عندي مشكله في اليوكون

[أبونواف42]

السلام عليكم ورحمة الله وبركاته:
عندي يوكون موديل 2003 ماشي 35000 وكاله عندي مشكلتين:
1- صوت في تغيير القير من الثالث إلى الثاني ورحت الوكاله وقالو عادي.
2- طقه في الدركسون إذا لفيت يمين أو يسار لفه كامله.
= ماأدري وش أفضل كفارات لليوكون. وجزاكم الله خير وكل عام وأنتم بخير

[العودالازرق]

يا اليوكون الاسود الله يستر عليك . غير كفرات بلاده احسن واهل المصنع ابخص مني ومنك

[أبونواف42]

الله يجزاك خير بس يمدحون المشيلان

[وين يبون بنا]

نعم اخوي اليوكون .. الميشلان جيد بنوعيه .. وهناك مقاسان :

1 - مقاس مثل مقاس كفر جوديير شد بلد حق الوكالة اللي ارتفاعه 75 وهذا ياباني الصنع

2 - مقاس كفرات الجيوب اللي ارتفاعه 70 وهذا في الغالب فرنسي ..

وكلاهما ممتازة ..

ارجو اني افدتك وهذا ما لدي ..

[ابو شكاع]

سلام عليكم

اخوي انا معي يوكون2002

الصوت عندي بالقير اذا حطيته بالريوس ...ومدري هو طبيعي او لا .......... ما سالت

هو صوت قريب لصوت طقة الصليب ايام الدداسن منول

الصوت اللي تقول عليه موجود عندي واحس انه قريب من الكفر الامامي الأيسر

ويزداد خصوصا في حال الأمطار او اذا السيارة جاها ماء

الكفرات قبل 9 اشهر ركبت كفرات ميشلان اعتقد ان موديلها اسمه سنشيرون او قريب من هذا الإسم عرضه ومقاساته نفس مقاسات شد بلده اللي هو قوود يير
فرنسي اصلي ....التمبرتشر a والتركشن a

بعد التجربة احس انه كفر يعمر اكثر من غيره ....وفارش بالأرض خصوصا اذا كان هواه قليل
يقال من عيوبه انه خفيف مع الجوانب .... يعني المقصد انه لو تجيه حصاة وانت بقرشع مثلا احتمال انه يعطب وينشق

سعره غالي ....الواحد ب 470 ريال

العام اللي طاف طلعنا من الشوكي ...وقبلها بليلة كنت ملاحظ ان الهواء بالكفر الخلفي يمين قليل ... طلعنا العصر وانا امشي 120 وضرب علينا الكفر اللي هو كفر شد بلاده ...ويوم رجعت للديرة واغيرهن كلهن

وهذي صورة الكفر .... يقول خويي يوم نزل وقبل انزل انا ... يقول غدينا نلحق على اقرب بنشر ننفخه هههههههههههههههههههه فسقان





http://www.mekshat.com/pix/upload/images6/mk2388_t6.jpg

[*ابوخالد*]

سلام عليكم

بالنسبه لطقه القير يمكن والله العالم انه فلتر القير

مر لك اقرب مشحمه وغيره وشف لعل وعسا

[عبدالعزيز الدباسي]

اخوي اليوكون اسود

سيارتي مثل سيارتك بالضبط موديل 2003

وبعد ما مشت عشرين الف بدأ صوت الدركسون يظهر عندي وبعد ما وديتها للوكالة اتضح انها من علبة الدركسون ، وقاموا بتغييرها بعد ما اجلست السيارة عندهم يومين كاملين (حسبي الله عليهم )

المهم ان الصوت بعد تغيير العلبة راح ،،،،،،

وبعد فترة من الزمن رجع على خفيف ،،، والحين ما اسمع شى راح من نفسه ،،،،

ومن ناحية الكفرات ،،، ما بعد الميشلان كفرات


وتقبل تحياتي

[أبونواف42]

أشكركم أخواني على هذه المشاركه .ولكن توني مطلعه من الوكاله تشييك 35000 كم وغيرت زيت القير والسيفون واخف الصوت واصار تغيراته أحسن من أول.حتى طقة الدركسون خفة وابعدين رجعت. الله يجزاكم خير وأن يغفر لي ولكم.

[علي الشهري]

يا جماعة الخير

الميشلان بصراحة كفر ما يعلى عليه

لكن مشكلته إنه ضعيف جداً مع الجوانب وينضرب بسهولة

أنا أقول البرجستون ما يعلى عليه