فزعتكم ياهل الربوع والشواصي تكفون

[(ربع2005)]

السلام عليكم ورحمة الله وبركاته عندي جيب ربع وتلقفت ذاك اليوم وغسلته بستم وخليتهم يتوصون بالبستم وقعد أبو هنود يرش السست إليما تاغرت من الديزل المهم يوم طلعته وكملت يوم قامن السست يصرصرن تقل راكب جيب عشة رحت للبيت وضربتهن باللي وراح الصوت ساعة أو ساعتين ورجع مرة ثانية وش الحل ؟؟؟؟
تراه مضيقن صدري بها الصرصرة

[أبوأحمد98]

السلام عليكم ورحمة الله وبركاته

فيه واحد من العيال معه ربع .....غسله بستم يوم طلعه فيه صوووت صرصره قووووي .......المهم طلع الصوت من(( فحمات الكلتش)) حط عليهن زيت والحمد لله راح الصوووت .....

وبشرنا اذا راح الصوت ان شاء الله :)

[الفهد454]

لا هذا الصوت من السست بس لو تقوله يشحم يمكن يروح الصوت

[خشم الحصان]

الاخ الغالي
(ربع2005)
السلام عليكم
شف يابعدهم كثرة تغسيل البستم ماهيب زينه للسياره وخاصه الديزل لئنه يعدم اي (ربله ) في الموتر( وجهة نضر شخصيه) اما مشكلتك فحلها بسيط ان شاء الله تعالي شف يابعدهم الله يغفر لنا ولك اذا انت تقدر تفك السست في البيت سدحهن ثم جب شحم ودهن مابين السست وهذي طريقه مجربه
اخوك
خشم الحصان

[شاص]

كان عندي مشكلة مشابهة للمشكلتك أخوي ربع 2005 لكن بالشاص من السست الأمامية بحيث إني إذا لفيت الدركسون لاخر شي تطقطق بقوة وديته للصناعية لأحد ورش السست فرفعوا الموتر وفككوا السس وشالوا الربلات(قطع بلاستك)اللي بينهم وكانت معدومة وغسلوا السست وركبوها ثانية وركبوا شدادات زود عشان ما تتحرك السست يمين أو يسار ولو شي بسيط وخف الصوت بنسبة 75%