طلب مشورة

[البرق]

السلام عليكم ورحمة الله وبركاته
يا اخوان ودي اغير كفرات سيارتي وهي جيب نيسان لكني متحير بين الدون لوب والبرجستون . فانا اطلب منكم المشورة بارك الله فيكم .

[ولد الشايب]

السلام عليكم ورحمة الله وبركاته

والله أنا أنصحك أولاً بمشلان لأنه يجي أكبر وأنعم في النفود وأرسى على الخط

ونقشته حلوه على الموتر بس لا تركب إلا الفرنسي 2004 أو 2005

وهوغالي شوي يعني فوق 400 ريال للكفر الواحد

والشور الثاني بعد الميشلان ركب برجستون وترى البرجستون أنواع يعني

رح لوكالة برجتسون ولا تركب إلا 2004 أو 2005 وفيه نقشتين جديده

وقديمه ونصيحة لا تروح عندي بنشري ولا تنسى توزن الأ>رعه قبل تركيب الكفرات

[الحذر]

البرجستون أحسن والين على السياره والله أعلم:good:

[البرق]

ولد الشايب , الحذر
بارك الله فيكم مشكورين على الشور المبارك ان شاء الله . البرجستون جربته ممتاز في النفود لكن في الصلب ما يتحمل . لكن الدونلوب ما جربته ونصحني فيه واحد من الزملاء قلت اطلب شوركم ولا تقصرون ان شاء الله .

[مفتش الريضان]

أخوي عليك بالميشلان الفرنسي 4في 4 إسأل مجرب

[ABU-AL-3eeS]

ميشلان فرنسي باختصار

[شايب الصمان]

عليك بالميشلان الفرنسي
صحيح سعره أغلى بس يدوم أطول بأذن الله

[البرق]

مفتش الريضان , عاطل ، شايب الصمان
جزاكم الله خير , ولا حرمتم اجر المشورة , لكن كم سعره تقريبا الميشلان , وماهو النوع المناسب .وماهي مميزاته خاصة في النفود .

[الحـامض]

لا يفوتك الهانكوك

[الشقردي]

السلام عليكم
أنا جربة الدانلوب على اللاندكروزر ممتاز يتحمل الوعر وزين على الطرق السريعة وواحد من الزملاء معه GXR ويشتكي من الهانكوك

أما الميشلان فهو جيد بشكل عام لكن لا يصلح للي يوقفون سياراتهم فترة طويلة بالأيام أو الاسابيع لأنه يحبل بسرعة

أما سعر الدانلوب لجنط 16 فهو تقريبا 360 يزود أو ينقص 10 ريال

[عروان]

الميشلان و البريدجستون تقريباً مثل بعض يمكن الميشلان يتفوق بشكل بسيط جداً.

ولكن أخذ النوع اللي مكتوب علي جدار الكفر: H/P لا تاخذ المكتوب عليه H/T.

وفقك الله