جنوط المرسيدس

[غديرالموت]

السلام عليكم ورحمة الله وبركاته
الاخوه الاعزاء اعضاء المنتدى..................
لقد اعياني البحث عن جنوط المرسيدس الحديد(اللي تركب للهايلوكسات)....حتى انني بحثت في الغرابي بالرياض ولم اجدها لديهم ولم يدلني احد على المكان الذي يمكن ان اجدها فيها.
وقلت في نفسي مالها الا رجالها وجيت مدحدر للبيت قلت انادي بالمنتدى وهم اللي بيفزعون لي...ربع مكشات وبس

[الفهد454]

بالحسا اعرف وين تحصلها بس بالرياض مدري بالحسا في الشارع الملكي تحصل اللي تبيه

[شاص]

بأي محل دورت بالغرابي؟ لأني مار قبل ثلاثة أيام وشايفهن عند حقين الجنوط والكفرات المستعملات إذا كنت ماسك شارع الغرابي من أوله وجاك حقين الخيام على اليسار بيجيك محطة على اليمين لف بعده يمين وابتل تجيك محطة ثانية لف بعده يمين تجيك محلات المستعمل..

[فتـ الخرج ـى]

كلام أخوي شاص صحيح الغرابي مليان جنوط مرسيدس بس انت أظاهر شفت أول الغرابي ما شفت اخره لان محلات الكفرات الجنوط ورى بالأخير

[ابا راكان]

الاخ العزيز شاص.......
السلام عليكم ورحمة الله وبركاته
اانا ابحث عن جنوط مرسيدس للهايلوكس .............. لكن ياليت تعرفني بكم قيمتهن الان وهل هن جاهزات للتركيب ولا لازم خرط وصبغ؟؟؟ لان لي سابق تجربة شريت وبعت وتندمت الله يبارك لراعيهن فيهن
وتقبل تحياتي

[شاص]

تلقاهن يالغالي مخروطات ومرشوشات وجاهزات للتركيب لكني ما أذكر اسعارهن

[بدر بريدة]

أسعارهن يالغالي بدون كفرات بحدود 600-700ريال جاهزات
أما مع كفراتهن بحدود1100-1300ريال تقريبا
وترا لو تصبر الى الصيف أزين لأنها تنزل أسعارهن الى 350-400ريال جاهزات...
وتحصلهن مثل ما قال أخوي ((شاص)) عند اللي يبيعون المستعمل

[ابا راكان]

بدر بريدة تسللللللللللللم على الرد
وشاكر لك يالغالي لكن طلبه احجزلي من الان بالسعر اللي تقول 350 حتى ولو شريت الان
وتسلم ياشاص على الرد

[تركى الخليفي]

جنوط مرسيديس اصلية للبيع بحالة نضيفة ولا يوجد رجة رشيتها بلحسون مع كفرات هنكوك 215/70/15
المقاس الكفرات وتاريخها2009 مع قزاز فاصل اصلية
مع 3كفرات يوكوهاما جديدة
وصدام اصلي تبع هايلوكس الجديدة مقصوص للبيع
مع صندوق المونيم 10ملي مسح الصندوق خلف الزجاجة الخلفية
تانكي معدن اصلي مع كرسي جنب صنوق الالمونيم


للإتصال ابو سليمان
0559339458

[اسير الغضا]

تحصلهن بعنيزه عند زينات الوليد والغرابي شارع الفاخريه وفيه عند وليد مرسيدس اصلي ((على ماسمعت))