كشاف زينون في جيبك !

[راعي عنيزة]

السلام عليكم

الكثر منا عند الخروج للبر ليلا يحتاج لكشاف لرؤية المكان او للطبخ او لاي استخدام اخر
وبدلا من اصطحاب كشاف كبير ياخذ حيز ولابد من شحنه بالكهرباء اوانه يستهلك بطاريات بصفه كبيره يوجد حل عملي وصغير
كشاف زينون صغير جدا على هيئة ميدالية مفاتيح
http://www.photonlight.com/images/photon3/photon3.jpg

وانارته قويه وحسب كلامهم انك تستطيع رؤية الكشاف على بعد ميل !
وميزته سعره رخيص حوالي 40 ريال وتحطه في مخباتك وتنساه وسلامتكم :)

[حزم الضامي]

قديم يا راعي عنيزة هذا الكشاف من مبطي وهو في السوق يعني من اكثرمن سنتين وهو مفيد جداً وانا مجربها ويقال ان البطارية حقتة تعمل لمدة 14 ساعة متواصلة مع العلم انها بطارية صغيرة اكبر من بطارية ساعة اليد بشوي .... اشترها ولاتنشد انا ضامنها

[راعي عنيزة]

صح لسانك يا حزم قديم لكن مفيد
وعلى فكره مكتوب عليه ضمان عشر سنوات !! شكل الامريكان صانعينه بذمه

[السمح]

مشكور ياراعي عنيزة على هالمعلومة اللي أعتبرها جديدة بالنسبة لي ، والحقيقة إن كشاف بمثل هالمواصفات لابد من توفره مع راعي البر .. ومادام إنك جربته ياليت تخبرنا عن قوة الإضاءة هل هي فعلاً زينون .. وهل قطع غيار هذا الكشاف متوفرة مثل اللمبة والبطارية ؟؟ .. أنا أستخدم الكشاف اللي يوضع فوق الراس حيث تكون يديك حرة أثناء العمل مثل الطبخ والفك والربط والاحتطاب .. إلخ ..
بارك الله فيك .. وياجعلك ذخر يابعدهم ...

[القماري]

مشكور ياراعي عنيزة على الخبر وودنا الله لا يهينك تخبرنا وين نلقاه وسلامتك

[راعي عنيزة]

هلا والله بخالي
هو نوره ازرق وقوي لكن هل فعلا زينون مدري يا خلفهم :rolleyes:
لكن انارته معقوله يعني يعطيك اضاءه جيده لمسافة 8- 10 امتار صحيح ان يوجد كشافات اقوى منه لكن بالنسبة لحجمه (طوله 3.5 سم) يخليه خيار عملي وتحطه في مخباتك ويخلص اللزوم وقت اللزوم
بس مشكلته انك لازم تضغظ عليه عشان يشتغل وايدك ما تصير حره مثل الكشاف حقك وبطاريته تحصلها عند محلات الساعات اما اللمبه مادري :rolleyes:


القماري
اعتقد تحصله عن محلات التجهيزات البريه وحياك ربي

[البتار]

وبالمناسبة نزل كشاف من هذه النوعية لا يحتاج إلى أن تقوم بضغطه بيدك وإنما يوجد به مفتاح يمكنه من العمل بدون ضغط

http://www.princetontec.com/images/product_pulsar_II.jpg

http://www.princetontec.com/images/product_pulsar_multicolor_sm.jpg

[راعي عنيزة]

تسلم والله يا خلف العالم والله يبارك بذا الكشاف الي خلانا نشوفك :)
وحقيقة شاهدت كلا النوعين عند المرباع لكن النوع الاول لاحظت انه اقوى اضاءه

[عبدالعزيز الدباسي]

الحقيقة إن هالكشاف ممتاز بالحيل ويكفي انك تقدر تحتفظ فيه في اي مكان في السيارة وذلك لصغر حجمه ، ولكن يعاب عليها بصعوبة تثبيتها في مكان معين وايضا يعاب على بعضها بأن لازم تكون ضاغطه بيدك ، ،،

وأنا استخدم اللي قال عنه السمح وفيه مميزات عديدة ، فمنها انك تقدر تثبته في اي مكان تريد حيث انه مزود برباط حول الجبهة إن اردت ذلك ومزود ايضا بكابس مثل البيجر حيث تستطيع تثبيته في الثوب بكل سهولة ، اضافة الى انك تستطيع تحريك رأس الكشاف الى عدة جهات وهو ثابت في مكانه ،

وكل هذا وايدينك في منتهى الحرية تستطيع تحريكهما كما تشاء ، فهو يفيدك عند الطبخ وعند تحميل وتنزيل العفش وعند نصب الخيام وعند قضاء الحاجة (اعزكم الله) وله منافع اخرى

مع العلم بأن الكشاف يأتي معه لونين الاخضر والاحمر بالاضافة الى اللون المعتاد والظاهر إن سعره 100 ريال ، وهذي صورة لواحد من اشكالها .

http://www.arab3.com/images/60045145.jpg

[راعي عنيزة]

هلا والله ابو عبدالله صح لسانك ومشكور على المداخله المفيده يا بعدهم كلهم

[فتى القصيم]

مشكور يا راعي عنيزة ...كما عودتنا تأتي بالجديد ...دائمـــــــــــــــــــاً

ولا أنسى البتار ...على هذه المشاركة اللي رجعته لنا بالسلامة.... ( وترى هذه آخر مرة نسمح لك بالهروب من عندنا ) نقول لانسمح لأنك غالي علينا
ولا يهون الجميـــــــــــــــــــــــــــــــــــــــع

[البتار]

وهل قرأت الرسالة التي أرسلتها لك قبل فترة أم لا.... وتقبل تحياتي

http://www.browning.com/common/bottmbar.gif

[فتى القصيم]

نعم قرأتها ...ووضعتها عندي بالحافظة .....كلام ..حــــــــــــــــــلو
تسلم يالبتار ....

[أرض الحجاز]

معلومة حلوة جدا

[دربيل]

انا شريت الكشاف هذا وبصراحه انه رهيب يعطيك اضاءة ولا احلى

تشكر اخوي على النصيحه

[القناص]

http://www.princetontec.com/images/product_pulsar_II.jpg

السلام عليكم

المذكور اعلاه موجود لدى ذيب الصحراء بشارع العليا
والكشاف الجديد منه اسمه بولسار 2 ولا عليه كلام
يسوى العنوه

شوكرن

:type:
:good:

[فتى الوادي]

شكراً يالقناص على المعلومة ... لكن !

وين ( ذيب الصحراء ) في شارع العليا ...؟!!!

ممكن توصف توصيف بدو ! ....

وشكراً .

[alqaed]

السسسسسسسسسسسسسسسسلام عليكم
هذا اول رد
بصراحه كشاف مجنون والي صنعه ابدع بصراحه .

[عقلة]

سلاااااااااااااام الله عليكم ياشباب

بصراحه ممتاز وصغير وعملي

يكفيك إنك تحطه بمخباتك تقل ميداليّه

طيب وين ألقاه في المنطقه الشرقيّه؟؟

ممكن أحد يدلن عليه ياشباب

ومشكور أخوي على هالموضوع

[راعي عنيزة]

ههههههههههههههههههه هلا هلا هلا عقلة

اسفرت وانورت وغبرت وتلطمت :D

يا رجال دن هناك راتبك 30 الف وجاي تسئل عن ميداليه بعشرين ريال

يا وليدي لو عندي نص قروشك كان اشتري شركة الكهرب بكبرها :D :D :D

يا شباب الله الله بالترحيب بعقله في ذا الموضوع

http://www.mekshat.com/vb/showthread.php?s=&threadid=3145

[عقلة]

سلااااااااام عليكم

أعووووووووذ بالله من عيون بعض ناس

أحمد ربي إني ماناب أشتغل عندك ولا تسان علوم

والله لو أنت تصرف علي

ماقلت لي وين ألقاه..

ممكن ألقاه عند الرمايه؟؟

[فتى الوادي]

السلام عليكم
الكشاف المذكور موجود لدى محل الرماية بالرياض - شارع التخصصي بجانب الرميح
وهو بمبلغ 45 ريال .

[رانجلر]

اوف والله حاجه حلوه وجديده علي

تمام
بس الي بالرمايه نفس الي يتكلمون عنه الشباب يعني اقدر اربطه على الراس مثلاً!!:confused:

[راعي بر]

الله يعطيك العافية على هذا الخبر الاعلاني بس كم عطوك علشاااااان تنشرة ؟؟؟؟؟:what: :confused: ;) :rolleyes: :) :) :)

[ابوخالد]

العلم بشي لا يكفي ولكن ان تعلم الاخرين هذا هو الجديد
وانا اشكر الاخ راعي عنيزه الله يحفظه ويرعاه على المعلومات القيمة اللي دايم مايقصر فيها

[ab240]

السلام عليكم اخواني المشاركين :-
الله يعطيك العافية ياراعي عنيزة على المعلومةالقيمة 0
أنا أستخدم الكشاف اللي يقول اخوي السمح وهو ممتاز جداً وميزتة ان تكون يديك حرة الحركة 0
جزاكم الله خير 00000

[رانجلر]

ab240:
وين ممكن نحصله ويكون حر اليدين:confused:

[أبو علي]

الله يعطيك العافية ياراعي عنيزة

[بو جبل]

السلام عليكم ورحمة الله وبركاته
بصراحة أفضل كشاف هو سانيو الأصلي قيمته 90 ريال يتميز بقوة الضوء وطول مدة البطارية ويمكن إعادة شحنه ويستمر لوقت طويل جدا وكثير من الشباب يمدحه ويفضله على الأمريكي اللي قيمته 380 ريال
احذر التجاري منه قيمته 35 ريال
فيه ختم عليه وبطاريته من نوع كادينا
عيبه الوحيد حجمه كبير شوي



أخوكم أبو جبل

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8691) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[محمد النجدي]

يا ملا العافيه
جميعا وبارك فيكم

فعلا استفدنا

والحين ابي اطمر واشتري واحد

انا سمعت عنه كثير بس ما اقتنعت به الا تو

[akhan]

مشكوووووووووووووووووووووووووور

[ابوياسر 11]

يوجد عند رحلتي (الفرعين)، قبل مخرج 15ووجهك شمال،وفبل مخرج10ووجهك شمال، والظاهر على حسب قول أحدالشباب إنه عند المقناص بعد يبيعونه،(المكان)،قبل مخرج 15ووجهك غرب...
محبكم:المجروووح

[راعي الشعلة]

بالله يااخواني فين ينباع هالكشاف الزينون.
ساعدوني الله يخليكم.

[الراسيـــــــ]

السلام عليكم ورحمة الله وبركاته
عافاكم الله ياجماعة الخير وما قصرتوا والله كلكم
واقول ان النوع الاول عملي اكثر من ابو دقمه لان الي فيه دقمه دايم يخرب يجه رمل او تنكسر !!!
وبراحتكم.
الوكاد احب اسلم على راعي عنيزه كاتب الموضوع واقوله الف شكر على الموضوع وان كان الكشاف قديم معك يتجدد وان كان شين ومو عملي معك يظبط ويسلم راسك حبيبي وشلون الدير مشتاق والله.

"
اخوي البتار كيف حالك مرتاح انشاء الله ، انا متأكد انك ماراح تعرفن لاكن لي الشرف وكل الشرف اني اخاطب واوجه لك الكلام ، اتمنى ان امورك على احسن حال ( تذكر الراسيــــ لا يأتي الا بالعطل ولا تشوفه الا بالي جنب بيتك )
واتمنى لراعي عنيزة والبتار وشباب المنتدى كلهم حياة سعيدة واماني محققه ويسر وقل عسر والجنة بالآخرة.







الراسيـــــــــــــــــــ 707
alnfod@hotmail.com





.

[اعقاب]

صدقت ياراعي عنيزه عملي ومفيد حتى لو كان قديم
لدي واحد له اكثر من سنه بنفس البطاريه
شكرا للجميع

[شاي وقهوة]

اللهيعطيك العافيه يا راعي اعنيزه بس عندي سوأل القاه في حفر الباطن ومن عندة ومشكور

[بن حرمل]

والي افضل من هالكشاف الزينون، تلفون نوكيا 5100 فبالاضافة لكونه تلفون ملون حديث فيه اخر مزايا تلفونات النوكيا اضافة للراديو ومقياس حرارة فهو ايضا كشاف زينون جيد الاداء واداء بطاريته يمتد ليوم كامل ومقاوم للماء والتراب. شفتو عاد اثنين في واحد، وعقبال ما يجي مع دافور مدمج

[الأشهـــــب]

الآن يوجد موديل جديد من هذه الكشافات الزينون يسمى ( المملكة ) .
ومن ميزاته أنك تستطيع أن تجعل قوة الإضائه على ثلاث درجات ( هاديء ، ومتوسط ، وقوي ) وبإمكانك أيضاً أن تجعله يؤشر .
وصناعة هذا الموديل( أمريكي ) الله يخسف بأمريكا .
وسعره بـــ 50 ريال .
الحقيقة وهي نصيحة لكل من يريد أن يشتري مثل هذا الكشاف أن يشتري الصناعة الأمريكية لأنها هي العملية في الواقع . والشكوى لله ماودنا والله نشتري أي شي أمريكي ، لكن والله بعد ماعندي إستعداد أخسر فلوس على شيء يخرب علي بكره على طول .
أما بالنسبة للأسعار الآن .
الصيني بـــ 20-25 ريال .
الأمريكي الموجودة صورته بـــ 35-40 ريال .
الموديل الجديد (المملكة ) بــــ 45-50 ريال .

وتقبلوا أطيب تحياتي ،،،،،،،،،،،،،،،،،،

[فرد حمزة]

أييييييييييييييييييييييه

يمال الجنة الباردة يا راعي عنيزة :)

الله يجيب الربيع عديه يفنجك لنا

والله مشتاقين لك

تسان أنت مريت على الماضوع يا راعي عنيزة ترانك مطلعن نخلة براسي أدق عليك جوال ولا ترد ..
ذبححححححححححك النوووووووووم الظاهر عندك سبات صيفي :D

[الضاري]

هلا وغلا براعي عنيزة

من طول الغيبات جاب الغنايم.. وانت غبت عنا وجبت لنا ........ تريك ( كشاف)
تقبل تحيات أخوك / الضاري

[الفردوس]

السلام عليكم
أنا استعمل كشاف ألماني اشتريته من دبي يعطيك إضاءة مركزة على بعد 10 متر وله 4 بطاريات مثل الساعة
سعره 50 ريال استعملته واشتريته لبعض الزملاء وأعجبوا به
تستطيع أن تثبت النور شغال .

آمين على دعواتك يالراسيــ
أخوكم الأسعدي

[العوين]

ومشكورين على الموضوع المفيد

[>ابوعبيد<]

:good: على هلموضوع الحووو

[راكب الهلي]

يعطيك العافيه يا راعي عنيزه وكل اهل القصيم

بس لاتنسى احرص على انه يكون اصلي لأني شريت واحد بـ15 ريال من السنيدي ببريده لكنه زين ان شفت ايدك منه
وبعدين شريت الاصلي بـ 50 ريال والصراحه مايحتاج نوره قوي وعملي وهو اكبر شوي من التقليد وتلقاه عند ساكو ( وعلى خبري بعنيزه مافيها ساكو )

[فـ(الجـوف)ـتى]

الله يعفيك ويعافي الاخوان جميعاً 0

[نجوم الليــل]

سـعر الكشاف الأن<10>ريال عند السنيدي.:good:

[نقا هشال]

راعي عنيزة
يعطيك العافيه ولاهنت يابعدي

وبالفعل الكشاف ولا احسن منه انا مجربه

[اسير الجراح]

الله يعطيك العافيه ..مجهود يستحق الثناء