علامات مرض الطير

[شراع]

السلام عليكم ورحمة الله وبركاته

مساكم/صبحكم الله بالخير يالربع.. كل عام وانت بخير جميعا

عندي سوال ياجماعة الخير يفيدني ويفيد الاعضاء بالخيمه

الي هو كيف اعرف ان الطير سليم ولابه امراض عن طريق مثلا عيون الطير ..مرش الطير وانت بكرامه

في انتظار ردودكم

تحياتي

[ابوفلاح كويت]

عليك السلام ومساك بألف خير انت والموجودين

اول شي انصحك انك تروح تفحصه واذا ماتبي توديه للطيب

احرص على علف الطير وعلى تصريفه وعلى نفسيته وعلى المرش

اما بالنسبه لعين الطير ترى عيون الطيور ماهي وحده تختلف من طير لآخر

وامان الطير من بعد الوحاشيه تختلف عينه اذا طاح

وسامحني بالاطاله

[ابو صمعان]

بيض الله وجهك وما قصرت يابو فلاح الرجال يقصد شلون يعرف الطير السليم عن الطير الي مهوب سليم وجزاكم الله خير

[صقار مبتدئ]

هلا و الله فيك يالغالي العلامات الداله على مرض الطير كثيرة وصعب التحديد منها لان الطير لما يكون وحش لا تستطيع الحكم عليه بالصحة او المرض الا باستخدام اسلوب الفحص المبدئي مثلاً
1-فحص فم الطير من الداخل لسلامته من جود الالتهابات مثل القلاع
2- فحص كفوف الطير لسلامته من السدة او الفطريات الاخرا
3-فحص جناح الطير من الكسور و الاعوجاج و سلامت الريش (يبيلها صقار خبير )
4- ملاحظة لون المرش الطير اعزك الله وهل يختلف عن حالته الطبيعيه
هذي اهم الاشياء التي يركز عليه الشخص عند االشراء
اما علامات المرض عند الطير لما يكون داهل ومدرب اول و اهم علامه هي
1- العلف الطير المريض لا يستطيع الاكل بشراهته السابقه و لا يستطيع كسر العظم كما في السابق
2- عين الطير ظهور نتوء حول العينين و ذبول فيها
3- مرش الطير تكون له رائحة كريه هذي من اهم العلامات
ارجوا اني افدتك بشي يسير و الخوان ان شاء الله ما يقصرون ×