طرمبة الزيت للسفاري

[مصمك تميم]

السلام عليكم ..
حيالله الربع .. كيف الحال ..!!

يالربع عندي باترول سفاري 2005 قير عادي ..
كان عندي طرمبة الزيت مكسورة وخربت المكينة وجفتها والحمدلله ..
هالكلام قبل اقل من شهر .. الحاصل ان أمس ظهرت عليي علامة الزيت يوم وديتها للمكنيكي شاف الزيت الا ناقص ( وانا ماصارلي الف وانا مغير الزيت mobile ) المهم انه زاد الزيت وقالي دير بالك لاتحرك السيارة كثير يمكن تكون عندك المشكلة من طرمبة الزيت .. يالربع وش السوات الحين ؟!!
بعدين هل أقدر افحص الطرمبة بالكمبيوتر !؟؟
ولا الدعوى فيها فك مكينة ؟

جزاكم الله خير وسامحوني عالإطالة ..
( واللي عنده كراج طيب بالكويت مضمون لايحرمنا منه الله يحرمه من النار )

[التل الصامت]

والله ما عندي علم ولكن الاخوان ما راح يقصرون وفيهم الخير ان شاء الله

[مصمك تميم]

أرجوا التكرم من الاخوان المشرفين نقل الموضوع إلى خيمة أعطال السيارات واصلاحها ..
كُتِبَ الموضوع في هذه الخيمة بالغلط ..

[a2005bdullah]

اخوي مصمك اول شي شيك على حساس الزيت يمكن هو العطلان دام الطرمبه جديده او غيره سعره رخيص .
و تقدر تعرف اذا الطرمبه واقفه من صوت البلوف لان راح تطقطق اذا ما جاها زيت
و اتمنى اني اكون افدتك

[دانكن]

اخوي تأكد من عدم تسرب اي زيت من اسفل المكينة .. :) ..

بعدين تأكد وانت تمشي بالخط هل يطلع دخان اسود او لا ..

واذا تبغى تعرف هل المكينة فيها مشكلة او لا .. افتح غطا الزيت والسيارة تشتغل وشف هل يطلع منه دخان او لا .. :) .. اذا مادخنت فوضعك في السليم ان شاء الله .. اما اذا دخنت فالله العالم انه شنبر .. :) ..