المساعد الشخصي الرقمي

مشاهدة النسخة كاملة : دلونا علي ساحوق.....؟؟؟؟


عايد الحربي
05/12/2009, 01:33 PM
بسم الله الرحمن الرحيم
مبروك هالخيرات
قررنا انا واحد اخوائي انا نطلع يم (ساحوق)علي طريق المدينه والفكره موجوده من العام لكن راحو ناس قبلنا وقالو مافيه شي ابد :mad: وسالنا ربعن غيرهم وقالومربع :D الي صار كلن رايح لمكان مختلف ................
ودي من المشرفين والاعضاء الكرام ان يدلونا علي ساحوق المربع...هذه السنه
ولكم مني جزيل الشكر
سعود الحربي
05/12/2009, 01:39 PM
هلافيك اخوي بساحوق وماحول ساحوق

انا جاي من ساحوق قبل يومين المطر جاه يوم عرفه ويوم العيد الاول والثاني له الان حول اسبوع

العشب توه تشوفه وات رجلي اما على السياره ماتشوفه انتظر اسبوع ثاني والله يحييك

اما طريقه فهو طريق القصيم المدينه المنوره تجازوز البتراء ومن ثم وادي الرمه حتى يجيك جبل طميه على يدك اليمين قدامك مخرج مكتوب عليه عريفجان ساحوق خذ معه يسار تجيك بعده شركة صخيبرات للذهب بعدها ب4 كيلو يجيك طريق طوال جبيره وبلغه يمين امش معه تقريبا 15 كيلو تحصل وادي ساحوق
سطام F15
05/12/2009, 03:19 PM
حياك الله أخوي الغالي وساحوق يرحب فيك وأنا لي معرفة تامة بساحوق وضواحيه كلها لقربها مني وبالنسبة لساحوق المطر جاه يوم الخميس يوم عرفة والباذر توه طالع فيه
ماتشوفه لين تنزل على رجلك وأنصحك تريث شوي لين يزم العشب وتستمتع بمنظر هالوادي الجميل
وبالنسبة للطريق إن جيت مع طريق القصيم المدينة الجديد أبد تعال على وصف الأخ سعود الحربي
وإن كنت جاي مع طريق القصيم المدينة القديم بوصفلك على إنك جاي من القصيم شف يالغالي بكل بساطة تل الموتر لين تعدى قرية عرجاء بعشرة كيلوا الكبري الكبير اللي يعاضك هو ساحوق وبعده بكم كيلوا قرية صبحا
وترى وادي ساحوق ممتد من الطريق القديم ليا الطريق الجديد
وإن كان تبي المناظر الزينة رحله يم الجديد وإلا متر الوادي تمتير أفضلك
أتمنى إني أفدتك وأي خدمة أو إستفسار أبشر
تحياتي
عايد الحربي
05/12/2009, 03:24 PM
بارك الله فيكم يا سعود وسطام كفيتم وفيتم