ابغير كفرات الجمس ومدري وش اركب ؟ نبي شوركم؟؟

[جمس2002]

السلام عليكم ورحمة الله وبركاته
الموضوع قد كتبته قبل ثلاث شهور لاكني كنت ابغير الكفر وصبرت شوي الين تتم سنتين وتمت بس فيه ناس قالولي الشاهين زين
ودي اركبه على السياره جمس 2002 ومقاس الكفر 255/70/16 فيه شاهين بهل المقاس ولالا
ودي اركب 255/75/16اذا مافيه ذا المقاس
لاني شفت 275 مدري فيه عرض 265
اذا مافيه 255 بركب 265 اذا ما فيه265 ولا255 منب مركب شاهين لان275 عريض على الجنط
لا اطول عليكم الكلام الشاهين فيه نوعين الي انا شفتها راديال (سلك) ونايلن زي البوايلين انا بركب

الراديال فهل هو يتحمل الحصى لين ولا قاسي راسي وترا نمسك خطوط طويله بالجمس فهل هو يتحمل
وراسي وكم يقعد سنتين ولا سنه زي البوالين
نبي شوركم
و
السلام عليكم ورحمة الله وبركاته:)

[جميل جمال]

شوري عليك وانا اخوك لاتتعدى الميشلان للجمس ..

ممتاز ولا به كلام انا قعد معي ثلاث سنين على جمس صالون دفرنسين 94 وماخليت فيه مكان ما طبيته لا نفود ولا حصى ومشالله تبارك الله ما يقول اح .. قوة تحمل ماتلقاها باي كفر غيره ..

نصيحتي لك ابعد عن الشاهين صح ممتاز في النفود لكن ما يكد ولا يتحمل مثل الميشلان ..

[*ابوخالد*]

الميشلان مثل ما تفضل اخونا جميل جمال ممتاز بس حق رضم وخطوط

بس عيبه الوحيد غالي وقاسي

الشاهين زينات بس ما تقارن بالميشلان بس كفرات رمل

وحليله بالخطوط مركبهن على باترول لهن سنه ما اشتكيت منهن

ولله الحمد مع اني مسيتها خطوط ورمل ورضم بس المقاسات

ما اعرفهن بالظبط بس اللي على الموتر 275 / 70

فيه الظاهر 245 / 80 طوال وسخاف شوي

وآسفين على الاطاله

[جميل جمال]

هلا ابو خالد ..

صدقت الميشلان حق حصيان وخطوط ..

لكن فيه نوع ثاني غير اللي تقصد نسيت والله مقاسه لكن الوكاد انه يجي عريض .. ونقشته غير اللي منتشر وكل الناس يركبونه ..

وهذا انا جربته بالرمل وممتاز ولا عليه كلام .. وبالخطوط وبالحصيان بعد ما به كلام ..

[شايب الصمان]

مثل ماذكروا الاخوان المشلان ..

المشلان الفرنسي وفيه المقاسات كلها .

المشلان الفرنسي هو النقشه الجديده .

المشلان قوي ويتحمل الخطوط ومحمل وسرعه - على الرمل لين بالحيل - وحتى الرضم

وأهم شىء انه لين على الموتر بجميع الاحوال .

مركبه على باترول ودوج بكب دفرنسين الان قرابة سنتين .

والشباب مركبينه على لاند كروزر 8 سلندر وجمس سوبربان دفرنسين موديل 99 وعلى ربع تويوتا84 .

واحد من الربع من الوكاله الى محل الكفرات على جمس سوبربان 2004 دفرنسين .

المقاسات 225/65/16 و255/70/16 و275/70/16و وعليه 4x4 يعنى انها خاصه للدفرنسين .

السعر حار شوي لكن لك وللزمن .

وأتمنى انني أوضحة بمعلوماتي البسيطه.

[جمس2002]

مشكورين على الردود