الله كريم ويجيب الربيع

[miokly]

وربع نشامى فعلهم يرفع الرأس
/////////////////////////////// والكل منهم دون ربعه يفادي
ما بينهم منهو كذوب وبلاس
،،،،،،،،،،،،،،،،،،،،،،،، ياكود رجل للمراجيل جادي
وهرج السواليف بيننا حين الادماس
::::::::::::::::::: تحت النجوم اللي تزين البيادي
جو لطيف ممطر هاض الاحساس
........................... وسود السحايب برقها والرعادي
ولاذعذع الغربي علينا بنسناس
................................بريح الخزاما فايح كل وادي
وصفر الدلال اللي على النار جلاس
............................ تبرى خوا منهو يحب القنادي
قمت اتمثل ما طرالى بقرطاس
............................ هاضت شجون اللي يحب البوادي
وسط القفار اللي بها العشب محتاس
.......................... وشوف الفيافي بالنظر والبجادي

من قصيدة للشاعر سعود شافي العجمي منشورة في "كتاب قالت الصحراء" لبدر الحمد


من اشد المعجبين لا شفت البرق وسمعت الرعد والله يغيثنا

[هواوي]

اخوي ماوكلي هذا برق في الرياض مصور ذا السنه

ارجو ان ينال اعجابك
http://www.mekshat.com/pix/upload/images/dsc00213.jpg

[miokly]

الله كريم الله كريم

ياخوى ضاقت صدورنا من الحر وهالسمايم ودنا طال عمرك الارض تكون خضراء والسماء وش زينها لاصارت تمطر عزالله ان خاطرك ينشرح 1000 مع ربع مثلك وشرواك ،،،،

وفى فيضه والا شعيب يوصل عشبه الى صدام الجيب الله الله بس

:D :D :D والله كريم

[مشفر]

هلا ماوكلي حبيبي :)

كيفك ,, و الله ما قصرت على هالإختيار الروعة ,,:)

و الله يجيب السيل ,, و يطلع الخيرو الربيع ,,:)

يالله من فضلك :)

سلامي لك حبيبي:)

[راعي الشاص]

جو لطيف ممطر هاض الاحساس
........................... وسود السحايب برقها والرعادي


ياسلاااااااااااااااام صح لسان الشاعر وتسلم ماوكلي على الاختيار.

[أبن الجبل]

صح لسانك يالغالي

قول وفعل ونعم بك وبالعجمان

قال فيهم الخلاوي ( على ألأرض سلاطين وعلى الخيل شياطين )

ولك وللغليين القصيده بالربيع والمطر

مما قاله عبدالعزيز الجريفاني

الله على الساعه وأربع من الليل &&& والليل قمراء بالنصف من شهرها
مابين حزم وروض والقاع به سيل && ومن بين ريضان تخالف زهرها
ياماحلا ياسعود صف المعاميل &&& بوجارها تو المسوي حــــــفرها
من حولها اللي يقبلون التعاليل &&& كل يجيب السالفه من بحرها

وسلامتك والجميع

[طير البر]

متى تنطفي جمرة الصيف ويجي الربيع
إن شاء الله يجي ويكثر المطر في الوسم
وتشرب الأرض لما تتغر
وتروح الصمان عند الفياض والشعبان
وتلقط الفقع
وتشب الضوء على السمر ولا الرمث
والسماء جو ربيعي مرة غيم مرة شمس
قولوا آمين عسى الله يجيب ويكثر المطر
:cool: :D :) :
طير:rolleyes: البر

[الحساس]

ايوالله ياخواني
متى على الله تنطفي جمرة الصيف ويهب من صوب الشمال البرادي

لكن يا اخواني ليتذكر الجميع ان هذه السموم التي نحس بها هذه الأيام انها من فيح جهنم
وان لجهنم نفس في الصيف وهو ما نحس به من حر وسموم
ونفس في الشتاء وهو شدة البراد القارس جدا
فادعوكم جميعا ولا انسى نفسى ان لاننسى ان نستعيذ بالله من جهنم وما يقرب اليها من قول او عمل
ونساله الجنة وما يقرب اليها من قول او عمل
ولكم تحياتي:D :p :D

[فتى البراري]

اختيار موفق وقصيدة رائعة ..

كما هي عادتك ..

لكن يا خوي لقرينا بها المكشات حسينا إننا بوقت الربيع ولا طلعنا شوي ..

لفحتنا السموم http://www.3dpcgames.com/cwm/s/cwm/cwm/crap.gif

لكن اخوي محناب مقطعين الصيف الا بمنتدانا ..

وشكرا مرة ثانية على اختيار القصيدة ..

مع تحيات ..
اخوك نهاش فتى البــراري والقفار ..:)

[$$ الجارح $$]

صح الله لسانك ولسان الشاعر واختيار موفق وعسى الله يعطينا من عنده كل خير ودمتم $$ الجارح $$