خلاص قررت السفر للسودان واللى يمشى حياه الله..

[الريمى]

بسم الله الرحمن الرحيم
ياجماعه الخير قررت بمشيئه الله تعالى ان اقنص الى السودان فيه رجال زودنى بمعلومات عن طرق القنص من التصاريح والسيارات والاسلحه والدليله وتوه جاى قبل يومين...ولكن الاحتياط واجب وهو يقول يمكن امشى معاكم ولا لى غنى عن نصائحكم وخبراتكم الى عنده لا يخلينا ...
واللى يبى يخاوينا حياه الله
1-عدد الاخوان اللى يروحون 4 طبعا الحاليين يعنى لو مارح احد عددنا حنا 4 وانا الامير :)هههه
2- القطه 5000 ريال وعلى حسب الاخوان اللى يمشون كل مازادوا تقل القطه ولكن الحذر واجب ناخذ معانا احتياط فلوس
3- مده الرحله من 15 الى 20 يوم طبعا اقل شى 15 وعلى كيف الاخوان ناخذ بشورهم اذا قالوا اكثر نتشارور ويكتب الله الخير
4-وقت الرحل بالميلادى 10 الى 20 -1-2009 يعنى انسب وقت تقريبا 15-1-2009 على شان الناس تاخذ وقتها بالاجازه وترتب لكل شى يعنى بعد شهر ونص
5-الرحله تكون بالسياره او الطائره ناخذ شوركم لان السيارات الجيب 650 ريال باليوم والهايلكس دبل جير 400ريال تقريبا فاحسن شى ناخذ سياراتنا عن التكلفه ترى اذا رحنا بالطائره 5000 بدون تذاكر السفر وانتم كيفكم....
6-لازم نعرف كم عدد الاخوان اللى يمشون معانا وانا اقول حياهم الله ومرحبا وسهلا
7-لالالالالالالالالالا للصيد الجائر والله انى اكره الصيد اذا كان فوق طاقته ..
انا الحين مسافر وانشالله بعد العيد ارجع ونشوف ارائكم ونصائحكم..
وبالنسبه الى اخوانا اللى يبون ياخذونا للقنص بالسودان ماردوا لنا خبر واذا علمونا نخاويهم
لان كل انسان عنده ظروف والله يكتب اللى فيه خير
والرجاء كل الرجاء لا احد يقول يمكن اروح نبى تاكيد
طبعا لازم لازم رايكم اللى يمشون وقت الاجازه والشهر
نشوف رايكم يمكن نغير الوقت ..
ولكم جزيل الشكر...

[عارف الشمري]

اروح انام اشوا لي

ليش يابو الشباب (طالعي لشام) قطه5000؟ ولا قنصه بالبحرين

حبيبي اذا تبي تقنص بالخارج من 25000 الف وفوووق

ولا لا تقنص

وبعدين السوودان ( شيبان القصيم) ماخلو بها شي ( الله يخليهم)


الله يوفقك وتجي بالسلامه

[حصاد]

اروح انام اشوا لي

ليش يابو الشباب (طالعي لشام) قطه5000؟ ولا قنصه بالبحرين

حبيبي اذا تبي تقنص بالخارج من 25000 الف وفوووق

ولا لا تقنص

وبعدين السوودان ( شيبان القصيم) ماخلو بها شي ( الله يخليهم)


الله يوفقك وتجي بالسلامه





ليه نبي ناخذ سنة وين رايح 25000

الخمس الاف تكفي وعلى قولة اخونا

صاحب الموضوع كل ما زاد العدد قل

المصروف0000 وين رايح 25000

[مقدور]

اخوي دايم التخطيط الجيد لااي رحله يقلل من المصاريف

ومعروف مقناص السودان من 5 - 10 الف بالكثير للشخص ويختلف على حسب عدد الاشخاص ونوع الرخصه

لكن 25000 ماسمعنا بها بصراحه الى لفئه معينه يهمها الراحه والبذخ اكثر من متعه الصيد

ودعواتنا للجميع بالتوفيق

[صقرحايل]

ماشاءالله تبارك الله
تروحون وترجعون باالسلامه

[عارف الشمري]

ليه نبي ناخذ سنة وين رايح 25000

الخمس الاف تكفي وعلى قولة اخونا

صاحب الموضوع كل ما زاد العدد قل

المصروف0000 وين رايح 25000



من اسد على الفحم اذا كفتك 5000 الاف بالسودان

حبيبي انت طالع تنستانس وتنبسط يعني تبي كل شي تشوفه

اذا كان استخراج التصريح وهو تصريح الصيد بالسودان (1200) دولار

وضربها 3 يطلع 3600 ريال

غير استخراج تصاريح الصيد وغير الحراس وغير سيارات العفش

انا ماجبت شي من راسي انا اعرف اشخاص ذهبو لسودان وخسرو مبالغ


تكفيك الخمسه الاف بشرط معك 15 شخص والكثره


وحلات الطلعه محفوفه

[عارف الشمري]

اخوي دايم التخطيط الجيد لااي رحله يقلل من المصاريف

ومعروف مقناص السودان من 5 - 10 الف بالكثير للشخص ويختلف على حسب عدد الاشخاص ونوع الرخصه

لكن 25000 ماسمعنا بها بصراحه الى لفئه معينه يهمها الراحه والبذخ اكثر من متعه الصيد

ودعواتنا للجميع بالتوفيق


ونا ليش طالع ومتعب روحي ادور الراحه

والوناسه والهم والنكد (اخبره زين)

وسأل كم اجار السيارات وكم رخصه الطيور وكم رخصه الاسلحه وكم وكم وكم .....الخ

والاحتياط واجب

ارخ الريال وعز نفسك وستانس (ماتدري متى تموت )

[راشد الخلاوي]

أخوي عسى الله يوفقكم

لاكن عندي بعض المعلومات أحب أذكرها لك ولجميع المطلعين على الموضوع

أن ارحت للسودان السنة الماضية 2008 وأخذ الأحتياط واجب

أولاً بيلك سوداني جيد وحي وهذا من القليل طبعاً والا راح عليكم 2 / 3 أيام وأنتم في الخرطوم

ثانياً التصريح يكلف 6200 ريال سعودي أذا ما تغيرت الأسعار ويلحقها 2 أو 3 عسكر أجباري وكل واحد له يومية 300 ريال سعودي

ثالثاً السيارة الدبل بغض النضر عن نوعها جيب أو نقل لازم السواق من عندهم ولا يطلع معك إلا أوراقك جاهزة

وسعر الجيب ألاند كروزر 2007 _950 ريال اليومية

والحوض مثل ا لهايلكس الدبل 400 / 450 ريال والسكن اللي حليو من 100 دولار وطالع

هذه بعض المعلومات وعسى ان تنفعك

أخوك راشد الخلاوي

[عارف الشمري]

أخوي عسى الله يوفقكم

لاكن عندي بعض المعلومات أحب أذكرها لك ولجميع المطلعين على الموضوع

أن ارحت للسودان السنة الماضية 2008 وأخذ الأحتياط واجب

أولاً بيلك سوداني جيد وحي وهذا من القليل طبعاً والا راح عليكم 2 / 3 أيام وأنتم في الخرطوم

ثانياً التصريح يكلف 6200 ريال سعودي أذا ما تغيرت الأسعار ويلحقها 2 أو 3 عسكر أجباري وكل واحد له يومية 300 ريال سعودي

ثالثاً السيارة الدبل بغض النضر عن نوعها جيب أو نقل لازم السواق من عندهم ولا يطلع معك إلا أوراقك جاهزة

وسعر الجيب ألاند كروزر 2007 _950 ريال اليومية

والحوض مثل ا لهايلكس الدبل 400 / 450 ريال والسكن اللي حليو من 100 دولار وطالع

هذه بعض المعلومات وعسى ان تنفعك

أخوك راشد الخلاوي




هذا الحكي ولا باش,,,,,,,



صوره مع اتحيه لبو خـمـسة الاف

[Thenayyan]

اخوانى الاعزاء
ارجو الانتباة الى ادبيات الرد , خاصة وان الاخ يريد منكم الاستشارة والفائدة للجميع..
اما انا فارى ان التكلفة لايمكن ان تقل عن 10000 ريال اذا كان المقناص نظامى بموجب تصريح ولا تختلف التكلفة كثيرا اذا شحنت سياراتك او استاجرت من هناك ولكن السفر فى سياراتكم احسن واكثر امان لان المشاكل والبناشر كثيرة وسياراتهم ماهى قد كذا خاصة الديزل يسرى عليك الضبى وانت تشوف.
ارجو من الاخوان مراجعة التقارير السابقة للزملاء عن التكاليف الحقيقية والاحتياط بالاضافى احسن .
وفقكم اللة
تحياتى,, ابو فهد.

[@السيف@]

اخوي الله يوفقك ولكن تاني شوي واستشير واسال الله لكم التوفيق

[هواي داورد]

الله يعينك

شكلك ماعاد أنت بقانص :)

واحد يقول 25000 وواحد يقول 5000 تكفي

وواحد يقول الرخصة بـ3600 وواحد يقول 6200

والله يعينك ( لوني موظف خاويتك :) )

[ذgggق]

<-- خلنا على القناصه جمب شبك البل


بالنسبه للسودان اطلع لها تهريب اصرف بس انتبه يمسكونك متخلف ويرحلونك خخخخ



الله ييسر رحلتكم يارب واخذ الاحتياط واجب

[الــفــيــصــــل]

<-- خلنا على القناصه جمب شبك البل


بالنسبه للسودان اطلع لها تهريب اصرف بس انتبه يمسكونك متخلف ويرحلونك خخخخ



الله ييسر رحلتكم يارب واخذ الاحتياط واجب


هههههههههههههههههههههههههه لاتعليق

[المازن22]

الاخوان الكرام اسعد الله اوقاتكم الرجال ما غلط يمكن قصده اللي بيسافرون وهم قليل العدد مثل 3 او 4 ما يكفيهم غير 25000 الف والا القطه من خمسة الاف طيبه حتي لو زاد العدد اذا قضو من الرحله وبقي شيء يحمل يتوزعوها والله يوفق الجميع.:f

[الريمى]

السلام عليكم ورحمه الله وبركاته ...
مشكور يابو كدريه على الرد انا وانا اخوك مانى طالع لحالى وفعلا 5000ريال ماتكفى انى اروح لحالى
انا اروح مع اخوياى من 5الى 6 عددهم ولو انا نروح اربع فقط لكانت القطه 8000ريال تقريبا يعنى نروح اقل شى 30الى40 الف ريال والصيد انا اضمنه لك شيبان القصيم استانسوا وخلوا اللى يكفى من الصيد ...تحياتى لك :)
مشكورين على الردود يا اخوان... وحنا رايحين نستانس بس ما حنا مبذرين بالصيد ولازم نحسب حساب لكل شى ياجماعه الناس فيه اللى عنده ظروف ومايقدر يدفع 3000 ريال بس 5000مناسبه يقدر يدبر نفسه وانا من ناحيتى اقدر ادبر ولله الحمد والمنه 10 اضعاف القطه بس ماهو لازم ان نجبر الناس على شى فوق طاقتهم
وحتى اللى يزيد من القطه راح يرجع لكل واحد حقه قبل لانسافرمن السودان راح نتحاسب عشان نكون على بينه ..واشكركم جزيل الشكر ...

[ابوفاضل2]

السلام عليكم ورحمة الله وبركاته...
بعد التحيه اخي(الريمي)
اشكرك على الفكره الطيبه
بس ياليت تحدد الوقت لاني بعمل وخبرك لازم اجازه
تحياااااااااااااااااااااتي

[XالمرقابX]

تروح وترجع بالسلامه

[mngahi]

طيب عندى صديق صياد هناك و يقول دائما تعال عندنا نصيد غزلان و طيور و تشوف السودان لاكن اسافر لدول ثانيه طيب اذا رحت اعمل حساب التساريح او ايش افيدوني على الخاص او ب الرد الله يعطيكم العافية
هل الاخوان يريدونا معاهم القطه مو مشكله 5000 تمام

[mngahi]

0590187633

[حر الجوف]

تروحون وترجعون بالسلامه
لكن اتوقع 10000 عشر الآف
وتأخذون احتياط معكم كافيه

[الريمى]

ابو فاضل المغادره بتاريخ 25-1-2009 وهذا انسب للناس ياخذون اجازات
mngahi (http://www.mekshat.com/vb/member.php?u=135261) ايش تبى تعرف وانا حاضر ...
حر الجوف والله الود ودى القطه تكون مثل ماتفضلت وماعندى مشكله بس بعض الاخوان مايقدرون على هالمبلغ يكون كبير عليهم
تنبيه ياجماعه اللى بيقنصد معانا يسجل اسمه لان العدد راح يكون محدود والمهله الى الاسبوع الجاى وبعدها راح يتوقف التسجيل ...
وتحياتى لكم

[يا بعدهم]

بسم الله الرحمن الرحيم
السلام عليكم ورحمه الله وبركاته
الله يوفقكم ويرزقكم الصيد الطيب
ولكم مني احلا تحياتي
((( يــــا بــــعــــدهـــــم ))
http://www14.0zz0.com/2009/12/07/23/481248231.jpg

[الشملاني1]

الله يوفقكم ويسهل لكم
هل لازال التسجيل مستمر اخوي الريمي

[البني]

على العموم اخذ احتياطك لا توهق :)

[الريمى]

اخوى الشملانى
توقف التسجيل واسف
واشكر كل الشباب اللى عطونا نصايحهم واحترم ارائهم وتهمنى حيل مشورتهم واشكركم
على كل شى واسف اذا احد تظايق منى باى شى ...
تحياتى للجميع