المساعد الشخصي الرقمي

مشاهدة النسخة كاملة : دبرونا ياأهل الدبره ... تانكي ماء وتانكي بنزين ...


فارس العيون
08/12/2009, 05:56 PM
مساكم الله بالنور...
معي باترول97 باب واحد ... وناوي اوسع تانكيه الأساسي تبع البنزين ... فوين تنصحونا نزينه ..؟ انا سمعت بواحد بالمجمعه ...؟

والشي الثاني ... ابي تانكي ماء واقف ورا المرتبه الأماميه ....

وشكرا
فارس العيون
08/12/2009, 06:22 PM
للرفع
للرفع
فارس العيون
08/12/2009, 11:12 PM
ش دعوووه ,,

ولا زعلانين
...
ابوراس الدحمي
09/12/2009, 12:42 AM
أخوي الله يبارك فيك لا زعــــــــــــــــــــــــللللللللللل ولا ضيق خاطر بالعكس........
انا اشوف ان اسعار تفصيل خزان للسيارة شغلة مبالغين فيها
عندك خزانات من سيارات تشليح افصل لك ويمكن تناسب وضعية السيارة عندك لو بغيت تخليه للبنزين
وسعرها معقول ..............
انما خزان الماء للباترول خزانات جاهزة عند السنيدي بالرياض مخصصة للباترولات بس ما ادري
ايش تناسب من موديلات للباترول ..........
اتمنى اني افدتك
تحياتي""""""""""""""
محيسن1
09/12/2009, 08:56 AM
هلا بك اخوي.....
فيه واحد في الدمام يفصله وشغله حلو
انا لي مركبه حدود السنه من عنده
وسعره حدود 1000 ريال
ويشيل 165 لتر
وبالخرج ورشه الربع الخالي
يفصلونه 1500 ريال
ويشيل 145

واي خدمه حاضرين اخوي
طويل الباع
09/12/2009, 11:41 AM
مساء الخير
لك عندي تانكي يشيل 160 لتر بنزين تفصيل ورشه القناص بالدمام الصناعيه
تقليدعلى التانكي الاسترالي موجود عند الرمايه وقيمته 4500
ورشه القناص تفصله 1100او 1200
اناودي ابيع التانكي والمبلغ 800
اما عن اسفسارك للخزان الواقف للماء راح تحصله عند القناص بالدمام وعنده عده اشكال
وافضل خزان اعجبني مصنوع من استانلس استيل وشيل 100 لتر تحصله عند رفيق الدرب
امتداد الضغط العالي بعد الدوار علي اليمين بعد محطه البنزين
اتمنى اني افتك
تقبل تحياتي
ملف علاقي
09/12/2009, 12:47 PM
تحياتي اخوي نصيحة مجرب لا تحط تانكي بنزين معدل مكان الأصلي يبهذلك باالحكه والتعلق ويزيد مطب الموتر من ورا حتي لو غيرت مساعدات ويايات ولاكن خذ نصيحتي روح السنيدي اوعروق الشمال باالقصيم وخذلك توانك واقفه خلفيه المنيوم او ستيل معزوله وتشبك لي البانزن للتانكي الحتياطي علي لي الزايد للتانكي الرئيسي مع محبس اتوقع هذا افضل واوفر حسب خبرتي المتواضعه وتقبل مروري 00
ولد الديره 2
09/12/2009, 01:07 PM
هلا بك اخوي خابرلك تانكي ماء للباترول معروض للبيع في محطة المقرن في القرينه علا شكل مرتبه خلفيه وملبس جاهز لتركيب
استغفر الله العظيم الذي لا إله إلا هو الحي القيوم واتوب اليه
فارس العيون
09/12/2009, 02:34 PM
منورين الصفحه ياشبااب....
اخوي طويل الباع ارسلي رقمك على الخاص...

اخوي ملف علاقي...
موتري مرفووع ببابات استراليه ومعها كعكات ومساعدات شاص خلفي وامامي يايات ومعها مساعدات مرسدس مع التدبيل...

اخوي.. ولد الديرة .... لو تناظر لي ولا عليك امر بكم .. وكم سعته ..؟