المساعد الشخصي الرقمي

مشاهدة النسخة كاملة : مشكلة بالباترول سوبر سفاري 2008 وابي لها حل !!!


ابو تـركـي
25/11/2009, 02:21 PM
سلام عليكم

اعزائي اعضاء منتدى مكشات الاعزاء

انا بصراحه اعاني من مشكلة بالباترول من اول ما طلعته من الوكاله

ورجعت للوكله وقالوا لي هذا شي طبيعي

المشكله هي انه فيه طقه قويه بالدفرنس اذا وقفت والصراحه الطقه قويه يعني حتى الطفل

اللي ما يعرف يحس به

يا ليت اي واحد عنده خلفيه عن المشكله او قد واجه زي المشكله هذي ولقى له

حل يالييت يراسلن ويقول لي

والسلام عليكم
ABO AL-HESH
25/11/2009, 02:42 PM
السلام عليكم..
اخوي هذي الطقه عاديه باغلب الباترول ... اذا شحمت السياره من تحت تروح ان شاء الله ..
وترجع عقب فتره..
ابو تـركـي
25/11/2009, 02:44 PM
بس اخوي الطقه مهي طبيعيه يعني تحس كأن شي ضرب السياره

يعني اي واحد بالسياره يحس بالطقه
ق ب م 632
25/11/2009, 07:36 PM
عاديه ان كانها اللي اخبرها

لكن انت اذا تحسها قويه مالك الا تشيك على الصلبان وتجي 4 صلبان اثنين للدبل واثنين للعمود حق الدفرنس واذا شفت ان فيها فضاوه غبرها وتبي تروح هالطقه ..


واذا مافيها شى ابد مالك الا تشحمها وتخف معك كثير حول 90%



وعلمنا وش صار معك ؟؟
ابوطاقية
25/11/2009, 07:57 PM
يمكن عندك فضاوه بالكرونه الخلفيه وافضل شي ارفع السياره برافعه طويله وحرك السياره وتوضح لك الطقه وين
اذا فضاوه بالكرونه الوكاله ملزمه لك بتغيير الكرونه والا وزنها
ياسر111
25/11/2009, 08:31 PM
عندي نفس الشي في الموديل 2006
تحس فيها قليل احيانً اذا بغيت توقف كان احد ضرب السيارة من وراء
وفيه واحد من الاعيال موديل 2007 نفس المشكله
وهذا انت موديل
رحت للوكالة ورحت لكذا ورشة قالو عاديه بس بعد ماشفتها عند خويي خلاص رضيت بالامر الواقع
فارس نت
25/11/2009, 09:19 PM
والله مشكله هذي مالها حل يعني انا برضوا نفس المشكلة وموتري 2007 بعض المرات مع البريك القوي اشوي تسمع الطقة ومع البريك الخفيف ماتسمع شيء وانشالله الشباب عندهم الحل انشالله
Abu Saad
25/11/2009, 09:25 PM
تجيك غالبا لاصرت بتوقف عند الاشارة .
هذي طبيعية كل الفتكات موجودة فيها ...لاتشيل هم .
نصيحة لاتتعبث في السيارة تراها طبيعي .
والسلام عليكم
الحر النداوي1
25/11/2009, 10:45 PM
تجيك غالبا لاصرت بتوقف عند الاشارة .
هذي طبيعية كل الفتكات موجودة فيها ...لاتشيل هم .
نصيحة لاتتعبث في السيارة تراها طبيعي .
والسلام عليكم

^^^^^
نفس الكلام
عندي 2009 و2006 وكلهن نفس المشكله وتراها عايديه لاتشيل همها
ابو تـركـي
26/11/2009, 02:22 PM
بس الصراحه انا طفشت من الصوت ذا

واتحدا اي واحد يقول انه طبيعي

وياليت اي واحد كانت عنده المشكله وحله يقول لي وش الحل
Abu Saad
26/11/2009, 02:41 PM
اخي العزيز ابوتركي ، معك حق الصوت واضح ومزعج ويحس به كل من ركب .
لكن هذي صنعة الفتك جاي شد بلد كذا بقراطيسه او مستخدم كلهم نفس الصوت .
قد سألنا عنها قبلك وطلعت طبيعية كلام مستخدمين وكلام وكالة ، وانت الان تسأل مثل ما سألنا مثلك سابقاً :)
بس ياخوفي انك تطيح في واحد عليمي ويقولك غير كذا وفك كذا ... !! حرام تتعبث فيهوهو جديد وانت فاكه على يدك ومافيه الا العافية .
هذا هو معي 2005 سوبر ونفس الصوت من شد بلد الى ساعتك الحمد لله مافيه الا العافية .
وعموما علشان ترتاح نفسيا رح للحرامي الحمراني وراح يقولك نفس الكلام.
وبالتوفيق
capricorn99
26/11/2009, 06:48 PM
السلام عليكم

موضوعك موجود على الرابط التالي : http://www.mekshat.com/vb/showthread.php?t=190877
Honda Accord
29/11/2009, 01:25 PM
السلام عليكم ورحمة الله وبركاته .

اسمح لي ببعض الأسئلة ؛ حتى أستطيع مساعدتك :


1/هل تأكدت من أن الصوت في الجزء الأمامي من السيارة أم الخلفي أم الوسط ؟
2/ تقول أنه عند الوقوف فقط , فهل جربت الوقوف بواسطة الجلنط , وهل يظهر نفس الصوت ؟
3/هل أنت متأكد تمامًا أن الصوت مصدره القير أم مجرد ظن ؟
4/ هل ظهر الصوت فيه وهو جديد من الوكالة ؟
5/ إذا كانت إجابة السؤال الرابع بـ لا , فكم كانت المسافة التي قطعها عند ظهور الصوت ؟


أرجو الإجابة بدقة وبأسرع وقت ممكن .
هويدي
29/11/2009, 05:14 PM
شحم العامود الامامي والخلفي

وكل عامود له مشحمتين وحده خلفيه للصليب اللي جهة الدفرنس والثاني للأمامي جهه القير وان شاء الله تروح

ومحاتسيك من مستخدمي الباترول سلق 2001 و2006 ولله الحمد ماطلعتلي الطقه

وجربت فتك 2007 مافيه صوت بس كل السيارات اللي اتكلم عنهم قير عادي مدري عن التماتيك
بايع الفكسار
29/11/2009, 10:13 PM
شحم الموتر وتتروح الدقة
الادعج
30/11/2009, 04:30 AM
والله غريبه ياخوان الحمد لله موتري مافيه الطقه اللي انتم تتكلمون عنه!!!