ادخل اسأل وحنا نجاوب ( بخصوص البنادق الهوائيه ) الجزء الثاني

[قانوص قديم]

اخي الكريم لوتدفع 100 او 200 ريال زياده بس لك وللزمان شوف الاخوان بالمنتدى عسى الله يحفظهم كرفو الفايروخ كرف ولا احد شكى منها القامو درجه ثانيه وانا اخوك وماتكد مثل الفايروخ وحتى اذا بغيت تبيع الفايروخ تطير الكل يرغبها شوف الفايروخ ال 35 ممتازه لكل شي والله يكتب لك الي فيه الخير

[شوار القلوب]

شكراً ياقناص ألاما تم اقتناء نوريكا 90

بفضل الله

[رساوي الأصل]

طيب يا اخوان وش رايكم بالفايروخ 75

[خالد مشراف]

السلام عليكم ورحمة الله وبركاته
أتمنى أن أكون عضو نشط إن شاء الله وأفيد وأستفيد
أنا معرفتي بالأسلحه كانت مقتصره على الأسلحه الناريه المتعارف عليها ولالي أي خبره بالهوائيه.
مالكم بالطويله أنا قبل ثلاث سنوات كنت أدور على برنو ناريه وما لقيت ضاق صدري وقلت مالك إلا الهوائيه ساكتون.
مريت الرمايه بالدمام وأخذت لي وحده ب900 ريال لأني أستكثرت هالمبلغ على هوائيه إستخدامي كان قليل لها وكنت حاطها في شنطه خاصه للبنادق يعني نظيفه منقلب وأخت الجديده إلى يومنا هذا.
قبل أمس مريت الرمايه قلت أبي أبيعها واخذ وحده غيرها المفاجئه أني كنت متوقع أنه ما راح تجيب أكثر من 800 ريال جا واحد وسامها ب1200 صافي وهو يتحمل نقل التصريح وقبله عامل في المحل قال أعرضها لك ب1100 صافي لك واللي فوقها للمحل.
شكيت في الوضع وهونت من البيعه أبي أعرف وش اللي صار وليه أنسامت بها المبالغ وانا على بالي أنها ساكتون مش حالك
الساكتون ديانا 35 صاب وشهي من لحيه وهل تيتاهل السومات اللي جت
ياليت أحد يفيدني وأسف على الإطاله


تحياتي.........

[ابو سفيان]

الله يحيك بين اخوانك وان شاء الله تفيد وتستفيد
بناسبه لسؤالك
الله اعلم ليش ارتفعت مدري لاني زيك مالي خبره فيها
لكن على ما اعتقد ان اسعار الهوائيات ارتفعت
وقالو هذي برضه او انها من النووع النادر
يفيدونك اهل الخبره

[شوار القلوب]

والله طال عمرك على حسب معلوماتي انه ماعاد في مثلها في السوق

يعني الحق بيع قبل تجي البنادق من هذا النوع وتروح عليك القيمة

مع العلم انها صناعة المانية ومن ارعق الشركات في البنادق الهوائية هي شركة ديانا

والنوع اللي عندك 35 يمدحوه الشباب بالمنتدى ويقولوا يستاهل

والله يوفقك ونصيحتي اذا انت ماتبي تستخدمها بيعها بهذا السعر

[رساوي الأصل]

تبي بالعربي الفصيح

ساكتونك جابت هالسعر بسبب ( السمعة ) يعني مثل التويوتا هذا هو الشعب السعودي

[نايف العنزي2]

حياك الله اخوي بالنسبة لي انا عندي نوريكا سراحة ممتازة وقوية لكن الفايروخ ماعندي خبر عنها

[شوار القلوب]

يعطيك العافية اخوي نايف العنزي ماقصرت

بس ياخي النوريكا 90 صوتها عاااااااااااالي جداً

تقول شوزن مدري هل فيه حل للصوت؟؟؟؟؟؟؟؟؟؟

[بواردي الدبدبه]

حياك الله وسوالك مدري وش عشانه ارفتعت

[قانوص قديم]

السلام عليكم ورحمة الله وبركاته الديانا القديمه ابرك الف مره من الجدد الديانا القديمه افضل من الي موجوده الحين بالسوق وهذا مغزى الموضوع

[abo nasir]

السلام عليكم و رحمة الله و بركاته

يا شباب و الله اني ناوي على ساكتون فوش النصيحة تكفون
ولا تبخلوا علينا بالردود لأني محتار و لي اسبوع ومدري وش اشتري واحد يقولي أنجليزي و الثاني ألماني

فوش الراي و اللي عنده مواضيع زينه يضع رابطها

[abo nasir]

يالربع
انا ناوي أشري بندق ألماني إما فايروخ أو ديانا
فوش الراي وأبي مقاس 80 و فوق تكفووون أفيدوني

[abo nasir]

تكفون يا شباب يا أهل الخبرة وين الردود 16 واحد دخلوا ولا واحد رد
والله اني عجل:(

[رساوي الأصل]

السلام عليكم

اخوي انت علمنا كم حدك وميزانيتك وان شاء الله ما راح نقصر معك ابدا ولو تعلمنا وش صيدك احسن علشان ناخذ حساب القوة والوزن و السعر ....إلخ

[abo nasir]

السلام عليكم

اخوي انت علمنا كم حدك وميزانيتك وان شاء الله ما راح نقصر معك ابدا ولو تعلمنا وش صيدك احسن علشان ناخذ حساب القوة والوزن و السعر ....إلخ
انا حدي 1900 ريال و صيدي مزارع و ضبان و بعض الطيور
بس أبي أزين شي في الالماني او الانجليزي
مدري الأسباني ما يمدحونه

[رساوي الأصل]

عندك الفيروخ 80 حلوة سعرها 1500
الديانا 31 تقريبا مثل قوة الفايروخ سعرها 1200
وعندم القامو شادو 1000 اسبانية سعرها 1100 وتراه حلوه

[abo nasir]

مشكور بس الفيروخ موب 85 أحسن من 80 يقولي راعي الرميح إن الفرق الوزن بس
الـ 80 4 كيلو و الـ85 3.5 كيلو

[القنـاص2008]

شوف انا انصحك بالفايروخ الماني 80 مجربة وعن خبرة فيها

[abo nasir]

فيه واحد قالي الخمس و ثمانين أحسن لأنها أخف وزن
وش رايك

[رساوي الأصل]

انت بالخيار بين الفيروخ 80
والجامو شادو 1000 وكلهن نفس القوة

الفرق القامو ارخص ادق اخف اقل جودة يعني 7 سنوات بعدين تبدأ الخرابات مع العلو ان خراباتها عادية وما تكلف فوق 100 و 150 ريال

والفايروخ اغلى اثقل ولكن افضل جودة يعني للعمر مع المحافظة

بس على كلامك انك صيدك بعضه بالمزارع يعني رجليه خذ بحسابك ان الفايروخ وزنه 4 كيلو والقامو 2.8 كيلو لأنه فيبر وهذي ميزة لأن الفيبر معروف احسن

أما الأنجليزي ما ادري عنه لكن ماشفت احد مدحه لي ابد حتى اصحابه

والله الموفق

[abo nasir]

مشكور و ماقصرت أخوي رساوي الأصل
و يختار الله لنا الزين ان شاء الله

[abo nasir]

BSSAM888 (http://www.mekshat.com/vb/member.php?u=68622)
مشكور و ما قصرت

[بيكال فيبر]

اخوي نصيحتي لك خذ لك ديانا 30

فعاله مره وخرابتها قليله مره

ووزنيته سهله جدا

وخفيفه وصغيرة

[فرخ الجني]

فايروخ من الصغار اقل من 45 واللي ترتاح له لان ترا الديانا التاليه ما يمدحونه يقولون فيه قطع داخليه بلاستك وما يحتاج تعرف استخامنا يا الله حديد ويخرب بعد انا انصحك بالفايروخ ولا تتعدى 45 وشكرا

[بدون عضويه]

<?xml version="1.0" encoding="windows-1256"?>
<message><![CDATA[تكفون ترا تكفى تهز الرجاجيل لولا ضروف الوقت ما قلت تكفى


انا ساكن مكة وابغى عناوين محلات بيع بنادق هوائية تكون في جدة او الطايف ولي يجاوبني له دعوه بخير مني ]]></message>
[img]http://www.mekshat.com/pix/upload/sign/images/mk151128.gif[/img

[بدون عضويه]

يا ناس
وينكم

[قنآص زهرآن]

بسم الله..اول شي الاخوان فيهم الخير..وما يحتاج كلمة تكفى

بدلك بمحل بجده دامك بمكه قريب..هو محل بن حميد..> بشارع الحج مقابل مسجد بن لادن ع خبري

ورقمه:026897676

*بس ترى من شهر رمضان اكلمه اقول ابي ديانا 350 يقول ما وصلني للحين بنادق..والظاهر بشهر اربعه بيوصلون عنده..لكن دق واستفسر

وفي محل بالمدينه المنوره ..ع ما اضن اسمه الفوزان ورقمه.:048458563

وفي محلات بالطايف كثيره..بس والله م ادل مكانها اضن بسوق الزل ان ما خاب ضني..والوكاد انها بسوق الزل..لكن الاخوان يفيدونك

وفي في مكه محل..بس الله يطعمني اتذكره..والله ان ناسي وش اسمه..لكن بحاول اتذكر وارد لك
اعذرني ع القصور..اخوك ابو متعب

[abo nasir]

أبشركم شريت فيروخ 85 من الرميح الرياض
سرعة الفشقة في الثانية 390
ومدى الاصابة الدقيقة 190 متر بعدها تنحرف
السعر 1500 ريال و معها سكين و حقيبة
ولله الحمد

[محب العقاب]

السلام عليكم ورحمة الله وبركاته /.
أخوي إن كانك تبي بندق كد ومد وطويلت عمر وصبورة خذ الفايروخ مود.80 من أميز البنادق الهوائية وأصبرها ولايهمك الإنجليزي والإسباني << يمكن يزعلون علينا الربع ولكن وجهة نظر
الإنجليزي والأسباني شكل ومنظر وترا المظاهر خداعة
أنصحك لاتتعدى الألماني وبالتحديد الفايروخ مود.80 /.
والسلام عليكم /.

[محب العقاب]

مبروك ماشريت وفالها الشحم واللحم إن شاء الله /.
وتكسرها بالعافية /.
وإن شاء الله فالك الدخل والقميري والصفاري والضبان بعد/.
وتقبل تحياتي والسلام عليكم /.

[علاوي الطرفاو]

اخوووووي انا مثلك بعد

وحدي 1200 ريال وماادري وش افضل نوع وابغى محل بيعه في عرعر

[mazenk15]

مبروك ماشريت الله يطعمك خيره ويكفيك شرهـ

والـ85 طيبة واخف وزن من الـ80
لاكن الـ80 أقوى
والألماني يكد كد مهب صاحي
وبالتوفيق×

[علاوي الطرفاو]

اخواني

من يعرف افضل ساكتون هوائي لصيد القمري والسمان

وابغى اسم محل في عرعر لبيع الاسلحة الهوائية

وابغى سعر الافضل وسرعتها وعيوبها

لوتكرمتو

[ماأعرف أحد]

أتمنى الاخوان يفيدونك
وماقصر أخوي قناص زهران

[abo nasir]

أنا شريتها من الرياض ولا لي خبرة في أماكن ثانية
لكن 80 و 85 بـ 1500
و 75 بـ 1200
فايروخ ألماني من عند الرميح

[الفياض***]

الله يوفقك

[شوار القلوب]

طال عمرك

فيه محل في مكة في حي الشهداء اسمه عين شمس اسأل عنه

وفي سوق في الطائف اسمه برحة القزاز فيه بنادق هوائية

وفي محل في ينبع لو انك سائل قبل ثلاث ايام كانت جبت لك بندقية من هناك

بس كل تأخيرة وفيها خيرة

وفيه محل في المدينة المنورة اسمه محل الفوزان

وهذا رقم واحد ذيب شرواك يشتغل في محل المدينة المنورة اسمه ابو راكان

0555362962

يكون بعد المغرب في المحل

وماأنصحك تروح لبن حميد لان ماعنده بنادق

[سطام F15]

طال عمرك

فيه محل في مكة في حي الشهداء اسمه عين شمس اسأل عنه

وفي سوق في الطائف اسمه برحة القزاز فيه بنادق هوائية

وفي محل في ينبع لو انك سائل قبل ثلاث ايام كانت جبت لك بندقية من هناك

بس كل تأخيرة وفيها خيرة

وفيه محل في المدينة المنورة اسمه محل الفوزان

وهذا رقم واحد ذيب شرواك يشتغل في محل المدينة المنورة اسمه ابو راكان

0555362962

يكون بعد المغرب في المحل

وماأنصحك تروح لبن حميد لان ماعنده بنادق

أفادوك الذيابة يالذيب


بعدين ياراعي المثنى يامال العافية لاتزعل أبو راكان علينا هذا مايشتغل بالمحل هذا صاحب المحل

[رساوي الأصل]

على ما اظن قامو شادو 1000 وسعرها 1100
وسرعتها الف قدم بالثانية 305 متر بالثانية عيوبها سمعتها ولكن المجربين لها يمدحونها
اما عن المحل ما اعرف مكان في عرعر ولكن القامو وكيلها الرماية وفيه ببريدة والرياض وغيره قد يكون لها فرع في عرعر

[mlikhunter]

مبروك عليك وانشاء الله تكسر عشره منها
والسلام

[شوار القلوب]

اي والله ادري بس نسيت

ههههههههههههههه

العذر والسموحة منه

وبيض الله وجهك على التوضيح

[khalaa2u]

ممكن يا اخوان جدول سرعة ووزن واحجام كل بنادق الصيد من ديانا و فايروخ
عجزت ادورة في المنتدى ولا لقيتة مع اني شايفة من اول
اللة لايهينكم الفزعة

[سطام F15]

يفيدونك الإخوان إن شاء الله

[راعي الجبعا]

بسم الله
السلام عليكم
أقدر أفيدكم عن الفايروخ لأني اتصلت على الرميح وأعطاني تفاصيلها ةهي كالتالي :


المقاس الوزن القيمة
90 4كغم 1900ريال


85 3.5كغم 1500 ريال


80 3كغم 1500ريال ( وهي الأفضل )


75 ـــــــــ 1200ريال


35 ـــــــــ 1100ريال


30 ـــــــ 1100 ريال


27 ــــــــ 1000ريال


25 ـــــــــ 850 ريال
ملاحظة : هذه ليست دعاية وإنما للفايدة للأخ السائل لأني لا أحب أن أعرف معلومة وأسأل عنها ولا أجيب .
ورحت الزلفي واشتريت فايروخ 80 ما شاء الله قولوا مبرووووووك,,,,,,,,

[abo nasir]

أخوي فيه تعديل بس أنا توني شاري 85 وو زنها 3.5 كيلو مثل ما قلت
لكن الـ 80 ترا وزنها 4 كيلو هذا كلام راعي محل الرميح
وجزاكم الله خير

[abo nasir]

السلام عليكم
حياكم الله يالربع
ما أطول عليكم بس أنا توني شاري ساكتون هوائي وش تكون وزنية أول ما أشتريه
وجزاكم الله خير

[سطام F15]

وعليكم السلام ورحمة الله وبركاته


والله يالغالي مافهمت عليك زين لكن قصدك الرمي أبد أرم فيها راس المنشاف وشوف والتجربة هي اللي تحدد الوزنية

[جيب العشه]

الله يرزقك مافي الا انك تحافظ عليها وتحطها ببيت

ولا تخليها تطيح منك

وانا مافهمت عليك

والف مبروك

[بواردي الدبدبه]

هههههههههههه لا تخف مع الرمي هههههههههههههههههههههههههههههههههههههههههههههههههه ههههههههههههههههههههههههههه وبعدين تصيرر ريشه هههههههههههههه

[abo nasir]

لا أنا أقصد توني شاري ساكتون 85 فايروخ و إذا ثورة من قريب ما تجيعلى اللي أنا مصوب عليه
يعني إذا شريت ساكتون لازم انت تضبط وزنيتها ولا هي تجي مظبوطة
وان شاء الله انكم فهمتوا قصدي

[صقر112]

أول ما تشتريها دائما تكون وزنيتها غير دقيقة

شد حيلك وجرب ترمي فيها على رأس المنشاف وحاول تعرف وين تكون الرميه

بعدين تجلس تعدل حتى تكون الوزنية ميه ميه

[حب الغمام]

السلام عليكم

طريقة مجربها زمان عند وزن الساكتون

للرايقين ::

تفرش لك فرشة ومركاة ...!!؟ (مكان مافيه هواء.)

وتحطلك شارة ( كرتون مثلا ) على بعد 20___30 م

وتجيب بجوارك كاميرة فيديو وتوزنها على الهدف بتاعك .


وبسم الله تبدأ أول رمية ....

وتقرب بالزووم وأنت متربع في مكانك وتشوف رميك تجاه الهدف..

وهكذا.

الطريقة التقليدية وهي :

تحط لك مجموعة حصى صغيرة أو أكرمكم الله ..... ( بعر )

وتبدأ بإصابتهن .

ارجو اني افدتك

[قانوص قديم]

السلام عليكم ورحمة الله وبركاته اخي الكريم النظر من خلال الموجهات يختلف من شخص لاخر لازم تصفر البندقيه على نظرك حتى لو هي جديده

[بواردي الدبدبه]

لازم تضبط العيار على الي تبي وتحب .......!!!!

[أبو رامه]

الاخ ثلاجة الرميح
بأسألك عن التصريح كم يأخذ له وقت

[sultanss95]

الاخ ثلاجة الرميح او من لديه علم من الاخوان الكرام

هل يوجد امكانية توصيل للطائف

او هل يوجد فروع للرميح في مكة او جدة؟؟

بصراحة لفيت الطائف كله ومالقيت فيه شئ جديد

كله مستخدم وغالي : اللهم لك الحمد !!

[ابو مقعد511]

الاخ ثلاجة الرميح او من لديه علم من الاخوان الكرام

هل يوجد امكانية توصيل للطائف

او هل يوجد فروع للرميح في مكة او جدة؟؟

بصراحة لفيت الطائف كله ومالقيت فيه شئ جديد

كله مستخدم وغالي : اللهم لك الحمد !!


السلام عليكم ورحمة الله وبركاته
اخوي برحة القزاز فيها شي

[sultanss95]

السلام عليكم ورحمة الله وبركاته


اخوي برحة القزاز فيها شي


وعليكم السلام والرحمة
لقيت عنده نوع واحد جديد : صيني ب 1600 !!!

والباقي مستخدم

[ابو مقعد511]

وعليكم السلام والرحمة
لقيت عنده نوع واحد جديد : صيني ب 1600 !!!

والباقي مستخدم


الصيني لو تلقها بـ 100 لا تأخذه
ماتدري المستخدمات وش نوعهن لاهنت

[sultanss95]

الصيني لو تلقها بـ 100 لا تأخذه

ماتدري المستخدمات وش نوعهن لاهنت




المستخدمة ما سئلت عن انواعها : لاني شفت بعضها معروض وحالته يرثى لها

[ابو مقعد511]

المستخدمة ما سئلت عن انواعها : لاني شفت بعضها معروض وحالته يرثى لها


أخوي مالك الا بن حميد بس اللحين بن حميد كل شوي يقول بعد شهر وأذا انت مستعجل فيه محل بعيد عنك في المدينه ../ محل الفوزان ..

[sultanss95]

أخوي مالك الا بن حميد بس اللحين بن حميد كل شوي يقول بعد شهر وأذا انت مستعجل فيه محل بعيد عنك في المدينه ../ محل الفوزان ..


هل ابن حميد له فروع بمكة اوجدة او الطائف؟؟

[ابو مقعد511]

هل ابن حميد له فروع بمكة اوجدة او الطائف؟؟


مالك لوا مغير في جده

[علاوي الطرفاو]

اخواني

ممكن تعطوني صور عن الفايروخ الالماني80

لاهنتم عجلواا علينا

[فهد33]

مشاركة بسيطة

إذا شفت إنك تصوب على القواطي وتضربهن وتصوب على الصيد وتخطي فاعرف إن البلاء ماهو بالبندق البلاء بك ههههه :D

[سبع الولع]

السلام عليكم ورحمة الله وبركاته
يا اخوان انا ناوي اشتري ساكتون ديانا ماعنيوم 350 ودورت في الرميح و الرماية الي في الرياض على طريق التخصصي وقال تحصلها عند ابن حميد في جدة , فهل احد قد مر على هالمحل لاني انا ساكن في الرياض وصعبه اروح لجدة من اجل ساكتون فهل احد عنده معلومات عن بعض المحلات الي تجيب هالنوعية واذا احد عنده رقم ابن حميد الي في جدة يعطيناه الله يبارك فيمن يزودني بالمعلومات الي تفيدني وتفيد اخواني المسلمين
وعذرا على الاطاله لكن صاحبكم محتاج
اللهم بارك فيمن يرد على موضوعي ويسر امره وفرج همه وافتح له ابواب رزقك امين امين امين يارب العالمين

[شوار القلوب]

سبع الولع السلام عليكم

أخوي انا من جدة

ورحت بن حميد وقال ماعنده سكاتين مرره

لأن من قبل رمضان وحنا وراه وللحين ماجاب شي

فعشان كذا ريح نفسك من بن حميد ودور غيره

واذا حصلت فايروخ 80 في الرياض تراه ممتاز جداً

والله يوفقك ويكتبلك اللي فيه الخير

[بواردي الدبدبه]

ماقر الخويـ شوار القلوب

[sultanss95]

مالك لوا مغير في جده




فرع جده هذا اسوأ محل في الدنيا

تخيل محل بيع بنادق هوائية ولا يوجد عنده اي ساكتون من اي نوع

العامل وشوية قطع !!!

[abo-lma]

السلام عليكم ورحمة الله وبركاته


أبن حميد ماعنده شي أبد لاماغنيوم 350 ولاغيره

ولكن لك رسالة على الخاص والله يزين كل أمر

موفق خير

[علاوي الطرفاو]

الاخوان ماقصروا

[alkreze]

اخوي ثلاجه الرميح ممكن ترسل لي داتا شيت للبنادق على هالايميل بعد اذن الاداره
asir.121@hotmail.com

[بيكال فيبر]

الاخوان ماقصروا وعطوك العلم الي عندي

[alkreze]

مشكوووور ياخوي


وصلت الرساله الله يعافيك

[شبل حرب]

السلام عليكم ورحمة الله وبركاته
يا اخوان انا ناوي اشتري ساكتون ديانا ماعنيوم 350 ودورت في الرميح و الرماية الي في الرياض على طريق التخصصي وقال تحصلها عند ابن حميد في جدة , فهل احد قد مر على هالمحل لاني انا ساكن في الرياض وصعبه اروح لجدة من اجل ساكتون فهل احد عنده معلومات عن بعض المحلات الي تجيب هالنوعية واذا احد عنده رقم ابن حميد الي في جدة يعطيناه الله يبارك فيمن يزودني بالمعلومات الي تفيدني وتفيد اخواني المسلمين
وعذرا على الاطاله لكن صاحبكم محتاج
اللهم بارك فيمن يرد على موضوعي ويسر امره وفرج همه وافتح له ابواب رزقك امين امين امين يارب العالمين


محل ابن حميد ماعنده شيء من رمضااااان مثل ماقالوا الشباب ماعنده شيء وكل شهر يقول الشهر الجاااااي

اما رقم المحل بعد إذن الاداره 026897676

دعواتكم

[عاشق البرر]

السلام عليكم
انا ابغ اشتر سكتون بس متردد اي نوع

[عاشق البرر]

انا بشتري (ام صتمه)بس متردد وش اخذ اي نوع

[علاوي الطرفاو]

ياشباب محتاجين صور بنادق هوائية

نبغى كل صورة مع عيبها حتى نعرف وش نختار

[برنس الديره]

سؤاااااااال يطرح نفسه يالربع ؟

هل الفايروخ الألمانية بجميع مقاساتها

تجميع صيني ؟؟؟؟؟

اللي عنده علم يفيدنا

[عاشق البرر]

انا متردد وش اشتري (ام صتمه)اي نوع

[عاشق البرر]

السلام عليكم ورحمة الله وبركاته

ياشباب ابي اشتري بندق بس مدري اي نوع احسن ممكن تفيدوني ينشامااااا:(

[شايب الراس]

يفيدونك الاخوان

[سطام F15]

اللي فهمت من العنوان إنك تدورهوائية
شف يالحبيب إن لقيت الفايروخ خذها تراها طيبة والنوريوكا ممتازة ومجربها
ويفيدونك الربع مايقصرون

[مرهف]

اشتري الانجليزي الاوميقا تجدها عند وكيلها الرماية بس تراها اشوي ثقيله في وزنها بس الساكتون طيبه جداجدا

[khalaa2u]

ايميلي بعد اذن الادارة skiline1981@hotmail.com

استنى الداتا شيت اللة لايهينك اخي الرميح

[قناص الاما]

اشتري الساكتون الاسباني شادو1000 من محل الرماية

[عاشق البرر]

اشتري الساكتون الاسباني شادو1000 من محل الرماية
طيب اكثر الناس يقولن ان الفيروخ احسن

[ابو سليمان 10]

عندك اديانا, الفايروخ

[عاشق البرر]

طيب محد يعرف كم الاسعار اوالاحسن

[الصمان 2]

هاتف محل الرميح 4221770 _ 06


هاتف محل الرماية 4223990 _ 06



وأقرب من الإلماني / الفايروخ ... عند الرميح


الــ 35 بــ 1100 ريال .


موفق يالغالي ،،





.

[abrahim]

السلام عليكم عندي ام صتمه مقاس 30 اقدر اركب سستت 80ارجو الفائده

[مقطع الخليان]

:s السلام عليكم ورحمه الله:s

اخواني اعضاء منتديات مكشات

اليوم اتصلت على الرميح بالزلفي

اسئله عن الفايروخ (35) ؟ ؟ ؟

قالي موجده وسعره /1100ريال

وقال انه موجود مقاس (75)وسعره /1200ريال

فقلت خلن اسئال اخواني اكيد :D يفيدونن ! ! !

مع ان الصيد عاده / دخل , قوقسي , خضاري .

رايكم لو سمحتوا

وش افضل الـ (35)

ولا الـ (75)

كـ 1-استخدام
2-عمل
3-اطول عمر
4-وزن

[سطام F15]

هلابك
75 أفضل طبعا والأفضل منهن كلهن 80

[مقطع الخليان]

الله حيه

بالله ليش افضل ال 75

مع اني ابيه للدخل والقوقسي والخضاري

ما تضر الدخله لو رميت

[سطام F15]

الله حيه

بالله ليش افضل ال 75

مع اني ابيه للدخل والقوقسي والخضاري

ما تضر الدخله لو رميت



لا أبد ماتضره ولا شيء وأفضل بالرمي تكون أسرع وأبعد مسافة وأقوى وكل هذه مميزات تجعلها أفضل من 35

[M Fox]

لـ الدخل خذ 35

لـ القوقس والخضاري الأفضل 75 ...

أنصحك بالـ 35 ...

[عاشق تشاد]

نصيحه لك ياخوي انا مجرب هالمقاسات كلهن واصنحك بالخمسه والثلاثين مهيب قويه على الدخل وزينه للخضاري والقماري .. مجرب هالمقاسات كلهن ولا لقيت افضل من الخمسه والثلاثين.. وان لقيت اوميقا 38 من احد تعرفه من اخوياك اشترها ولا تشاور احد لان مالضاهر على حسب علمي صنع مثل هالبندق شي ونوعها انقليزيه .. قمة الابداع هالبدق اه بس اه لو يعيدون تصنيعها ويخلونها انقليزيه انقليزيه وفيه الحين اووميقا بس تجميع تركي انصحك لاتقربها وان مالقيت اللي قلت لك .. لاتبعد عن الخمسه والثلاثين الفايروخ . وشكرا

[عاشق البرر]

السلام عليكم ورحمة الله وبركاته
اخواني الافاضل
ممكن انواع الفيروخ واسعارهااااا ولكم مني جزيل الشكر

[بواردي الدبدبه]

اخوي فيه احجاكم اما انواع مادري

[بواردي الدبدبه]

لا أبد ماتضره ولا شيء وأفضل بالرمي تكون أسرع وأبعد مسافة وأقوى وكل هذه مميزات تجعلها أفضل من 35


اخوي انا رميه الدخله 35 ديانا وتقطعت عاد75 مافيه شي

[سطام F15]

اخوي انا رميه الدخله 35 ديانا وتقطعت عاد75 مافيه شي


يمكن تصير يالغالي بس الدخل مهب شرد بلحيل الواحد يقرب ويرمي الراس وال 75 أفضل لاتنسى القميري

[عاشق 999]

عندك فيروخ الالمانية مقاس 77 دبليو اتش او مقاس 85 وتراها نفس القوة وللعلم ترا ال77 دبليو اتش لها ماصورتين فوق بعض ولها مقاسين ماصورة طويلة و ماصورة قصيرة وتلقاها عند الرميح
والاسعار :
ساكتون 77 دبليو اتش : 1500 ريال سعودي
85 :1500 ريال سعودي
الهدايا: 500 رصاصةمجانا جراب سكين واختر اي نوع من السكاكين
المواصفات :
ساكتون77 دبليو اتش :الخشب بني معتق فاتح ماصورتين فوق بعظ الوزن 4 كلجم طول السبطانة 470 mm
85:الخشب بني معتق فاتح ماصورة واحدة طول السبطانة 500 mm الوزن3.5 كلجم
سرعة الطلقة:
ساكتون 77 دبليو اتش: سرعة الطلقة 290 متر بالثانية بالرصاص العادي 310 بالرصاص النحاسي
85:سرعة الطلقة 290 متر بالثانية بالرصاص العادي 310متر بالثانية بالرصاص النحاسي

[عاشق 999]

شف هذا رابط شركة فايروخ يمكن يفيدك http://www.weihrauch-sport.de/

[عاشق 999]

طيب حدد لنا نوع الصيد الي تبغاة مثلا تبغا تصيد عصافير ودخلة خذلك من 35 وتحت
اما اذا كنت تبغى تصيد حمام وقمري خذلك من 40 وفوق اذا تبغى تصيد ضبان وارانب خذلك من 77 دبليو اتش وفوق

[alkreze]

هل الرصاص Falke الالماني هو افضل نوع ولا فيه افضل منه ؟


وانا بصراحه شريت لي رصاص علبته سوداء وعليها خط احمر
مكتوب عليه Webley Airguns
انا اخذته بغرض التجربه بس احب اسألكم وش رايكم فيه

[مقطع الخليان]

ما قصرتوا

لكن

[مقطع الخليان]

هل اخذ تصريح حمل السكتون

وعمري 18 ولا لا

[alkreze]

تأخذ اذا معك بطاقه ماعليهم من العمر


بس خذ معك شهود ثنين

[الدهريز]

ابغى أشتري سكتون للدخل والقميري .
وش المقاس الزين والنوعية ؟

[الهواوي305]

هلا أخوي الدهريز أنصحك 36 من الرميح وقيمتها 1300 جديده تقريبآ لأن أذا قرب وقت الدخل والقميري أأرتفع سعرها وشكرآ

[أبو رامه]

أخوي ثلاجة الرميح هل أحصل الشعيرة الأمامية الي في رأس البندق لفايروخ 80 مقاس
5.5 وكم سعرها

[a1Ruwais]

فايروووخ80

[حسن الذروي]

:f الرصاص النحاسي أو ما يسمى بـ المتفجر هل يضر البندق و هل يوجد منه مقاس 4,5
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
:f :f :f

[ABDOLLAH]

توكل على الله وخذ فايروخ الالمانية مقاس80 وما جاك علي ..وقيمتها عند الرميح بـ1500 ريال ويعطيك معها جراب وسكين ويصرحها لك بعد ..

[saoad]

السلام عليكم
يا سفير الرميح عندناا
جت الفايروخ 80 و 85 ولا

[mk_ac]

سلام عليكم
::

شخباركم..؟.؟

اخ سطام f15 عندي اسفسار .. وابغا منك نصايح..

انا عزمت على سكتون هوائي نوع Norica 90 ..نويكا 90 وشفت سبرنق 80 وسبرنج 90

.. طلع سبرنق الــ 80 افواا وامتن من الــ 90 لكن ماا ادري السعر ما يفرق كثير لن بالنسبه لي يفرق المدا

اخ سطام f15 وش ريك ..؟ولا يهونون الشباب .. اسئله لأنه مجرب ولا تحرمونا من افادتكم

2- وبالنسبه للخفه والعمليه .. تنصحوني بالفيبر ولا بالخشب ..


:: ويعطيكم الف عافيه وبالتوفيق

*تـــــ ح ـــياتي ::

[mk_ac]

سلام عليكم
::

شخباركم..؟.؟

اخ سطام f15 عندي اسفسار,ولا يهونون الشباب بس لانك مجرب .. وابغا منك نصايح..

انا عزمت على سكتون هوائي نوع Norica 90 ..نوريكا 90 وشفت سبرنق 80 وسبرنج 90 لــ نوريكا

.. طلع سبرنق الــ 80 اقواا وامتن من الــ 90 اطول لكن ماا ادري السعر ما يفرق كثير لن بالنسبه لي يفرق المدا.. والتسعين اطول مدا وهو الاهم

اخ سطام f15 وش ريك ..؟ولا يهونون الشباب ..أكرر اسئله لأنه مجرب ولا تحرمونا من افادتكم

..بالنسبه للخفه والعمليه .. تنصحوني بالفيبر ولا بالخشب ..
.. اذا ما عليك امر وعندك خلفيه عن الدربيل المناسب .. وسعره


واسف على الاطله واعذرونا .. وتعبتك معاي..

:: ويعطيكم الف عافيه وبالتوفيق

*تـــــ ح ـــياتي ::

[mk_ac]

السلام عليكم

بصرحه يا شباب ما نستغني عن خبراتك وتجربتكم

انا عزمت على هوائيه نوع نوريكا 90 وخوفوني من وزنيتها انها بالتعبك واناها ميب عمليه

لكن بالنسبه للهوئية الجديده ما عاد فيه عملي زي القدام والديانا ومتغير والفايروخ ويبيله صينه كل سنتين وسبرنق

على كلام اهل الخبره .. وما ادري وش ريكم

وياليت تفيدونا للي جربو الاسباني . نيوريكا 90 وخاصه انه يمدح من ناس كثير وانه بادي يمشي سوقه

وبصرحه الرميه وكيل افضل من الرميح حتا في توفير القطع والصينه

:: ::

تحياتي وشكرا للجميع

[صايد وفايد..]

اخووووووووووووي
لا تشتري غير الفايروخ
وبس وكل موسم انا اغير سسته ب30 ريال حلال عليها
ونصيحه من مجرب مافيه سلاح ما يبغى صيانه
وفي معلومه السلاح على حسب استعمالك بالصيد بالنسبه للفايروخ
انا وقت الصيد مدة 30 يوم كل يوم اصيد بس كل يوم ارمي ما يقارب 500 طلقه
وهي ورا بعظ يعني لو تجيب اطلق سبرنق بالعالم ماراح ياخذ معي موسم واحد
ومثل ماقلت لك اخوي على حسب الاستعمال واذا انت بوقت الصيد تطلع لك اسبوع اسبوعين واذا خربته
رميت لك قوطيين صتم انصحك بالفايروخ
وتقبل مروري

[mk_ac]

بيض الله وجهك .. ونصيحتك وصلت

ويعطيك الف عافيه اخوي

[بواردي الدبدبه]

فايروووخ80


اف اف 80 :( :( للدخل والقميري والله الدخله ماشوفه فيه شئ~~
اخوي خذ 35 دينا وًًٌٍََُِبًٌٍَُُُِ~سًٌٍَُُُُُُُُُِْ

[شوار القلوب]

السلام عليكم

انا عندي طال عمرك نوريكا 90 فيبر

والله وزنها حلو وقوية بالحيل

وميزانها مايخرب ومايخيب

أنا ضربت بيها حول 100 صتمة ونفس الميزان (هذا كلامي بعد تجربة )

وأنصحك فيها

والله يوفقك

[الدهريز]

شكراً لجميع الأخوة الكرام الذين أفادوني .
لكن نصحني واحد بفايروخ 35 أو27 ولا أدري أيهما أفضل .

[mk_ac]

يعطيكم الف عاافيه على الافاده
..

وراح اخلي التعليقات والنصايح في بالنا

. وننتضر اراء باقي الشباب ..

[alkreze]

ياشباب بغيت اسألكم

انا ارمي الحمام بالساكتون واصيده واذا نظفته ما احصل الرصاص

بعض الحمام احصل ان الرصاصه خارقته لان اشوف في فتحتين من جهه ومن جهه ثانيه وباين انها دخلت وطلعت وبعض الحمام لا احصل مكان الرصاصه من جهه وحده بس واذا نظفت الحمامه ما احصل الرصاص مدري وين يروح هل هو يطيح او او او ارجو الافاده وشكرا

[ديانا35]

السلام عليكم

اللي يعرف محل يبيع ديانا 35 بالشرقية يقولي وكم سعرها

[mk_ac]

السلام عليكم

بصرحه يا شباب ما نستغني عن خبراتك وتجربتكم

انا عزمت على هوائيه نوع نوريكا 90 وخوفوني من وزنيتها انها بالتعبك واناها ميب عمليه

لكن بالنسبه للهوئية الجديده ما عاد فيه عملي زي القدام والديانا ومتغير والفايروخ ويبيله صينه كل سنتين وسبرنق

على كلام اهل الخبره .. وما ادري وش ريكم

وياليت تفيدونا للي جربو الاسباني . نيوريكا 90 وخاصه انه يمدح من ناس كثير وانه بادي يمشي سوقه

وبصرحه الرميه وكيل افضل من الرميح حتا في توفير القطع والصينه

أفيدونا

:: ::

تحياتي وشكرا للجميع

[ديانا35]

اخواني انا ابي ديانا 35 المانية هل توجد بالاحساء وكم سعرها ؟؟؟؟؟؟

[سبع الولع]

السلام عليكم ورحمة الله وبركاته
يا اخوان الله يبارك فيكم انا ناوي اشتري ساكتون هوائية ديانا ماغنيوم 350 ودورت عند الرميح الي في الرياض وقال ماتجي عندنا , فلو تكرمتو يا اخوان وين احصلها .
اللهم فرج هم كل من يرد على موضوعي ويسر امره وافتح له ابواب رزقك امين امين امين يا رب العالمين .

[البنوتي]

والله دعوتك طيب وياليتني اعرف بس الله يوفقك يارب وتلقى الجواب

[عاشق الدهنا]

ودي اخدمك بس ماعندي علم..

[راعي الفايرخ]

نزلت فاروخ 80 في السعوديه في منطقت النعيريه وأنا شاريها
زينه والله ...

[رجبشعبان]

الاخوة الكرام عندي بندق ساكتون (ديانا 35 ) من زمان شاريها من الحراج جديده
حاولت استخرج تصريح لها ما عطوني حيث طلبو مني تصريحها الاول 0 السؤال هل هناك
خطوره أو مسائلة في استعمالها بدون تصريح 0 أفيدوني بالمستفيد بارك الله فيكم 0 لانني
ماكنت استعملها سابقا بسبب مشاغلي

[sultanss95]

السلام عليكم

انا من مدينة الطائف

وما حصلت بنادق هوائية جديدة ومصرحة لا في الطائف ولا جده ولا مكة

المووووهم

لو وصيت شخص اعرفه بالرياض : واشتراها باسمه

وجاء الطائف : هل استطيع نقل تصريحها باسمي ؟

وكيف الطريقة ؟

دمتم بخير

[حاتم البدراني]

نعم تستطيع النقل
بس للاسف لازم يكون من نفس المكان الي اشتريتها منه


لاكن يمديك ترسل صورتين 2*3
وصورت بطاقة الاحوال مندون لاتجي
يضبطها تراهم مايدققون
اهم شي عندهم
الفلووووووووس

تقبل مروووووووووري

وترا عندي تصريح حق هوايه اسباني للبيع
بس ماينقل الا بالقصيم

\

[sultanss95]

عزا الله النشبه

وليه ما ينقل من اي مكان : وش ذا التعقيد !!!

عموما بارك الله فيك اخوي حاتم

والله يهنيك بـــ طاعة الرحمن+رضى الوالدين+الستر+العافيه+خوت
الرجال+البر+الجيب+الشوزن

[شوار القلوب]

أخوي سلطان

فيه سوق عندكم اسمه برحة القزاز

الناس تحكي عنه انه فيه محلات بيع اسلحة هوائية وانواع أخرى

الله لا يهينك روح واسأل عنه

وسمعت عن محل اسمه عين شمس في حي الشهداء في مكة المكرمة

يبيع بنادق هوائية

بس للاسف مامعي رقمه

والله يوفقك ولا يخيب ضنك

[شوار القلوب]

وفيه محل في ينبع اذا كان معاك سيارة وودك بتمشية حلوة

أطلب البندقية بالجوال ويوم الخميس توصل ينبع رح وشيل معاك سورتين خلفية بيضاء

وصورة لبطاقة الأحوال.

والمحل في ينبع مايضيع أبد هو الرجال بيدلك اذا تبي رقم المحل اللي في ينبع

راسلني على الخاص وابشر بسعدك. وتراه رجل خدوم وشرواك.

وإذا محتاج خوي ولا محتاجني اجيبلك البندقية بنفسي

تراني والله بخدمك بعيوني بس أنت أمر وأبشر باللي يسرك

أنا بخلص الاختبارات السبت هذا غداً

وماعليك ولا تشيل هم

[sultanss95]

اخوي : شوار القلوب
اولا : الله يوفقك باختباراتك وييسر لك كل صعب .

ثانيا : بالنسبة للسوق اللي عندنا : الله لا يوريك : مافيه الا بندق وحده جديدة فقط وصينية : والباقي مستخدم .
ثالثا : يعطيك الف عافية : والله يبيض وجهك دنيا واخره وماتقصر : عندي رحيمي في الرياض وبيشتري لي , بس المشكلة بيتأخر في الجيه
وينبع بعيده : لكن نقول الله يهدي ابن حميد اللي عندكم في جده ويجيب بنادق ويريحنا

شكرا لك مره ثانية
حفظك المولى

[تهامي السروي]

وفيه محل في ينبع اذا كان معاك سيارة وودك بتمشية حلوة

أطلب البندقية بالجوال ويوم الخميس توصل ينبع رح وشيل معاك سورتين خلفية بيضاء

وصورة لبطاقة الأحوال.

والمحل في ينبع مايضيع أبد هو الرجال بيدلك اذا تبي رقم المحل اللي في ينبع

راسلني على الخاص وابشر بسعدك. وتراه رجل خدوم وشرواك.

وإذا محتاج خوي ولا محتاجني اجيبلك البندقية بنفسي

تراني والله بخدمك بعيوني بس أنت أمر وأبشر باللي يسرك

أنا بخلص الاختبارات السبت هذا غداً

وماعليك ولا تشيل هم

وش اسم المحل ووين مكانه بالضبط
ولك جزيل الشكر

[رجبشعبان]

اخي الكريم نعم البندق ( الرميح ) ورقمها CAL. 4 .5 / 177 أشكرك جزيل الشكر
ومقدرا جميل صنعك وأريحيتك 0 وتقبل وافر تحياتي

[يازين البر]

يا أخي أنا أذكر الوالد يوم كنت صغير شرا لي من الطايف هوائية من الرميح ..

ألا يوجد الآن الرميح عندكم بالطايف ؟

وأذكر أنه كان في السوق اللي أكثره باكستانية وشيبان بس نسيت اسمه

حتى عماني في الطايف كلهم عندهم بنادق هوائية اشتروها من الطايف لذلك تأكد قبل أن تتعب

[رجبشعبان]

يا أخي كثر الله خيرك وجعل ماتقوم به من بحث في موازين أعمالك 0 والحقيقه ان الارقام
صغيره وغير واضحه لكن طلتها للشمس واستعملت المكبر ووجدت هذه الارقام على الماسوره
( 486180 )

[سالمبوس]

اخواني انا ودي اشتري بندقية هوائية وفيه واحد من الشباب عرض علي بندقيته 80 الماني بـ(700)ريال
مستخدمة وش رايكم في السعر يا اخواني وحبيت اسأل عن محل بيع البنادق الهوائية في الدمام
وهل يحتاج تصريح او لا...,,,,,.؟؟؟.؟؟؟؟؟؟؟
تحياتي لكم..,,//،،..

[رجبشعبان]

الاخ الكريم( ثلاجة الرميح ) شكرا وماقصرت 0 طيب ما يمكن شراء ماسورة فقط من بندق خربانه بس لها تصريح 0 لكي اتمكن من تحويل التصريح باسمي 0 هذا من جهه من جهة ثانيه لو عزمت على الشراء
افضل لي بندق ( ديانا 35 ) من أجل الاستفادة من التي عندي كقطع غيار لان المجودة عندي جدا ممتازة
قويه ونظيفه 0

[قناص الزيته]

السلام عليكم ورحمة الله وبركاته



عندي سكتون اسباني شريته من الرياض من محل اسمه الرمايه اول مره اشوفو وانا طبعا لا شفت سلاح ما استحمل على طول اشتري والله شريتها وانا مادري وشي سكتون مقاس 95 اسباني قامو 4,5 زنادها ذهبي لها زي الكاتم قدام فا ابغا اعرف هل هي احسن من الانكليزي ولا وكيف السكتون وهل هي كويسه وكيف ترمي

[ذيب الفرَع]

اخوي المشكلة في الصواب غير ثابتة

[ALBADY]

السلام عليكم

أخي ثلاجة الرميح في حالة الشراء متى يمكنني إستلام القطعه هل في نفس اليوم أو بعد إصدار التصريح

وما هي المتطلبات لإستخراج التصريح وخلال كم يوم

وهل تستخرجونه أنتم ام لا

حشى ما هي ساكتون هوا صارت الدعوى مراجعات حكوميه ومتطلبات الله يعين بس

وشكرا....

[صقار 502]

ياليت صوره
والله يرزقك

[د.زويد]

اخوي انت تقصد ام اربع صتمات

[راعي الجبعا]

هلا أخوي اشترينا وحدة بنفس المواصفات اللي ذكرت شهر 11/1430 هـ لكنها قوية جدا بس المشكلة في الصوب ما تعرفه أبد والسبب قوتها عند الرمي لازم تتحرك وإذا تحركت اختل التوازن وبالتالي لا يمكن تصيب وحاولنا التثبيت على قد ما نستطيع لكن للأسف ما نفع فيها .
هذا ما أعرفه عنها وآسف إذا زعلتك !!!!!!!!!!!

[راعي الجبعا]

هلا أخوي اشترينا وحدة بنفس المواصفات اللي ذكرت شهر 11/1430 هـ لكنها قوية جدا بس المشكلة في الصوب ما تعرفه أبد والسبب قوتها عند الرمي لازم تتحرك وإذا تحركت اختل التوازن وبالتالي لا يمكن تصيب وحاولنا التثبيت على قد ما نستطيع لكن للأسف ما نفع فيها .


هذا ما أعرفه عنها وآسف إذا زعلتك !!!!!!!!!!!

وأزيدك من الشعر بيت وزنها ثقيل تتعب اللي يتصيد على رجله .

[ابوسامر124]

السلام عليكم


واخيرا وصلت ملكلة البنادق

الحمدلله تم شراء فايروخ 80 من الرميح في الرياض وهذي صورتها ومعها جراب (بصراحة ماله داعي نبغى جراب يبقى فيها حتى وقت الرمي ) وسكين جيده نوعا ما فقط اما الرصاص خارج العرض ولو ان سعره رخيص عند الرميح


http://www3.0zz0.com/2010/02/10/23/707778465.jpg (http://www.0zz0.com)

[Dr.atkins]

السلام عليكم ورحمة الله وبركاتة

انا عندي استفسار عن تصريح السكتون الهوائي
انا ابي اشتري بندق هوائي من السنيدي
وعمري 19
فهل مسموح لي ؟؟

ارجوا الرد من الاخوان
\وشكرا\

[بدون عضويه]

وانا يخوي شاري وحده مثلها من الرماية ب1750وبتوصل انشاء الله يوم الخميسواذا تبي تشتري من الرماية وانت بعيد ارسل لهم صورك والبطاقة (الهوية)ثما تحول المبلغ في حسابهم ويومين والبندق عندك وتقبلو تحيات اخوكم ((((مطاااااارد السرااااااب))))

[بدون عضويه]

يومين واعطيك رائي فيها

[حب الوطن]

السلام عليكم



واخيرا وصلت ملكلة البنادق


الحمدلله تم شراء فايروخ 80 من الرميح في الرياض وهذي صورتها ومعها جراب (بصراحة ماله داعي نبغى جراب يبقى فيها حتى وقت الرمي ) وسكين جيده نوعا ما فقط اما الرصاص خارج العرض ولو ان سعره رخيص عند الرميح



http://www3.0zz0.com/2010/02/10/23/707778465.jpg (http://www.0zz0.com)


مبروووك تستاهل ماشاءالله وعطناء علومها

وتاكل من صيدها

[رجبشعبان]

المكرم ثلاجة المنجم 0 بعد التحية0 البندقيه التي لدي جديده وقليل استعمالها وهي قديمة جدا
وأظن من قبل ان تطلب التصاريح لبنادق الساكتون 0 هل من الممكن استخراج تصريح لها ومستعد دفع المبلغ
المطلوب 0 ممكن أدفع ( 300 ) ريا ل مقابل ذلك 0 لاسيما وانتم وكلاؤها 0 شاكرا ومقدرا منكم ذلك 0

[طراش]

الصورة اذا ماعليك امر

[الدجران1]

السلام عليكم ....
وش الأفضل من فايروخ ,,,, 80 أم 85 مع أني قريت في موضوع " مواصفات البنادق الهوائيه " أن لهما نفس سرعة الطلقه والإختلاف في الطول والوزن . وشكرآ لكم

[السهل 494]

انا اشتريت نفس اللي تقول هذي من واحد شاريها من الرمايه في الرياض ب 1500 استخدمها اسبوع فقط وهو شاريها ب 1700 لكن طفش منها لأنها ثقيله وهي حقيقة انها ثقيله لكن قويه وممتازه وركبت لها دربيل مايعيبها الا الثقل فقط

[قناص الزيته]

مشكور على مروركم ولي يقول الصوره والله اني ماني عارف احطها

[قناص الزيته]

وش نوع الدربيل

[كاتم الشكوى]

الله يبارك له فيها

[الأمير--]

ابي محل بجدة للوازم الصيد

[رعد سدير]

يفدونك الاخوان ..انا ماعندي علم

[ابوسعد 3]

الاخوان مايقصرون .

[ابو سمسم]

عندك ياطويل العمر خمس محلات بجدة
1- المقناص بشمال جدة - تطلع كبري بريمان وتاخذيسار متجه على البحر تجيك اشارة تاخذ يوتير راجع للكبري تحصله على يمينك قبل الكبري بشوي

2- بن حميد - تطلع كبري الجامعه تاخذ يسار متجه على البحر وانت جاي من مكه اول يوتير ترجع منه تحصله على يمينك
3- كشتات وانت جاي من الشمال متجه على مكه يجيك كبري الجامعة تتعداه وبعده تاخذ يمين يدخلك على محطه اسمها القحطاني تعداه بشوي يجيك كبري مشاة هو بعده على طوبل تحصلة على اليمين
((بن حميد وكشتات قريبه من بعض))
4-الرماية- طريق المدينة متجه جنوب بعد كبري صاري تدخل الخدمات يجيك كبر المربع هو على يمينك في ركنية الكبري
5-المقناص طريق المدينة متجه على الجنوب بعد كبري صاري تطلع الكبري المربع وتاخذ يسار تجيك اشاره تتعداها وبعدها دوار الدراجة ترجع منه كانك راجع لكبري المربع قبل الاشارة تحصل سوق على يمينك كبيري ما اعرف اسمه تدخل قبله يسار تحصل المحل على يمينك
((الرمايه والمقناص قريبة من بعض ))

[بوجهام]

بسم الله الرحمن الرحيم

السلام عليكم ورحمة الله وبركاته


اشحالكم يالربع عساكم بخير ؟

حبيت استفسر عن اماكن بيع الاسلحه الهوائيه في السعوديه

وخاصه المنطقه الشرقيه وشكراً

[راعي البيكال]

عند الرميح و الرماية

[راعي البيكال]

عند الرميح و الرماية مادري عن الاحساء انا في الرياض موجود حي النسيم
الماركات الاكثر تواجد وانا اصحك في الديانا مقاس 35 سهلة الصيانه
موجود الاسباني و الفايرخ
وارسلي ايميلك اذا تبي الفزعة على الخاص
اخوك راعي البيكال

[قناص الاما]

القناص طريق المطار حي 91 بالدمام

[غربي هواوي]

ما قصروا الاخوان

[بواردي الدبدبه]

الرمايه عندك

[ابو زياد20]

بارك الله فيك

[مخاوي الليل1]

السلام عليكم
الشباب ماقصرو
الله يعطيهم العافيه

[al3jeeb]

السلام عليكم
أنا عندي ساكتون هوائي فايرخ 85 تخترق الطير ومايطيح مثل القمري(ابو طوق) وش الحل فيها أخير السسته مثل مانصحني أحدالإخوان( مع انها جديده واستخدام قليل ) واستخدم الرصاص المذبب ابو علبه حمراء ولكم جزيل الشكر

[saas-des]

وعليكم السلام
السسته مالها علاقه انت تقول تخترق الطير
ارمها في مقتل وبتطيح محلها
جرب الرصاص هذا
http://up3.m5zn.com/photo/2009/5/16/12/8zac50jxe.jpg/jpg

بالتوفيق انشاء الله

[al3jeeb]

مشكور أخوي على سرعة الرد والله يعطيك العافيه

[سوبر جابري]

عندك ياطويل العمر خمس محلات بجدة

1- المقناص بشمال جدة - تطلع كبري بريمان وتاخذيسار متجه على البحر تجيك اشارة تاخذ يوتير راجع للكبري تحصله على يمينك قبل الكبري بشوي

2- بن حميد - تطلع كبري الجامعه تاخذ يسار متجه على البحر وانت جاي من مكه اول يوتير ترجع منه تحصله على يمينك
3- كشتات وانت جاي من الشمال متجه على مكه يجيك كبري الجامعة تتعداه وبعده تاخذ يمين يدخلك على محطه اسمها القحطاني تعداه بشوي يجيك كبري مشاة هو بعده على طوبل تحصلة على اليمين
((بن حميد وكشتات قريبه من بعض))
4-الرماية- طريق المدينة متجه جنوب بعد كبري صاري تدخل الخدمات يجيك كبر المربع هو على يمينك في ركنية الكبري
5-المقناص طريق المدينة متجه على الجنوب بعد كبري صاري تطلع الكبري المربع وتاخذ يسار تجيك اشاره تتعداها وبعدها دوار الدراجة ترجع منه كانك راجع لكبري المربع قبل الاشارة تحصل سوق على يمينك كبيري ما اعرف اسمه تدخل قبله يسار تحصل المحل على يمينك
((الرمايه والمقناص قريبة من بعض ))


ما ازيد على اخوي ابو سمسم
عندي رقم محل الرمايه / 026653112

[ابو سمسم]

وهذا رقم كشتات / 026234141

وهذا بن حميد / 026897676
وهذا رقم جوال لبن حميد اسمه خالد / 0501166327

[شوار القلوب]

ماشاء الله تبارك الله ماأقدر أزيد على أخوي ابو سمسم

الله يعطيه العافية ويبيض وجهه

[tdwg2000]

بسم الله الرحمن الرحيم

يا شباب انا ابغى اشتري ساكتون هوائي وابغى اخذ مشورتكم

ايش افضل نوع من حيث الجودة ودقة التصويب وتوفر قطع الغيار

وابغاها للحمام او للضب او للوبر

ارجو افادتي

ولكم مني اجمل تحية

[سطام F15]

ياهلا والله وغلا
وأبشر بعزك يالذيب
خذ الفايروخ 80 كد ومد لك وللزمن

[شوار القلوب]

ماقصر أخوي سطام

خذ الفايروخ 80 وابشر بسعدك وصيدك

[adnanmgh]

أخي الكريم ثلاجة الرميح
أسعد الله أوقاتك والجميع يارب
بغيت منكم فايروخ 80 وعندي بعض الاستفسارات ...
وش ييجي معها ؟؟
كم سعرها واصله لجدة ؟؟
وعن طريق اي شركة شحن ؟؟
ماهي متطلبات التصريح ؟؟ وهل ارسل بها فاكس او ايميل ؟؟
وهل لديكم تحويل عن طريق البنك الأهلي ؟؟

دمت بخير والجميع يارب

[راعي لدهم]

شباب الله لايهينكم انا من الشرقيه وبي اعرف المحلات الي تبيع السكتون الهوائيه غير محل القناص انا سمعت فيه واحد في الخبر بس مدري وينه وهل السكتون ديانا المانيه 52 عادها موجوده ولا احد عنده منها وبيبيعها يكلمني الله لا يهينه 0509269744

[عقيد حرب]

[quote=سطام F15;3982790]
ياهلا والله وغلا

وأبشر بعزك يالذيب
خذ الفايروخ 80 كد ومد لك وللزمن


مثل ماقال اخوي سطام هي افضل شي:good2: :good2: :good2:

عقيد حرب

[بررق]

خذ الفايروخ 35

[البنوتي]

السلام عليكم ورحمة الله وبركاته

الفايروخ80 كم سعرها يالربع

[سطام F15]

وعليكم السلام ورحمة الله وبركاته

الله العالم أنها بـــ 1500 ريال

[شوار القلوب]

1500 من الرميح في الرياض

وفيه موضوع مثبت اسمه اسئلة واستفسارات عن البنادق الهوائية

فيه واحد اسمه (ثلاجة الرميح) هو بيعطيك التفاصيل لأنه مندوب محلات الرميح

واذا تبغاه يحجزلك كلمه وماراح يقصر معاك

والله يوفقك

[قريب بدو]

هذي تجربتي



أنا توني أشتريت ديانا 31 من صاب ولكن من واقع تجربة أفضل الهوائيات هي النوريكا


النوريكا في دقة التصويب وخفيفة الوزن- عيبها تحتاج تغيير سسته كل سنيتن




الديانا متانة ولكن ليست بدقة النوريكا

الفايروخ حسب كلام الشباب قوية ولكن ثقيلة

[أبو رامه]

شاريها قبل شهر بــ1500ريال مع جراب وسكين

[سالي الخاطر]

شيك هالرابط انا شاريها من شهر ولكن الفاتوره بالسياره وانا بالعمل لكن هذا رد لوكيل حقها ونفس الاسعار ولا يعطونك معها غير سكين ياريت ما كلفوا عمرهم وجراب >>الجراب ارحم


http://mekshat.com/vb/showthread.php?p=3667686#post3667686 (http://mekshat.com/vb/showthread.php?p=3667686#post3667686)

[رساوي الأصل]

والله اللي يبي العز والساكتون الزينة ياخذ هنتر 1250 واللي يبي اقل قوة شوي وبنفس المميزات ياخذ الهنتر 440 ولا قامو شادو

[ساكتون هواء]

اخواني هلا الرصاص الجديد
النحاسي
(المتفجر)
يضر السكتون
و هل هو احسن من الرصاصي العايدي
الي نستخدمه
وشكرا ارجو الاجابه سريعا
لاني رايح الديره والديره مافيها النحاسي هذا
ارجوووكم لاني في جدة
وشكرا
اخوكم ساكتون

[هتلر نجد]

المشورة لو سمحتم ولا عليكم امر
لقيت فايرروخ بسعر 1500 ريال بدون ضمان
ولقيت جامو بسعر 1300 ريال و ضمان سنتين
وعلى فكرة كلها عيار58 وبنفس الخدمات:mad:

[معدي الرجم911]

وش تصيد الفـآيروخ80

[بواردي الدبدبه]

فايروخ يعني مشي الحال

[اسيرالشمال]

الفايروخ ممتازه واعطالها قليله

اما الجاما مااقدر افيدك عنها

وهي طيبه وميزتها خفيفة الوزن اقصد الفيبر الجامو اما الاعطال ماعندي فكره

وعندك الفايروخ ال80 ممتازه وتتحمل استخدام بس عيبها ثقل الوزن ونفس قيمة ال85 ونفس القوه

[معدي الرجم911]

الله يعـآفيك أخي ..

[هتلر نجد]

الله يبيض وجيهكم ما قصرتو

[غربي هواوي]

يالربع امس كنت بمحل ادوات صيد وجا واحد يسأل عن سكتون هوائي من نوع ديانا ووراه اللي بالمحل ورقة فيها صور انواع ديانا ومميزاتها وقاله اخر شيء يجي منها للسعودية 34

انا اخبر عندي زمان وحدة ديانا 38 وقبل عشر سنين طلبها واحد ولا قلت لها ردها وهو روح على أوله

فهل فعلا هالكلام يقول لهم سنتين منعوها

[هتلر نجد]

شي محير ابغى رايكم قررت اشتري ساكتون ولقيت التالي:
فايروخ 85 بسعر 1500 ريال بدون ضمان
جامو 85 بسعر 1300 ريال و ضمان سنتين
وكلها نفس المميزات من حيث الجراب والسكين و الصتم

وابغى سعر الديانا 85
والله يعطيكم الصحة و العافيه

[ولدالعز]

السلام عليكم

يا شباب انا ناوي اشتري ساكتون فايروخ 80 ومحتار بين صتمه 4,5 او 5,5

اللي عنده خبره يا ليت ما يبخل علينا

[بدون عضويه]

بندق هوائي قامو ايش يناسب لها دربيل في حدود300ريال والي بيجاوب الله يوفقة

[fes4fes]

يا اخوان انا معاي ساكتون قامو شادو البندق قوية وتحمل لو انها القطعة الي فوق تخلخلت مرة لان لم يتم شد البرغي من تحت الزبدة ان البندق موزونة وكل شي تمام لكن امس انا اخذتها معاي والقا شجرة عليا طائر شكله مو غريب فكسرتها ودخلت الرصاص وسميت وصوبت وسميت ثانية وثورت لكن بكل بساطة الطائر طار:eek: وجربت انواع واجد من الرصاص الدبوس والمسح والي عليه زي قبة والرمان والي راسه ذهبي يحسبونة ومتفجر وكلها نفس الشي:(

[غربي هواوي]

تلقى الجواب في هذا الموضوع
نفس الاستفسار

http://mekshat.com/vb/showthread.php?t=271713

اتمنى اني افدتك اخي العزيز

[مطحن]

السلام عليكم

عن تجربة من عام 1409

5و5 ما ينقل صوابها شي بس تنحاس بسرعة واذا انحاست انس انك تصلحها
5و4 قوية جدا دقيقة جدا لكن مثل باقي ام صتمه اذا الضربة مهيب بمكان صح ممكن الطير ينقل الصواب

اخوك عبدالرحمن

[((ابوملاك))]

^^^

الا فيه

انا قبل كم يوم كنت بشتري ساكتون ورحت للرميح وتكلمت مع اللي يبيع قسم بالله حسيت انه بيتوطاني

اخلاقه على خشمه وبعدين تركت المحل ورحت للرمايه ولقت الزول وما شاء الله والله ان اخلاقه عال يالعالي يخليك غصب ودك تشري وشريت جامو اسبانيه هانتر 440 ضمان سنتين

على فكرة شباب عندي سؤال ليش الكل يسب القامو الاسبانيه قسم بالله تكرهون الناس به

تقل مافيه ساكتون الا الالماني يعني ليش تسبونها وش عيوبها ؟

قد جربتها ولا بس تسمع ؟

[Y A S S E R]

صتمه 4,5 ادق واكثر فشق انتشارآ

[سامع الشور]

يا اخوان انا معاي ساكتون قامو شادو البندق قوية وتحمل لو انها القطعة الي فوق تخلخلت مرة لان لم يتم شد البرغي من تحت الزبدة ان البندق موزونة وكل شي تمام لكن امس انا اخذتها معاي والقا شجرة عليا طائر شكله مو غريب فكسرتها ودخلت الرصاص وسميت وصوبت وسميت ثانية وثورت لكن بكل بساطة الطائر طار:eek: وجربت انواع واجد من الرصاص الدبوس والمسح والي عليه زي قبة والرمان والي راسه ذهبي يحسبونة ومتفجر وكلها نفس الشي:(

عفواً أخوي
فيه رصاص صتمه متفجر؟
كني فهمت كذا من كلامك ولا أنا غلطان

[أبو عبدالله التهامي]

وعليكم السلام ورحمة الله وبركاته ..


أخي الكريم .. أرجو أن تروي لنا ما حصل معك لأنني من الطائف ووضعي مثل وضعك ..


بارك الله فيك وفي جميع الأخوان ..

[ولدالعز]

الله يعطيكم العافية اخواني مطحن و Y A S E R على المرور والافاده

وانتظر تجارب الاخرين

[((ابوملاك))]

يا شباب انا اشتريت جامو اسبانيه من الرمايه مقاس 80 اسمها هانتر 440

وانا اشوف الكل يسب الاسباني ليش وش فيه ؟

يعني فيه عيب شئ اشوف طلقها ما شاء الله ممتاز وقوي وقد جربه ديانا 35 النوع القديم وبصراحه نباطه عنده ما شاء الله

وش رايكم في البندق ؟

فيها عيوب ؟

[شايب الراس]

الله يعطيك خيرها ويكفيك شرها ويجعلها مبروك

[شوار القلوب]

الله يعطيك خيرهلا ويكفيك شرها

والاسبانية جامو ممتازة والله

وسعمت عنها كل خير

الله يباركلك فيها

[ولدالعز]

تكفون شباب اللي عنده تجارب وخبره يرشدني ويريحني لاني محتار مررره

انا ناوي اشتري فايروخ 80 او 85
ومحتار بين

4,5 وبين 5,5 ولا ودي اشتري شي واتحسف

ارجو الافاده يا النشاما

[مخاوي الليل e]

انا عندي سكتون 4,5 من عام 1416 وعايشه معاي وانصحك با 4,5

[خالد بن حمد]

ماااااااااااالي علم بس من موضوعك نستفيد

[حامل اللواء]

السلام عليكم

أخوي ولدالعز

حسب صيدك اذا طيور كبار ممكن
واذا صغار لا تنفع

[أبو عبدالله التهامي]

السلام عليكم ورحمة الله وبركاته ..

مساكم الله بالخير ..


قرأت أكثر من موضوع في هالمنتدى المميز بمعلومات وأعضائه
ومشرفيه .. وأشكركم على ذلك وأتمنى لكم الأفضل ..:)


طبعاً أخوكم مبتدىء في عالم الصيد .. يعني بادىء من الصفر .. وقررت أشتري هوائي .. أتعلم عليها الصيد .. وحصلت أكثر من موضوع .. ومتردد بين الديانا 27 والفايروخ 25 ..؟


أتمنى تدلوني عـ الأخف وزناً .. والأفضل من ناحية
الصيانة والدقة .. وهل تنصحوني بالمنظار ..؟



أسأل الله أن يوفقني واياكم كل خير .. :)


أنتظر مساعدتكم أخواني .. بارك الله فيكم ,,,,,,

[ولدالعز]

الله يعطيك العافية اخوي مخاوي الليل وكلامك جميل

وتسلم اخوي حامل اللواء وردا على سوالك

انا صيدي قماري واحيانا انزل بعض الاوديه والجبال واواجه طيور اكبر ووبران

وخايف اخذ ال 4,5 وبعدين اتندم اخاف ما تجيب الصيد الكبير او انه ينقل الصواب

ومحتار اخذ ال 5,5 لاني ما قد جربتها

ارجو الافاده والتوضيح لو سمحتو

[SDR]

اللي اعرف انا مدى توصيل 4,5 اكثر 5,5 فمثلا اذا كان 5,5 توصل 250 متر
4,5 توصل 290 متر

بنسبه للطيور الكبيره مثل الحجل او الخاضور كل النوعين ممتاز لكن الاقوى 4,5 لكن اذا كنت توك بادي بصيد انصحك بـ 5,5 لأنها تخلي فتحه اكبر بالجسد الطير

بانسبه للوبران ما اخبر انها تصيده لأن الوبر ما يخرق راسه الا الخرازات او ما شابه ذلك

[((ابوملاك))]

الله يعطيك خيرها ويكفيك شرها ويجعلها مبروك

الله يسلمك تسلم وما قصرت

[((ابوملاك))]

الله يعطيك خيرهلا ويكفيك شرها

والاسبانية جامو ممتازة والله

وسعمت عنها كل خير

الله يباركلك فيها

الله يبارك بك ويسلمك

مرة اسمع واحد في المنتدى قال له واحد ابشتري جامو اسبانيه قال وخر يدك اسباني اعطالها كثيرة وضعيفه ؟
مع انها ما شاء الله تحفر الاسمن وتقشع البويه

[((ابوملاك))]

وهذي صورتها متوسطه ربعها في التوقيع ^_^

[ولدالعز]

تسلم الله يعطيك العافيه اخوي SDR وشكرا على توضيحك


يعني اتوكل على الله واخذ فايروخ 80 صتمه 4,5


وش رايكم

[بدون عضويه]

لا لا لا لا يا خوووووي الناس تسب وهي ما تعرف انا شاريها قبل 12 يوم بالتمام والله انها شي ما يوصف لاكنها ثقيييييلة وعضلاتي يوم قمت في الصباح تالمني من قوت الكسر وقوت الكسر تدل على ان السسته قوية ويعني الدفع قوي بس في نقطة فرق انا الى عند موديل (قامو هنتر )لاكن في اخرها مثل الكاتم لاصوت ممكن تقلي انت شلته ولا الموديل مختلف شوي وهاذي الصورممكن سال يخوي البندق اذا طلقت بها تطلع داخنة راحتها مثل رائحة الكبرية ويقولون ان فيها نضام غاز ممكن تقلي عند واكون شاكر واسف على الاطاله واذا تبي سال فاسال بارسال رسالة ل(بدون عضويه)وهذي الصورhttp://up.arb-up.com/i/00183/v6624h5677br.jpg

[هوايتي مكشات]

مشكورين ياجماعه هالسؤال كان براسي والحمد لله اللي لقيته

[بدون عضويه]

للمعلومية انا امدح من تجربه ومن سال اهل الخبرة عملت تصوية بالمنتدى 16 مصوت للاسباني و13للالماني و2للانقليزي والسوداني الي بالمحل يقول اكثر الناس ليشترونها وزميلي بالمدرسة اشترو مثلها من الرماية بعد ونصيحة اشتر دربيل لان الصيد اذا رمية وما جبته ما بيوقف يتفرج عليك عشان كذا خذلك دربيل لانها ثقيله وبعد عرفت الموديل اثارية (1250)قامو هنتز واتركك مع الرابط للفديو مباااااااااااااااااااااااااااااااااشر:http://www.arb-up.com/8f9mefx2xmin/20100219250.mp4.html

[((ابوملاك))]

لا لا لا لا يا خوووووي الناس تسب وهي ما تعرف انا شاريها قبل 12 يوم بالتمام والله انها شي ما يوصف لاكنها ثقيييييلة وعضلاتي يوم قمت في الصباح تالمني من قوت الكسر وقوت الكسر تدل على ان السسته قوية ويعني الدفع قوي بس في نقطة فرق انا الى عند موديل (قامو هنتر )لاكن في اخرها مثل الكاتم لاصوت ممكن تقلي انت شلته ولا الموديل مختلف شوي وهاذي الصورممكن سال يخوي البندق اذا طلقت بها تطلع داخنة راحتها مثل رائحة الكبرية ويقولون ان فيها نضام غاز ممكن تقلي عند واكون شاكر واسف على الاطاله واذا تبي سال فاسال بارسال رسالة ل(بدون عضويه)وهذي الصورhttp://up.arb-up.com/i/00183/v6624h5677br.jpg

يا شيخ ريحتني

اما انا الحمد لله صحيح كسرها اثقل من الباقيات بس الحمدلله عضامي قويه

وبالنسبه للي فيها زي كاتم الصوت شفتها عند نفس المحل نفس حقتي بس فيها زي كاتم الصوت واغلى حبتين وما دري يكتم الصوت ولا لا بس انا صوتها زي طلق الرصاص لدرجه كبيره واذا كانت فاضيه يكون الصوت اقوا

والبندق لا طلقت فيها تطلع ادخنه وريحه زي الكبريت ويكون داخل مسدودة مدري من ايش بس انفخها بعد كل كسره مع انو ما يأثر بس افضل

وشريتها بـ 1100 معها 500 طلقه وجراب وسكين وتشوف في الصورة 4 علب كل وحده فيها 100 طلقه به واحد ضاع حطيته على كبوت الجيب وطلع فيه اخوي ^_^

واذا تبي صور الجراب والسكين ولكن السكين الل يزي مغطاة بالكربون اللي مكتوب عليها الرمايه وتفتح ردادي :)

والجراب الرصاصي اعتقد تعرفهن ؟

[((ابوملاك))]

للمعلومية انا امدح من تجربه ومن سال اهل الخبرة عملت تصوية بالمنتدى 16 مصوت للاسباني و13للالماني و2للانقليزي والسوداني الي بالمحل يقول اكثر الناس ليشترونها وزميلي بالمدرسة اشترو مثلها من الرماية بعد ونصيحة اشتر دربيل لان الصيد اذا رمية وما جبته ما بيوقف يتفرج عليك عشان كذا خذلك دربيل لانها ثقيله وبعد عرفت الموديل اثارية (1250)قامو هنتز واتركك مع الرابط للفديو مباااااااااااااااااااااااااااااااااشر:http://www.arb-up.com/8f9mefx2xmin/20100219250.mp4.html

بس فيه تصويتات ثانيه يكون الاسباني اقل تصويت بس الكل يصوت على حسب اللي عنده وهذا بصراحه ظلم لو واحد يبي يشتري

انا جربت ديانا والقامو والله ماتقارنها حتى الديانا من النوع القديم وضعيفه تضرب الطير وترجع الطلقه فشقه مسطح

انا والله نويت اشتري دربيل بس مدري اي نوع اخذ
دربيلك وش نوعه ؟

وكم سعره ؟

ووين القاه ؟

ووشلون الوزنيه ثابته ولا بعد كل كم طلقه تغير؟

[رساوي الأصل]

السلام عليكم

اخواني انا الحمد لله اشتريت هوائية قامو هنتر 440 والصراحة انها طيبه على عكس سمعتها بين الناس لكن سؤالي : هل يصلح اركب دربيل على الهنتر و ووش افضل دربيل لها وين القاه وكم سعره ؟

وياليت الإخوان المجربين واللي عندهم علم ومعرفه يعطوننا شوي من خبرتهم الله لا يهينكم

وسلامتكم

[((ابوملاك))]

نفس حقتك هانتر 440 ونفس السؤال وانتظر معك الجواب

[سامع الشور]

أنا أقول إذا كانت تعور اليد بالكسر فالباتريوت الإنجليزية أفضل لأنها تعور الصياد ولكنها تريحه في عدم طرد الصيد لأنها باختصار:

فتتتتتتتتتتتتتتتتتتتتتتتتتتتتتتتتتتتتتتتتتتتتتتتتت تتتتتتتتتتتتاكة

[((ابوملاك))]

^^^

يابن الحلال الانجليزيه قعدت اطارحه بالمحل عيت تنكسر قعدت اتفلت عليها

[ولدالعز]

يعني اتوكل على الله واخذ فايروخ 80 صتمه 4,5


وش رايكم

وينكم يا اهل التجارب والخبره والله شوركم ورايكم مهم جدااااااااااااااااااااااااااااااااا

[عقيد حرب]

حيااك يالغالي الدربيل على حسب استخدمك ان كنت تبي دخل من وجت نظري مايصلح اما اذا تبيها لغير ذالك فقد يكون مناسب

[أبو عبدالله التهامي]

السلام عليكم ورحمة الله وبركاته ..

مساكم الله بالخير ..


قرأت أكثر من موضوع في هالمنتدى المميز بمعلومات وأعضائه
ومشرفيه .. وأشكركم على ذلك وأتمنى لكم الأفضل ..:)


طبعاً أخوكم مبتدىء في عالم الصيد .. يعني بادىء من الصفر .. وقررت أشتري هوائي .. أتعلم عليها الصيد .. وحصلت أكثر من موضوع .. ومتردد بين الديانا 27 والفايروخ 25 ..؟


أتمنى تدلوني عـ الأخف وزناً .. والأفضل من ناحية
الصيانة والدقة .. وهل تنصحوني بالمنظار ..؟



أسأل الله أن يوفقني واياكم كل خير .. :)


أنتظر مساعدتكم أخواني .. بارك الله فيكم ,,,,,,







مازلت بالأنتظار .. :(

[قناص الاما]

السلام عليكم و رحمت الله
اي محل احسن عندك لبيع السلاح الهواء
و شكرا

[قناص عسير]

اي مدينه يعني

[قناص الصمان]

ان كانك بالرياض عليك بالرميح بالتخصصي افضل البنادق الهوائيه

[ولدالعز]

يعني اتوكل على الله واخذ فايروخ 80 صتمه 4,5


وش رايكم

وينكم يا اهل التجارب والخبره والله شوركم ورايكم مهم جدااااااااااااااااااااااااااااااااا


ارجو الافاده من اصحاب الخبره ضروري

[القنـاص2008]

اي نعم ممكن النقل مثل ماتفضلو الاخوان في الافادة

[أبو عبدالله التهامي]

للآسف يومين .. ومطنشين الأخوان .. :(


كنت أتمنى أحد يخدمني .. رغم أني ما طلبت شيء تعجيزي ..!



عموماً .. مشكورين أخواني ...

[حب الوطن]

للآسف يومين .. ومطنشين الأخوان .. :(



كنت أتمنى أحد يخدمني .. رغم أني ما طلبت شيء تعجيزي ..!




عموماً .. مشكورين أخواني ...



انت امر بس لك حق نرضيك :)

[رساوي الأصل]

السلام عليكم

اخواني انا الحمد لله اشتريت هوائية قامو هنتر 440 والصراحة انها طيبه على عكس سمعتها بين الناس لكن سؤالي : هل يصلح اركب دربيل على الهنتر و ووش افضل دربيل لها وين القاه وكم سعره ؟

وياليت الإخوان المجربين واللي عندهم علم ومعرفه يعطوننا شوي من خبرتهم الله لا يهينكم

وسلامتكم

http://www.mekshat.com/vb/images/buttons/quote.gif (http://www.mekshat.com/vb/newreply.php?do=newreply&p=4006309) http://www.mekshat.com/vb/images/buttons/multiquote_off.gif (http://www.mekshat.com/vb/newreply.php?do=newreply&p=4006309) http://www.mekshat.com/vb/images/buttons/quickreply.gif (http://www.mekshat.com/vb/newreply.php?do=newreply&p=4006309)
رساوي الأصل مشاهدة ملفه الشخصي (http://www.mekshat.com/vb/member.php?u=140116) إرسال رسالة خاصة إلى رساوي الأصل (http://www.mekshat.com/vb/private.php?do=newpm&u=140116) البحث عن جميع مشاركات رساوي الأصل (http://www.mekshat.com/vb/search.php?do=finduser&u=140116) أضف رساوي الأصل إلى قائمة الأصدقاء (http://www.mekshat.com/vb/profile.php?do=addlist&userlist=buddy&u=140116)