هل ذهب موسم نبات الفقع

[راعي السبالة]

الإخوة الكرام أهل الخبرة
هل المطر الان بأذن الله مع آخر الوسمي منبت للفقع
واذا كان نعم متى تتوقعوا ظهوره
تقبلوا فائق تحياتي

[جبل حبشي]

حسب التواريخ الثابته فأن اليوم 6/12/2009الأحد هو أخر أيام الوسم وأول أيام المربعانيه هو غدا ...والعلم عند الله وحسب كلام الشيبان أن أول عشرين يوم من المربعانية تنبت ماينبته الوسم ما عدا الفقع والله تعالي أعلم وأحكم
ظهور الفقع عند أمر الله بعد حوالي 75يوم من مطر الوسم

[مخايل الحوطه]

نعم منبت للفقع كذلك أول المربعانيه لكن يكون صغير بس لاتنسى ليست كل الأراضي منابته للفقع بعض الأماكن ماشاء الله كل الخيرات فيها إلا الفقع
أما متى يخرج أعتقد تقريبا بعد شهرين

[* Storm *]

نعم منبت للفقع بعد مشيئة الله

واول اسبوع من المربعانية بإذن الله ايضاء

وخروجه بعد المربعانيه باربع اسابيع

والله اعلم

[راعي السبالة]

تحياتي لمن أدلى بدلوه
واسعد الله أيامكم

[رحال نجد1111]

يقولون كبار السن ان العشرين يوم الاوله من المربعانيه وسم

[ابو سلامه222]

حسب ما نقل لى ان الفقع يطلع حتى لوجاء المطر وقت المربعانيه بس يبيله وقت حتى يطلع وموشرط فى الوسم

[ابو عنقا]

مثل ماقال اخوي البدر العشرين يوم من اول المربعانية تعتبر من الوسم والله اعلم

تقبل تحياتي

[الدخناوي]

يقول كبار السن أن العشرين يوم الأولى من

المربعانية تنبت ماينبت الوسم إلا الفقع ماينبت

الا في الوسم

:l :f :l :s

[سوبر152]

نعم ومكان البردية اللي بهالفايت الفقع عندها بإذن الله

[عارف الشمري]

يا اخوان الوسم ( 52) ليله يعي شهر و 22 ليله بعدها تدخل المربعانيه

بدأ الوسم في

23/ 10 /1430

انتهى

15/ 12 /1430


يعني صارو 53 ليله


الوسم ينبت الفقع بعد ما تنتهي المربعانيه



وكل شي بأمر الله


وللمعلوميه كل سنه زود عشر ايام


والربيع والفقع مو شرط ينبت اذا جاء مطر بالوسم يمكن ما يامر الله او يصبح جفاف بعد امطار الوسم زكذالك البروده الشديده

عسى الله يرزقنا ويرزقكم انشالله ويتبع له بالايام القادمه