صور متفرقة لشبات الضو ((النار))

[راعي الكيف]

بداية ارحب بكم مجددا............... ((ياشين اللزقة )) !!!


وحاب اشرككم بعض الصور اللي التقطتها في رحلات مختلفة وعموما اللقطات اللي تسوى في أنك تصورها تكاد أن تنعد على اليد ..
لكن الواحد -إن كان عنده ميول تصويرية- لابد من إنه يستغل كل فرصة سانحة لكي يصور وإن وجدت في ذلك أحراجا من بعض الشباب اللي كاشت معهم لأنهم مع الوقت راح يتعودون مع الوضع هذا بشكل عام..
وموضوعنا الحين هو عن شبات الضو ومن الطبيعي بل من الشي الاساسي في الكشتة هي شبة الضو اللي تحلو معها الجلسة وخصوصا بالشتاء ... وانا واعوذ بالله من كلمة أنا أحب الضو بشكل مهووس بها لدرجة ان فصل الشتاء إذا طلع ترى آثار الكويات واثار الندبات على يديني من اللقافة الزايدة بتحريك الضو وانتم ابخص

عموما ماراح أطول عليكم لأني صجيتكم من الصبح لكن الله يعينكم علي واترككم مع الصور ....

الصورة الاولى:: صورة افقية للنار والذرى من الخلف
http://www.mekshat.com/pix/upload/images6/mk9648_keef.1.JPG

الصورة الثانية:: اكبر جمرة متصلة في العالم
http://www.mekshat.com/pix/upload/images6/mk9648_keef.2.JPG

الصورة الثالثة:: ضو على الطاير
http://www.mekshat.com/pix/upload/images6/mk9648_keef.3.JPG

الصورة الرابعة:: ضو بجانب المعاميل
http://www.mekshat.com/pix/upload/images6/mk9648_keef.4.JPG

الصورة الخامسة:: ضو رمث
http://www.mekshat.com/pix/upload/images6/mk9648_keef.5.JPG

[فتـ الخرج ـى]

مشكور أخوي راعي الكيف
والله حلاة الكشته بشبة الضو بالذات لاصار الجو قمرة وطفي كل اللمبات اللي معك

[راعي كيف]

حبيبي راعي الكيف
كيف الحال وشلونك الظاهر إن المزاج واحد اخاف نطلع لنا يوم مع بعض ون تضارب على الشبة والقرادة .
وعلى طاري :راعي الكيف : أي صاحب أي مايبهج الشخص ((المكشاتي)) من دلة قهوة ((اشقرة ولا مسود)) أو من ابريق شاي مخدر والديه أو من كشتات تأتي للنفس بالانشراح أو .................................
يقول الشاعر ابو سلمان
للكيف ذوق ولاستماع النشيدي ### لاقلطوا رسلان والا بغاديــــــــد
ثنتين هيل وثالثتهن عويــــــــدي### وكل على ماتطلب النفس وتريد



اخوك المحب راعي كيف
ابو ناصر

[راعي الكيف]

فتى الخرج /
حياك ربي ... وأشكرك على مرورك وبالنسبة لمتعة الضو أنت ما سمعت بالمقولة (( النار فاكهة الشتاء ))؟؟


تحياتي لك ..


راعي كيف/
اثاريك مثل اسمي ؟؟؟ أجل شكلنا نبي نتزوج أخوات !!!! هههههههههههههه
عموما ان كانك مثلي على الضو اجل مانصلح نكشت سوا ابد .... لأن المسألة تبي تاصل لليدين هههههههه

وكني اتخيلك تلحقني بحطبة أرطا ههههههههههههه

أشكرك على مرورك الكريم وعز الله ان هالبيتي تصف حالي بالتمام !!!!

تحياتي لك ..

[الطبيب]

راعي كيف >> ابو ناصر

وراعي الكيف

اقول ................!!!!!!!!!!!!

انا دخت من اساميكم

وما عدت اميز

خاص لراعي الـــكيف >> اللي ما هو ابو ناصر

احمد ربك ان الرساله الخاصه اللي جتك وفيها (( سوق الخيام والزل )) ما صار فيها بربسه :)

لاني احب امزح مع اخوي الغالي راعي كيف >> اللي هو ابو ناصر

اقـــــــــــول.........................!!!!!!!!!!

السلام عليكم

هذا والله اعلم

والسلام ختام

[nasermh]

شكرا يا اخي راعي الكيف

ماشاء الله صور روعة
تدل على حس اللي صورها

[ابو شكاع]

الصورة الرابعة:: ضو بجانب المعاميل

تقصد معاميل بجنب الضو <<< لا تدقق يالأخو :D

ماشاء الله عليك

صور جميلة

بس ياخوي الصورة اللي طالعينن به انتم وراكم سذا متحاشقين النار الله يستر ...

شكله هكالليلة جميد

تسلم

ولاهنت

[راعي الكيف]

الطبيب/
تراي أنا وراعي كيف ما قسمنا .... واللي له لي واللي لي له .... أنواع اللخبطة !!!!
وبالنسبة للبربسة ترا البساط أحمدي يعني الدعوا مفتوحة بس ممنوع اصطحاب البزران ههههههههههه!!

nasermh/
تسلم يابعدي والله هذا والله من ذوقك ...

ابو شكاع /
ياخي الله يهديك لاتدقق واجد ترا الدعوا على البركة :D :D وتسلم على مرورك الكريم وبالنسبة للي متحاشقين النار الله لايلوم اللي يلومنا ذيك الليلة كانت درجة الحرارة 5مئوية وبالفجر 1- مئوية كنا بالشمال وتوها ممطرة الله يازين أيام البران!!!!!!!!!!


ووللأخوة بشكل عام أسف على تأخري وذلك لظرف طارئ ألم بي وشكرا

اخوكم راعي الكيف
ابو سعد

[الحـامض]

أم عابس الله يجيرنا وأياكم منها

[راعي الكيف]

ياساتر منها والله واشكرك لمرورك على الموضوع يالحامض

[فـ(الجـوف)ـتى]

الف شكر لك اخوى على الصور


ماقصرت 0

[مهيلان]

اخوي راعي الكيف

مشكور على الصور اللي اعادت لنا النشوه اللي ما نحس بها الا بالمربعانيه او الشبط

مواضيعك وصورك ممتازه وتدل على ذوق راقي لكن انتبه من التدقيق ... ومن ابو شكاع ومن على شاكلته ..

ودمت سالما

[راعي الكيف]

فتى الجوف /
حياك ربي ..........

مهيلان /
تسلم والله على إطرائك الراقي وبالنسبة للنشوة اللي تحدثت عنها أعلمك أن فيه ناس من شدة ما هم متعلقين بالضو يشبونها بالصيف ! والوالد واحد منهم ...

وبالنسبة للتدقيق لاتشيل هم عندي وانا بو هندي وابو شكاع ترا اللي شفت منه ذا شوي بس من كثير !!!!!!!!! ولا يزعل علينا ابو شكاع





وياهلا والله بالشباب