ادخل اسأل وحنا نجاوب ( بخصوص البنادق الهوائيه ) الجزء الثاني [الأرشيف] - الصفحة 9

bnsniper

14/02/2011, 12:15 AM

انا اخبر سعرها 1500 ريال عند الرميح والله العالم

اخوي عمر .. بس سمعت اخونا ثلاجة الرميح هنا يقول الأن بـ 1700 ؟

والله ما ادري وانا اخوك اللي مرهم من قريب فرعهم الي بالعليا على التخصصي يجيب لنا العلم

الوكاد هل هي تذبح القميري ؟~

alwssam6

14/02/2011, 12:16 AM

والله واعلم اخوي

البواردي.

14/02/2011, 12:23 AM

حتى انا سمعت من الاخ ثلاجة الرميح انها بـ 1700

لاحول ولاقوه إلا بالله

صياد الجبل

14/02/2011, 12:24 AM

1600 عند بن حميد بجده

شامان...

14/02/2011, 01:07 AM

انا اخبر 80 بـ 1700

AbdulAZiz M

14/02/2011, 01:10 AM

شامان...

14/02/2011, 01:11 AM

يفدونك الاخوان

المشقىآ

14/02/2011, 01:22 AM

بدون دربيل افضل لك , لكن اذا ملزم عليك بالالمانيات وبالتوفيق

omar salman

14/02/2011, 01:42 AM

السلام عليكم
200 ريال ما فرقت خاصة إذا الواحد تطول عنده البندق

omar salman

14/02/2011, 01:51 AM

كل سنه ترتفع

اذكر شريتها من عند الرميح قبل كم سنه بـ 1300 ريال ومعها جراب و 2000 طلقه

والسنه الماضية سعرها 1500 ومقطوعة عن السوق

الساكتون قويه بالحيل وعيبها وميزتها في ثقلها كيف تجي مدري

ثقيله صحيح لكن جوتها ممتازه جداً

الثقل ما عمره كان سلبية لها بالعكس
ميزة قوية لأن سستتها متينة وقصيرة
ورجفتها قوية ووزنها الثقيل أرسى لها
عكس الشادو1000 والهنتر 440 والنوريكا90
سستهن مع الطلق انسيابيات مع انهن أقوى من الثمانين
لكن سستتهن طويلة ونحيفة نسبياً أشبه بنظام 85 فايروخ .

bnsniper

14/02/2011, 09:10 AM

لاكن يا اخوان يقول بعض الاخوان انه يجي معها كاتم صووت ..\

واذا ما ابي كاتم الصوت يخفض لي ؟

bnsniper

14/02/2011, 09:14 AM

وينكم رحم الله امكم
؟؟

مطحن

14/02/2011, 03:07 PM

السلام عليكم

شيخة البنادق الهوائية بلا منازع
كد ومد (ما تعرف الخراب)... جربت انواع من الهوائيات... الفايروخ تغرد خارج السرب وتحفة انتاجها الـ80 (عندي من عام 1409)
مقاس 5.5 افضل اداء من الخرازة على مسافات اقصر من 30 متر

افضل منها الانشز.... بس سعرها خرافي (10000 عشرة الاف ريال)

اخوك عبدالرحمن

صياد الحصين

14/02/2011, 04:45 PM

ماقصرتو يالربع بس انا عندي النييشان العادي انكسر وركبت عليه دربيل اخذته من الوالد بس كان مهب مظبوط كل اشوي يتغير يمكن لان كان قديم كلش فقلت اسئل اصحاب الخبرة عن افضل نوع

قانوص قديم

14/02/2011, 05:06 PM

السللام عليكم اذا انت من اهل الكويت عندك السنتر بوينت ممتاز والليبرز ممتاز والهواكي كذلك جيد ولاكن اتعب على القواعد القويه لانه ال 350 اهتزازها قوي وممكن يتحرك الدربيل مع كثر الاستخدام

bnsniper

14/02/2011, 05:23 PM

حيآك اخوي عبد الرحمن ..

ولا كن دعونا في صلب الموضوع ..

عمر العصيمي

14/02/2011, 07:06 PM

طيب حلو أذا جات معها أضافات مهب البندق بالحالها بـ1700 ريال

ابو حامد888

14/02/2011, 07:38 PM

بعد اذن صاحب الموضوع
انا شريت نوع فايروخ من ابن حميد الاسبوع الماضي من جده مكتوب عليها 370 وسرعتها 370 متر في الثانية واخف من الفايروخ ال80 وسبطانتها طويلة وخشبها طبيعي وقوية جداً وسعرها 1900 وللعلم انها اول مره تجي عند ابن حميد هل احد يعرف عنها شي او جربها ؟؟؟

راعي الصواريخ

14/02/2011, 07:49 PM

والله مالوم التجار فيكم يالسعوديين كلكم دفيعة لو يقولون بمليون شريتوا الي طمعوا فيكم

فرخ قطا

14/02/2011, 08:50 PM

الدربيل مايصلح للدخل لأنه تدوخك مره نازله مره طالعه يصلح شي كبير شوي قمري ولا صفار

عمر العصيمي

14/02/2011, 09:17 PM

^^^

ندفع للي يسوى والي ما يسوى ما نحط فيه ريال

محنب بطره لكن الزين يستاهل

واظن ما زاد قيمة الفايروخ 80 الا ان معها أضافات وان شاء الله العلم صحيح

صياد الحصين

14/02/2011, 09:41 PM

bnsniper

14/02/2011, 10:56 PM

ياعيااااااااااااااااااااااااال يرحم امكم جيبو لنا العلم ...

كانها وصلت ال2000 والله ان الخرازة اسسسنع .~ :<

قناص طيبه

14/02/2011, 11:03 PM

ال80 دواء للقميري.....

bnsniper

14/02/2011, 11:53 PM

الله يوفقك اخوي على حسب مهارتك بالصيد .. به ناس تصيد بالعين افضل من الدربيل .~

bnsniper

14/02/2011, 11:54 PM

ياعيال جيبو العلم الأكيد .ْ

او عطونا ايميل ثلاجة الرميح نكلمة ...

ابو نعمه

15/02/2011, 12:59 AM

على الهوائيه ما يصلح الدربيل

انا مجرب كل شوي و يبي له وزن

رأي شخصي

KHALED11

15/02/2011, 03:27 AM

السلام عليكم
هل يمكن تبديل الماصوره من5.5
الى4.5 اذا كان فيه بكم يسوونها

صياد الحصين

15/02/2011, 10:39 AM

بس انا مهب امركبه للدخل لانها اصلن قويه على الدخل بس للقمري والسمن و اطويرات الشتا الي نصيدها عندنا في قطر

KHALED11

15/02/2011, 12:03 PM

مرحبا بك ياثلاجة الرميح اللي عندي فايروخ 85 5.5
شاريها قبل ثلاث سنوات
اذا بدلت ماصورتها هل يتغير شي في البندق
الله لايهينك على كل حال

ابوريناد1979

15/02/2011, 01:54 PM

ياجماعه وش رايكم بها الهوائية

http://content.logta.com/281b7563-d0b4-47be-bf16-1609455861c9.jpg

مواصفتها :

ماركة : جامو
رقم الصنف : 1/87
موديل : M-400

هل هي بقوة ال 85 او لا ؟

bnsniper

15/02/2011, 07:16 PM

أخوى احنا تحت امرك بس ممكن رقم جوال سيادتكم عشان نقوم بحجز البندقية لأن الكمية محدودة وهذا ليس للدعاية و الله دى الحقيقة .

هلا بالغالي ... انتضرتك 4 ايام علشان ترد ..

هذا رقم جوالي بعد اذن الإدارة الكريمة .~

0580119411

ياغالي احجزها لي بإذن الله شاريها شاريها فايروخ 80 .. وبمركم في فرع العليا ولعل اشوفك هناك .. :)

bnsniper

15/02/2011, 07:20 PM

اخوي الغالي ثلاجة الرميح .. اذا ممكن تضيفني على iut@hotmail.com ونتفاهم ياغالي ..

اذا اضفتني عطني خبر .ِ

bnsniper

15/02/2011, 07:34 PM

اخوي ثلاجة الرميح والله للحين انتظرك .. ارسلي ايميلك او اضفني ,,,

ريم الفلى

15/02/2011, 08:11 PM

انا عندي 125 التركية
قليلة كلمة قوية اقوى من الباتريوت النجليزية
و الماقنم الامانية وارخص منهم
قيمتها تقريبا 980 ريال
وراها جراب وحافضة بيبسي و 500 طلقة
وضمان سنتين وصعب تختل ميزانيتها
اما على الكسر البندق تتعود عليها وتصر عندك خفيفة
با توفيق انشاء الله

محمد الهديب

15/02/2011, 10:26 PM

الالماني افضل شي في السواكتين و الدليل ان اغلب السواكتين القديمه كلها ديانا ... لاتعدى الالماني لو يكون ما يكون.. التركي ما يقارن ابداً بالالماني...

تقبل تحياتي ..

اخوكـ/محمــد الهديــب

صالح الوليدي

15/02/2011, 10:33 PM

أي صناعه ألمانيه أشترها وانت مغمض

أماالتركي فلاتنظر لقوتها وتنسى الدقه وبالتوفيق لك أن شاء الله

bnsniper

16/02/2011, 04:03 PM

بإنتضار :. ثلاجة الرميح :. وردة على كلامي .ْ

bnsniper

16/02/2011, 08:57 PM

ياغالي لاتنساني يرحم امممك وام امك

اسلم

انا هذه جوالي 0580119411

ومحتار بين الصتم الكبير والصغير باخذ بشورك

انت اللي بالعليا ؟ عـ طريق التخصصي انت الي موجود هناك ؟

g.x.990

17/02/2011, 12:52 AM

اخواني المكشاتيه

انا ابغا آخذ ساكتون وانا ما اعرف فيه شي

وش افضل نوع وسعره

وهل ممكن اصيد بها وبران وقماري وحمام ؟؟

وتسلمون :]

شب المشاعيل

17/02/2011, 02:05 AM

يالرميح لاكون نسيتنى ,,

حاولت ارسلكـ عاالخاص ,,

بس مشاركاتي ما تسمح,,

وشلون احجز,,

bnsniper

17/02/2011, 02:39 AM

ثلاجة الرميح ماقلت لي يخوي الـ 80 وصلت ولا لا

وهل هي موجوده بالفرع اللي بالعليا على طريق التخصصي ؟

KHALED11

17/02/2011, 02:54 AM

السلام عليكم
حبيت اسئل عن قيمة الديانا
27
35
جديده او مستعمله

فرخ الشمال

17/02/2011, 02:56 AM

المستعمل حول 800او1000
الجديد حول1200او1300
اتمني اني افدتك

g.x.990

17/02/2011, 03:10 AM

سبحان الله

والله اني كنت ابغا اسأل عن اسعارها

والي ابغا اعرف اسعارها الديانا 27 و 35 خخخخ

وين ممكن القاها بمكه او جده او منطقه قريبه :D

KHALED11

17/02/2011, 04:26 AM

يالربع كم سعر الديانا
27
35
المستعمل والجديد
مستعجل تكفون

قناص عسير

17/02/2011, 11:28 AM

ديانا مقاس 27 (950ريال ) وديانا 35(1400ريال ) وهي الان تباع لدى محل صاب بجده الوصف جده طريق مكه المدينه السريع محطه القحطاني بجانب الكوبري الخشب ... واما الفايروخ عند الصياد العربي (ابن حميد سابقا ) مقابل جامعه الملك عبدالعزيز ومسجد بن لادن ... وبالمناسبه فيه ديانا ماقنوم 350 مستعمله للبيع اللى له خاطر يرسلني والدليل موجود 905 يعطيك الارقام للتواصل مع المحلات واي استفسار انا حاضر

bnsniper

17/02/2011, 12:25 PM

يالربع كم سعر الديانا
27
35
المستعمل والجديد
مستعجل تكفون

الفايروخ 27 بـ 1000 ريال ..

لـ 30 بـ 1100 ريال ...

جنرال المدينه

17/02/2011, 12:39 PM

يا قناص عسيـــــر:
الديانا ماقنوم قيمتها 350 إذا هي نظيفة إستخدام
ردلي على الموضوع نفسة وين الموقع لا هنت؟؟

قناص عسير

17/02/2011, 01:32 PM

طبعا بعد اذنك ياصاحب الموضوع الموقع جـــــــــــــــــــــــــــــــــــــــــــــــــ ــــــــــــــــــــده والبندق جيده جدا ........

عاشق الخسائر

17/02/2011, 01:35 PM

الديانا غير موجودة بالسوق حاليا الديانا محتكرها الرميح وسمعت ان عندة كميات روسية وسبانية بيصرفها بعدين بيطلع الديانا والفايروخ

قناص عسير

17/02/2011, 01:49 PM

كلامك صحيح عاااااشق هي موجود الحين في جده عند صاب بس غاليه بالحيال

bnsniper

17/02/2011, 02:19 PM

اسعار الديانا نفس اسعار الفايروخ

27 بـ 1000

و30 بـ 1100

KHALED11

17/02/2011, 04:43 PM

الله لايهينكم على مروركم ياشباب

حفراوي 6

17/02/2011, 11:57 PM

السلام عليكم ورحمة الله وبركاته

انا ودي اشتري سكتون الماني ديانا ابغى وحده قويه وماتخرب او خراباتها قليله

وش احسن مقاس كم اسعارها؟
سكتون45:good2:

حفراوي 6

18/02/2011, 12:00 AM

السلام عليكم ورحمة الله وبركاته

انا ودي اشتري سكتون الماني ديانا ابغى وحده قويه وماتخرب او خراباتها قليله

وش احسن مقاس كم اسعارها؟
اتوقع سعر45امكن1300او1400

البواردي.

18/02/2011, 01:27 PM

الديانا عند محلات صاب من قبل شهر انا شاري وحده ديانا 35 بـــ 1400 وإلى الان وهي موجوده عنده

البواردي.

18/02/2011, 01:31 PM

مشكورين اخواني وجزاكم الله خير
بس كم سعر الفايروخ 80 ؟

1700 عندالرميح بس الان ليست متواجده

وإذا تبي الماني عندك ديانا بعد وهي الان متواجده عند صاب وانا معي ديانا 35 صراحه رهيبه

.

نطوان1

18/02/2011, 02:22 PM

أنا وجدت الفايروخ 85 في خميس مشيط بـ 1900 وارد ابن حميد فهل السعر مناسب
طبعا حاف جاف لا غلاف ولا رصاص ولا سكين ولا شيء

g.x.990

18/02/2011, 02:28 PM

وش السكاتون الي يقدر يصيد وبران مع مراعات انه يكون قليل الخرابات وكمان وزنيته ثابته مو ابتلش معه في زي واحد من الاعضاء

ماجد الحايلي

18/02/2011, 02:30 PM

السلام عليكم ورحمة الله وبركاته
الاخوه الاعزاء المكشاتية

امس لقيت بالرمايه ساكتون تركية على مااعتقد اسمها ( هاريسون ) او شي زي كذا ماني متاكد
وهي فيبر وقوتها 90 وقالي اعطيك اياها مع المنظار 1200 ريال
مع العلم اني ماني اللي يستخدمونها كثير بس تنفعني ببعض اللوازم

وش رايكم تصلح هي او لا

وشكرا لكم

g.x.990

18/02/2011, 02:31 PM

وش السكاتون الي يقدر يصيد وبران

مع مراعات انه يكون قليل الخرابات وكمان وزنيته ثابته

مو ابتلش معه زي واحد من الاعضاء

وسعره جزاكم الجنه

:f

بحر المتاهات

18/02/2011, 02:35 PM

ما افضل نوع وبكم سعره وهل تقتل الضب وكم عدد الطلقات الله لايهينك

فرخ قطا

18/02/2011, 02:49 PM

ساكتون الناري (الخرازه)
الحين الوبر عساو يموت برشاش يتحمل وانت تبي تصيده بساكتون
الضب عساو يموت بساكتون وتبي وبري تقتله اشر رشاش ورشه ولا خرازه برنو

الشقردي 999

18/02/2011, 02:51 PM

الخرازه دواها

ريم الفلى

18/02/2011, 03:13 PM

انا معي هادي البندقية اسمها هستان
وهي موديل 125 قيمتها 980 ريال تقريباً
والله انها ممتازة وقية من اقوى السكتونات

bnsniper

18/02/2011, 03:26 PM

اشترها اخوي طيبة وقويه وهي ملكة الساكتون حاليا

bnsniper

18/02/2011, 03:30 PM

السلام عليكم

اخواني انا اسأل عن ملكة الهوائيات فايروخ 80 .. هل هي موجودة بالرميح الآن ؟

ومتى تتواجد اذا كانت غير موجودة ؟

بارود برنو

18/02/2011, 03:50 PM

السلام عليكم ورحمة الله وبركاته

ما انصحك تجرب رمي الوبران بسكتون هواء

خاصا ان الوبر حيوان يستحمل الصواب

وحيوان حذر يحتاج رمي من مسافه رمي خرازه

غير هذا خصاره تصل اماكن الوبران بهوائيه

عليك بالخرازه دواء الوبران

موفق

bnsniper

18/02/2011, 05:47 PM

اخواني انا ذهبت اليوم إلى الرميح في الديرة ...

وكان مقفل ... ويقول صاحب محل صاب ان الرميح ماعنده فايروخ 80 ولا هي في السوق ولا في الرماية ولا اي محل بيع بنادق ..

فـ يا اخوان من سمع علم عن الفايروخ 80 ومتى وصولها للرميح وغيره

افيدونا تكفون ...:heart::butt3:

bnsniper

18/02/2011, 05:52 PM

يعيااااااااال الفايروخ 80 متى يوووووووووووووووووووووووووووووووصل ماحد عطانا العلم ...

فرخ الشمال

18/02/2011, 06:11 PM

اللي اسمعه انها ما وصلت ...
وشكلها مطوله

ماجد الحايلي

18/02/2011, 06:28 PM

لا ماوصلت امس انا مدورها بالرياض ولا وصلت

الطائف020

18/02/2011, 06:41 PM

كيفكم اخواني

انا عندي ساكتون هوائي 85

المهم

وصرحه ابغى اعرف ايش اقوى هو ولا الخرازه وكيف رصاص الخرازه

قانوص قديم

18/02/2011, 06:58 PM

السلام عليكم اخي العزيز اكيد الخرازه اقوى وانا اخوك شجاب الهوائيه للخرازه

Activeone

18/02/2011, 11:30 PM

من جد السالفه هذه انا ناوي اشتري مع بداية الشهر :(

Activeone

18/02/2011, 11:32 PM

انا انتظر ...؟ ابي اعرف؟؟

ماهر الحربي

18/02/2011, 11:49 PM

السلام عليكم ورحمه الله وبركاته
انا والله اعرف انها ما تكون دايم متوفره في الفروع الرميح بكثره ما ادري ليه بس هذا رقم الرميح اللي برياض شارع الاربعين في النسيم دق واستفسر عن وجودها 014760318

bnsniper

19/02/2011, 02:26 AM

لاحول ولا قوة ,,, الحين مرت 4 شهور وانا ما ادري متى تجي ومتى تروح

من الذيبان اللي يبي يجيب لنا العلم ياجماعة الخير

bnsniper

19/02/2011, 02:27 AM

ثلاجة الرميح يرحم امك الفايروخ 80 متى توصل مريت فرع لكم البارح ويقول مهب فيه

وفيه ناس يقولون انها صارت ممنوعة وش السالفة ياجماعة ...

SGL

19/02/2011, 04:22 AM

قبل يومين الحمدالله اخذت لي وحده بـ 1600 من ابن حميد الي في جده
وبصراحه انها تستاهل
وهذا رقم ابن احميد بعد اذن الاداره026897676
تقبلوا تحياتي sgl:f

bnsniper

19/02/2011, 03:37 PM

عموما ثلاجة المرحي احجز لي وحدة 80 صتم صغير واذا تبي العربون تراه جاهز

أهم شيء احجزها

0580119411

hulkman

19/02/2011, 04:36 PM

السلام عليكم ورحمة الله تعالى وبركاته
في الحقيقة يا اخواني دهبت هده الايام الى بائع اسلحة الصيد بالمغرب فسالته عن البندقية الهوائية gamo hunter 1250 هل تقتل الحجل و السناجب و الارانب البرية فاخبرني ان البنادق الهوائية لا تصلح لهدا النوع من الطرائد فهل هدا صحيح يا اخواني فهل اشتريها او اتركها.

ارجو منكم المساعدة والرد في اقرب وقت ممكن
والسلام عليكم

الكظيم الاول

19/02/2011, 05:05 PM

طيور بحجم الحجل فأصغر ممكن ان تصطاده بالبندقيه الهوائيه

لكن مثل الارانب والسناجب فأتوقع هناك صعوبه بالغه

وأنا اوافقه الرأي انها لاتصلح فعلا لمثل هالطرائد

وبالتوفيق

hulkman

19/02/2011, 05:44 PM

مشكووور اخي

ابوسعد511

19/02/2011, 09:56 PM

السلام عليكم ورحمة الله وبركاته
يالربع ناوي اشتري ساكتون فايروخ80
كم سعرها في السوق؟
وكم متر توصل؟
وش يجي معها مثل كم رصاصة وجراب؟
جزاكم الله الف خير

صياد الجبل

19/02/2011, 10:03 PM

الساكتون في محل ابن حميد بجده ساكتون ثقيله وكسرتها قويه ولايمديك تكسرها وانت بسياره ومتعبه في النقل بسبب ثقلها

لاكنها قويه وسرعة طلقتها 350 متر للرصاص الصغير حسب كلام الرجال الي بالمحل

وهي قليلة الخرابات وتتحمل الكد

سعرها 1600 ريال

عند بن حميد

bnsniper

19/02/2011, 11:10 PM

اخوى bnsniper والله حاولت الاتصال بك لكن موبيلك ما ادرى تم حجز البندقية لسيادتكم صتم صغيرة.

اخوي الغالي الجوال سابقا كان مغلق والان يستغل تمام وأنا اتصفح منه الان

أتمنئ من سيادتكم معاودة الاتصال '

ولاكن اخوي في أي فرع أجد البندقية محجوزة لو سمحت ”

--khaled--

19/02/2011, 11:46 PM

انا مناحيتي متصلح لطيور الي ذكرتها والارانب الافي

حاله وحده اذا تبي تتمرن عليها................الخ

hulkman

20/02/2011, 01:27 AM

كيف يعني حتى لو اصبتها ?

م.الرشيدي

20/02/2011, 01:48 AM

السلام عليكم ورحمة الله وبركاته
وبعد
اخواني انا راحت لسنيدي في القصيم ولقيت عنده ركن خاص في مبيعات صاب لساكتونات
وشريت منه ساكتون 35 ديانا واعجبتني بس قلت لازم اشري وحده ثانيه قويه سألت
العامل قلت وش اقوى ساكتون عندك من ناحية القوه والجوده قال ديانا 350
ويقول على ذمته انها اقوى ساكتون في العالم

س1/اخواني من يعطينا معلومات عن السكتون350 ومن جربها
س2/هل فيه اجود منها

تكفون افيدوني قبل اتورط معها

اخوكم/م.الرشيدي

bnsniper

20/02/2011, 03:11 PM

ديانا كويسه

وأنت ياعزيزي لاتحط عينك ع القوة وتترك الثبات وصبر البندق

عندك 350 كويسه ولاكن أفضل منها 80 !

bnsniper

20/02/2011, 03:12 PM

بس كم لقيت سعرها !

جنرال المدينه

20/02/2011, 03:19 PM

سعرها كمـ؟؟
وهل التسريح يطلع بنفس اليـــــــــــوم!!

ابوسيف الغامدي

20/02/2011, 03:24 PM

ياليت الأخوه الكرام يتم تزويدي بأرقام المحلات التي تبيع البنادق الهوائيه بالطائف
للأهميه حيث إنني مسافر من الباحه للطائف لغرض شراء ساكتون هوائيه ديانا 350
وأحببت الإتصال قبل السفر حتى لاأصل ولاأجد طلبي
فياليت من الأخوه الكرام التكرم بإعطائي الأرقام حتى أتصل عليهم وأنسق قبل السفر
ولكم مني الداعاء
ابوسيف الغامدي

جنرال المدينه

20/02/2011, 03:44 PM

--khaled--

20/02/2011, 04:23 PM

ممكن انك تصوبها لاكن تروح صويب ياخوي والحجل بلقوه يموت بشوزن اتمنا انها وصلتك المعومه

البواردي.

20/02/2011, 07:37 PM

التصريح بعد شهر بس يعطيك تصــريـح مؤقت

alwssam6

20/02/2011, 08:00 PM

الله يطعمك من خيرها ويكفيك شرها

Activeone

20/02/2011, 08:56 PM

الله يبارك لك فاللي شريتها؟
سؤال بكم شريت 35 ديانا؟
وكم سعر 350؟

ابوسيف الغامدي

20/02/2011, 09:38 PM

الله يسر سفرك والله يوصلك بالسلامة
يفيدوووووووونك الأخوان الأفاضل
وفالــــــــــــــك الجووووووووووووووووووووول

والصيـــــــــــــــــــــــــــــــــــــــــــد الــــــــــــــــجزل

تسلم يالغالي ويسلم غاليك
وبيض الله وجهك وماقصرت ويكفيني تشريفك للموضوع
وننتظر الشقرديه
تقبل تحياتي وإحترامي
ابوسيف الغامدي

عمر العصيمي

20/02/2011, 10:02 PM

يا اخوان وش نظام التصريح للساكتون

وش الي نجيبه

توضيح أكثر لا هنتم

altoop

20/02/2011, 10:27 PM

bnsniper

20/02/2011, 11:50 PM

إخوي ثلاجة الرميح هل يستوجب عمر معين عندكم للتصريح ! '”

KHALED11

21/02/2011, 03:59 PM

يالربع وش رايكم في 25 فايروخ
عمليه ولا لا وهل هي مناسبه للطيور الصغار

بريداوي اصليm

21/02/2011, 07:10 PM

أزين شي للدخل والطيور الصغار
أصلن مافيه فرق بينه وبين 27

bnsniper

21/02/2011, 08:01 PM

اخوى لو شفت 350 ماجنوم رصاصة 5.5 والجودة العالية اللى موجودة فيها و الدقة لا تقول مفيش غير 350 ماجنوم وخفيفة مرة.

إخوي الغالي 350 ماعنؤم قوية ولاكن هل صبرها وتحملها يقارن ب ال80فأيروخ !

bnsniper

21/02/2011, 08:21 PM

يأشباب أبي معلومات عن ال 350 ماغنوم

ومن يملكونها أسالك كيفهأ معك

اسأل عن قوتها

سرعتها

وزنها

سعرها

مقارن مع الفايرؤخ 80

انتظر ردود النشاما

أول المطر

21/02/2011, 08:30 PM

أنا أمتلكها ..
البندق ممتازة ولا لها أي عيوب سوى أنها ثقيلة نوعاً ما وإذا تعودت عليها تشوفها عادية جداً والاولين يقولون ( البندق ماثقل والسيف ماخف :) ) مميزاتها ضربتها قوية جداً وتذبح أي شي مثل الأرنب والضب والكروان ومن قريب أكبر من ذلك ..
سعرها جديدة 1600 ريال ويركب عليها لبس ممتاز يغطيها بالكامل ، عندي وحدة نظيفة مرة كنت أنوي بيعها وبطلت ..
بالتوفيق .

أنت تشر أنت

21/02/2011, 08:36 PM

خذ نصيحة مجرب ماتنفعك ولا بريال
خذ 27 فايروخ او 28 ديانا

bnsniper

21/02/2011, 08:51 PM

بارك الله فيك ~ ولاهنت. ~

وأبي كم سرعتها بالثانية

سعد الخرجي

21/02/2011, 08:55 PM

طويل العمر سرعتها 1250 قدم بالثانيه

bnsniper

21/02/2011, 08:56 PM

الله يكتب اللي فيه خير وناخوك

وأنا ابغا 2 من البنادق ونوعية وحدة

ما أدري أخذها 350 ماغنوم أو 80

باإمر أحدئ فروعكم بالرياض غدا باإذن الله

bnsniper

21/02/2011, 09:09 PM

طيب

هل الفايرؤخ سرعتها 300 قدم والماغنوم 1250 قدم ؟

سعد الخرجي

21/02/2011, 09:16 PM

الفايروخ 80 سرعتها 1000 قدم بالثانيه

bnsniper

21/02/2011, 09:30 PM

اهاا ..

يعطيك العافية يـ زكرت

ولاكن لو انت تبي تشتري وحدة من الثنتين وش تفضل 80 أو 350 ماغنوم

لأني بشتري 2 من البنادق نفس النوعية

ابوسيف الغامدي

21/02/2011, 10:34 PM

مافي غير سوق الزل بالطائف واكثر الي عندهم مستعملة ويبيعونها بسعر اغلى من الجديدة .
ومارح تجد الماجنوم 350
لكن انصحك تروح جدة عندك محل ابن حميد وحاليا ماعنده الا فايروخ
وعندك صاب موجوده عندة الديانا 350.
وتقدر تتصل بمحل الرماية بالرياض وتشتري من عندهم ويرسلون لك البندق في اليوم الثاني
بس ماعندهم الا اسباني وتركي .

حفظك الله اخي الحبيب وماقصرت على النصيحه
اليوم الله يطول بعمرك أتصلت على محل الرمايه بالرياض ورد علي العامل وأسمه عبدالسلام حسب كلامه وسألته عن طلبي قال موجوده الديانا 350 وسعرها 1900 ولابد من حضورك للرياض لتستلمها وذكرت له ظروف بعدي عن منطقة الرياض وقلت مستعد بأي شي تطلبونه وسأرسل لك صورة البطاقه والصور الشخصيه والمبلغ ولكن أبيك تساعدني في شحنها ومستعد كذلك بتحمل نفقة الشحن ولكنه أعتذر وقال لابد أن تأتي أنت
فهل هناك طريقه أخرى مع العلم إن لي قريب في الرياض ويمكن يروح لهم ولكن كيف يرسلها وهل هناك مخرج بالرياض ممكن ينقلها لي
منتظر ردكم بارك الله فيكم جميع
لك تقديري وإحترامي عزيزي الغالي
ابوسيف الغامدي

bnsniper

21/02/2011, 10:57 PM

للرفع ~

كم سعرها

صياد الجبل

21/02/2011, 11:41 PM

افادوك 27 للطيور الصغيره امثال الدخل و30 و 35 للقميري والحامم

zzx503

21/02/2011, 11:55 PM

خذ سبعة وعشرين
وشكرا

bnsniper

22/02/2011, 01:46 AM

يا اخوان انا غداً رايح اشتري ديانا 350 ماغنوم ...

وكنت اول انتظر الفايروخ 80 ..

ابي نصايحكم ياعيال انتظر الفايروخ او اشتري الـ350 ماغنوم .~ وكم سعر الـ350 ماغنوم .~

وهل تفضلون للـ350 .. صتم 4.5 أو 5.5

اللي يمر على الموضوع يرد الله يرحم والديه ..:)~

bnsniper

22/02/2011, 01:47 AM

اخوااني اتوكل على الله واشتري 350 ماغنوم ؟

abo aryam

22/02/2011, 01:54 AM

والله ماعندي علم بس جبر للخواطر رديت . الله يرحم والدينا ووالديك والمسلمين اجمعين .
يفيدونك الشباب

صياد الرأس

22/02/2011, 01:54 AM

السلام عليكم
تحية طيبة من القلب
رحت امس عند القناص عندنا في الشرقية وقالي المصري في قسم البنادق انه سوف يجي ساكتون جديدة نوع امريكي وقاعد يمدحه ويقول انه ممتاز وهذا النوع الجديد لم اسمع منه قبل
هل صحيح هذا الخبر انه فيه ساكتون امريكي واذا فيه كيف شكلها ونوعيتها واسف على الاطاله والسلام عليكم

bnsniper

22/02/2011, 01:58 AM

والله ماعندي علم بس جبر للخواطر رديت . الله يرحم والدينا ووالديك والمسلمين اجمعين .
يفيدونك الشباب

جعلك تسلم ولا هنت

ورحم الله والديك يأذيبآن ..

عمر العصيمي

22/02/2011, 02:10 AM

ورى ما تاخذ وحدة 80 والثانيه ماغنوم

انت محير نفسك لازم تعرف استخدامك للبندق واي الصيد تفضله

bnsniper

22/02/2011, 02:11 AM

والله يازكرت انا ماعندي نوع معين للصيد .. اي نزل يجي بنجرب البندق عليه

بس انا ابي من ناحية الصبر ؟ 350 خراباتها واجد ؟؟

عمر العصيمي

22/02/2011, 02:13 AM

قالك ثلاجه الرميح افضل 5.5

وأخواننا المجربين راح ينفعونك

عمر العصيمي

22/02/2011, 02:18 AM

يفيدونك الاخوان عن البنادق الامريكيه مع ان المعروف والمفضل هي البنادق الالمانيه

__________

الله لا يهينك اخوي وش من بنادق عند القناص

هل الفايروخ والديانا متوفره ؟

The End

22/02/2011, 02:18 AM

أخوي عندي ديانا 350 مقاس 4.5 ,,,
مشكلتها إن زنادها بلاستيك ,, قبل أسبوعين شفت عند صاب نفس الديانا الي عندي ولاكن زنادها حديد ,,,
طبعاً الزناد الحديد أفضل ويساعدك في الدقة لأنه مكون من ثلاث أجزاء وسحبته أخف ,,,
بالنسبة لمقاس الصتم 4.5 أفضل من واقع تجربة ,,,
أتمنى لك التوفيق ,, دمت في آمان الله ,,,

bnsniper

22/02/2011, 02:24 AM

يعطيكم العافية ياشباب

لاكن بالمقارنه مع 80 فايروخ وش يكون ردك !!

بريداوي اصليm

22/02/2011, 04:39 AM

اي نعم في ساكتون امريكيه
بس ماجربته

سعد الخرجي

22/02/2011, 07:10 AM

يعطيكم العافيه جميعا طويل العمر موجوده وبكثره ورخيصة الثمن ومنه القامو في منها اميريكي واسباني و الريمينغتون Beeman , crossman و BenJamin وهي الافضل والاقوى على الاطلاق بسرعة 1500 قدم بالثانيه وانواع كثيره ..... صحيح ان اهوائيات الامريكيه قويه وشكلها طيب ولكن عمر السبرنغ قصير جدا وتلاحظ هالشي يعني عمر الالمانيات اطول ... ونصيحه يالغالي غير الديانا والفايروخ لا تدور

ابو نعمه

22/02/2011, 08:15 AM

هلا بك اخوي

لو انك سئلته عن اسمها كان افضل

رماي999

22/02/2011, 08:44 AM

السلام عليكم اذا اخذها رفيقك يجيبها لك افضل لان الشحن ما تظمن سلامتها حتى تصل اليك ربما يحدث خلل في الماصورة او ما شابة ذلك وحتى لا تقع في حرج مع رفيقك وانا اخوك اما يوصلها لك او جبها انت والله يوفقك

شوار القلوب

22/02/2011, 01:15 PM

الديانا 350ماجنوم اقوى من الفايروخ ولا سيما انا شفنا ناس يصيدوا بها الارانب والضبان بطلقة وحدة

وال 4.5 اسرع من 5.5 ولكن ال 5.5 اقوى من 4.5

شوف ايش نوع صيدك وخذ اللي يناسبك

اذا بتصيد ارانب وضبان وطيور احسن لك 5.5

اذا بتصيد قماري ودخل احسن لك 4.5

وفي الاخير توكل على الله وخذ اللي تبيه بدون تردد لان الماجنوم مشهود لها من زماااااان

اتمنى اكون افدتك

bnsniper

22/02/2011, 01:22 PM

وحش القفار

22/02/2011, 01:39 PM

الرصاص 5.5

محب العقاب

22/02/2011, 02:00 PM

السلام عليكم
...
والله وأنا أخوك
يقول المثل : (إسأل مجرب ولا تسأل طبيب)
مرة علي كذا نوع من السواكتين ألماني أسباني .. إلخ
الزبدة :

أن الألماني أفضل السواكتين << آسف من الخروج عن محور الحديث
المهم
...
جربت ال35 الديانا (ألماني)
بندخ خرافية ذبح من بعيد لكن علمها اللي بالنصف تعبان وأنكسر علي

جربت ال27 ديانا (ألماني)
أيضا أصابات قاتلة من بعيد وخفه ولكن تبع الدخل فقط

جربت ال80 فايرووخ (ألماني)
أيضا إبداع وشيخة السواكتين بلا منافس وطرب على الآخر وسوق
ووزنية ثابتة وهي أفضل السواكتين بالنسبة لي
وأنصحك بقوة على شرائها رغم ثقلها المشهود عليها

ال350 ماجنم لم أجربها بعد ولكن

مثل ماقلت لك
عليك بال80 الفايروخ صتم 4.5 أفضل نوع
وأبعد عن ال5.5 (راي شخصي)
نصيحة عليك بال4.5

والسلام عليكم ورحمة الله وبركاته
أتمنى أن أكون قد أفدتك
محبك /
EAGLE LOVER

bnsniper

22/02/2011, 09:38 PM

السلام عليكم

...
والله وأنا أخوك
يقول المثل : (إسأل مجرب ولا تسأل طبيب)
مرة علي كذا نوع من السواكتين ألماني أسباني .. إلخ
الزبدة :

أن الألماني أفضل السواكتين << آسف من الخروج عن محور الحديث
المهم
...
جربت ال35 الديانا (ألماني)
بندخ خرافية ذبح من بعيد لكن علمها اللي بالنصف تعبان وأنكسر علي

جربت ال27 ديانا (ألماني)
أيضا أصابات قاتلة من بعيد وخفه ولكن تبع الدخل فقط

جربت ال80 فايرووخ (ألماني)
أيضا إبداع وشيخة السواكتين بلا منافس وطرب على الآخر وسوق
ووزنية ثابتة وهي أفضل السواكتين بالنسبة لي
وأنصحك بقوة على شرائها رغم ثقلها المشهود عليها

ال350 ماجنم لم أجربها بعد ولكن

مثل ماقلت لك
عليك بال80 الفايروخ صتم 4.5 أفضل نوع
وأبعد عن ال5.5 (راي شخصي)
نصيحة عليك بال4.5

والسلام عليكم ورحمة الله وبركاته
أتمنى أن أكون قد أفدتك
محبك /

EAGLE LOVER

يعطيك العافية ولاكن 5.5 لايختل اذا كانت الأصابة بعيدة ..

Activeone

25/02/2011, 09:06 PM

السلام عليكم ورحمة والله وبركاته
انا زرت محل الصياد العربي وحصلت عنده فايروخ 80 بي 1600 ريال
و زرت محل صــاب اللي هو بعد محطة القحطاني اللي بعد كوبري الجامعه وحصلت عنده ديانا 350 بي 1600 ريال
زرت محلات الرماية اللي قبل الكوبري المربع لم اجد اي بندقية هوائية لديه وافاد الموظف بانه سوف يتم بيعها قريبا خلال 15 يوم بس مهو اكيد !!

يعني ما اقدر اشتري الا فايروخ او ديانا او نوريكاا ؟؟؟ مافي انواع ثانيه
سؤالي هل هنالك محلات اخرى في جدة؟

شوار القلوب

25/02/2011, 11:34 PM

هذه هاحسن شركات للبنادق الهوائية

لان كلها مجربة ومشهود لها بالقوة ومتانة الصناعة

وخصوصا هذه الثلاثة

فايروخ 80

ديانا ماجنوم 350

نوريكا 90

وكلها نفس السعر 1600 ريال

فشوف اللي يناسبك منهم وخذه بدون تفكير

وخصوصا ديانا ماجنوم 350 (بالرغم اني امتلك نوريكا 90 لكني افضل ديانا ماجنوم لقوتها وجبروتها)

اخوك ابو ياسين

قيس التميمي

26/02/2011, 12:00 AM

اولا فايروخ 80 و85 لا يمكن مقارنتهم باى بندقية اخرى وكمان احنا بيجيلنا هنا المعرض عملاء بيعملو صيانة لبنادقهم من 25 و30 سنة اغلبها 80 و85 ومش عايز اقللك بحالتها شد مصنع انا بخصوص 350 ماجنوم هى الافضل حبة كبيرة رصاصة 5.5 ونصيحة متشرتيش رصاص صغير 4.5 منها لانه بيدمر جوه الماسورة وتحس كدة انها بندقية طايشة من انتش عارف تتحكم فيها .

ممكن رقم الفرع أخووووي الي بتداوم فيه أو رقم جوالك .
ولك شكري وتقديري .

قيس التميمي

26/02/2011, 12:06 AM

أخوي شوار أفاد وأجاد بخصوص الانواع الي تستاهل
والسعر مناسب لاتفوتك ..
وفالك الصيد الطيب

قيس التميمي

26/02/2011, 12:09 AM

واظن ان الفيبر هي الي 1600
أما الخشب فتزود عنها 1900
سالت عنها في (ساب )الي داخل محل السنيدي ببريدة وغير متوفرة الان يقول راح نوفرهن ..!

اشعب

26/02/2011, 12:11 AM

فيه محل ابن حميد جنب مسجد بن لادن

Activeone

26/02/2011, 06:36 AM

Activeone

26/02/2011, 06:37 AM

واظن ان الفيبر هي الي 1600
أما الخشب فتزود عنها 1900
سالت عنها في (ساب )الي داخل محل السنيدي ببريدة وغير متوفرة الان يقول راح نوفرهن ..!

تصدق انا كنت احسب انها لونها اسود فقط
اجل بسأل عن الخشبية اليوم بإذن الله

صقار مبتدئ

26/02/2011, 11:53 AM

خذ الدينا 350 و لا تخاف المانيه على كيف كيفك طرب انا امتلك وحدة لها معي سنتين و لا عليها خلاف ابد شاريها من (ابن حميد) الصياد العربي حاليا 1600 ريال
و الفايرخ تراها شيخه و الكثير يمدحها

tmh

26/02/2011, 11:58 AM

اخوي انا اشتريت من صاب نوريكا 90 خشب ب1450 قبل شهر
والفايبر اغلى من الخشب

Activeone

26/02/2011, 11:33 PM

خذ الدينا 350 و لا تخاف المانيه على كيف كيفك طرب انا امتلك وحدة لها معي سنتين و لا عليها خلاف ابد شاريها من (ابن حميد) الصياد العربي حاليا 1600 ريال
و الفايرخ تراها شيخه و الكثير يمدحها

جــزاك الله خير
وشكر لك على المرور والافادة

Activeone

26/02/2011, 11:34 PM

اخوي انا اشتريت من صاب نوريكا 90 خشب ب1450 قبل شهر
والفايبر اغلى من الخشب

عطني علوم البندقية هذه ياخي هي جيدة بس الظاهر انه محد يعرف عنها
اذا تعرف شيء عن مميزاتها تكفااا علمني

دل البحار

27/02/2011, 02:42 AM

ماقصرو معاك الرجاجيل،،، لو بندق صيد بحري ما يهمك لو طربيد بحري
أن شاء الله تطيح في أجدع بندقيه

icom2100

27/02/2011, 06:40 AM

http://store2.up-00.com/Feb11/8Ta77931.jpg

شباب عندي استفسار وش اسم القطعه هذي لانه طاحت وظاحت علي من قديم وحاب اشتري وحدة ..

Activeone

27/02/2011, 09:00 AM

ماقصرو معاك الرجاجيل،،، لو بندق صيد بحري ما يهمك لو طربيد بحري

أن شاء الله تطيح في أجدع بندقيه

الله يعطيهم العافيه و يجزاهم خير

محب ابها

27/02/2011, 01:55 PM

السلام عليكم ورحمة الله وبركاتة

كيف حالكم عساكم طيبين

انا ابي اشري سكتون فايروخ 80 ابي اعرف بكم سعره وهو زين او لا

والسلام عليكم ورحمة الله وبركاتة

أبو سيف

27/02/2011, 04:42 PM

والله ياخوي انا مثلك محتاااار بس اسعارها نااااااااار بالمدينة المنورة

ابو تفليقه

27/02/2011, 05:30 PM

يالربع وين القى رصاص 5.5 مدبب ولا عادي
ما خليت محل الا ورحت له ولا لقيت ابد
الي يخبر لي يقولي وين الله يحرم وجهه عن النار
(دورت في الرمايه والرميح والهدف ولا فيه شي )

alsharqawi

27/02/2011, 05:36 PM

السلام عليكم ورحمة الله وبركاته

كيف حالكم يا اخوان

جايكم اسا اذا احد يعرف اماكن بيع البنادق الهوائيه في الدمام؟

ولكم جزيل الشكر

محب الشبه

27/02/2011, 05:46 PM

عليكم السلام ورحمه الله وبركاته
القناص الدمام
الرمايه في الخبر

smk115

27/02/2011, 06:28 PM

انا لاقية قبل فترة في الرميح اللي بالتخصصي

محب ابها

27/02/2011, 07:17 PM

والله ياخوي انا مثلك محتاااار بس اسعارها نااااااااار بالمدينة المنورة
يعطيك العافية اخويابو سيف

وين الاخوان وين الردود

البواردي.

27/02/2011, 07:18 PM

في المحاط اللي على الطرق

.

السويدى

27/02/2011, 07:27 PM

الـــ 80 ماعليها كلام
الصياد العربي (بن حميد سابقاً)
السعر 1600 ريال
توكل على الله

مدمن مرقوق

27/02/2011, 07:33 PM

ماعليها كلام
ويازينها لو لقيت النوع القديم
توكل على الله ولاتنشد

محب ابها

27/02/2011, 09:59 PM

الـــ 80 ماعليها كلام

الصياد العربي (بن حميد سابقاً)
السعر 1600 ريال
توكل على الله

يعطيك العافية وبيض الله وجهك

بلاك ايجل

27/02/2011, 10:15 PM

اذا شريتها الله يعينك

تراها ثقيله ويبي لها عضلات

والسعر مهوب واحد على حسب الوقت الي تشري فيه وهل هو بالموسم والا لا .!!

اظن أنها من 1400 الى 1600 والله اعلم .

ابو تفليقه

28/02/2011, 12:53 AM

في المحاط اللي على الطرق

.

يرجال مالك لوا حتى المحطات ما عندها الا 4.5
الي ابغاها 5.5

عمر العصيمي

28/02/2011, 01:27 AM

مشكلة 5,5 نادر ما تحصله بالمحطات

اما 4.5 متوفر

alsharqawi

28/02/2011, 01:48 AM

يعطيك العافيه اخ محب الشبه

لكن اتمنى لو تدلوني عليها(موقعها)

أبوجهاد التبوكي

28/02/2011, 02:08 AM

للرفع.,,,,,

فوق الشمس

28/02/2011, 04:11 AM

تعرف المرور الى فى الخطوط الاربعه

خليه على يمينك اول اشارة خذ يسار تجيك اشارة مقابلك صيدليه ويسارك

البنك البريطانى او الفرنسى

روح يسار يجيك المحل جنب البنك فى اليسار

وفيه القناص فى 91

ونت رايح المطار تتعداء اخر اشارة يجى على يمينك

سعوَد آلبقميّ

28/02/2011, 11:30 AM

يالربع تنصحوني...آخذ الديانا.. 350 خشيبة ولا فيبر ولا فية افضل منها

بلاك ايجل

28/02/2011, 01:48 PM

أخوي ثلاجة الرميح :

ليش فروعكم متمركزه فقط بالرياض والزلفي .. ليش ما يكون هناك توسع في المناطق الثانيه لمصلحة الناس ولمصلحتكم بالتأكيد ؟؟

القصيم مافيها فرع وأغلب أهل الصيد موجودين بالقصيم فالمفروض يكون فيها فرعين على الأقل واحد في عنيزة والثاني بالرس على سبيل المثال وتريحون الناس من المشاوير الطويلة وبكذا راح تكسبون زبائن أكثر لا من ناحية البيع ولا قطع الغيار .

تحياتي

فرخ الشمال

28/02/2011, 04:27 PM

عند الصياد العربي (( ابن حميد سابقاً ))
1600ريال بس الله يعينك على ثقلها

ملاحق السيول8

28/02/2011, 05:13 PM

يا ثلاجة الرميح هل يمكن تركيب دربيل على ديانا35

للصيد عنوان

28/02/2011, 06:34 PM

أنا عمي شراها 1500 ريال

ممتازه مثل الشوزن عمي صايد فيها قمري وفري وصفؤا ومن اول رميه يموتن

بريده00

28/02/2011, 08:52 PM

اخوي ثلاجة الرميح كم باقي على الفايروخ

ابو تفليقه

01/03/2011, 02:42 AM

مشكور يا ثلاجة الرميح
رحت للمحل ولقيتها

شري97

01/03/2011, 09:13 AM

فيروخ 85 افضل من 80 اقل في الوزن نصف كيلو ونفس القوه بالظبط
ال80 اربعه كيلو وال85 ثلاثه كيلو ونصف
والصتم مقاس 4.5 افضل
السعر قبل شهرين عند الرميح ب1500
هذا رايي وانت حر بالتوفيق

الحربي2011

01/03/2011, 12:11 PM

السلام عليكم ورحمة الله وبركاته

اخواني اعضاء منتدى مكشات

عندي استفسار عن المحلات اللي تبيع بنادق ديانا وفايروخ 70أو80 بجدة

وعن إسم المحل وكم اسعرها حاليا !!!!

جنرال المدينه

01/03/2011, 04:53 PM

يفيدووووووونك إن شاء الله
تقبل تحيات: الهويملي

hunterboy

01/03/2011, 09:22 PM

ثلاجه الرميح...شكراً لك على التواصل الدائم والمعلومات القيمه. ممكن ترسلي الداتاشيت ؟ hhamd@hotmail.com
شكراً

روح ساميه

01/03/2011, 09:34 PM

اخوي ثلاجة الرميح
حبيت استفسر عن سعر فايروخ 75
وهل تنصحني فيها
ومتى نزولها بالسووق
وما هو الفرق بينها وبين فايروخ 80
انتظر ردك
واذا ممكن رقم الرميح فرع الملز
لاني اشوف فرع النسيم مسكر
ولك كل الشكر والتقدير

السواط

01/03/2011, 10:59 PM

عندي بندق الهواءوارد سعدمكتوب عليها
wischo
made in germany
MOD55
col 4.5 177
وش نوعها لاهنتوا

صياد الجبل

02/03/2011, 07:35 AM

صناعتها الماني عيار رصاصها الصغير اربعه ونص هذا الي قدرت اعرفه

C_J_O_JI

02/03/2011, 10:55 PM

يا شباب معروض علي هوائيه ماقنو 350 شبه جديده مرمي فيها علبه وحده
هل تنصحوني فيها وكم سعرها جديد وكم تسوى المعروضه

حروووووني

03/03/2011, 03:54 PM

اخوي ثلاجه الرميح احصل رصاص 5.5 عندكم وبكم سعره

السواط

03/03/2011, 05:23 PM

ياجماعة الخير انا عندي وارد سعد رصاص 4.5
والججماعة يقولون رصاص 10و5
فهموني اش طريقه الرصاص

حروووووني

04/03/2011, 01:24 AM

يا أخوان انا ابغى اشتري ساكتون وش اخذ
افيدوووني

السواط

04/03/2011, 07:38 PM

الفزعة تكفون
ابغا اشتري ساكتون هواء
محتار عطوني افضل نوع
تكون تطرح القماري والحجل من بعيد
وتكون لي ولزمن
كم السعرمن وين اشتريه
والموديل والمقاس
لاهنتو

قناص الأشهب

04/03/2011, 10:50 PM

أولا المفروض تحدد موقعك وين
أما بالنسبة للساكتون فعلا الأغلب الألمانيات أفظل السكاتين
وبحددلك الموديل بالترتيب حسب نظرتي وحسب طلبك
1-فايروخ 80 من الرميح
2-ديانا ماقنوم 350 من الرميح أو صاب أو بن حميد
3-ديانا 36 مجربها جدا حلوة لاكن أضعف بقليل من السابقات
(للمعلومة أقوى وحدة فيهم ديانا ماقنوم الثانية وهي أثقلهم بالوزن)

خواع

04/03/2011, 11:27 PM

انصحك بالخرازه للصيد من بعيييد ( وياليت تكون برنو تشيكيه ) دور لك وحده نظيفه موديل 97 او 99 والله يرزقك بالصيد الطيب . ما ملا عيني زيها بالذات في صيد الطيور ومن مسافات .
وهي لك وللزمن وتمسك قيمتها ويمكن تزيد

قيس التميمي

04/03/2011, 11:54 PM

مالي بالطويله

05/03/2011, 12:39 PM

السلام عليكم

يااخوان وش رايكم بالساكتون الفرد الي على شكل فرد من جامو الاسبانيه
هل هي عمليه الصراحه اعجبتن لانه خفيفه مره ومثل الفرد
الي يعرف عنه شي يفيدنا الله يجزاكم خير

السواط

06/03/2011, 02:31 PM

مشكورين على الردود ما قصرتوا

حروووووني

06/03/2011, 02:41 PM

عندي مشكله في الفايروخ 80 اذا كسرتها ماتعشق ترجعلي الصبطانه

الي عنده حل ياشباب يفيدني ,,,

شب المشاعيل

07/03/2011, 07:27 AM

يالربع,,

انا حصلت فايروخ 85 جديدة ,

وانا من فترة ادور وانتظر ال80 بس ما نزلت,,

علما باني شايف مواصفات ال80 وال 85 طبق الاصل ,,,

ما عدا الخفة لصالح ال80؟؟؟

تنصحوني اخذها,,,,

بعض التوجيه من المجربين,, ولا نستغني عن الرميح ولا يهونون الربع.,

احمدوعبود

07/03/2011, 10:31 AM

السلام عليكم انصحونا ياشباب ودي اشتري 34 ديانا من الرميح 1400 ريال للعيال وش الراي يوفقكم ربي

حفراوي 6

07/03/2011, 03:24 PM

ابي انشدكم لوسمحتم http://www.mekshat.com/vb/تن عن السكتون85حبه كبيرة

galant

08/03/2011, 10:29 PM

لو سمحتم ياشباب

انا ان شاء الله نويت اشري فايروخ 35 وش رايكم فيها وانا صيدي حمام قميري

تنفع ولالا؟

وكم سعرها ؟

وسلامتكم ......

hsn.111

09/03/2011, 12:53 AM

وصلت ال80 ولا باقي يا ثلاجه الرميح

السواط

10/03/2011, 10:02 AM

الايميل
a.z.j.z@hotmail.com

الفجر الجديد1

10/03/2011, 12:38 PM

الاخ ثلاجة الرميح يا ليت ترسل لي داتا شيت
Osama.02@hotmail.com

الفجر الجديد1

10/03/2011, 03:09 PM

يا اهل الخبرة والتجربة

بالنسبة للصتم الكبير5.5 ما هو الافضل من حيث القوة والصبر والتحمل
الماغنوم 350 او الفايروخ

عـــــزام

10/03/2011, 06:00 PM

يعطيك العافيه

الغامدي007

11/03/2011, 02:21 PM

الفايروخ 35 كم سعرها و هل تنفع للقمري و الحمام ؟؟

galant

11/03/2011, 02:34 PM

ياشباب انا كنت ناوي اشري فايروخ 35 من محل لكن يقول ماعنده وحاولت لكن مافي امل وش تنصحونني ببديل

الماني ولا اسباني الاماني ماعنده الامقاس 27 لكن تقولون الجديد موب ذاك الزود ولا اسباني وش رايكم فيه

ووش احسن نوع منه ؟

ارجو الرد ..

galant

11/03/2011, 02:59 PM

تعرفون محلات في الطايف ووين ؟

altoop

11/03/2011, 06:46 PM

با اخ ثلاجة الرميح

اش انواع الصتم الموجودة عندكم غير الاخضر والاحمر
وهل يوجد صتم الباركودا

http://www.mekshat.com/pix/upload05/images207/mk184974_hn-92184500005_1-zoom.jpg

ابو نجود

12/03/2011, 02:18 PM

هل توفر عندكم الفشق الالماني الاحمر المدبب؟؟

galant

12/03/2011, 04:10 PM

مشكوور ياثلاجة الرميح
بغيت اسألك عن الفايروخ 35 بكم سعرها ووش صناعتها وايضا خشب ولا فيبر

وفي شي ثاني مدري فيه ساكتون هوائية تركيه ؟ وكيف جودتها وكم اسعارها ؟

الإخباري

12/03/2011, 09:57 PM

يا ساتر، كل شيء ارتفع سعره الله يلطف بنا.

galant

12/03/2011, 11:15 PM

اجل آخذ لي فيروخ 80 أحسن من 35 مادام الوزن مايفرق كثييير

ولاوش رايكم ؟

ابو سلوم20

13/03/2011, 01:15 AM

السلام عليكم

اخي ثلاجة الرميح وش الافضل 80 - 85 فيروخ

وهل هو متوفر والى متا لاني انا منيب من اهل الرياض يعني بجي عشانها

وكم سعرها ..؟

ارجوا الرد

عمر العصيمي

13/03/2011, 02:29 AM

يا اخوي ثلاجه

متى الفايرووووخ توصل

قناص الأشهب

13/03/2011, 03:21 AM

ياثلاجت الرميح أبي أسئلك عن موديل 36 ديانا عن سرعتها ووزنها وليش مي موجودة بالجداول اللي منزلها
أذا ما عليك أمر

بريده00

13/03/2011, 06:20 PM

ثلاجة الرميح كم بقى على الفيروخ

g.x.990

14/03/2011, 11:59 AM

اخوي متوفر عندكم ديانا 36 كم سعرها وهل تطرح القماري والسمان من بعيد ؟

وماهي الاكسسوارات الي معها

ولازم تصريح ؟

ساكتون مصدي

14/03/2011, 02:05 PM

يالربع الفايروخ 100
ليش ما تجي السعودية ؟؟؟؟؟؟
وهل الرميح يجيبها لي؟؟؟؟؟

بندر501

15/03/2011, 02:39 AM

اخوي ثلاجة الرميح هل يشترط تصريح ؟ هل توصل جدة ؟

galant

16/03/2011, 12:41 AM

ثلاجة الرميح انا من الجنوب فهل ممكن شحن ساكتون هوائي في فيديكس او ارامكس ؟

comoff

18/03/2011, 10:00 PM

الأخ ثلاجة الرميح هل يوجد لكم فرع بالطائف

فواز المري

19/03/2011, 10:52 AM

السلام عليكم شباب
يا شباب ابي نصيحه انا ابي اشتري سكتون وش النوع
وانا اعرف انا افضل نوع الاماني بس اشتري ديانا ولا فايروخ ؟؟
اروح الرمايه ولا الرميح

قناص الأشهب

19/03/2011, 01:21 PM

السلام عليكم شباب
يا شباب ابي نصيحه انا ابي اشتري سكتون وش النوع
وانا اعرف انا افضل نوع الاماني بس اشتري ديانا ولا فايروخ ؟؟
اروح الرمايه ولا الرميح

اللي أعرفة الرماية ماعاد تبيع الألماني
ولكن عندك الرميح وصاب هما اللي يبيعون الألمانيات بالنسبة للرياض وفيه بن حميد بالغربية
وأنصحك بالرميح وصاب مع أن فيه ناس تقول الرميح أفضل ولكن أنا ماشفت أي فرق نفس الشي

مليح البآرود

19/03/2011, 03:27 PM

يا شباب الرميح اللي بالزلفي قفل ولا لأ وايش السبب

الصقر الحربي

20/03/2011, 03:13 AM

السلام عليكم ورحمة الله وبركاته

الفايرخ 80 أو 85
تنفع في الطيور الكبار والصغار
مثل القمري والدخل

vip502vip

20/03/2011, 07:09 AM

يالربع انا ابي صورة للفايروخ ذي او عطوني اسمها بالانجليزي او رابط فيديو لها

vip502vip

20/03/2011, 03:23 PM

ان شاء الله سوف تصل الفايروخ فى خلال 10 أيام الان بالميناء وننتظر فسحها

كم عدد الي راح تنزل عندكم
وكم الناس الي سوو لها حجز

vip502vip

20/03/2011, 04:59 PM

طيب اخوي اقدر ارسل نسخة من بطاقة الاحوال الى واحد من اصدقائي الي في الرياض
ويطلع التصريح باسمي ؟

مخاوي البنلي

20/03/2011, 05:46 PM

عاجل الى المكشاتية
لقيت 31 ديانا فيبر و سعرها حلو
هل هي جيدة و تتحمل كرف

ابوسعد511

20/03/2011, 06:47 PM

السلام عليكم ورحمة الله وبركاته
ياخوان انا عندي ساكتون هواء والرصاص من شركة نوريكا على شكل سهم اذا رميت القمري تصيدها بس مايذبحها تطير
المطلوب من اهل الخبرة وش احسن رصاص لها
وبيض الله وجيهكم
الرصاص 4.5

أبو لافي00

20/03/2011, 10:04 PM

عندك رصاص Gamo (قامو)

مشبر البران

20/03/2011, 10:11 PM

عندك رصاص قامو الي كنه سهم بس مدبل مجرب على القوقسي ما يضيع الا ان رميته مع مكان عادي
بس مع الثندوة ولا الجنب ما يروح بعيد اكثر صيدي ميت ونادر ما يجي صواب
وفيه الرصاص الي على شكل قبه يمدحونة وفيه الرصاص الي راسه نحاسي
قوي من قوته حسبه بعض الناس متفجر بس غويلي
هذا الرصاص مجربه على ساكتوني ديانا 27
للمعلومية بالهوائيات لا تحرص ان كل رميه تذبح احرص على انها تطيح ولا ما ماتت ذكها امر الله من سعة

قناص الأشهب

20/03/2011, 10:32 PM

أنصحك نصيحة أذا كان صيدك يروح صويب لاتاخذ ابو سهم
أما بالنسبة لأنواع الصتم أنصك بـ
1/ كروس بوينت يجي لون العلبه أحمر وأزرق صناعة أمريكية (من أفضل رصاص رميت فيه)
2/قامو
3/المتفجر أبو رأس نحاسي
هذا بما أنة الألماني ألأخضر القديم منقطع بالسوق ولا عاد يجينا الا التقليد وما ينفع بريال

الصقر الحربي

21/03/2011, 01:22 PM

اخوي الرميح كم ياخذ وقت حتى آخذ تصريح الساكتون

صاحب مبدا

21/03/2011, 06:22 PM

عندي ساكتون علية الرميح وصناعة المانيا هل هي فيروخ كيف اعرف انهاا فيروخ

صاحب مبدا

21/03/2011, 06:25 PM

.....................

vip502vip

21/03/2011, 09:46 PM

هل يوجد مع الفايروخ هدايا؟؟

السامرر

21/03/2011, 11:38 PM

هل يوجد فرع أو وكيل للرميح في المدينة

الصقر الحربي

22/03/2011, 02:49 AM

هل يوجد فرع أو وكيل للرميح في المدينة

والله العالم ماكو فرع في المدينة
لأن والله أدور مثلك ولا حصلت

C_J_O_JI

22/03/2011, 03:20 PM

عندي فايروخ 80 ابي اركب عليها دربيل وابي شوركم في النوعيه ووين احصلها وكم سعرها بشرط ماتتعدى 200 ريال علمآ اني بالغربيه

بريده00

22/03/2011, 03:37 PM

ثلاجة الرميح كم بقى على الفايروخ

عمر العصيمي

22/03/2011, 04:31 PM

وعليكم السلام ورحمة الله

أخي الحربي أولاً : مبروكة عليك الــــ 80 الله يعطيك خيرها ويكفيك شرها .
أنا من رأيي وحسب تجربتي لكثير من أنواع الرصاص لم أجد أحسن من النوع المذبب الألماني لسهولة إختراقه للهواء وهو الموضح في الصورة وعليه دائرة حمراء وكذلك الذي عليه دائرة خضراء .http://www.mekshat.com/pix/upload/images19/mk31490_mk9458_mk28901nn_s.jpg

بس يا اخوي النوع الي ذكرته ما يعدملي الماصوره

اغلب الشباب وصوني بالي عليه خط اصفر