هو الي يعلمك الصحيح

بعدين اخوي الرهيف 1 خذ من وقتك شئ بسيط وتصفح الكتلوج راح تلقى حاجات تكون خافيه عنك وتلقى مواصفات او طريقة تشغيل صحيح لبعض الاجزاء تفيدك كثير

اتمنى ان اكون قد استطعت ان افيدكم
وتقبلو منى اطيب التحيه
اخوكم
بوزيد
ان كان ما قلته صح فمن الله وان كان غير ذلك فمن نفسي والشيطان

اخي العزيزsaaa
كلامك كله صحيح فعلا لازم ارجع للكتالوج
وفقك الله ولا تحرمنا مما عندك لا عدمناك

[الرهيف1]

اخواني المقيمين في دول الخليج خصوصا في دولة الامارات
لما زرت الامارات في عيد الأضحى ابهرني انتشار البرادو هناك بشكل كبير
ولاحظت اختلاف في حامل اللوحة الخلفية شكله رائع جدا حيث انه من النيكل، فهل معنا في الأعضاء أحد من الامارات يفيدني بكم سعره وهل يوجد منه تجاري

[فارس سدير 1]

السلام عليكم ورحمة الله وبركاته


بالنسبة لتغيير زيت القير فهو لكل 40.000 كم مع تغيير فلتر زيت القير أيضا ً

هذا الكلام من أحد مهندسي صيانة البازعي ، سيارتي الآن قطعت قرابة 170.000 كم "ماشاء الله" بدون أي مشاكل تذكر والحمد لله



سؤال للي جرب الياي الأسترالي ، هو مريح أم قاسي ؟

[saaa]

اخي العزيزsaaa
كلامك كله صحيح فعلا لازم ارجع للكتالوج
وفقك الله ولا تحرمنا مما عندك لا عدمناك


هلا فيك اخوي الرهيف 1

انا بعد ردك اطلعت على الكتلوج الخاص في سيارتي VX2 2009

لقيته تغير زيت القير مع الفلتر بعد 40000 او سنتين


واحبت ان يتم التشيك كل صاحب سياره على الكتلوج لانه يكون فيه بعض الاحيان اختلاف

وتكون الاجابه في هذه الحاله غير صحيحه


اتمنى ان اكون قد استطعت ان افيدكم
وتقبلو منى اطيب التحيه
اخوكم
بوزيد
ان كان ما قلته صح فمن الله وان كان غير ذلك فمن نفسي والشيطان

[الرهيف1]

السلام عليكم ورحمة الله وبركاته


بالنسبة لتغيير زيت القير فهو لكل 40.000 كم مع تغيير فلتر زيت القير أيضا ً

هذا الكلام من أحد مهندسي صيانة البازعي ، سيارتي الآن قطعت قرابة 170.000 كم "ماشاء الله" بدون أي مشاكل تذكر والحمد لله



سؤال للي جرب الياي الأسترالي ، هو مريح أم قاسي ؟

حيا الله فارس سدير
والحمد لله على السلامة
أرجو أن تكون أبليت بلاء حسنا في اختباراتك
ما شاء الله تبارك الله لا تنسى ان سيارتك برادو يعني المشاكل بإذن الله أقل من غيرها من السيارات بكثير
اشوف الاسئلة كثرت على الياي الاسترالي ،ان شاء الله تلقى اللي يفيدك
الاخوان هنا في الرابطة ما يقصرون بشي
احس ان الياي الاسترالي يناسب لك بما انك تشتكي نزولها من الخلف وايضا اذكرك تشتكي من المطب الخلفي.
بالتوفيق ونشوفك على خير

[أبوخالدالعراك]

الله يوفق وبس

[شورت]

حبيت اشارك بصور سيارتي وانا في سوريه من عشره ايام لايفوتكم البرادو في الثلج
قلو ماشاء الله العين حق















ماشاء الله تبارك الله

http://files.mothhelah.com/img/ztJ39900.jpg (http://files.mothhelah.com/)

http://files.mothhelah.com/img/YRa39900.jpg (http://files.mothhelah.com/)

http://files.mothhelah.com/img/Vu339900.jpg (http://files.mothhelah.com/)

http://files.mothhelah.com/img/tSN40285.jpg (http://files.mothhelah.com/)

http://files.mothhelah.com/img/msV40285.jpg (http://files.mothhelah.com/)

http://files.mothhelah.com/img/kBB40285.jpg (http://files.mothhelah.com/)

http://files.mothhelah.com/img/2Bn40285.jpg (http://files.mothhelah.com/)

http://files.mothhelah.com/img/hz940285.jpg (http://files.mothhelah.com/)

يارب تعجبكم واسف على عدم وضوح الصور

[الرهيف1]

حبيت اشارك بصور سيارتي وانا في سوريه من عشره ايام لايفوتكم البرادو في الثلج
قلو ماشاء الله العين حق











ماشاء الله تبارك الله

http://files.mothhelah.com/img/ztJ39900.jpg (http://files.mothhelah.com/)

http://files.mothhelah.com/img/YRa39900.jpg (http://files.mothhelah.com/)

http://files.mothhelah.com/img/Vu339900.jpg (http://files.mothhelah.com/)

http://files.mothhelah.com/img/tSN40285.jpg (http://files.mothhelah.com/)

http://files.mothhelah.com/img/msV40285.jpg (http://files.mothhelah.com/)

http://files.mothhelah.com/img/kBB40285.jpg (http://files.mothhelah.com/)

http://files.mothhelah.com/img/2Bn40285.jpg (http://files.mothhelah.com/)

http://files.mothhelah.com/img/hz940285.jpg (http://files.mothhelah.com/)

يارب تعجبكم واسف على عدم وضوح الصور



الله الله الله
ما شاء الله تبارك الله
زاد البرادو جمالا على جمال
ليه ما علمت الرابطة تروح معاك ;)
كيف مانع الانزلاق مع الثلج؟:D
ليش ما تطلع من مسار السيارات يمين والا يسار تطعس على الثلج؟

[شورت]

الله الله الله
ما شاء الله تبارك الله
زاد البرادو جمالا على جمال
ليه ما علمت الرابطة تروح معاك ;)
كيف مانع الانزلاق مع الثلج؟:D
ليش ما تطلع من مسار السيارات يمين والا يسار تطعس على الثلج؟



هلا اخوي الرهيف
والله ماخليت مكان في البدايه كنت خايف شويه قله ولف وبعدين انطلقت يمين وشمال والمشكله ان يمين وشمال مليان حجاره كبيره وهويات وحفر متخبيه تحت الثلج وما تنشاف وتمنيت يكون معايا سلاسل على الكفرات بس ماقصر الدبل الثقيل سوا الواجب وزياده وتختلف سواقه البر عن سواقه الثلوج بكثير
وتمنيت الرابطه تكون معايا

[سلطان الأحساء]

السلام عليكم

معكم عضو جديد بالرابطه

برادوا 2007 vx2 ماشي 71000 ولله الحمد

كأني اشوف كم واحد من الربع هون !؟

[أبوبسام1]

الياي الاسترالي .. أفيدونا يا اخوان عنه أكثر ,,, يا من جربه وعنده خبره فيه؟

أخوي أبوحصة .. هل نكتفي بوضع الياي خلفي فقط دون رفع جهة الامام ’ أتوقع بيصير شكله مرتفع بقوة ورا , وقدام نازل بقوة؟

[خ الفياض]

الياي الاسترالي .. أفيدونا يا اخوان عنه أكثر ,,, يا من جربه وعنده خبره فيه؟

أخوي أبوحصة .. هل نكتفي بوضع الياي خلفي فقط دون رفع جهة الامام ’ أتوقع بيصير شكله مرتفع بقوة ورا , وقدام نازل بقوة؟


ابو بسام تفضل






صوره للبرادو بعد تركيب اليايات الشكل الخارجي تركيب اليايات من الخلف فقط بدون المساعدات يعني مساعدات الوكاله لم أغيرها الاغراض في السياره العده كامله من طبخ وشاهي ورواق وفرشاه وحطب التانكي كان فيه النصف كل هذا ولم يبن شي في النزول إليكم الصور


http://www.7mmlbs.com/img/kut85661.jpg (http://www.7mmlbs.com/img/kut85661.jpg)


http://www.7mmlbs.com/img/fZV85661.jpg (http://www.7mmlbs.com/img/fZV85661.jpg)


http://www.7mmlbs.com/img/u2085661.jpg (http://www.7mmlbs.com/img/u2085661.jpg)


http://www.7mmlbs.com/img/icR85661.jpg (http://www.7mmlbs.com/img/icR85661.jpg)


http://www.7mmlbs.com/img/2am85662.jpg (http://www.7mmlbs.com/img/2am85662.jpg)



اتمنى ان الجميع الاستفاده
طبعا منقول من تايوتا العربيه ومن ابو وليد ب الذات

[خ الفياض]

السلام عليكم

من المعروف ان البرادو قوي وعزمه ممتاز وخفيف بنفس الوقت


لكن عندي استفسار بخصوص سحب السيارات واظهارها من التغاريز والطين

هل الافضل سحبها من الخلف مثل اي قلص او سحبها ريويس من الامام؟؟



سألني واحد من الربع وهو يشوفني اسحب سيارة عائلة مغرزة وقالي إن الأفضل سحبها من الأمام وأنا أرجع ريويس علشان ما يتعور القير


رديت عليه بأن المصنع عمل هوك القلص من الخلف وأكيد هم أبخص


ما هو رأي الأخوان وأهل الخبرة؟؟



وسلامي للجميع

ب نظري
اذا سحبت اي سياره مغرزه اشبك الثقيل وضع القير على L اخر نمره بالقير التمتيك او ب الاول ب القير العايدي وسحب ب اقل جهد للموتر ولاتحاول تجهد سيارتك ما احد ينفعك لانفرط القير
اما السحب من الامام او من الخلف ما تفرق لان الجهد على الكفرات وانت موزع الجهد ب الدبل الثفيل من قبل
وانصحك انك تسحب دائما من الخلف ب سبب قوة الهوك لانه موصل ب الشاص ب شكل اقول من الامام و ل تحمله الاكبر فقط
واتمنى اي افدتك

[خ الفياض]

saaa
الرهيف1
فارس سدير1




الف شكر على المعلومات والنقاش والنصائح التي اتحفتونا بها زادكم الله من فضله
والله يعيني على 850 حقت الوكاله لانه مابه احد يغير زيت قير ل البرادو الا الوكاله او ون ستوب والظاهر اني معزم على الوكاله كنت احاول اني اروح ورشه بالرياض لكن ما استطعت الوقت ضيق

مره اخرى حياك اخويsaaa ولاتحرمنا من علمك الوافر

في حفظ الباري

[خ الفياض]

شورت
حفظك الله في حلك وترحالك والف شكر على ابداعاتك
والطلعات اللي مثل هذي ودك ب واحد معك بس يصورررررر
ماشاء الله تبارك الرحمن

وسلامتكم

[خ الفياض]

السلام عليكم

معكم عضو جديد بالرابطه

برادوا 2007 vx2 ماشي 71000 ولله الحمد

كأني اشوف كم واحد من الربع هون !؟


يا هلا فيك ومراحب

قهوه يا رجال

عطاك الله من خيره وكفاك شره

وننتظر تفاعلك معنا

[خ الفياض]

يا شباب ودي ب واحد يشرح لي ماهي وظيفة كل ازرار الهيدروليك

والفرار اللي عندها

وزر الoff وظيفته بالضبط اش هي

[أبوبسام1]

مشكووووووور أخوي الفياض على التوضيح بالصور ... وعزمت بإذن الله أركبها قريبا ...

بحق الرابطة تفتخر بوجودك فيها .. لا عدمناك .

[الرهيف1]

السلام عليكم

معكم عضو جديد بالرابطه

برادوا 2007 vx2 ماشي 71000 ولله الحمد

كأني اشوف كم واحد من الربع هون !؟

يا هلا باهل الاحساء كلهم
وانت ما شاء الله عليك ما تضل الدرب ،،،،حتى في الخرارة;)
ترا عاشق دفع رباعي هنا بس محرف في اسمه شوي بس عساه يعطينا احداثياته مضبوطة ها المرة:good2:

[الرهيف1]

يا شباب ودي ب واحد يشرح لي ماهي وظيفة كل ازرار الهيدروليك

والفرار اللي عندها

وزر الoff وظيفته بالضبط اش هي


الهيدروليك في البرادو له عدة ميزات:
1-يحافظ لك على مستوى الخلوص الارضي على مستوى واحد مهما زاد الحمل .
2- فيه فرار على الربع مستويات يقوم بعمل قساوة المساعد وتليينه وظيفة القاسي يساعدك في السرعات الزائدة والملفات وتصبح السيارة رياضية بحيث لا تميل معك في اللفات يمين ويسار.
ولما تفره لألين شي يفيدك في المشي على البطناج والارض اللي فيها اهتزازات ومطبات صغيرة، في هذه الحالة يحافظ لك على تماسك السيارة وعدم اهتراءها بسرعة وايضا تريح السائق والركاب.
3- في زر ينضغط من الامام ومن الخلف ووظيفته يقوم برفع السيارة من الخلف وتنزيلها ، قائدته في الانخفاظ لتحميل الركاب وتنزيلهم وخصوصا كبار السن.
أما الارتفاع فائدته في عدم وصول بطن السيارة بسهولة في حال الغراز في الاراضي الطينية وعيور الثلوج وأيضا في عبور مياه الشعيب او الانهار;)
ولكن زر الارتفاع والنزول يعود لمستواه الطبيعي (الارتفاع المتوسط) في حال تجاوز السيارة لسرعة 40 اذا كنت منزلها وسرعة 60 تقريبا اذا كنت مرفعها يعني ما تقدر تخليه على طول

زر ال off يعطل عمل الزرار المذكور اخيرا من عبث الاطفال.

وجود الهيدروليك في البرادو يجعل السيارة مريحة جدا في القيادة ومطباته دلع كأنك تسوق كدلك من القديم - لا عاد مهو للدرجة هذي ، ممكن زي جيب اللكزس وفي الخطوط والسرعات العالية مريح جدا.

من عيوبه من وجهة نظري عدم ارتفاعه من الامام فقط من الخلف وايضا من عيوبه ارتفاع سعره في حال احتياجك لتغييره - لكن ان شاء الله انه يعيش ويتحمل فترة طويلة.

أرجو أن أكون افدتك والاخوان بيكملون الناقص لو في شي ما عرفته او اخطأتت به

[عاشق رباعيات]

يا هلا باهل الاحساء كلهم
وانت ما شاء الله عليك ما تضل الدرب ،،،،حتى في الخرارة;)
ترا عاشق دفع رباعي هنا بس محرف في اسمه شوي بس عساه يعطينا احداثياته مضبوطة ها المرة:good2:
اي والله أنك صادق ما ضيع الدرب ماشاء الله عليه بس لازم يتأخر زي ما سوى في الخراره :D
بالنسبه لتحريف اسمي فأنا كنت ابغى اسجل باسم (عاشق دفع رباعي ) بس رفض يقبل آخر حرفين من الكلمه مما اضطرني أني اختصر الاسم واحرف شوي منه :)
وبالنسبه للإحداثيات فتراها مضبوطه بس عشاننا تحركنا من الموقع شي بسيط واحتمال بعد القمر الصناعي حق قارمن تحرك من مكانه شوي ولخبط الاحداثيات يوم شافكم مغرزين وتفشل أنه يدلكم على المكان :D

[خ الفياض]

الهيدروليك في البرادو له عدة ميزات:
1-يحافظ لك على مستوى الخلوص الارضي على مستوى واحد مهما زاد الحمل .
2- فيه فرار على الربع مستويات يقوم بعمل قساوة المساعد وتليينه وظيفة القاسي يساعدك في السرعات الزائدة والملفات وتصبح السيارة رياضية بحيث لا تميل معك في اللفات يمين ويسار.
ولما تفره لألين شي يفيدك في المشي على البطناج والارض اللي فيها اهتزازات ومطبات صغيرة، في هذه الحالة يحافظ لك على تماسك السيارة وعدم اهتراءها بسرعة وايضا تريح السائق والركاب.
3- في زر ينضغط من الامام ومن الخلف ووظيفته يقوم برفع السيارة من الخلف وتنزيلها ، قائدته في الانخفاظ لتحميل الركاب وتنزيلهم وخصوصا كبار السن.
أما الارتفاع فائدته في عدم وصول بطن السيارة بسهولة في حال الغراز في الاراضي الطينية وعيور الثلوج وأيضا في عبور مياه الشعيب او الانهار;)
ولكن زر الارتفاع والنزول يعود لمستواه الطبيعي (الارتفاع المتوسط) في حال تجاوز السيارة لسرعة 40 اذا كنت منزلها وسرعة 60 تقريبا اذا كنت مرفعها يعني ما تقدر تخليه على طول

زر ال off يعطل عمل الزرار المذكور اخيرا من عبث الاطفال.

وجود الهيدروليك في البرادو يجعل السيارة مريحة جدا في القيادة ومطباته دلع كأنك تسوق كدلك من القديم - لا عاد مهو للدرجة هذي ، ممكن زي جيب اللكزس وفي الخطوط والسرعات العالية مريح جدا.

من عيوبه من وجهة نظري عدم ارتفاعه من الامام فقط من الخلف وايضا من عيوبه ارتفاع سعره في حال احتياجك لتغييره - لكن ان شاء الله انه يعيش ويتحمل فترة طويلة.

أرجو أن أكون افدتك والاخوان بيكملون الناقص لو في شي ما عرفته او اخطأتت به



لاعدمناك الفرار الموجود وله اربع اوضاع وش وظيفة كل وضع ومتى يستخدم
لاني سمعت ب شي داخل المدينه وشي طرق معبده وقريت وضع رياضي و وضع عادي وتلخبطت بعض الامور عندي
والف شكر على التوضيح ودنا نتعبك تحملنا وانا اخوك
واذا احد عنده معلومه لا يبخل علينا بها

[خ الفياض]

مشكووووووور أخوي الفياض على التوضيح بالصور ... وعزمت بإذن الله أركبها قريبا ...

بحق الرابطة تفتخر بوجودك فيها .. لا عدمناك .



لاشكر على واجب واخنا ب الخدمه
وربي لايحرمك الاجر

بس انتبه عندك التركيب خذ المقاس المضبوط وانتبه ترفعها كثير

[الرهيف1]

لاعدمناك الفرار الموجود وله اربع اوضاع وش وظيفة كل وضع ومتى يستخدم
لاني سمعت ب شي داخل المدينه وشي طرق معبده وقريت وضع رياضي و وضع عادي وتلخبطت بعض الامور عندي
والف شكر على التوضيح ودنا نتعبك تحملنا وانا اخوك
واذا احد عنده معلومه لا يبخل علينا بها


الفرار زي ما قلت اربع مستويات :
1- مريح جدا : وهو للأرض غير المستوية والتي لا تخلو من المطبات الصغير والبطانيج ،ولكن ربما لا ينفع كثيرا للطرق المعبدة حيث انه لن يعطيك الرساوة الكاملة في السرعات والمنعطفات.
2- مريح : وهو الذي ينصح بوضعه في الظروف العادية في المدينة حيث انه مريح ويعطيك رساورة لا بأس بها.
3- رياضي :(بس مع راحة شوية) ينفع للسرعات العالية والمتوسطةوالمنعطفات.
4- رياضي بحت : (تكون القساوة فيها عالية ) وتستعملها اذا كنت بسرعات عالية او في عقبات مثل عقبة الهدا بالطائف حيث ان الموتر ما يتعب القائد في الميلان يبقى محافظ على مستوى متقارب نوعا ما وبالتالي يساعدك على اللفات بسرعة عالية.

أرجو أن أكون قد قدرت أوصل المعلومة

[أبوخالدالعراك]

الله يعطيكم العافيه
صراحه ...
قمة المتعه والفائده فى هذه الرابطه
جزاكم الله عنا كل خير

[خ الفياض]

الفرار زي ما قلت اربع مستويات :
1- مريح جدا : وهو للأرض غير المستوية والتي لا تخلو من المطبات الصغير والبطانيج ،ولكن ربما لا ينفع كثيرا للطرق المعبدة حيث انه لن يعطيك الرساوة الكاملة في السرعات والمنعطفات.
2- مريح : وهو الذي ينصح بوضعه في الظروف العادية في المدينة حيث انه مريح ويعطيك رساورة لا بأس بها.
3- رياضي :(بس مع راحة شوية) ينفع للسرعات العالية والمتوسطةوالمنعطفات.
4- رياضي بحت : (تكون القساوة فيها عالية ) وتستعملها اذا كنت بسرعات عالية او في عقبات مثل عقبة الهدا بالطائف حيث ان الموتر ما يتعب القائد في الميلان يبقى محافظ على مستوى متقارب نوعا ما وبالتالي يساعدك على اللفات بسرعة عالية.

أرجو أن أكون قد قدرت أوصل المعلومة


الف شكر سؤال اخير ان شاء الله يا رهيفوه
ترتيبك من الاول الى الرابع من جهة السواق ولا كيف
اذا اردت وضعا معين وش يعرفني ب موقعه من الفرار نفسه
الله لايحرمك الاجر

[الرهيف1]

اسمع يا اخ فياضوه((ذكرتني باخواننا الاماراتيين)) احمدوه واخواتوه
من اليسار من جهة السائق يكون الوضع المريح ويتدرج الى جهة الراكب (اليمين) في القساوة إلى أن يصل الى ال (sport)

[خ الفياض]

اسمع يا اخ فياضوه((ذكرتني باخواننا الاماراتيين)) احمدوه واخواتوه
من اليسار من جهة السائق يكون الوضع المريح ويتدرج الى جهة الراكب (اليمين) في القساوة إلى أن يصل الى ال (sport)


هههههههههههههههه
الف شكر اخوي
اوعدك المره الجايه ما تجاوز الاشاره الحمراء

[أستاذ محتار]

يعطيك العافية وجزاك الله خير على المعلومات

[الرهيف1]

ما تلاحظون انخفاض في مستوى العطاء في رابطتنا؟

[خ الفياض]

ما تلاحظون انخفاض في مستوى العطاء في رابطتنا؟


ان دل فانما يدل على ان البرادو رابط نفسه ماشاء الله ب قلة الاعطاااااااال

لكن اللحين كم جالون زيت للقير

[حسن الذروي]

هل يمكن تركيب الهيدروليك على أي برادو غير الفل أبشن في الوكالة أو غيرها وكم التكلفة

سجل حسن الذروي عضو رابطة الجنوب

[خ الفياض]

هل يمكن تركيب الهيدروليك على أي برادو غير الفل أبشن في الوكالة أو غيرها وكم التكلفة

سجل حسن الذروي عضو رابطة الجنوب

حياك اخوي حسن ونورت الرابطه

اللي اعرفه اذا خرب يكلف مبلغ وقدره لان به قطع داخليه

اما تركيب من دون ماهو موجود اصلا اتوقع يطق ال10 ولا اتوقع انه يضبط

نصيحه اذا ملزم على الهيدروليك عندك عدة خيارات
البالونات اللي تتعبى يدويا ب الهواء وتوضع وسط الياي
و الياي الاسترالي
وبيع السياره و شراء مثلها هيدروليك

اما انك تركب هيدروليك مكلفه جدااااااااااا
وسلامتك

[al khalaf]

السلام عليكم ورحمة الله وبركاته
يشرفني الانظمام معاكم بالرابطه . واقبلوني ظيف جديد .
سيارتي برادو 2003 VX1 .
معاي من الوكاله ولله الحمد . وافكر بالشكل الجديد من باب التجديد لا اكثر
لأنه ولله الحمد ما اشتكيت من السيارة الى الآن . قمة القوة والمتانه وخفة النفس بكل ماتعنيه الكلمه هالسياره الوحيده اللي 7 سنوات صابر وصابره علي من سفر و كشتات .
واي استفسار او اسئلة انا حاظر لكم :)

[هاوي سلق]

السلام عليكم ورحمه الله وبركاته
اتشرف بانضمامي معكم في رابطة ملاك البرادو
السيارة : برادو 2008 Gx
وانا من المنطقة الشرقية
اخوكم ابو ابراهيم

[al khalaf]

سلام عليكم اخونا برادو 1
انا عندي نفس المشكله . طقه داخل بالدركسون ماتطلع الا بلجلد . !!!
أفيدنا وش صار معاك الله لا يهينك ؟
انا اذكر سألت وقالوا لي انه في قطعة بالدركسون تكون بها فظاوه وتسبب هالصوت .

[راكان الاول]

ياشباب السلام عليكم
احد الزملاء يريد شراء برادو
مطلوب برادو في اكس مديل 2004 الى 2006
ارجو اذا احد يعرف شخص عنده المطلوب يبلغني برسالة على الخاص او يتصل0505185888 بشرط ما يكون فيه مبالغة بالسعر.
شاكرين اهتمامكم

[عاشق رباعيات]

ان دل فانما يدل على ان البرادو رابط نفسه ماشاء الله ب قلة الاعطاااااااال






لكن اللحين كم جالون زيت للقير



حسب علمي أن البرادو السته سلندر ياخذ جالون ونص

[q8salem]

السلام عليكم ورحمة الله وبركاته


أخواني أعضاء رابطة ملاك البرادو (الأمير)


عملت تصميم بسيط يمكن وضعه كتوقيع للأعضاء في الرابطة مع إمكانية ربطه في موقع الرابطة.


وأتمنى أن يحوز على قبولكم

http://www.mekshat.com/pix/upload03/images147/mk108228_prado-mekshat.jpg




مع تمنياتي لكم بالتوفيق

[q8salem]

وهذا تصميم آخر بتغيير موقع الشعار




http://www.mekshat.com/pix/upload03/images147/mk108228_prado-mekshat2.jpg

[الرهيف1]

شعار رائع وفكرة موفقة

[الوزير2]

البرادو 4 سلندر
هل هو ثقيل يعني عزم ردي خاصة التوماتيك يعني في البر يفشلك وبالخط يتعبك أم نوعا ما
مع الشكر الجزيل ..

[فارس سدير 1]

وهذا تصميم آخر بتغيير موقع الشعار





http://www.mekshat.com/pix/upload03/images147/mk108228_prado-mekshat2.jpg




ماشاء الله ، تصميم جميل :good2:

[فارس سدير 1]

هل يمكن تركيب الهيدروليك على أي برادو غير الفل أبشن في الوكالة أو غيرها وكم التكلفة

سجل حسن الذروي عضو رابطة الجنوب


صعبة جدا ً جدا ً

لأنك راح تضطر تغير كمبيوتر السيارة !!! :mad:

عاد شف كم يقص عليك ؟

[amar.net]

البرادو 4 سلندر
هل هو ثقيل يعني عزم ردي خاصة التوماتيك يعني في البر يفشلك وبالخط يتعبك أم نوعا ما
مع الشكر الجزيل ..

مساك الله بالخير اخونا الوزير 2 وبالنسبة لسوالك انا معاي برادو اربعه ابواب 4 سلندر GX اتوماتيك السيارة حلوة بس تنفع لواحد شايب من البيت الي العمل وسفريات قصيره لانه ما تديك سرعه بالكاد 150كيلومتر بالساعه نصيحه من مجرب خذ سته سلندر ....... موجود معانا في الرابطه عضو جديد اسمه هاوي سلق يقدر يأكد الكلام او يوضح اكثر

[بعيد الخطا]

سجل عندك برادو 2009 Vx3
اللون فضي

[amar.net]

ماشاء الله فارس سدير موترك والله يهبل يعطيك الله من خيره ويحميك من شره ...................
بس لوتقدر تستقطب احبابنا في منتدي البرادو في تويوتا العربيه مثل ابوجهاد عاشق كورولا للمشاركه معنا راح يتحسن اداء الرابطه ............مع شكري لك ولاعضاء الرابطه

[حسن الذروي]

سلام عليكم اخونا برادو 1
انا عندي نفس المشكله . طقه داخل بالدركسون ماتطلع الا بلجلد . !!!
أفيدنا وش صار معاك الله لا يهينك ؟
انا اذكر سألت وقالوا لي انه في قطعة بالدركسون تكون بها فظاوه وتسبب هالصوت .


إذا المشكلة فعلاً من القطعة الموجودة بالدركسون الموجودة عند الدعاسات (وغالباً المشكلة منها) لأنها بلاستيكية سريعة التلف
فلا تغيرها إلا عند خبيربسبب الإيرباق حق الدركسون
ويفضل أن تستبدل القطعة البلاستيكية بجلبة نحاسية تكبس لك في المخرطة (لأنها أفضل وخصوصا للمكشاتيين وأصحاب البر والجبال) حيث أنها تخدم وقد لا تعود وتصلحها أبدا إن شاء الله .

[حسن الذروي]

مساك الله بالخير اخونا الوزير 2 وبالنسبة لسوالك انا معاي برادو اربعه ابواب 4 سلندر GX اتوماتيك السيارة حلوة بس تنفع لواحد شايب من البيت الي العمل وسفريات قصيره لانه ما تديك سرعه بالكاد 150كيلومتر بالساعه نصيحه من مجرب خذ سته سلندر ....... موجود معانا في الرابطه عضو جديد اسمه هاوي سلق يقدر يأكد الكلام او يوضح اكثر
أخالفك الرأي عزيزي صحيح الـGX ليس كـVX من حيث القوة ولكن قوة الـGX طيبة ولا يستهان بها فلم أعرف جبل يمكن بلوغه بالستة سلندر إلا وصعدته بالأربعة بل إن هناك أماكن حذرني أهلها باعتبار أني صاحب جيب ستة من صعودها لكونها شديدة الانحدار وخطيرة وقد يخونني الموتر فيها وصعدتها ولم أخبرهم بأن موتري أربعة سلندر ومعاية خمسة أشخاص كبار الأجسام
( والسواااق له دور فقد تحديت واحد معه ستة في طعس وهو طلع ريحة الموتر وما طلع إلا مع خامس واحد ساقه )

والسرعة ما يردني إلا تحديد السرعة 180 وإلا كان أزيد عليها وأنا صاحب أسفار تعديت 330ألف كلم ( برادو 2005GXعادي)
راجع بعض تجاربي الصفحة الأولى والثانية
ومهما كان فالستة أفضل ولكن الأربعة ليس سيئا للدرجة التي تظنونها

[خ الفياض]

أخالفك الرأي عزيزي صحيح الـGX ليس كـVX من حيث القوة ولكن قوة الـGX طيبة ولا يستهان بها فلم أعرف جبل يمكن بلوغه بالستة سلندر إلا وصعدته بالأربعة بل إن هناك أماكن حذرني أهلها باعتبار أني صاحب جيب ستة من صعودها لكونها شديدة الانحدار وخطيرة وقد يخونني الموتر فيها وصعدتها ولم أخبرهم بأن موتري أربعة سلندر ومعاية خمسة أشخاص كبار الأجسام
( والسواااق له دور فقد تحديت واحد معه ستة في طعس وهو طلع ريحة الموتر وما طلع إلا مع خامس واحد ساقه )

والسرعة ما يردني إلا تحديد السرعة 180 وإلا كان أزيد عليها وأنا صاحب أسفار تعديت 330ألف كلم ( برادو 2005GXعادي)
راجع بعض تجاربي الصفحة الأولى والثانية
ومهما كان فالستة أفضل ولكن الأربعة ليس سيئا للدرجة التي تظنونها





عطاك الله من خيره وكفاك شره
واعجبتني العباره الاخيره وكلا له عشاقه
بس سؤال ليه اخترت الاربعه دام انك راعي اسفار مو تعب عليك خاصه ب البدايه

[خ الفياض]

إذا المشكلة فعلاً من القطعة الموجودة بالدركسون الموجودة عند الدعاسات (وغالباً المشكلة منها) لأنها بلاستيكية سريعة التلف
فلا تغيرها إلا عند خبيربسبب الإيرباق حق الدركسون
ويفضل أن تستبدل القطعة البلاستيكية بجلبة نحاسية تكبس لك في المخرطة (لأنها أفضل وخصوصا للمكشاتيين وأصحاب البر والجبال) حيث أنها تخدم وقد لا تعود وتصلحها أبدا إن شاء الله .



وش دخل الايرباق دام انها عند الدعسات ولا تقصد لازم يفك الدركسون

[خ الفياض]

حسب علمي أن البرادو السته سلندر ياخذ جالون ونص


شكرا جزيلا
هل قمت ب تغييره سيارتي 2006 سته سلندر
هل تاخذ جالون ونص

[خ الفياض]

وهذا تصميم آخر بتغيير موقع الشعار




http://www.mekshat.com/pix/upload03/images147/mk108228_prado-mekshat2.jpg



شعار رائع جدا وبصراحه قمه وابداع
ويعطيك العافيه نورت الرابطه ب الفكره
نتنظر من يعمل له استكرات حتى نضعها على سيارتنا بس ودنا ب الاربع ابواب تخبر اللي باب واحد قليل ولا استكرين باب واحد وبابين

[خ الفياض]

السلام عليكم ورحمة الله وبركاته
يشرفني الانظمام معاكم بالرابطه . واقبلوني ظيف جديد .
سيارتي برادو 2003 VX1 .
معاي من الوكاله ولله الحمد . وافكر بالشكل الجديد من باب التجديد لا اكثر
لأنه ولله الحمد ما اشتكيت من السيارة الى الآن . قمة القوة والمتانه وخفة النفس بكل ماتعنيه الكلمه هالسياره الوحيده اللي 7 سنوات صابر وصابره علي من سفر و كشتات .
واي استفسار او اسئلة انا حاظر لكم :)


وعليكم السلاوم ورحمة الله وبركاته
يا هلا ومسهلا
اتمنى انك تستفيد وتفيد اخوانك ب الرابطه وحياك ربي
ممكن تخبرنا ايش اكبر مشكله واجهتك ب البرادو من 7 سنين

[خ الفياض]

السلام عليكم ورحمه الله وبركاته
اتشرف بانضمامي معكم في رابطة ملاك البرادو
السيارة : برادو 2008 Gx
وانا من المنطقة الشرقية
اخوكم ابو ابراهيم



وعليكم السلام ورحمة الله وبركاته
حياك ربي ويا هلا فيك
وننتظر مشاركة اخوانك الابداع

[خ الفياض]

المهم ياشباب

انا ب نظري تكوين مجموعات كل منطقه على حده ومن هذه المجموعه تنحدر منها فرق الصيانه و خلافه والرابطه هنا وضعت ل مساعدة اخوننا اصحاب هالسياره والسيارات لا تطلب الا صيانه يعني كل مجموعه تكون لها فرق مسانده ونرجع ل بعض عند الحاجه
المهم انا طولنا اللفه وهي قصيره ودنا ب واحد يتبرع ويقول انا لها والمجموعات ب نظري كتالي
الوسطى وتتبعها القصيم وحاثل
والشماليه وتتبعها تبوك
والغربيه وتتبعها الجنوبيه
والشرقيه
مثل ماذكرت ودنا ب واحد لكل منطقه مو لازم يكون ل الكل
وانا راح اتبرع من عندي اني اكون مسؤول عن المنطقه الغربيه واللي وده يعارض او يشوف اني ما اصلح عادي المهم انا نخدم بعض ونفيد بعض خاصه ب قضية الورش والقطع والمشاكل والكفرات والتجهيزات

واي احد عنده مشكله ما وحاب يطرحها هنا ل الكل نحن ب الخدمه وسوف نقوم ب توجيه اذا تطلب الامر ذلك


اعرف ان الكلام ملخبط ومش مرتب لكن اعتقد ان الفكره وصلت للكل ودنا ب حركه بلاش نووووووووووووووم

[فارس سدير 1]

ماشاء الله فارس سدير موترك والله يهبل يعطيك الله من خيره ويحميك من شره ...................
بس لوتقدر تستقطب احبابنا في منتدي البرادو في تويوتا العربيه مثل ابوجهاد عاشق كورولا للمشاركه معنا راح يتحسن اداء الرابطه ............مع شكري لك ولاعضاء الرابطه


هلا وغلا أخوي عمر ، يالله حيه :)

أبشر بسعدك ، بكلمهم وبكلم إللي في منتدى السيارات بعد ، شباب ونعم فيهم ولهم خبرة راح تفيد الكثير

بس ماعرفتني عليك ، وش إسمك المستعار هناك ؟ ;)

[الرهيف1]

يا سلام يا سلام
ماشاء الله تبارك الله أشوف الرابطة عادت لحيويتها
وتزايد في عدد الأعضاء
وتفاعل في المواضيع
بصراحة شي نحسد عليه
متعة وفائدة ومرح وتبادل خبرات(شي يثلج الصدر) وفقكم الله
أرحب بالأعضاء الجدد بصفتي عضو قديم نوعا ما
الأخ هاوي سلق لدي اقتراح على التصميم الرائع: لمذا لا يكون شعار مكشات مع اشعة النور النازلة من الإضاءة طبعا مع تصغير الشعار حتى يتناسب مع بياض الأشعة.
أيضا لدي اعتراض على جمع الغربية مع الجنوبية
لأن الجنوبية كبيرة وبعيدة عن الغربية اللي يكفيها كثرة أعضاءها وتشعب مدنها بين مكه وجدة والطائف وبالإمكان ضم اهل الباحة مع الغربية أما الجنوبية فتشمل طبعا جيزان ونجران وعسير والنماص .(وجهة نظر)
خ فياض :قهر انك من الغربية يا ليتك من الوسطى كي نفوز فوزا عظيما
لكن انا في الاجازات في الغربية وراح اقابلك باذن الله

[فارس سدير 1]

انا أرشح أخوي الرهيف1 للمنطقة الوسطى

وهو قدها وقدود

قل تم ياأبو فارس

[الرهيف1]

الحمد لله على السلامة فارس سدير
وألف مبرووووك على انتهاء الاختبارات وان شاء الله نبارك لك على التخرج قريب بإذن الله بس عطنا خبر في الرابطة عشان نبارك لك ،ونشاركك الفرحة.
اسأل الله لك التوفيق والنجاح وعقبال الزواج والذرية الصالحة

[الرهيف1]

انا أرشح أخوي الرهيف1 للمنطقة الوسطى

وهو قدها وقدود

قل تم ياأبو فارس

العين ما تعلا على الحاجب بل على الحواجب

[فارس سدير 1]

الحمد لله على السلامة فارس سدير
وألف مبرووووك على انتهاء الاختبارات وان شاء الله نبارك لك على التخرج قريب بإذن الله بس عطنا خبر في الرابطة عشان نبارك لك ،ونشاركك الفرحة.
اسأل الله لك التوفيق والنجاح وعقبال الزواج والذرية الصالحة


الله يسلمك ياأبو فارس ، أبشرك طلقنا الجامعة بعد أكثر من 6 سنين عشرة :D
باقي علي فترة التطبيق في المستشفى عشان أستلم وثيقتي

الزواج لاحقين عليه ن شاء الله :p الله يسهل بس


وين عاشق دفع رباعي ؟ أكثر من كشته أطلع لها ولا أصادفه فيها ، بالرغم إنها في شرق الرياض :D

مشتاقين لك ياأبو فارس ومشتاقين باقي الشباب

الله يسهل إن شاء الله

بالتوفيق

[الرهيف1]

اولا : الــــــ1000ـــــف مبرووووووووووك على التخرج وعلى الطلاق:D
عاشق دفع رباعي موجود معنا هنا في الرابطة بس على خفيف ما ادري وين يختفي شكله يحضر الدكتوراه. وشكلكم خربتوه صار يطلع للشرق:D
ولا تنسونا من اعطاءنا خبر اذا طلعتو اي طلعة ولو برسالة ترانا ما ندري عنكم الظاهر انكم معد تعلنون ولا شي فقط اتصالات جوالات
كأني شايفك الليلة وانت طالع من شارع الأبراج اللي يطلع على خريص حول الساعة 9 والا مهو انت؟ لمحت الموتر من بعيد ولا انتبهت للسائق

[al khalaf]

السلام عليكم .
مشكور اخوي حسن على تفاعلك وردك على سؤالي . لكن صحيح ما فهمت وش دخل الايرباق دام ان القطعه اللي تسبب الصوت هي عند الدعاسات ؟؟ الله يستر لا يكون بها فك دريكسون بس !!!
اما بالنسبه للمشاكل يا أخوي خ الفياض . يارب لك الحمد 7 سنوات من الاستخدام ماقد شكيت من اي مشكله كبيره . عدا مره كانت المشكله هي السوتش التشغيل وغيرت القطعه بمبلغ 600 ريال من الوكالة . ومشى الحال ولله الحمد . ( كان يلف المفتاح على الفاضي داخل ). بووش يعني
في ملاحظه بسيطه عندي. وهي صوت قرقعة حديد جهة الهوب والفرامل اذا اخذت مطب خفيف او نزلت جلد .
وطلعت المشكله هي قطعة حديده على شكل حرف M تركب بالفرامل قدام . تمنع ان القماش يطق بالهوب . وصراحه كانت مزعجه . وسعرها اذكر حول 14 ريال للوحده بالوكالة . وانصح تغييرها بعد كل مرتين من تغيير الفرامل بالذات ان سعرها بسيط . لأنها تعتبر استهلاكيه .
والا السياره الحمد لله بشكل عام مافيها مشاكل كبيره . واي استفسار أو خدمات انا حاظر لكم :) .
لتوزيع المناطق بالنسبة للرابطه . انا اخوكم من سكان الشرقيه - الخبر .

[الرهيف1]

السلام عليكم .
مشكور اخوي حسن على تفاعلك وردك على سؤالي . لكن صحيح ما فهمت وش دخل الايرباق دام ان القطعه اللي تسبب الصوت هي عند الدعاسات ؟؟ الله يستر لا يكون بها فك دريكسون بس !!!
اما بالنسبه للمشاكل يا أخوي خ الفياض . يارب لك الحمد 7 سنوات من الاستخدام ماقد شكيت من اي مشكله كبيره . عدا مره كانت المشكله هي السوتش التشغيل وغيرت القطعه بمبلغ 600 ريال من الوكالة . ومشى الحال ولله الحمد . ( كان يلف المفتاح على الفاضي داخل ). بووش يعني
في ملاحظه بسيطه عندي. وهي صوت قرقعة حديد جهة الهوب والفرامل اذا اخذت مطب خفيف او نزلت جلد .
وطلعت المشكله هي قطعة حديده على شكل حرف M تركب بالفرامل قدام . تمنع ان القماش يطق بالهوب . وصراحه كانت مزعجه . وسعرها اذكر حول 14 ريال للوحده بالوكالة . وانصح تغييرها بعد كل مرتين من تغيير الفرامل بالذات ان سعرها بسيط . لأنها تعتبر استهلاكيه .
والا السياره الحمد لله بشكل عام مافيها مشاكل كبيره . واي استفسار أو خدمات انا حاظر لكم :) .
لتوزيع المناطق بالنسبة للرابطه . انا اخوكم من سكان الشرقيه - الخبر .

ما شاء الله تبارك الله
سيارتك قير اوتوماتيك والا عادي؟

[أبوخالدالعراك]

السلام عليكم ورحمة الله وبركاته
الحمدلله والصلاة والسلام على رسول الله
وعلى آله وصحبه أجمعين

سأكون صريح جدا بخصوص
البرادو الاربعه سلندر جي اكس
حقيقة .. هو مظلوم جدا بين الناس
نعم .. العزم فى القومه ماهو مثل الفي اكس
لكنه ماهو ردي حتى يكون خاص للشيبان
او يوصف بالضعف بهذه الصوره
انا استعمله الان قرابه الشهر
جربته فى الطعوس القويه
وبيض الله وجهه حقيقه
وفى الخطوط مشيه طيب ولا هو ردي
وجبت فيه الـ 180 كيلو متر وبسهوله
وحملته باغراض مخيم اسحبه على عربه
وركبته انا والعايله وعددنا 8 اشخاص
ثلاثه بالغين والباقي اطفال
وكان اداءه ممتاز ورائع فى الخط وفى البر
طبعا اعيد واكرر ....
السته سلندر اقوي فى القومه والعزم فقط
ولا يزود على الاربعه سلندر باى شي اخر
نفس المركب والنعومه والرساوه والقوه
فى الطرق والبر
وانا وعدت الاخوان من قبل ان اخضعه للتجربه
فى اشد الظروف والتضاريس
الا انني انتظر صديق لى عنده برادو فى اكس
سيصاحبنا فى رحلتنا
لتكون المقارنه واقعيه وبموضوعيه تامه



بارك الله فى جهودكم
شـكــ وبارك الله فيكم ـــرا لكم ...
لكم مني أجمل تحية

[هاوي سلق]

ياشباب انا ودي اركب تانكي ثاني في سيارتي البرادو gx 2008 هل ممكن ولا لا
وو ين وكم اسعاره
لاهنتوا والى الامام ان شاء الله

[عاشق رباعيات]

شكرا جزيلا



هل قمت ب تغييره سيارتي 2006 سته سلندر
هل تاخذ جالون ونص


أنا غيرته قبل شهرين تقريبا عند مركز البازعي اللي في صناعيه الدائري
سيارتي 2007 سته سلندر

[عاشق رباعيات]

الله يسلمك ياأبو فارس ، أبشرك طلقنا الجامعة بعد أكثر من 6 سنين عشرة :D
باقي علي فترة التطبيق في المستشفى عشان أستلم وثيقتي

الزواج لاحقين عليه ن شاء الله :p الله يسهل بس


وين عاشق دفع رباعي ؟ أكثر من كشته أطلع لها ولا أصادفه فيها ، بالرغم إنها في شرق الرياض :D

مشتاقين لك ياأبو فارس ومشتاقين باقي الشباب

الله يسهل إن شاء الله

بالتوفيق
يا حيااااا الله فارس وين الناااس؟!! اشتقنا لك والله
أولا مبروك التخرج وعقبال الشهادات العليا وان شاء الله يكون التطبيق في شرق الرياض عشان تقدر تاخذ وثيقتك:D
الطلعه الأخيره أنا كنت معهم من الصباح الى قبل اذان المغرب بشوي فعبيت حينها الكفرات وانطلقت الى الرياض ومعاليك الكريم ماجا إلا بعد المغرب يعني قد المسلسل انتهى , واللي اتوقعه في سبب عدم جيتك الصبح معنا أنك رحت لقطر وديورت من هناك وجيتنا وعشان كذا راح النهار عليك :D

[عاشق رباعيات]

اولا : الــــــ1000ـــــف مبرووووووووووك على التخرج وعلى الطلاق:D
عاشق دفع رباعي موجود معنا هنا في الرابطة بس على خفيف ما ادري وين يختفي شكله يحضر الدكتوراه. وشكلكم خربتوه صار يطلع للشرق:D
ولا تنسونا من اعطاءنا خبر اذا طلعتو اي طلعة ولو برسالة ترانا ما ندري عنكم الظاهر انكم معد تعلنون ولا شي فقط اتصالات جوالات
كأني شايفك الليلة وانت طالع من شارع الأبراج اللي يطلع على خريص حول الساعة 9 والا مهو انت؟ لمحت الموتر من بعيد ولا انتبهت للسائق
وش دراك اني احضر الدختوراه :D وترى عنوان البحث هو ( مثلث برمودا والاختفاءات وعلاقته باختفاء فارس في الرحلات) دراسة تحليلية :D
وعلى طاري يختفي :D سلطان الاحساء دق علي أمس وتراه حريص انه يكون فيه طلعه الاسبوع الجاي

[خ الفياض]

الرهيف1

ودنا نخلص من التنظيم لا تعترض اللحين على ضم الغربيه مع الجنوبيه
لان العدد ما زال قليل
انتظر حتى يزيد العدد
وانتم يا اعضاء منطقة الوسطى ماشاء الله عليكم
محركين الرابطه بس ما تفقتوا مين المنسق العام لكم

الهمه يا شباب ودنا ب مشاركة جميع الاعضاء

[خ الفياض]

خ فياض :قهر انك من الغربية يا ليتك من الوسطى كي نفوز فوزا عظيما
لكن انا في الاجازات في الغربية وراح اقابلك باذن الله




جزيت خيرا والله يحيكم ب اي وقت

[خ الفياض]

يا فارس سدير الف مبروك على التخرج

وربي بنفع بكم الاسلام والمسلمين

[خ الفياض]

أنا غيرته قبل شهرين تقريبا عند مركز البازعي اللي في صناعيه الدائري
سيارتي 2007 سته سلندر


اشكرك على تجاوبك اخوي عاشق رباعيات

[amar.net]

:D d\fares :good2:

[طير البر 1]

السلام عليكم ورحمة الله وبركاته

ما شاء الله تبارك الله / الشباب في الرابطه مواعيد وطلعات وتلفونات مع بعض شي حلو طيب عطونا وجهه نتواعد في أي مكان ونتعرف على بعض اكثر .
واحد لزقه وراز خشته هههههههههههههههههههه (ملقوف) يبي يعرف اي شي .

[الرهيف1]

السلام عليكم ورحمة الله وبركاته
الحمدلله والصلاة والسلام على رسول الله
وعلى آله وصحبه أجمعين


سأكون صريح جدا بخصوص
البرادو الاربعه سلندر جي اكس
حقيقة .. هو مظلوم جدا بين الناس
نعم .. العزم فى القومه ماهو مثل الفي اكس
لكنه ماهو ردي حتى يكون خاص للشيبان
او يوصف بالضعف بهذه الصوره
انا استعمله الان قرابه الشهر
جربته فى الطعوس القويه
وبيض الله وجهه حقيقه
وفى الخطوط مشيه طيب ولا هو ردي
وجبت فيه الـ 180 كيلو متر وبسهوله
وحملته باغراض مخيم اسحبه على عربه
وركبته انا والعايله وعددنا 8 اشخاص
ثلاثه بالغين والباقي اطفال
وكان اداءه ممتاز ورائع فى الخط وفى البر
طبعا اعيد واكرر ....
السته سلندر اقوي فى القومه والعزم فقط
ولا يزود على الاربعه سلندر باى شي اخر
نفس المركب والنعومه والرساوه والقوه
فى الطرق والبر
وانا وعدت الاخوان من قبل ان اخضعه للتجربه
فى اشد الظروف والتضاريس
الا انني انتظر صديق لى عنده برادو فى اكس
سيصاحبنا فى رحلتنا
لتكون المقارنه واقعيه وبموضوعيه تامه




بارك الله فى جهودكم
شـكــ وبارك الله فيكم ـــرا لكم ...
لكم مني أجمل تحية



وعليكم السلام ورحمة الله بركاته وبعد
حيا الله ابو خالد وحيا الله ها المشاركة اللي هم بحاجتها الكثير من الأخوان الذين يرغبون شراء البرادو ب4 سلندر ويريدون سماع الاخوة أمثالك من الذين جربوا فعلا .
ولا يريدون السماع من المحللين الذين لم يجربوا وهم كثر.
لكننا نبي نشوفه على أرض الواقع في طلعة جماعية مع أعضاء الرابطة الموجودين بالرياض وان شاء الله انك من الرياض حتى نتشرف بمعرفتك
وفقك الله

[الرهيف1]

ياشباب انا ودي اركب تانكي ثاني في سيارتي البرادو gx 2008 هل ممكن ولا لا
وو ين وكم اسعاره
لاهنتوا والى الامام ان شاء الله
حيا الله هاوي سلق
بالنسبة للتاكي الاضافي أعتقد أولا انك لا بد أن تلغي الاستبنة من الأسفل وبالتالي ستحتاج إلى حامل للكفر الاحتياطي بالباب الخلفي أو تربطه فوق الموتر كما يفعل بعض الخواجات. أو تستغني عن الاستبنة وتدعها في البيت .
بالنسبة للورش اللي تعمل التانكي أعرف ورشة في الرياض حي النسيم أمام مقبرة النسيم من الجهة الغربية اسمها الرياض على ما اعتقد وهم مختصون في هذا الأمر وأكيد أن في غيرهم في الصناعية القديمة وغيرها.
أخبر قريت موضوع في منتدى تويوتا العربية عمل نفس الذي تريد وسيارته برادو ودعم موضوعه بالصور بتقرير رائع ولكني لا اذكر اسم ذلك العضو بإمكانك البحث هناك إن أردت.
الا التانكي الثاني هل تريده للماء ام للبزين؟
أنا ارغب في إضافة تانكي ولو صغير للماء وسيارتي بها تانكيين بنزين ولا يوجد مساحة مريحة لعمل تانكي إضافي للماء وذهبت بها للوشة اللي في النسيم ولكنه رفض عمل اتانكي لي بحجة أنه مكلف مقابل لترات قليلة من الماء ورفض حتى إعطائي القيمة.

الا ما قلت لي وش رايك بملاحظتي على الشعر؟
امر آخر أريد أن اسألك وهو كيف يمكنني إضافة صورة في التوقيع هل لا بد أن أرفع الصورة من موقع آخر أم أن مكشات لديهم مساحة للرفع؟

[الرهيف1]

يا حيااااا الله فارس وين الناااس؟!! اشتقنا لك والله
أولا مبروك التخرج وعقبال الشهادات العليا وان شاء الله يكون التطبيق في شرق الرياض عشان تقدر تاخذ وثيقتك:D
الطلعه الأخيره أنا كنت معهم من الصباح الى قبل اذان المغرب بشوي فعبيت حينها الكفرات وانطلقت الى الرياض ومعاليك الكريم ماجا إلا بعد المغرب يعني قد المسلسل انتهى , واللي اتوقعه في سبب عدم جيتك الصبح معنا أنك رحت لقطر وديورت من هناك وجيتنا وعشان كذا راح النهار عليك :D
أضحك الله سنك
وراك انت مستقعد للرجال والله يا ني ضحكت على المديور:D

[الرهيف1]

وش دراك اني احضر الدختوراه :D وترى عنوان البحث هو ( مثلث برمودا والاختفاءات وعلاقته باختفاء فارس في الرحلات) دراسة تحليلية :D
وعلى طاري يختفي :D سلطان الاحساء دق علي أمس وتراه حريص انه يكون فيه طلعه الاسبوع الجاي
هههههههههههههههههه (موضوع لم يطرح من قبل وفي غاية الاهمية) ههههههههههههههههه
وين سلطان ؟ رجع من هناك؟ انا ما دق علي ما ادري هو زعلان علي والا شي؟
بالنسبة للطلعة انا مسافر بكرة الى مكة ولن اعود باذن الله الا في نهاية الاسبوع القادم، ولكن فيكم البركة مع اني اتمنى تأجيلها إلى بعد عودتي
وفقك الله

[الرهيف1]

الرهيف1



ودنا نخلص من التنظيم لا تعترض اللحين على ضم الغربيه مع الجنوبيه
لان العدد ما زال قليل
انتظر حتى يزيد العدد
وانتم يا اعضاء منطقة الوسطى ماشاء الله عليكم
محركين الرابطه بس ما تفقتوا مين المنسق العام لكم


الهمه يا شباب ودنا ب مشاركة جميع الاعضاء


اللي تشوفه يا مشرفنا جميعا لكن انا أرى ان التقسيم هذا من اهم اهدافه تبادل الخبرات من حيث الورش والصيانة ففي حال ضم الجنوبية مع الغربية فلن يستفاد من هذه الناحية .

[الرهيف1]

:D d\fares :good2:


صادوه :p

الدكتور فارس لازم يعمل تخفيض خاص لأعضاء الرابطة اذا فتح له عيادة خاصة

الله يوفقه والقارئين

[al khalaf]

هلا بأخوي الرهيف1
سيارتي اوتوماتيك

[الرهيف1]

السلام عليكم ورحمة الله وبركاته

ما شاء الله تبارك الله / الشباب في الرابطه مواعيد وطلعات وتلفونات مع بعض شي حلو طيب عطونا وجهه نتواعد في أي مكان ونتعرف على بعض اكثر .
واحد لزقه وراز خشته هههههههههههههههههههه (ملقوف) يبي يعرف اي شي .

هذا انا اقولها من قبل أكثر من 20 صفحة و الى الان ما اشوف اي حماس لموضوع الطلعة ما ادري ليش متخوفين .خلونا نطلع ولو عصرية وكاسة شاهي على احد النفود مع شوية تطعيس وتعارف

[الرهيف1]

هلا بأخوي الرهيف1
سيارتي اوتوماتيك
ما شاء الله تبارك الله
بعد كم كيلو تغير زيت القير وزيت الدفرنس وهل تغير فلتر القير لأني سمعت واحد يقول انه المفروض التر ما يتغير للي فلتره حديد الظاهر من 2005 فما أعلى

على فكرة ركب معي واحد مره من المرات وهو خبير في السيارات وقال لي ان قير البرادو ممتاز جدا وقل له ايش يعني هل هو أفضل من اللند كروزر فقال لي ما في مقارنة قير البرادو قوي ومتين وما ادري ايش قال بس انه قعد يمدح كثير