الفزعة يالربع...تكفووووووون

[GMC]

شريت جهازGPSIIPLUS
وتراني توهقت فية
وش الدبره.....تكفون

أبي واحد أجودي يعطيني طريقة استخدام هالجهاز
وبالعربي
واكون شاكر له
والسلام

[شقران]

الرجاء من لديه معلومه اوخبره عن هذا الجهاز يفزع لأخينا.

تحياتي للجميع

[راعي عنيزة]

افا عليك تدور احد يشرح لك وملك الجارمن( الـــســـــمــــــح ) موجود !!

ادخل هذا الموضوع وبتحصل مرادك
http://www.mekshat.com/vb/showthread.php?s=&threadid=847

[شقران]

انا يابعدي عارف ان ابو تركي راعي الأوله لاكن الرجال مدري هو يقصد تو بلس ولا ثري بلس!!:confused:
لذلك احببت اني استوضح واطلب فزعتكم يابعدهم.
وليت صاحبنا يسير على موضع ابوتركي الرائع ويتأكد هو نفس جهازه ولا!
تحياتي لك ياغالي.

[GMC]

الأخ شقران جعلني افداك.........
اشكرك على اهتمامك بالموضوع الي طلبته
وأبي افيدك إن الموضوع حق أبو تركي عن ثري بلس
وهو يختلف عن الي عندي ........والله يجزيك خير

وآخر ما عرفته عن جهازي هو أنه مافيه خريطه لطرق المعروفه

عشان كذا أبي أسئل هل هو ينفع ولا ازلفه


أما الأخ راعي عنيزه
بيض الله وجهك وكانك تعرف السمح تكفى خله يفيدني
والشكر للجميع

[السمح]

حياك أخوي GMC وياهلا وغلا ..

آمر يالغالي .. أنت اسأل وحنا ترى بالخدمة ..

مع الأسف إن GPS II PLUS لا يوجد به خارطة للطرق ، وإنما يكون مزوداً بالمدن التي يبلغ عدد سكانها 200 ألف نسمة فما فوق ..

كما أنه أيضاً لا يقبل إنزال خرائط من برامج الـ GPS مثل الماب سورس أو فوقاوي ، لأنه بدون ذاكرة ..

فإذا كنت تريد شيئاً أفضل بكثير من جهازك فلا يفوتك GPS III PLUS أو GPS V ..

كما يوجد موديلات أخرى أفضل ..

لك كل الحب والتقدير ..

[شقران]

اخوي السمح لاهنت ياغالي وياليت ابو الشباب بعد يجي يصرف اللي عندي GPS12x اللي صنعوه وماستفدنا منه بكثير اقوي ياجي ام سي الله لنا انا وياك وطاحت بكبودنا وربك ييسرها ونطيح بثر ولا فور بلس مثل ماقال ابوتركي.
تسلم يابوتركي على مشاركتك الغالية.

جي ام سي الله يعوض علي وعليك وعلى كل من توهق باجهزته من بدري . (عندك زبون) لجهازي هههههههه امزح معك ياغالي واحاول انسي نفسي ان تمقلبت انا وياك.

بالتوفيق لنا جميعاً

[GMC]

أبي أبشرك ياخوي شقران اني خذت بوصية الأخ السمح
الجهاز عرفت شلون أصّرفه
وخذيت لي جهاز جديدIIIPLUS

وليتني والله أعرف أخدمك في جهازك كان والله من اعيوني


لكن ياخوي السمح ترى جا دورك
أنا نفذت كلامك السابق في اعدادت الجهاز
لكن ما طلعت لي خارطه ولا شي
أبي الله لايهينك تعلمني شلون أطلع الخارطه
ولك جزيل الشكر

والشكر ممتد طبعاً لك يشقران

[السمح]

مبروك الجهاز الجديد والحلو للحلوين .. وهذا الجهاز اللي يشتريه الواحد مهوب .. وإلا بلاش :D

حبيبي الأمر بسيط جداً .. اضغط quit حتى تظهر لك صفحة الخارطة ثم zoom حتى تأتي إلى مقاس الرسم المناسب ..

إما عرفت تعال لي هناك في إعدادات GARMIN على الرابط اللي أعطاك إياه الرائع راعي عنيزة الله لا يهينك ..

===============================================

أخوي شقران الله لا يهينك من رايي إنك ما تبيع جهازك ( من يبي يشريه ؟؟ ) .. سو له علاق بالملحق وعلقه هناك علشان تعلم الأولاد وتقول لهم هذا جهاز الأولين .. :D

تحياتي لكم جميعاً ..

[GMC]

جعلك تسلم يالغالي
والله لايهينك وكثّر الله خيرك وما قصرت
سويت الي قلتلي وزان الجهاز وابشرك اطلعت الديره
أشكرك جزيل الشكر على هذه المعلومات القيمه
باقي عندي سؤال اصغير
هل في خريطة ممكن انزلها على الجهاز أدق من الخريطة الموجوده عليه
يعني تبين أهم الطرق الرئيسيه داخل المدن
وتكفى إذاكان في اي معلومه ممكن انها تفيدني فلاتقصر معي الله لايهينك ترى اخوك مفلس

وتقبل تحياتي لك ولجميع الي في المنتدى
والسلام

[شقران]

ابوتركي الا وشرايك تاخذه وتعلقه مع جهازك اللاسلكي اللي يقولون ان هتلر طلب تصنيعه له ثم تستل اللي صنعه :)

[السمح]

أخي GMC حياك الله وسعيد بالنتيجة اللي توصلت إليها ..
فيه الشيء الكثير ممكن أن تعمله بجهازك .. ما قلت لك إنه رائع !!
حبيبي إذا كنت في أحد المدن الرئيسية مثل الرياض تأكد إن الجهاز في حالة استقبال واذهب إلى صفحة الخارطة واضغط الزر IN عدة مرات حتى ترى تفاصيل جميع الشوارع حتى شارع بيتكم !! وش رايك .. وتقدر تمشى في شوارع بغداد وتل أبيت ومترو لندن وجبال تورا بورا .. إلخ
بعد فيه شي ثاني ممكن أن تنزل برنامج إسمه ( ماب سورس ) وعن طريق هالبرنامج تستطيع أن تنزل في جهازك خرائط تفصيلية للمملكة أو أي دولة أخرى ، وهذه الخرائط تبين القرى والهجر والأودية والطرقات البرية .. إلخ ..

==================================================

عزيزي شقران :

حلوة مرررررررررة يابوفجر يعني وحدة بوحدة ..

بس لا يهمونك العزال ترى هم اللي يقولون إنه قديم ، وإن سبب هزيمة هتلر في روسيا بسبب هالجهاز ، لأنه ما قدر يراسل قواده لأن الجهاز اللي معه ما يوصل .. :D بس مهوب صحيح اتضح أخيراً إنهم ما دلوا الطريق لإن جهاز الجي بي إس اللي معهم كان ( ... ) ..

الله يسلمك جهازي صنع منه أثنين بس واحد هاللي معي والثاني يذكرونه مع جورج بش الإبن ومن غلاه عنده حافظه في مزرعته .. ما يطلع إلا للشديد القوي ..


:bounce: :dance: :flog: