سحب السيارة بين الواجب والإحراج والضرر =====> .(((((شاركنا برأيك))))).

[نجم الصداوي]

كـــل عام وأنتم بخير ما تتمنون بإذن الله...
..
.. رأيكم بقضية سحب السيارة العالقة في الرمل أو المتعطلة..
..
.. حــذرني بعضهم بحجة ضررها على السيارة .. متى ما كانت عملية السحب قوية ..
..
.. قال أحدهم .. نتيجة سحب جمس عائلي .. ميلان في شاص السيارة( جيب حوض)..
موقفي من إستشهاده .. حذر .. مع تحفظي بحقيقة كهذه.. فلربما أن صاحبي مبالغا في القصة..

.. شخص ثـــان .. يدعي بأ نه لن يفزع في سحب سيارة أبدا ..إذ كلف عليه هذه الأمر نتيجة سحبه لأحد السيارات بخراب ( الكلتش ) ودفع قيمة تصليح سيارته 2500
..
.. رأي أحبابنا ما هو.. هــل تسارع لوضع ونش السحب أو حبل يعجبك شكله كي تسارع في عملية الإنقاذ.. أم تغض الطرف خوفا من ضرر محتمل إن تكرمت بمساعدة الآخرين.
..
.. نعم.. نعرف معا .. أن العون والمساعدة ورفع الضرر.. نبـــل إسلامية.. وحقوق أخوية .. لكن ياترى. عندما تلازم مسألة الضرر الشخصي مع أداء معروف أخوي ..أيها تقدم...!!
..
.. رايكم .. هــل فعلا الضرر موجود؟ أو أن ما ذكرته أو قيل لي مجرد مواقف شخصية..لا ينبغي تعميمها..
..
.. أترك الرأي لكم..
..
.. مــلاحظة .. نــدع أمثلة الإحتمالات الخطرة جانبا .. نحن نتحدث عن الحــالات التي ربما يستعان بها بغير السحب ، أو أن تتم معالجتها عن طريق الدفاع المدني أوغيره.. نعم..متى ما رينا حالة خطرة.. ورأينا الحل الأخير في السحب فأهلا به.. ولو على خراب السيارة.. كأن يكون في السيارة المتضررة عوائل أو أنها تحت قيادة شيخ كبير.. أو الخوف من ضرر أكبر كالسيول الجارفة أو إنقضاء النهار وحلول الظلام ..
..
.. حفظكم الباري وأعانكم .. ووفقنا وإياكم لكل خير..

[نفود الطوقي]

موضوع مهم جدا


بعض الناس يقول
ان سحب السيارة بالواير يخرب القير
ويعرف شخص صار له ذلك


وبعض الناس يدور اللي مغرزين بالبر ويروح يطلعهم بالواير أو غيره
وماصار له شي


صراحة أنا محتار جدا
تضارب الأقوال مشكلة


ياليت أصحاب الخبرة في السحب
يفيدوننا
لأن الموضوع حساس جدا جدا
فانت تخاف على موترك
وفي نفس الوقت تستحي تشوف واحد مغرز وما تساعده
خصوصا إذا كانوا عائلة
وجاهم الليل

قل لي وش تزين ؟؟؟؟؟؟؟؟؟؟؟؟؟؟؟؟

[مكشاتي عنيزه]

موضوع ممتاز

رأيي المتواضع عدم تحميل السياره مالا تطيق

بمعنى تخيل جيب يسحب دينا او جمس غاطس الى الدفرنس

بعض ا الشباب يسحب بالواير الكهربائي بدون دعس البنزين

وبعضهم يتل السياره تل ويدمر الشاصي

سددو وقاربو

حاول بقدر المستطاع او يكون السحب بسيارتين

ومالك الا الأجر والثواب

[كبسولة2]

سحب السيارة المغرزة له أضرار على السيارة الساحبة :

1 / صوت ونة في الكرونة بسبب التواء التروس الداخلية لها

2 / خراب الصليب في عمود الكردان ويسبب فضاوة تبان عند التعشيق بالـ d

أو r صوت طقة

3 / خراب طنجرة الجربكس والكلتشات في القير التماتيك

وخراب الدسك والصحن في القير العادي

4 / تهريب زيوت من صوف المكينة والقير بسبب الضغط على المكينة مع الدبل

لأن الدبل مصمم لأخراج السيارة المصمم لها خصيصاً بمعطيات معينة

يعني ثقل السيارة وحمولتها وأنت بسحبك لسيارة ثانية تزيد الضغط على محركات سياراتك

فوق طاقتها والأضرار هذه تظهر أحياناً وقت السحب وأحياناً بعد السحب بفترة

هذه خلاصة تجاربي 25 سنة قيادة سيارات خصوصي وعمومي ودفع رباعي

[سطام vip]

بسم الله الرحمن الرحيم

السلام عليكم ورحمة الله وبركاته

موضوع رائع للنقاش وفيه فائده عظيمه ان شاء الله

من ناحيتي احب افزع كثير لاي احد مغرز وخصوصا العائلات

اما الشباب افزع معهم بأيدي واذا مانفع نسحبه بالسياره

وسبق وسحبت جمس صالون مسيف على الطعس والحمد لله مشى الحال

اهم شي طريقة السحب المناسبه يعني لا تحمل السياره فوق طاقتها وتختار

الطريق المناسب للسحب البعض يعابط نفسه وبتخرب سيارته

وعندك نظام النتع الي ينع الموتر نتع هذا اخطر شي على القير والشاص

ويمكن ينكسر شنكار السحب ويتأذى احد

لازم (تبرح ) للسياره المغرزه واحيانا يحتاج الامر تبرح لسيارتك انت المسعف


وعلشان لا تغرز جمبه لازم تنسم الكفرات وهنا اصعب وضع اذا كنت مستعجل

وتبي تفزع الله يعينك تنسم كفرات السياره وصارت معي كثير

على العموم نطلب الاجر من الله وان شاء الله ما يصير الا الخير

وانت الي تقدر تحمي سيارتك بعد الله سبحانه

اترك المجال للخبراء

وتقبل مروري والرد

دمت بحفظ المولى

[مروووق]

اهم شي طريقة السحب المناسبه يعني لا تحمل السياره فوق طاقتها وتختار

الطريق المناسب للسحب


كلام عين العقل اخوي سطام vip

الحقيقة موضوع مهم جداً ويستحق النقاش واستطلاع الرأي من جميع المشاركين

عن نفسي ، انا من النوع الي يغض الطرف ويمشي :D بشكل عام

بس لاشفت عائلة وصدق متوهقه والليل قريب او رجال شايب كبير احتمال 50% ارجع لهم واحتمال 50% امشي عنهم :rolleyes:

اما اذا شفت شباب في رحلة. لا والله معصي ما اوقف لهم ولا كاني اشوفهم :D:D:D

حسب خبرتي الميكانيكية ان القير الاتوماتيك لاتطلع فيه احد مغرز الا اذا التغزريه خفيفة او بسيطه . مو الموتر واصل للدفرنش على قوله اخوي مكشاتي عنيزة .

اذا القير عادي ، مايضر التروس بكثر مايحرق الكلتش .والخوف ان كثر الزر يعدم عليك صوفة القير وتنشق او شي واجلس نزل مكينه ولا قير :( وهذي صارت للاند حق الشايب

اتذكره مره في هافمون قبل 6 سنوات استنجدو فينا شباب مغرزين فوق القص. المهم لما وصلنا لهم الا موترهم جمس سوبر قطع 10 مو دبل. مادري كيف طلع فوق. المهم انني انتبهت لغراش على السيت الي جنب السائق. بالاخير طلعت غراش خمر :no2: والاخوان المغرزين ريحتهم فايحه

والله اني قلت لهم بعدل الموتر علشان اسحبكم . و مشيت وخليتهم

الواحد وده يعمل خير ويخاف يطيح في داهيه :D . ادري اني شطحت عن الموضوع

تحياتي :)

[بليهان]

إذا جينا نحسّب الخساير والمشاكل والنتائج كان ماأحد فزع!!!
لكن هناك مواقف لامجال معها لحساب الخساير والأعطال الناتجة عن العملية وهذي يعرفها كل من عنده نخوة
أما اللي بيحسب للخساير صدقوني ماهو فازع لاحد حتى لو ما تنضر سيارته

[ksa--505]

هلا بكم اجمعين

بالنسبة لو كان المغرز عائله والله لو يصير ما يصير في سيارتي لاحاول قدر المستطاع لاخراجه

اما لو كان شباب يدبرو انفسهم

ولكم تحياتي وجة نظر ولا اكثر

[بدران123]

ياخوان الخساره بالعمر والفزعه مطلووبه ومدام الرياجيل استفزعووك مااعااد انت مخليهم لو كانوا شبااب يمكن ماعااد هيا طالعه والا معهم مقرووص والا مريض والا في وادي..

عاونهم وافزعلهم وترى يجي يوم تبي الفزعه وبتلقى ماسويت وفعلت ان كانك تلبي ترااك تلبى انشاالله..

[ksa--505]

انا اتكلم على الذين يطامرون بسيارتهم في الطعوس ولا سيارتهم تساعد اما ماهي دبل او قديمه او ماهو طري الكفر يعني غشيم او غير ذلك
ولما يغرز يقول تعال اسحب ولما تطلعه برضه يطامر مره ثانيه وعلى هالحاله

اما لو زي ما قلت شباب غصب عنهم ولا في حل الا ان واحد يطلعهم نحاول نطلعه
انشاء الله وصلت الفكره واناخوك ولا انشاء الله ما نقصر

[قناص خلاوي]

إذا جينا نحسّب الخساير والمشاكل والنتائج كان ماأحد فزع!!!
لكن هناك مواقف لامجال معها لحساب الخساير والأعطال الناتجة عن العملية وهذي يعرفها كل من عنده نخوة
أما اللي بيحسب للخساير صدقوني ماهو فازع لاحد حتى لو ما تنضر سيارته

صح لسانك يابليهان
ياما سحبنا ناس مغرزين بطعوس وطين وشعبان وعلى البحر
عوايل وشباب واجانب وانواع التغريزات والحمد لله ماشفنا الا كل خير
حتى الدينا تلينها تل وهي غاطسة جنب البحر ولا حصل الا الخير

وكل تغريزة وكل موتر له طريقته بالسحب والتل وان شاء الله ماراح يضر الموتر بشي .

الزبدة
الرجال يقدم الطيب ويفعل الخير والله ياجره عليه بالاخرة
وبالدنيا دفعة بلاء ولا تدري يمكن تحتاج للفزعة ولا تاجدها لانك مافزعت مع غيرك قبل ..
ومثل ما يقول الشاعر >>
من يفعل الخير لا يعدم جوازيه @ لا يذهب العرف بين الله والناس

[أبوحمد 505]

أنا عن نفسي أفزع وأطلعهم سواء شباب ولا عوايل ولا هنود
لا كن إذا كانو في تجمع للتطعيس طبعا لا

[البوعينين99]

إذا جينا نحسّب الخساير والمشاكل والنتائج كان ماأحد فزع!!!




لكن هناك مواقف لامجال معها لحساب الخساير والأعطال الناتجة عن العملية وهذي يعرفها كل من عنده نخوة

أما اللي بيحسب للخساير صدقوني ماهو فازع لاحد حتى لو ما تنضر سيارته






ياخوان الخساره بالعمر والفزعه مطلووبه ومدام الرياجيل استفزعووك مااعااد انت مخليهم لو كانوا شبااب يمكن ماعااد هيا طالعه والا معهم مقرووص والا مريض والا في وادي..





عاونهم وافزعلهم وترى يجي يوم تبي الفزعه وبتلقى ماسويت وفعلت ان كانك تلبي ترااك تلبى انشاالله..





انا رأيي مع رأي الشباب , , وماعتقد اني بطنش حق احد محتاج إلا في حالتين :

إذا كانت حاله المغرزين مثل ماقال الأخ مروووق.
أو إذا كان المغرز تريله :D


في غير هالحالتين بحاول أني أساعد بالي أقدر عليه.

[شامخ ألهيلا]

اذا بتحسبون الخسائر والاعطال
ضاعت النخوة والضعيف والذيب يبان عند اللوازم
عن أبى هريرة عن النبى (صلى الله عليه وسلم) قال "من نفّس عن مؤمن كربة من كرب الدنيا نفّس الله عنه كربة من كرب يوم القيامة ؛ ومن يسّر على معسر يسّر الله عليه فى الدنيا والآخرة ؛ ومن ستر مسلما ستره الله فى الدنيا والآخرة ، والله فى عون العبد ما كان العبد فى عون أخيه)وللحديث بقيه
رواه مسلم

وقال الله تعالى : "وافعلوا الخير لعلكم تفلحون"

[سحابة قبله]

افزع على طول

بس اسحبه شوي شوي بدون متل ولازم احد يافف يعلمك اذا انشد الواير

المتل هو البلا

[مغلي]

عني انا بفزع اذا كانو عوايل او شباب خيرين = شرواكم ... اما اذا كانوا كدش او قلة حيا او مثل الي طاح بهم اخونا مروووق (بالرد رقم 6)... فلا والف لا ... يستاهلون ما جاهم

[فارس الكشتة]

والله يا اخي العزيز

ممكن الي سحب سحب بطريقة خاطئة او انه ما يعرف يسوق>>طالع منها

وايضاً لا ننسا أن من فرج كربه على اخيه فرج الله عليه كربه يوم القيمامة او كما قال عليه الصلاة والسلام

وغير كذا ممكن تسحب احد اليوم وبكرة تطلع تحتاج احد يسحب ..
ونناظر الفلوس بمقياس الاجر والاحتساااب والفضل في المساعدة

وجهة نظر تقبل ولا تقبل

شكراً

[ابوصالح3]

يااخوان مساعدة العايله واجب وعيب انك تخليهم حتى لو الثمن خراب سيارتك اما الشباب ان كان حولهم ناس وماعليهم خطر اتركهم لغيرك يساعدهم وان كانو بمنطقه نائيه ومقطوعه فتركك لهم جريمه حتى لو ماسحبت سيارتهم وصلهم لاقرب مكان فيه ناس واتركهم

[ابو نواف المطرفي]

بسم الله الرحمن الرحيم



السلام عليكم ورحمة الله وبركاته


موضوع رائع للنقاش وفيه فائده عظيمه ان شاء الله


من ناحيتي احب افزع كثير لاي احد مغرز وخصوصا العائلات


اما الشباب افزع معهم بأيدي واذا مانفع نسحبه بالسياره


وسبق وسحبت جمس صالون مسيف على الطعس والحمد لله مشى الحال


اهم شي طريقة السحب المناسبه يعني لا تحمل السياره فوق طاقتها وتختار


الطريق المناسب للسحب البعض يعابط نفسه وبتخرب سيارته


وعندك نظام النتع الي ينع الموتر نتع هذا اخطر شي على القير والشاص


ويمكن ينكسر شنكار السحب ويتأذى احد


لازم (تبرح ) للسياره المغرزه واحيانا يحتاج الامر تبرح لسيارتك انت المسعف



وعلشان لا تغرز جمبه لازم تنسم الكفرات وهنا اصعب وضع اذا كنت مستعجل


وتبي تفزع الله يعينك تنسم كفرات السياره وصارت معي كثير


على العموم نطلب الاجر من الله وان شاء الله ما يصير الا الخير


وانت الي تقدر تحمي سيارتك بعد الله سبحانه


اترك المجال للخبراء


وتقبل مروري والرد


دمت بحفظ المولى







انا مع اخوي سطام

[شمالات نجد]

يا رجال خل الموتر يخرب

لكن ما أتوقع يخرب من سحب مره وحده يعني قل بالسنه يخرب عليك الكلتش مره وحده ما يخالف

عن نفسي مقدر أشوف أحد مغرز ويشر لي وأسفهه أبداً

والسيارة قير عادي مع الدبل الثقيل طبعاً

شكراً لك

سلام

[غربي هواوي]

اذا كانت السيارة قير تماتيك لا تسحب ابد لأان يحمل على الجبركس ويضره

اما اذا كان القير عادي فيجب عليك مراعة المحافظة على سيارتك وعدم الضغط عليها

[هويدي]

عن نفسي اذا كانو شباب ما احرص بعد موقف صارلي

طلعت واحد وصدمني !! لا ويقولي ليه تاقف بعد من زين الوجه :)

اما اذا كانو بموقع خطر او موقف يستوجب الفزعه ( على طريق او خلا ماحولك احد ) اساعدهم باللي اقدر عليه سواء كانو بنقلا ولا عايله حرصاً على ارواح العالم واحتساباً للأجر

[هارون97]

ياما اخرجنا ناس شباب شيبان والنتيجة تغيير كارونة + حرة في العمود + تركيب فرارات على لله ماجورين انشاءلله

[G.M.C]

انا ياما سحبت على النيسان حقي والله كرفته كرف بس الي جاه كلتش مره وحده وعقبها قلت ماعدني ساحب احد وبعدها بكم اسبوع والقى واحد مع اهله واسحبه و ومع الوقت صرت عايدي اسحب وموتري مابه احسن منه الي يخرب الموتر لاجاك واحد دلخ وقام يدعس للموتر كله على باله كذا بيطلع بسرعه

[لاخلى ولى عدم]

طيب يا شباب الونش ما يقوم بالواجب

يعني لو واحد يركبه بسيارته ما تنظر السياره ولى نفس الشي خاصه لاكانت السياره قير

تماتيك

[MSAHMM]

اذا جاني احد يبي فزعه فزعت له لوصار ماصار مهما كانت حالته وعمل الخير لله ماهو للأشخاص

[الاندكروزر123]

لو احد طلب الفزعة مني والله لفزعله لو صار الي صار في الموتر وخاصة اذاكانوا عوايل ولا شيبان احرص انك تدعس على الموتر بالهون لين يطلع الموتر الي تسحبه

تقبلوا مروري
وشكرا

[سوبر VTC]

الي يخرب الموتر لاجاك واحد دلخ وقام يدعس للموتر كله على باله كذا بيطلع بسرعه


ما كل من مسك سيارة سواق :no2:
بعضهم يدخل بالنفود و الكفرات بهن 40 و يضن ان الموتر
الدفرنسين خلاص ما يغرز :no2:
الناس مهب وحده

[hamido]

هي السحبه ساحب ساحب لكن يختلف الجر من موتر لموتر يعني لو كان الي معي شروكي مامتله ابد لان الي فيه كافيه وما يصدق خبر... لكن لو كان نيسان باترول امتل وما جاك عندي كوارينه كبار ومصممه للسحب وكذالك التويوتا نوعا ما
وسلامتكم....

[عاشق الفتك 20]

ماااقصرروو الاخوااااااان

[نجم الصداوي]

تحية للجميع ..
..
.. شكرا لتواجدكم الطيب..
..
.. لا نتفق مع بعض الآراء .. لكننا نحترم أصحابها .. ونشكر لهم حسن نواياهم ..
..
..

[PATHFINDER 4]

ياما اخرجنا ناس شباب شيبان والنتيجة تغيير كارونة + حرة في العمود + تركيب فرارات على لله ماجورين انشاءلله



هههههههههه احتسب الاجر وانا خوكـ ووسع صديركـ :)

[المميز99]

يعطيك العافيه اخي الكريم على هالموضوع

لا جديد اغلب الاخوان تكلموا بهالموضوع وان اشاء الله انهم وفوا وكفوا

ولكن من ناحية الفرق بين العائلة والشباب انا اشوف ان الي بيسحب بيدور الاجر سواء لعائله او شباب ماتدري يمكن هالشاب تقي ويدعي لك دعوة مباركه لأنك ساعدته

ومن ناحية طريقة السحب فيه نقطه مهمه انا الاحظ الكثير مايهتم فيها وهي تنسيم الكفر سواء الي يسحب او المسحوب ولا لايتعب نفسه ويضر موتره

من ناحية الضرر بالموتر اذا كان طريقة السحب بالشكل الصحيح ماتوقع يضر ان شاء الله

تحياتي لكم جميعاً

[ERIC7]

والله وانا اخوك الفزعة مطلوبه وبيجي يوم وتحتاج لاحد
اللي ما افزع معهم اللي يدخلون ومواترهم مافيها دبل ولاهي مخصصه للبر
خصوصا هالبزران يدخل باي موتر ويعدمه طبعا لانه مادفع فيه قرش واخرتها اعدم موتري علشان يطلع من نزوة مالها داعي انا مع ان موتري فيه دبل ما ادخل الطعوس الا لحاجه ولا للتطعيس ماعمري سويتها باختصار موترك استخدمه لما صنع له
بعيدا عن الموضوع اذكر قبل عدة سنوات واحد من الربع دخل بمكسيما في الطعوس قبل اذان المغرب بشوي وحنا ماندري عنه ومافينا اللي معه جيب ولا ونيت لاكن عددنا كبير جدا مجتمعين على الفطور في الاخير شلناها شيل الين تحركت شوي لاكن اذكر بعض الشباب مالقا محل يمسك الموتر من كثرنا وطبعا راعي الموتر جواته وطلع بعد محاولات دامت 5 ساعات

[«نجم الخير»]

انشاء الله مانقصر مع احد
اما الخسائر قليله العام الماضي سحبت جيب كان
متعلق في طين بس فرط جنزير الدبل وغيرته
بس 3000 ريالا

[العابر2222]

اخووووي السحب له طرق وقواعد

بعض الناس يجي طاير ويسحب على عماها ولا يطلع الموتر ويجررر على موتره على الفاضي

اول شي شف الجهه الأسهل للسحب هل الموتر متسند ولا لا ؟
ثانيا برررح للموتر الي بتسحبه مهما كانت تغريزته لكي يساعد لا يتعب موترك
اذا شبكت الواير ولا السلسله امش الين تنشد بعدين شد الموتر مو تنتله يلعب في موترك

وهكذاا

والفزعه مطلوبه

[turke2545]

انا عن نفسي اساعد اي واحد يحتاج مساعده سواء شباب عوائل
كبار سن وفي بعض الاوقات اطلع للبر ادور اللي مغرز علشان
اساعده واحتسب الاجر سواء سحب او متل اذا كان يحتاج متل تخيل انت في
نفس اوضع ولااحد يساعدك لااحب اطيل لاكن فيه موقف حصل لي انا طالع
اتمشئ في البر لقيت شباب مغرزين قصدي متعلقين وقفت قلت مساعده ياشباب
قال واحد منهم والله كان ودك نزلت انزل اواير يوم جيت اشبكه جاء لمي واحد
منهم قال بصراحه انا متعمد اغرز علشان نضيع الوقت ماندري وش نسوي
تعجبت من الرد فيه شباب كذا0
اخذت الواير وقلت اجل سلام عليكم اما بنسبه السحب او المتل اهم شي تكون
معادل السيارة الثانيه لكي لا يكون فيه ميلان مثل صاحبنا في الشاصي
هذا اللي حبيت الشارك فيه وشكر0

[مطلق السلمان]

المساعدة واجب كل شخص مسلم ومن عوايد العرب مثلكم عارفين ومن الواجب يكون الواحد منا جاهز لمثل هاذة الأمور ولو حصلت مصادفة مثل تجهيز العدة اللازمة للسحب وتكون ذات مواصفات عالية وكذلك تركيب قلص في الموتر عشان إذا بغيت تغلص أي موتر يكون موترك جاهز وولا يلحقك أي ضرر بإذن الله.

أحد المواقف المضحكة والغريبة نوعاً ما يقول أحد الزملاء كان طالع للبر أيام الربيع وأتمشى ويلقى فجأة عائلة وعندهم سيارة مغرزة يقول صاحب الموتر شافني ولا أشر لي أو طلب المساعدة أنا بنفسي جيتة يقول سحبت موترة وتضرر موترة شوي من جهة الصدام شوي وطالبه صاحب السيارة بإصلاح السيارة لما لحق بها من أضرار !!! يقول جاي أكسب فيه جميلة ولحقها بردى يقول تواعدت وياه في البلد ورحنا لحدى الورش وقال تصليح الصدام بــ 150 ريال يقول وأعطي راعي الورشة حساب التصليح وأتوكل على الله يقول ما بغيت أسوي مشاكل من لا شي وأمري على الله.

[راعي البخاخ]

يااخوان مساعدة العايله واجب وعيب انك تخليهم حتى لو الثمن خراب سيارتك اما الشباب ان كان حولهم ناس وماعليهم خطر اتركهم لغيرك يساعدهم وان كانو بمنطقه نائيه ومقطوعه فتركك لهم جريمه حتى لو ماسحبت سيارتهم وصلهم لاقرب مكان فيه ناس واتركهم


>>>>>>>>>>>>>>>> صــــــــــــح لــــــــــسانــك يأابـــو صــالــح :)

[شامخ ألهيلا]

المساعدة واجب كل شخص مسلم ومن عوايد العرب مثلكم عارفين ومن الواجب يكون الواحد منا جاهز لمثل هاذة الأمور ولو حصلت مصادفة مثل تجهيز العدة اللازمة للسحب وتكون ذات مواصفات عالية وكذلك تركيب قلص في الموتر عشان إذا بغيت تغلص أي موتر يكون موترك جاهز وولا يلحقك أي ضرر بإذن الله.




أحد المواقف المضحكة والغريبة نوعاً ما يقول أحد الزملاء كان طالع للبر أيام الربيع وأتمشى ويلقى فجأة عائلة وعندهم سيارة مغرزة يقول صاحب الموتر شافني ولا أشر لي أو طلب المساعدة أنا بنفسي جيتة يقول سحبت موترة وتضرر موترة شوي من جهة الصدام شوي وطالبه صاحب السيارة بإصلاح السيارة لما لحق بها من أضرار !!! يقول جاي أكسب فيه جميلة ولحقها بردى يقول تواعدت وياه في البلد ورحنا لحدى الورش وقال تصليح الصدام بــ 150 ريال يقول وأعطي راعي الورشة حساب التصليح وأتوكل على الله يقول ما بغيت أسوي مشاكل من لا شي وأمري على الله.


هههههههههههه

اما اسحبه وادفع له فلوس لان سيارته تضررت
هذا ودك ترجع سيارته وتخليها على الدفرررنس مغرزة وتفحط في وجهه

ياصبر خوويك الي سحبه ودفع له فلووس

يحتسب الاجر عند الخالق

[for]

هههههههههههه

اما اسحبه وادفع له فلوس لان سيارته تضررت
هذا ودك ترجع سيارته وتخليها على الدفرررنس مغرزة وتفحط في وجهه

ياصبر خوويك الي سحبه ودفع له فلووس

يحتسب الاجر عند الخالق

لا تضحك ولا تستغرب وانا اخوك فيه اشكال هالخكري كثير موقف صار لي لكن بالديره كنت على شارع زجمه وتعطلت سيارة شخص وفيها عائله ولسوء حظي كنت خلفه مباشره المهم طمرت الرصيف حتى صرت امام السياره ونزلت وقلصته بالواير بسحبه للخدمه وانا اساحبه الغبي لف قبل وضرب كفر سيارته الرصيف وانخدش جنطه الزلابه نزل وجلس يهوش ويقوم يتصل على المرور ويقول لازم تدفع حق الجنط انا صراحه ما ملكت اعصابي فكيت الواير وفحطت بوجهه ولولا ان فيه اطفال في سيارته كان توطيت في بطنه الخسيس

[البرااااوي]

بعيد شوي عند السحب واقصد في المساعده

خويي كان مسافر وشاف جمس سوبربان وعائلة وراعيه شايب ومبنشر الكفر

نزل وغيرله الكفر ويوم خلّص من كل شي قاله الشايب انت ساعدتني عشان البنات اللي داخل السياره بس ولا مهب عشاني وانصدم من كلامه

عاد هو سكت وراح ويقول اصلاً ما ابي منه شكر يوم اصلح الكفر

وانا لوني منه كان فكيت الكفر وشقيته

[مقلع الرمث]

موضوع مهم وانا عندي قوانين في السحب والسحيب والتسحيب :D

لاشفتهم عائله ولاشباب ابسحبهم عادي لكن بشروط;) "
اولا: انه يكون منسم واذا مانسم انسم له اول شي بعدين اخليه يحاول واذا ماقدر سحبته وبعدين اتفخله اذا مامعه ماطور
ثانيا : لايوجد

بعض الناس الله يهديه تحصله امغرز تغريزه مالها داعي وتجي لمه تقوله امنسم الكفرات يقولك امنسم بس اسحبنا ولا نزلت وشف سيارته ولا كفراته فيها 30 ويقولك الجيب ماينسم كذا تنسيمه تدري وش اسوي فيه هذا احاول فيه اذا رفض ينسم مشيت وخليته ولا سحبته والله مو معه عائله انشاء الله معه حجاج :no:
بعض الناس يغتر ان معه دفرنسين خلاص ماينسم :no2:

طبعا انا معاي جيب قير تماتيك فتك ولذالك اتجنب السحب لانه اولا قير تماتيك وثانيا يدمر القير خاصه المتل

وبالاخير كل عام وانتم بخير وعساكم من عواده

[c5_sa]

من رائي الشخصي ... سحب السيارة اذا كان صحيح لايؤثر على السيارة بإذن الله...
فيجب على الشخص الساحب والمسحوب معرفة قواعد وشروط السحب لكي لايحصل ضرر(بإذن الله)

ومن تجربة شخصية حصلت معي العديد من المواقف ومع اقربائي والحمدلله إلى الان لم يحصل ضرر..

[moooj]

السلام عليكم ورحمة الله
اشكرك اخي جزيل الشكر على الموضوع وشكري موصول لكل الأخوة الذين تفاعلو مع الموضوع
وانا اتكلم عن عدة تجارب شخصية واستنتاجات لا تعبر بالضرورة عن الحقيقة مجردة وتعتمد على عدة نقاط :
نوع السيارة الي بتسحبها وحجمها وطريقة التغريز والموقع ووضع السيارة وتجهيزاتها لها دور في تحديد امكانية الضرر ..... فمثلا :
سيارتك مجهزة بونش للسحب ؟ اذا كان نعم فانا شخصيا لا ارى اي ضرر مع التنبيه على ضرورة ان تكون مقدمة السيارة متعامدة مع امتداد واير السحب , يعني سيدة مع الواير ماتكون السيارة الي تبي تسحبها جاية على زاوية سيارتك.
اما اذا كانت السيارة(سيارتك) ما فيها ونش فبحكم عدة تجارب وقفت عليها فان اغلب حالات الغراز واقدر اقول لكم انه اكثر من 70 % ما تحتاج سحب لكن حماس بعض الشباب يخليهم يستعجلون في ربط الوايرات ويقوم التحدي على من يسحب السيارة ومن هو السواق (المطنوخ) وموتره الي يقدر يسحب السيارة المغرزة ,, طبعا باستثناء بعض السيارات العائلية وليست جميعا .... يعني:
انا شفت مره سوبر 2008 مغرز والسيارة مليانة عائلة (يعني حمولة كبيرة) تجمع عند السوبر اكثر من 10 سيارات جيوب وطبعا ولا واحد قدر يطلعه وانا قاعد اتفرج .... في النهاية اشار واحد من الموجودين بتنسيم كفر السوبر وبالفعل بدت السيارة تتجاوب وانا متأكد لو نزل 5 او 6 اشخاص من الي تجمهرو كان دفو السيارة باياديهم .....
حصل لي تجربة مع ارمادا كانت الكفرات الأربع متعلقة وتدور يعني مالك امل ...
نزلت تأكدت من تنسيم كفرات الأرمادا .... وسويت طريق للكفرات بحيث يخرج من مكانه (مع لفة ) يمين او يسار حسب اتجاه الأنحدار او الطريق الأسهل وبديت اسحبه شوي شوي لين بدت السيارة تتحرك من مكانها (وما استعجلت ولا شديت على سيارتي) استخدمت طريقة (النتل) بس على اندفاع وزن السيارة يؤعني كانه مطب او اهتزاز طريق وكنت احرص على صاحب السيارة انه ما يدعس ولا يشد على الموتر على شان ما يرجع يحفر ليييييين مسكت الكفرات على الرملة ......وطلعت السيارة بكل هدوء .......
الخلاصة :
اسحب الى الأمام دائما
اسحب بشكل مستقيم بالنسبة لسيارتك (يعني الحبل متعامد ما الدعامة الخلفية مهو رايح على اليمين او اليسار)
اذا كانت السيارة المسحوبة علقة الى الدفرنش استخدم النتل بلطف مرة بعد مرة
نبه على صاحب السيارة انه يكون الدعس على خفيف على شان ما يحفر زيادة
تاكد من تنسيم كفرات السيارة المسحوبة (بس ما تفرغها من الهوا بالمرة وتوهقه)
ملاحظة مهمة جدا جدا جدا ... تتعب وانت تقووووووول جدددددا ... اذا كانت سيارتك فيها نظام تراكشن traction افصله والا اترك السحب لغيرك ولا تستخدم الدف لوك (الهزاز) باي حال من احوال السحب ...
في حالات السحب داااااائما استخدم الدبل الثقيييييييييل الدبل الثقيييييل يعني L4 والي هو LO4 h,
او 4LO


هذي تجاربي المتواضعة والله اعلم
واكرر شكري للكاتب والمشاركين
ودمتم بخير

[moooj]

السلام عليكم ورحمة الله
اشكرك اخي جزيل الشكر على الموضوع وشكري موصول لكل الأخوة الذين تفاعلو مع الموضوع
وانا اتكلم عن عدة تجارب شخصية واستنتاجات لا تعبر بالضرورة عن الحقيقة مجردة وتعتمد على عدة نقاط :
نوع السيارة الي بتسحبها وحجمها وطريقة التغريز والموقع ووضع السيارة وتجهيزاتها لها دور في تحديد امكانية الضرر ..... فمثلا :
سيارتك مجهزة بونش للسحب ؟ اذا كان نعم فانا شخصيا لا ارى اي ضرر مع التنبيه على ضرورة ان تكون مقدمة السيارة متعامدة مع امتداد واير السحب , يعني سيدة مع الواير ماتكون السيارة الي تبي تسحبها جاية على زاوية سيارتك.
اما اذا كانت السيارة(سيارتك) ما فيها ونش فبحكم عدة تجارب وقفت عليها فان اغلب حالات الغراز واقدر اقول لكم انه اكثر من 70 % ما تحتاج سحب لكن حماس بعض الشباب يخليهم يستعجلون في ربط الوايرات ويقوم التحدي على من يسحب السيارة ومن هو السواق (المطنوخ) وموتره الي يقدر يسحب السيارة المغرزة ,, طبعا باستثناء بعض السيارات العائلية وليست جميعا .... يعني:
انا شفت مره سوبر 2008 مغرز والسيارة مليانة عائلة (يعني حمولة كبيرة) تجمع عند السوبر اكثر من 10 سيارات جيوب وطبعا ولا واحد قدر يطلعه وانا قاعد اتفرج .... في النهاية اشار واحد من الموجودين بتنسيم كفر السوبر وبالفعل بدت السيارة تتجاوب وانا متأكد لو نزل 5 او 6 اشخاص من الي تجمهرو كان دفو السيارة باياديهم .....
حصل لي تجربة مع ارمادا كانت الكفرات الأربع متعلقة وتدور يعني مالك امل ...
نزلت تأكدت من تنسيم كفرات الأرمادا .... وسويت طريق للكفرات بحيث يخرج من مكانه (مع لفة ) يمين او يسار حسب اتجاه الأنحدار او الطريق الأسهل وبديت اسحبه شوي شوي لين بدت السيارة تتحرك من مكانها (وما استعجلت ولا شديت على سيارتي) استخدمت طريقة (النتل) بس على اندفاع وزن السيارة يؤعني كانه مطب او اهتزاز طريق وكنت احرص على صاحب السيارة انه ما يدعس ولا يشد على الموتر على شان ما يرجع يحفر ليييييين مسكت الكفرات على الرملة ......وطلعت السيارة بكل هدوء .......
الخلاصة :
اسحب الى الأمام دائما
اسحب بشكل مستقيم بالنسبة لسيارتك (يعني الحبل متعامد ما الدعامة الخلفية مهو رايح على اليمين او اليسار)
اذا كانت السيارة المسحوبة علقة الى الدفرنش استخدم النتل بلطف مرة بعد مرة
نبه على صاحب السيارة انه يكون الدعس على خفيف على شان ما يحفر زيادة
تاكد من تنسيم كفرات السيارة المسحوبة (بس ما تفرغها من الهوا بالمرة وتوهقه)
ملاحظة مهمة جدا جدا جدا ... تتعب وانت تقووووووول جدددددا ... اذا كانت سيارتك فيها نظام تراكشن traction افصله والا اترك السحب لغيرك ولا تستخدم الدف لوك (الهزاز) باي حال من احوال السحب ...
في حالات السحب داااااائما استخدم الدبل الثقيييييييييل الدبل الثقيييييل يعني L4 والي هو LO4 h,
او 4LO


هذي تجاربي المتواضعة والله اعلم
واكرر شكري للكاتب والمشاركين
ودمتم بخير

[ksa--505]

تسلم أخ moooj :good2:على المعلومات القيمه
بس في استفسار بسيط الله يعافيك :D ...

انت قلت ... لا تستخدم الدف لوك (الهزاز) باي حال من احوال السحب :what: .

ليش ما استخدمه هل فيها ضرر يعني :redcar:

[المتأمل7]

أقل شي تسوي الي تقدر عليه ورايتك بيضة ...
وخلها حسنة لا تدرو من وراها شي تقول لا احتجت يجي واحد يفزع لي !

[عاشق السيل]

سحبت عشرات وممكن مئات السيارات ولم أرى أي ضرر ولله الحمد !!

سحب السيارة خبرة وفن وسياسة ،، يعني اللي يبي يسحب يكون عنده معرفة بالوضع أو يترك السحب اللي ممكن يضر أكثر من أن ينفع !!!!

[خالد الوليدي]

ابعطيكم كلمه وحده بس (( حاول انك تمر من عند عائله مغرزه ولا تسحبهم وتخيل نفسك مكانهم وش شعورك))

مايطاوعك قلبك تخليهم وتروح صح ولا لا .

هاه من فضل الله الحميا والفزعه عندنا ياهل السعوديه انا كانها في شعيب ولا نفود ..الحمد لله ..

[المتحـ2007ـد]

المغرز مهما كان بنطلعه ان شاء الله باللي نقدر عليه

وفعل الخير ما يضيع تلقاه في الاخره يوم الحساب

حتى لو كلف خساير في السياره

ما يطاوعني قلبي امشي واخلي احد محتاجني يبي

فزعه

[جوال79]

بالنسبة للفزعة مطلوبة للجميع بدون استثناء إلا اذا كان واضح الإستهتار والتهور من بعض الشباب فالأولى برأيي تركهم على الأقل فترة مناسبة حتى يحاولون ويبذلون الجهد لإخراج السيارة لأن في ذلك تدريب لهم وأيضا حتى يحسبو للعواقب حسابا ، وبالنسبة للسحب وجود الونش عملي جدا ويحافظ على سيارتك من الضرر مع مراعاة مايلي:
1) ان تكون سيارتك وقفة تماما اذا كانت اتوماتيك بالوضع N والجلنط (هاند بريك)مسحوب ، وان تكون غير قابلة للحركة فمثلا يحتاج الى غرزها بالرمال قليلا حتي تكون ثابتة اكثر
2)موقف سيارتك يبعد عن السيارة الأخرى 5-25 متر لأن الونش غالبا طوله 30 متر
3) اذا أمكن ان يكون السحب من امام السيارة المسحوبة او خلفها تماما حتى يكون السحب اقوى
4) هناك طريقة لإستعمال البكرات تجعل القوة مضاعفة لكنها تحتاج الى شيء ثابت تربط به كشجرة او غيرها
5) يجب تهيئة السيارة الأخرى قدر الإستطاعة بإزالة العوئق من حولها قبل السحب
6) يجب الا يقف احد قريبا من السيارتين او بينهما حتي لايصاب احد لو انفلت الواير لاقدر الله
7) ان امكن ان يربط طرف الواير بحبل يكون مرخيا في السيارة المسحوبه حتى لو انطلق لايرجع على الساحبه
8) عند طي الوايريجب ان يشده شخص اوشخصان مع تحريك الواير يمينا ويسارا اثنا الطي حتى يوزع على البكرة جيدا مع ازالة التراب باستخدام قطقة قماش عن الواير
9) بالنسبة لونش الاندكروزر لاتنزعج ان خرج بالكامل لأن فيه فتحة في جانب البكرة ليوضع فيها بداية الواير وبعد ذلك تلفه بشكل عادي
10) يوجد في الونش ذراع لجعله غير معشق حتى يسهل اخراجه من الونش باليد بدون زر الكهرباء
هذا مأعرفه حول الموضوع ومنكم نستفيد ياطيور البر وقروش البحرمن تصحيح أو اضافة

[قلب رحال]

السلام عليكم جميعا


أول شي مشكوووووور على فتح موضووع مهم خصوصا بالوقت هذا وقت الامطار والكشتات


بصراحه انا من الي انضريت من سحب السيارات كان معي هايلوكس 2004 دفرنسين ما أخلي احد ما أعاونه
شباب ولا شياب ولا عوائل ما أقصر مع أحد مره


بس فيه ناس تقهر بصراحه على غير التعب والاشياء الي تسويها لهم يجلس داخل السياره وانت تبرح لكفراته وتشرح له وش يسوي وانت تسحبه خصوصا اذا كان في طين لكن تحصله يسوي شي يضرك وانا سحبت ثلاثه شباب من طين بين ثادق ورغبه الأرض تخوف وكان معهم سوبربان دبل بديت اسحبه يوم بداء موتره يتحرك


ويكسر الطاره يقاله بيغير السكه عشان ما يغطس مره:no2:


من الاضرار طبعا فيها نفسي وفيها مادي الي صارت عندي


1 - القير راح فيها ( مع اني ما شديت علي وانا أحرص على المحركات قبل البدي )
2 - الدفرنس الامامي تغيير تروس كامله لأنه فرطت كلها ولا صارت تركب على بعض
3 - التعب هذا كله بعد ما طلعته على الخط وزيت القير والدفرنس الامامي يصب على الارض
يمر من عندي حتى جزاك الله خير ما قالها ما نبيها نبي الاجر بس على الاقل يعني:(


طبعا اضطريت اني ادور سطحه وحملت الموتر وانتهت السالفه على هذي الاضرار


ومعي تريل بليزر


معي زي العسل مره من المرات في نفس السنه يوم كان الهايلكس فالورشه


طلعت الثمامه ونضامي ما فيه مطامر مخلي المطامر والهبال للهايلكس وهذا لا شوي شوي


حصلت كامري داخله الين طعس القصمان ومغرز الناس تمر من عنده وتتعداه استغربت


ليه الناس يمشون ويخلونه وقفت بأعاونه وافزع له مر من عندي سياره جيب يقولي ابعد عنه بزر ما ينعطى موتر


يقول ما فيه جيب ما سحبه وطلعه من تغريزه وهو الا يطلع الطعس بصراحه مشيت وخليته :no:



الزبده من هالسوالف كلها


اذا كان الي بتطلعه ما يعرف يسوق وعذي توضح من نوعيه التغريزه رح وخله :no2:


اما اذا كانت عائله والليل او الليل قريب والله لو أدف بيديني


ولا أشيلهم اوصلهم وأخلي سيارتهم في أضعف الاحوال



مشكورين على هالموضوع المهم

[zyarahmy]

اسحب اسحب اسحب
ولا على موترك خوف
(اذا انت غشيم هذا شي راجع لك وارم القلص من سيارتك وقول ما عندي قلص)

[moooj]

تسلم أخ moooj :good2:على المعلومات القيمه
بس في استفسار بسيط الله يعافيك :D ...

انت قلت ... لا تستخدم الدف لوك (الهزاز) باي حال من احوال السحب :what: .

ليش ما استخدمه هل فيها ضرر يعني :redcar:

الدف لوك والتراكشن فكرتها انها تثبت الكفرات يعني يا تتحرك كلها او ما تتحرك والمكينة قاعدة تعطي كامل طاقتها وتوديها للدفرنش اذا الدفرنش حر بيحرك السيارة او تحفر مكانها لكن اذا ما لطاقة المحرك مخرج الا يحط حيله بالدفرنش وطبعا بيكون الضغط على البيرنقات والعكوس علشان كذا الجيوب القديمة تسحب فيها لو وايت عايدي بحمولته ولها عشرات السنين ما اشتكت دفرنشاتها بينما الجيوب الجديدة ما يكمل 3 او 4 سنوات الا والدفرنش مجاوب ....ليييييييه؟
لان القديم لا دف لوك ولا تراكشن ... يعني يا تقلص المغرز بحراااااافة والا اركن على جنب لكن لا تحمل الدفرنش فوق طاقته والعملية فيزيائية بحتة ..... عزم المحرك بالكامل على سنة ترس واحد في الدفرنش والضغط على البيرنقات اذا اشتغل التراكشن راح يكون كامل ضغط المحرك محصور بين المكينة والدفرنش لكن اذا ما فيه تراكشن عزم المكينة الزائد راح يتحرر من بين المكينة والدفرنش ويخرج في صورة دوران للعجلات اما تحفر مكانها او تمشي ....
هذا رد مختصر للأخ عاشق السيل :


عاشق السيل
رد: سحب السيارة بين الواجب والإحراج والضرر =====> .(((((شاركنا برأيك))))).
سحبت عشرات وممكن مئات السيارات ولم أرى أي ضرر ولله الحمد !!

سحب السيارة خبرة وفن وسياسة ،، يعني اللي يبي يسحب يكون عنده معرفة بالوضع أو يترك السحب اللي ممكن يضر أكثر من أن ينفع !!!!

اتمنى تكون وصلت
ولك جزيل الشكر

[الخالدي6060]

انا كـــــــل ماطلعت لبر فيه طعوس لا زم اطلع اقل شي 3-4 والحمد لله موتري ماجاه شي وهذا من فضل ربي

هايلوكس دفرنسين 2007 < ما شاء الله >


تقبلوا تحياتي

[إبن هاشم]

آنآ مآ عندي فلوس آآكل نفسي .. من وين لي آصلح سيآإرتي ,,
آلله يعينهم يدبرون نفسهم ...

[حسن الذروي]

والله فتحت الموضوع أبغى أقرأ فيه وأتثقف لقيت واحد داق علي بنفس الوقت منحاس وأشغل موتري البرادو وأفزع له وبعد مارجعت قريت جميع الردود وكتبت ردي لكم

[ابن البكيرية]

لاضرر ولا ضرار

[مرقاب]

الله يجزى اصحاب الفزعه خير وانا مع الفزعه واللي يؤيدونه ومع عاشق سيل والنخوة مطلوبه وماتدري يمكن بركة السياره من هالفزعه واللي ييسر للناس ييسر الله عليه من حيث لا يعلم

[نجم الصداوي]

..
.. الف شكر للجميع بــلا إستثنـاء ..
..
.. لا زال الأمر بيـن الــمواقفقة والمخــالفة .. وأستــفدنــا من الردود الشيء الكثير .. وفعلا .. الواقع له حكاية .. و المواقف ربما ينال فيها الحظ أحيانا لينجو من نجى .. لكـن الســائد الضرر ..

[راعي العشاير]

ياخوان الخساره بالعمر والفزعه مطلووبه ومدام الرياجيل استفزعووك مااعااد انت مخليهم لو كانوا شبااب يمكن ماعااد هيا طالعه والا معهم مقرووص والا مريض والا في وادي..

عاونهم وافزعلهم وترى يجي يوم تبي الفزعه وبتلقى ماسويت وفعلت ان كانك تلبي ترااك تلبى انشاالله..

الله يبيض وجهك والله انك سنافي من ظهر سنافي هذا كلام الرجال الله يطول عمرك

[alanaziB52]

اكيد بافزع وطلعهم حتى لوماطلب بقوله تبي اي خدمه سوى شباب او شايب او عايله ,,, دام الله رازقني بسياره دبل ليه ما اساعد الناس واحتسب الاجر ,,,, الله يعطيك العافيه يا صاحب الموضوع

[الفيصل2009]

أنا عن نفسي راح أسحب أي شخص يطلبني أو الشوفة يحتاج مساعدة والأشياء الثانية معوضة
والله استحي الشوف أحد مغرز وروح وخلية سواً عائلة أو شباب
ولاتنسى أحنا عرب والنخوة فينا بلفطرة