شريت باترول الله يعطيني من خيره ويكفيني شره بس ابي اسأل [الأرشيف]

مشاهدة النسخة كاملة : شريت باترول الله يعطيني من خيره ويكفيني شره بس ابي اسأل

سوبر2005

03/12/2009, 09:00 PM

السلام عليكم يا اخواني
انا اشتريت باترول سوبر سفاري موديل 2005م
وابي اسألكم عن عوامة البانزين هل تتصلح والا لازم جديده؟
والسؤال الثاني ابي اسعار المساعدات الامامية لانه الظاهر انها مش ولابد....
والسؤال الثالث والاهم بعد الامطار الاخيره هذي الله يطرح فيها البركة طلعت بالموتر وقطعت شعيب بس بعد ماقطعت الشعيب وقفت وجلست وبعد ساعه رجعت شغلت الموتر ويوم جيت امشي زي ماتقول انه معلق القير على الرابع او الثالث المهم ان قومته ثقيله ولايغير مثبت على نمره وحده ومشيت عليه الين وصلت البيت . وخليته واقف الى بكرى ويوم شغلته رجع الموتر طبيعي ماكأن صاير فيه شي هل يا اخوان القير فيه شي كايد والا شغلت حساسات وياليت تفيدوني الله يرضاء عليكم
وشكراً للجميع....

turke2545

03/12/2009, 09:23 PM

الله يطعمك خيرة ويكفيك شرة
اولا العموامه اشرها من التشليح بس اول اسال عنها في المحلات
ثانيا المساعدات الاماميه فيه نوع جيد اسمه منروا سعر الواحد 150 تلقاه عند محلات قطع الامريكي
ثالثا حساس القير مخربط شوي لازم تفصل البطاريه ربع ساعه او نص ساعه وانشاء الله يضبط

القناص 3626

03/12/2009, 09:40 PM

الله يعطيك خيرة ويكفيك شره
العوامه نصيحه اشتر اصلي من الوكاله قيمتها 370
القير له حساس في الكبوت من جهة السواق غيره من الوكاله وسعره ما يتعدى 100ريال اخوك ابو فيصل

سوبر VTC

03/12/2009, 10:25 PM

و عليكم السلام و رحمة الله

الله يطعمك من خيره و يكفيك شره
و مبارك الخير
وش مشكلة العوامه عندك بالضبط ؟؟؟
هل الانبير يلعب او معلق

ahmadmobireek

03/12/2009, 10:29 PM

أرمادا 2006
العوامة تلعب لعب تعبي فل تشوفه فوق النص بشحطه
ياإخوان المشكله هذي في نيسان ولا ويش سالفتها
وبعد تشوف لمبة البنزين تشتغل شوي وتطفي

مقلع الرمث

03/12/2009, 11:30 PM

بالنسبه للقير انصحك انك تروح لم قطع غيار الحمراني وتاخذ منهم نفس الكتاوت

موقع الكتاوت اللي يعلق بالقير افتح الكبوت يصير على يمينك علبه كتاوتات

الظاهر انه الثاني على مااعتقد لكن ابتأكد واببحث بالمواضيع ممكن احصله

عندك الروابط وبامكاانك البحث اكثر لتجد صور ابين لك لكن انا كد صارت معي وغيرت نفس الكتاوت وضبط الموتر

http://www.mekshat.com/vb/showthread.php?t=133683

http://www.mekshat.com/vb/showthread.php?t=82233&page=2

سوبر2005

04/12/2009, 12:14 AM

الله يعطيكم العافيه للجميع والله يجزاكم الخير على الافاده
ولكن اخوي سوبر Vtc المشكله احياناً يجي على كيفك ماعندك احسن منه واحياناً يعطيني التانكي مليان وهو مافيه الا النص واذا وصل النص معناته ان التانكي فاضي ولا ادري وش مشكلته بالضبط .
الله يعطيكم العافيه للجميع ...

شاص2007

04/12/2009, 12:24 AM

شيك على زيت القير لا يكون دخله ماء

ابو علي 99

04/12/2009, 12:42 AM

الله يعطيك خيرة ويكفيك شرة

عطاالله ناصر

04/12/2009, 01:46 AM

افادوك الشباب

التعـ King ـديل

04/12/2009, 02:24 AM

اول شي الله يطعمك من خيره ويكفيك شره

ثاني شي بالنسبه للعوامه ممكن ماتكون خربانه ويكون المشكله فيوز او شغله كهرب بالطبلون انت شيك على الكهرب قبل تغير العوامه

بالنسبه للمساعدات حقت الوكاله الظاهر سعرها 170 ريال او ركب جبريال ماني متاكد من سعرها لكن هذا رقم الوكيل بالصناعيه القديمه

مركز السبت 014482470 وان شاء الله تلاقي مطلوبك عندهم .. بالنسبه للقير ممكن الحساس تأثر شوي وبعدها رجع مضبوط

اذا تكررت عليك نفس المشكله شيك على الحساسات لكن اذا كانت مره وحده وخلاص فالحمدلله .. ولا تنسى تشيك على زيت القير لان فيه

زي الراديتر احيانا يخلط مويه وزيت

سوبر VTC

04/12/2009, 05:37 AM

ولكن اخوي سوبر Vtc المشكله احياناً يجي على كيفك ماعندك احسن منه واحياناً يعطيني التانكي مليان وهو مافيه الا النص واذا وصل النص معناته ان التانكي فاضي ولا ادري وش مشكلته بالضبط .
الله يعطيكم العافيه للجميع ...
http://www.mekshat.com/vb/images/misc/progress.gif

عندك مشكلة بالظفيرة او من العوامه او من الطبلون
و غالب مشاكل الفتك من الطبلون ايسي بنفس البورد تخرب
مر على ورشة التركي بالصناعيه القديمه
تخصص نيسان :good:
ان بغيت ورشة ببريده علمن
ان بغيت الارقام علمن
جرب فصل البطارية

قصر1423

04/12/2009, 10:14 AM

الاخوان ماقصرو
لكن المساعدات الامامية افضل وأرخص لك مساعدات جيب ربع من2006-2010
والخلفيات جيب شاص (زيت وليس غاز)

الطير040

04/12/2009, 10:33 AM

الله يطعمك من خيره ويكفيك شره

Abu Saad

04/12/2009, 10:56 AM

عندك مشكلة بالظفيرة او من العوامه او من الطبلون
و غالب مشاكل الفتك من الطبلون ايسي بنفس البورد تخرب
مر على ورشة التركي بالصناعيه القديمه
تخصص نيسان :good:
ان بغيت ورشة ببريده علمن
ان بغيت الارقام علمن
جرب فصل البطارية

عز الله عطاك العلم مر ابوصالح التركي ويعطيك العلم الوكاد نظرا لخبرته في الباترولات.

سوبر2005

04/12/2009, 12:57 PM

الله يعطيكم العافيه للجميع يارب

مواسي الطعوس

05/12/2009, 06:49 PM

الشباب اعطوك العلم اللي يجمد على الشارب /في امبير البنزين والكتاوت اللي يسبب تعليقة القير ؟

لكن المساعدات // لاتتعدى مساعد ((البنز-المرسيدس))قدام فقط .الا اذا حصلت مساعد الرانشو الاصلي ابو خمس طقات .

على قد الحال

05/12/2009, 06:57 PM

مبروك أخي الكريم:

عموما هذي مشكلة الأتوماتيك، ما يصلح بالماء.

سفاري959

07/12/2009, 08:15 AM

بالنسبه للمساعدات ركب مساعدات 97 شد بلد تركب عليه وسعر الواحد ب 140 ريال وباقي الملااحظات مثل ما قالوا الاخوان ورشه ابو صالح التركي بالصناعيه القديمه يعطيك خيره ويكفيك شره

سوبر VTC

08/12/2009, 04:49 PM