الشاص يفصل عند 180 ماهو الحل ؟

[710]

السلام عليكم ورحمة الله وبركاته:
عندي شاص 2010 ويفصل عند 180




ماهو الحل وماهي الطريقه التي تجعل السيارة لاتفصل؟

[برج المعيدي]

يابعدي اول عساه مبروك عليك
ويعطيك من خيره ويكفيك شره
180 سرعه كافيه
والا انصحك انك تحاول تفصله
مجرد وجة نظر

[مخاوى ابوه]

يا اخيي وين تبي تروح ؟
180 كثيره على شاص
خلك على 180 ونازل ما يحتاج تقعد تفصل الطبلون وتقروش عمرك

[710]

والله يالربع الظروره تبيح المحرم


فيه بعض الاوقات نحتاج لها

[تليسكوب]

الله يطعمك خيره ويكفيك شره

[ابو محمد 111]

السلام عليكم لازم تفك الطبلون وتقص السلك حق الفاصل وبعدين تشتغل عندك لمبه المكينه لاكن تراه يساعدك على التهور وياكل البنزين والله يستر عليك

[710]

السلام عليكم لازم تفك الطبلون وتقص السلك حق الفاصل وبعدين تشتغل عندك لمبه المكينه لاكن تراه يساعدك على التهور وياكل البنزين والله يستر عليك


فكيت الطبلون بس لقيت الاسلاك كثيرة

[turke2545]

الله يطعمك خيره ويكفيك شره
وعساه داخل عليك بالبركه والله يستر عليك

[wrs3975]

عسى الله يطعمك من خيره ويكفيك شره ... ونصيحتي لك لاتسرع لاتسرع لاتسرع:no2: :no2: :no2:

[محب النياق]

اخوي710 مبروك عليك الموتر وابي اسالك عن السياره وفرقها عن 2009

من ناحية العزم والسرعه (جربت مع شاص ثاني)
صرفية البانزين ونوعه

والله يعطيك خيره ويكفيك شره

[طير المحبه]

الف مبروك .. و الله يسهل عليك .. و السرعه سبب المهالك

[ahmadmobireek]

لله أنصحك لاتسرع والله ماتدري ويش يصير الله لايقولها يضربك بنشر تطلعلك ناقه
مافرقت لو تأخرت عشر دقايق ولا يصيبك شي تندم عليه
والعجله من الشيطان 150- 160 واجد كيف 200
وبعدين السيارة بتنهلك بسرعة وبتخرب عليك
امش120 -140 ويدوم معك الموتر

[الموسيقار6]

قاد تهور أحد الشباب (18 سنة) إلىنهاية مأساوية




أدت إلى انشطار سيارته (لومينا )إلى جزءين ووفاته




الشاب بعد أنانحرفت به السيارة في طريق جامعة القصيم




وذلك جنوب بريدة مما أدى إلى انحرافهاوتجاوزها الطريق




الرئيسي وارتطامها بأحد المنازل الأمر الذي أدى إلى خلع بوابةالمنزل




وتناثر أجزائها داخل فنائه مما أصاب صاحب المنزلبهلع،




حيث أفاد بأن الطريقمكتظ بالسياراتخاصة




عند خروج الطلاب من الجامعة






تتوقعون كم يمشي؟






شوف بالصورهالاولى مضرب السياره فوق الباب



يعني وصل البيت وهو طاير بالسماء



الله يرحمه


http://bl105w.blu105.mail.live.com/mail/SafeRedirect.aspx?hm__tg=http://65.55.183.7/att/GetAttachment.aspx&hm__qs=file%3d9252e4f4-e747-46dc-b5eb-8752bfddeefe.jpg%26ct%3daW1hZ2UvanBlZw_3d_3d%26nam e%3daW1hZ2UwMDEuanBn%26inline%3d1%26rfc%3d0%26empt y%3dFalse%26imgsrc%3dcid%253aimage001.jpg%254001CA 44CA.3EBB3820%26msgHash%3dffffffffffffffff&oneredir=1&ip=10.6.0.183&d=d1462&mf=0&a=01_40b94844943560f2e53f44ffbc7845605319061c3498d 6764b0c7fe03a1dc6c3






تكفون ياشباب اتعضوا ويكفينا خساير بشريه



واكثر الاموات بالحوادث شباب



اللهم لا اعتراض على قضاء الله



http://bl105w.blu105.mail.live.com/mail/SafeRedirect.aspx?hm__tg=http://65.55.183.7/att/GetAttachment.aspx&hm__qs=file%3dd8b1ca48-f394-4b44-8561-3188ef39b678.jpg%26ct%3daW1hZ2UvanBlZw_3d_3d%26nam e%3daW1hZ2UwMDIuanBn%26inline%3d1%26rfc%3d0%26empt y%3dFalse%26imgsrc%3dcid%253aimage002.jpg%254001CA 44CA.3EBB3820%26msgHash%3dffffffffffffffff&oneredir=1&ip=10.6.0.183&d=d1462&mf=0&a=01_40b94844943560f2e53f44ffbc7845605319061c3498d 6764b0c7fe03a1dc6c3

[أ.الخزاعي]

الله يخليك لأهلك وعيالك ................ لا تسرع لا تسرع لا ..................... للسرعة
والله أحبك في الله

[بني حسن]

والله يالربع الظروره تبيح المحرم


فيه بعض الاوقات نحتاج لها



لا اله الا الله محمد رسول الله
اخي العزيز انصحك بالتمهل والتروي قبل قيادة سيارتك
وكتابة وصيتك قبل اي مشوار من النوع التي تبيح المحرم

[lahoop]

السلام عليكم ورحمة الله وبركاته وبعد بارك الله لك فيه وجعله الله عون لك على مرضاته
اخي اولا من اين اتيت بهذا القول ان الضرورة تبيح المحرمات؟
ثانياحسب معرفتي البسيطة في المكانيكا ان صوف الدفرنسات الامامي والخلفي وكذلك القير لاتتحمل اكثر من الدوران الذي يكون عند سرعة 180
ثالثا هم لم يضعوا فاصل السرعة رحمة بك بل حماية لمنتجهم
نصيحتي
لاتسرع اكثر من 140في اي حال من الاحوال

[ترابيع]

lahoop (http://www.mekshat.com/vb/member.php?u=113861) http://www.mekshat.com/vb/images/statusicon/user_online.gif
مكشاتي


اخي اولا من اين اتيت بهذا القول ان الضرورة تبيح المحرمات؟

الضرورات تبيح المحظورات .. قاعدة شرعية مستقاة من قوله تعالى ( و قد فصل لكم ما حرم عليكم الا ما اضطررتم اليه ) الانعام 119

لكن ما تنطبق على حالة اخونا .. لان فعله من القاء النفس في التهلكة .. وهذا محرم

اياكم و السرعة اخواني الكرام .. من اسبوعين راحوا 2 من عيال عمي بسبتها ..انا لله وانا اليه راجعون ..

[السيد-99]

اتقي الله في نفسك

[راع الحيزى]

الطبلون ماله دخل. فيه سلك يطلع من القير ويروح لكوميوتر السيارة . لكن اي سلك ماتدري لأنها كثيره. تقدر تجرب وتفصل الفيش كله الخارج من القير وراح تنفك عندك القطعة. لكن هذا راح يشغلى عندك لمبة المكينة ويطفي اغلب العدادات ...واتوقع انه له تأثير مع الوقت لأنه راح يلغي عمل حساسات المكينة والقير ولا يوصل الكومبيوتر شي منها..........

اذا ودك سوي برمجة خفيفه لكومبيوتر السيارة وتنفك عندك السرعة....وقبل هذا كله تأكد ان السرعه عمرها مافادت بشي ...وترفق بعمرك

تقبل تحياتي

[zyarahmy]

الله يعطيك خيره ويكفيك شره

بس 2010

وتروح تفصل وتلعب في الاسلاك


عندي لك حل

عندي اكسنت تمشي 200
موديلها 2005

راس براس

^^^^مزحه برزحه

[عزبة بر]

تبغى اكثر من 180
الله يستر عليك بس
:(

[بلا حدود999]

الاسعاف مايتعدون سرعه 180

الله يستر عليك وجميع المسلمين....

[alannaby]

انتبه يااخوي من السرعة الله يعطيك خيره ويكفيك شره

[ابن ضعيان]

العمر واحد
والله لايقوله لو تفقد يد والا رجل ما تنفع الندامة

[ولد وايل..]

الاسعاف مايتعدون سرعه 180

الله يستر عليك وجميع المسلمين....


وانت الصادز ما يتعدون 16 وبالغالب 140 -150 لو عندهم بلاغ

بالنسبه لك أخوي 710

انا انصحك انك ما تحوس بالموتر من ناحيه السلامة والرفق بنفسك...

وبعد ع شان تحافظ ع موتر من الحوسه اول ما تجي تفصل وبعد لما تزيد ع سرعه الوتر تتعبه مع الوقت تراها كلها ست سلندر يعني يمال العافيه وحلو لما تشد معاك لل180 بالوقت المطلوب ((لا احد يفهم غلط انا اقصد انه يمشي بكامل اريحه مش يفجر المكينه ويحشر القير وينتظر الدحديرااات ع شان يوصل 200 مثل بعض المواتر !!))

والله يبارك لك فيه.

[الصــرح]

والله يا عزيزي أنا معي شاص جديد ولو أعرف إن بازوكا تلحقني وبتفجرني
ماوصلت للسرعة اللي تنشد عنها

عموماً واضح انك مترهي زود أتمنى أن ترقق قلبك بزيارة المقابر والمستشفيات عسى أن تعطيك موعظة من الواقع
وبالنسبة للقاعدة الفقهية التي تقول الضرورات تبيح المحظورات القياس عليها
غير منضبط في مثل هذه الحالة

[بـدر]

الله يستر عليك

[مكشاتي كوكتيل]

الله يعطيك خيره ويكفيك شره .

180 على شاص تعني إنتحار .

ياأخي الشاص مرتفع عن الأرض ومافيه وسائل سلامه وسريع الإنقلاب . يعني 120 وتخب عليه ، وأنت تبي 180 وزود !!!!

الله يحميك ويكفيك شره

[هولان]

المشكله وانا اخوك لو يصير للواحد حادث ويموت يمكن نقول اهون له من انه يصيبه شلل رباعي ويقعد طول عمره نادم على الساعه اللي اسرع بها , ويزيده ندم اذا شاف اللي حوله من اخوانه او اخوياه يكشتون ويتمشون وهو منسدح على سريره ما يلقى من يقلبه على جنبه .
انتبه لنفسك ومبروك الموتر وعساه ناصية مباركه .

[شعيب فياض]

لا ثم لا ثم لا
الظاهر مخك هو اللي يفصل لالاحشى 180 يبيلك كوي ياحبيبي و مستقبل غيري إذا سيارتك قبل الشاص صغيرة
حرام ثم حرام تمشي بها هالسرعة وش هالوقت الثمين إللي تبي توفره؟؟؟؟
الجيوب والسيارات الرفيعة مايمشا عليها باها السرعة
إتق الله لا تكون سبب في موت أحد أو إصابته و إلا أنت باقريح نصيحة محب

[مجالس الرجال]

الله يهديك إرفق على روحك
عندي إحساس إنك من النوع اللي إذا مر من عنده اي موتر متعدي 200
مثل اف جي او ربع او هايلوكس ماتبيه يطوف عليك

[حرعلى كف صقار]

وعليكم السلام ورحمه الله وبركاته
الله يعطيك خيره ويكفيك شره

[راعي العشاير]

الله يعطيك خيره ويكفيك شره

[العسكري]

أخي الحبيب ... السلام عليكم ورحمة الله وبركاته
أخي الحبيب والله السرعة ما فيها خير... ولقد خسرت أقرباء وأحبة لي في حوادث مريعة كله بسبب هواهم واستجابتهم لشياطين الأنس الذين يحثونهم على السرعة والتحدي. أسالك بالله يا أخي الحببيب أن تترك سيارتك كما هي والله يطرح فيها البركة وأن تترك السرعة لكي تعود لأهلك وأحبابك وأنت بخير وأني لك من الناصحين حفظك الله. :)

[الكلاسك]

شكلك صغير ومراهق تبي تطير بين السماء والارض في شاص بعد؟؟
والله اردى منك اللي يعلمك كيف تفصله واتمنى من المشرف يفصل عضويته من المنتدى اللي يقولك كيف تسرعها
حفاظا على ارواح الناس ثم روحك
كم فيه مراهق يتم الاطفال ورمل النساء واصاب ناس نقلهم الى عالم الاعاقه بسبب طيش هذا واشكاله
انا لله وانا اليه راجعون

[نيسان 807]

والله لو اعرف ماعلمك