المترو
03/11/2004, 05:46 AM
السلام عليكم ورحمةالله وبركاته
في يوم الاثنين 18/9 استجاب الاصدقاء لواحد من جماعة الربع للسمره بالاستراحه ومباركت المشروع
ومن ظمنهم اخوكم انا المهم قلطنا وسوالف ولعوم طيبه اللي يتقهوى واللي يضبط مظغوط الحاشي محاكيكم ما ادري بس جاء العشا براسي مع اني معزوم
وكانت الاستراحه تحت الانشاء ما بعد اكتملت عضم بس لا كهرب ولا ماء استخدمنا محول السياره للاضاءه
لمبتين ومع السوالف ماعونيي الطباخ معي لتجهيز العشاء ما فيه طبعا رسميات بهالعزومه المؤرخه
ناداني المعاوني قلت له نعم بنفس شينه وانا اقطع البصل ودموعي اربع اربع وقال ويا ليته ما قال ,
نعامةُ ترفسك !!!!!!!!
ورديت عليه ترفسك انت
طبعا الشباب الباقين ماهم منتبهين للحوار بيني وبينه حسب ما اعتقدت
يا الربع وكلها يمكن 5 دقائق الا وهاك الشيء داخل علينا مع باب الاستراحه واول واحد شافه انا لاني وجهتي للباب والا الشوف شجر مصدق مكذب والشباب منبهرين باللي دخل علينا بحلقت انا زين الا والله نعامه بشحمها ولحمها وريشها بصراحه شوي والا ادوخ من الصدمه واقول نعامه نعامه لاني تذكرت الدعوه من المعاوني وردي عليه قلت بيني وبين نفسي يصير الله استجاب لدعائه علي
واستدركت قلت لا يا خوي انا رديت عليه وانا اصلح منه هاه هاه هاه مين اللي استجاب الله لدعوته
وهالنعامه ابي اشوف من اللي تبي ترفسه ومن اللي دعائه مستجاب ومن زود الذهانه ابي خويي يتحرش فيها وابي اركب الموضوع عليه قلت خل اهوش على النعامه غديها تتجه لابو خالد وترفسه
وبعدين اذكره بدعوته وردي عليها وانه انا المظلوم والله مسلط على الظالم واللي نيته شينه
وترفسني ذيك الرفسه اللي شوي والا تشق الثوب قلت خربت خلنا نضحك وابعط السالفه ويغشاء على ابو خالد من الضحك هو والشباب الا والله الشباب سامعين دعوته ومن زود العياره اللي فيهم جحدو ردي عليه و صاروا ضدي وعلى فكره كان العذر لي يوم ما ضبط العشاء قلت انتقاما منكم وهي الصدق رفاله ؟؟؟
وصراحه ابو خالد ما راح للنعامه عشان ترفسه انا اللي تقردت وجبتها على نفسي لو اني صبرت الى ان اشوف منهو الصالح انا والا هو من الله ماهي بالحيله والذهانه
موقف ولا بالاحلام وتركبت القصه بشكل دراميكي لكن الحسوفه ان الكمره ما كانت معي والا شفتو نعامة الرحال2003
وعرفت من بعد اليوم وش معنى نعامة ترفسك دعوه لا احد يدعي فيها الا على عدوه بس
ترى جاد وقصه حقيقيه 100% لراوي فصولها
طلب عاجل وضروري
من يعرف احد يربي نعام باستراحات العزيزيه وفقد نعامه يراسلني على الخاص عشان نسلمه النعامه وبعد اخذ حق الرفسه منه !!!!!!! لان رفيقي بحلان بالنعامه وين يوديها وان اطلقها بتاكلها تكرمون الكلاب
او من لديه حل لنعامتنا يقول
وسلامتكم اخوكم المرفوس الرحال2003
في يوم الاثنين 18/9 استجاب الاصدقاء لواحد من جماعة الربع للسمره بالاستراحه ومباركت المشروع
ومن ظمنهم اخوكم انا المهم قلطنا وسوالف ولعوم طيبه اللي يتقهوى واللي يضبط مظغوط الحاشي محاكيكم ما ادري بس جاء العشا براسي مع اني معزوم
وكانت الاستراحه تحت الانشاء ما بعد اكتملت عضم بس لا كهرب ولا ماء استخدمنا محول السياره للاضاءه
لمبتين ومع السوالف ماعونيي الطباخ معي لتجهيز العشاء ما فيه طبعا رسميات بهالعزومه المؤرخه
ناداني المعاوني قلت له نعم بنفس شينه وانا اقطع البصل ودموعي اربع اربع وقال ويا ليته ما قال ,
نعامةُ ترفسك !!!!!!!!
ورديت عليه ترفسك انت
طبعا الشباب الباقين ماهم منتبهين للحوار بيني وبينه حسب ما اعتقدت
يا الربع وكلها يمكن 5 دقائق الا وهاك الشيء داخل علينا مع باب الاستراحه واول واحد شافه انا لاني وجهتي للباب والا الشوف شجر مصدق مكذب والشباب منبهرين باللي دخل علينا بحلقت انا زين الا والله نعامه بشحمها ولحمها وريشها بصراحه شوي والا ادوخ من الصدمه واقول نعامه نعامه لاني تذكرت الدعوه من المعاوني وردي عليه قلت بيني وبين نفسي يصير الله استجاب لدعائه علي
واستدركت قلت لا يا خوي انا رديت عليه وانا اصلح منه هاه هاه هاه مين اللي استجاب الله لدعوته
وهالنعامه ابي اشوف من اللي تبي ترفسه ومن اللي دعائه مستجاب ومن زود الذهانه ابي خويي يتحرش فيها وابي اركب الموضوع عليه قلت خل اهوش على النعامه غديها تتجه لابو خالد وترفسه
وبعدين اذكره بدعوته وردي عليها وانه انا المظلوم والله مسلط على الظالم واللي نيته شينه
وترفسني ذيك الرفسه اللي شوي والا تشق الثوب قلت خربت خلنا نضحك وابعط السالفه ويغشاء على ابو خالد من الضحك هو والشباب الا والله الشباب سامعين دعوته ومن زود العياره اللي فيهم جحدو ردي عليه و صاروا ضدي وعلى فكره كان العذر لي يوم ما ضبط العشاء قلت انتقاما منكم وهي الصدق رفاله ؟؟؟
وصراحه ابو خالد ما راح للنعامه عشان ترفسه انا اللي تقردت وجبتها على نفسي لو اني صبرت الى ان اشوف منهو الصالح انا والا هو من الله ماهي بالحيله والذهانه
موقف ولا بالاحلام وتركبت القصه بشكل دراميكي لكن الحسوفه ان الكمره ما كانت معي والا شفتو نعامة الرحال2003
وعرفت من بعد اليوم وش معنى نعامة ترفسك دعوه لا احد يدعي فيها الا على عدوه بس
ترى جاد وقصه حقيقيه 100% لراوي فصولها
طلب عاجل وضروري
من يعرف احد يربي نعام باستراحات العزيزيه وفقد نعامه يراسلني على الخاص عشان نسلمه النعامه وبعد اخذ حق الرفسه منه !!!!!!! لان رفيقي بحلان بالنعامه وين يوديها وان اطلقها بتاكلها تكرمون الكلاب
او من لديه حل لنعامتنا يقول
وسلامتكم اخوكم المرفوس الرحال2003