لمحبي اللاند كروزر..... شاص بالشكل الجديد !!!!!

[راعي الكيف]

بداية لي الشرف بالمشاركة في هذه الخيمة اللتي تستهويني بكل المقاييس ..


وحبيت اطلعكم على احد الصور الغريبة والجميلة في نفس الوقت وهي جيب لا ندكروزر معدل إلى شاص ...


واترككم مع الصور .. ((مع العلم بأن الصور ليست لي ولم أصورها ))

http://www.mekshat.com/pix/upload/images6/mk9648_keef.ca.1.jpg




http://www.mekshat.com/pix/upload/images6/mk9648_keef.ca.2.jpg




وحياكم الله......

[الحذر]

أخوي راعي الكيف صور ممتازه ولاندكروزر جميل وموضوع أجمل لكن هل يوجد بالمملكه مثله أوعرض فقط وأنا أحس أن الصوره مفبركه:( ماعودها سامحني

[خيال الشقرا]

والله روعه لاكن هل هو صحيح كل شي جايز مشكور :D

[شاص]

الصورة واقعية وصحيحة وشفته أنا بنفسي بقطر أكثر من سيارة وشفته بالرياض عند ابن مرضاح قاعد يشتغل به VX-R 2004 و GX-R 2005 الله لايغضب علينا :looney: :no2:

[أبو تركي القطامي]

مشكور على الصوره وتسلم
وبالنسبه هل هو موجود نعم موجود بالسعوديه
وكانت سيارة طلال الرشيد رحمه الله من هانوعيه

[راعي الكيف]

حيكم الله مجددا يا شباب ...


بالنسبة للصورة فهي صحيحة 100% لأنني شفته بالرياض في أحد الايام وصورته ولكن للأسف كانت الصور مش ولا بد وأذكر أن فيه واحد تكلمت معه في هذا الشأن أنه قال ما صلح منه إلا 4 فقط وما أدري إذا كان كلامه صحيح ولا لا .....

[عاشق الصفاري]

مشكور وماتقصر,..

[شاهد عيان]

ترا مكيف ورا ((( لي :D )))

[راعي الكيف]

عشق الصفاري /
حياك ربي ..

شاهد عيان /
انت جب لي الموتر والباقي نصلح به !!!!!!!

[صقرنجد]

الصراحة أنه حركة




والله يجزيك خير ياراعي الكيف




صقر نجد

[الفحل 2003]

مساكم الله بالخير

بالنسبة للجيب الشاص هذا انا شف واحد مثله في نفود الفروثي اللي بين المجمعة والداهنه وكلمت راعية وقال انه جايبه من استراليا بس شكله مثل جيب الكزك وتراه طامن بالحيل يعني الشاص ارفع منه بكثير .

هذا ما عندي وسلامتكم

اخوكم

الفحل 2003

[ftoosh]

الله يعطيك الف الف الف عافيه وماتقصر علي الاندكروزر

[ftoosh]

الله يعطيك الف الف الف عافيه وماتقصر علي الاندكروزر

[ABU-AL-3eeS]

انا شايف مثله بالظبط في الشرقية ((الظاهر من ربع الهافمون))
ومن زين الطبايع كان صابغه اصفر!!!


اخوكم عاطل

[راعي الكيف]

صقر نجد /
حياك الله وتشكر على ذوقك ........

الفحل 2003/
تشكر على مرورك على الموضو ع وتعليقك الجميل ....

فتوش أو فتووش /
ياهلا بك يا بعدي وهذا والله من ذوقك الرفيع ..

عاطل /
كلن ومكانه هاللي صابغه اصفر له ذوقه والظاهر ان ابعد شي راح به بالجيب البراحة اللي ورابيتهم.........
ولولا اختلاف الاذواق لبارت السلع !!!!!!!

اشكرك على مرورك الكريم

[بدر بريدة]

والله جيب ممتاز مرة قوي وخفيف
مشكوووووووووووور أخوي على المشاركة

[العنكبوت]

مشكوور اخوي راعي كيف على الصور

وللمعلوميه هذي واقعيه وانا شايفه بالجمعه

الفايته عند المسجد وبغيت اصوره بس حسيت

انه شينه لو احد يشوفن وكان نفس هاللون

والغريب ان لوحته خصوصي ودايم اشوفه بحارتنا بعد

وللمعلوميه هالكلام بالرياض

ويوم شفته وقت بالصندوق وحسيت انه مرهم موب شد بلد

العنكبوت

[راعي العزبة]

شكراً يا( راعي كيف ) على الصور الجميلة والأجمل ( ذوقك) :good2: والسلام

[راعي الكيف]

بدر بريدة /
تسلم يا بدر ........

راعي العزبة /
حياك ربي وهذا والله من ذوقك ............ وترى للمعلومية فيه عضو اسمه راعي كيف بدون اللام وكذلك باللام اللي هو أنا طبعا مهنا فرق بيني وبينه بس عشان متختلط الردورد ببعضها ................... وشكرا

[أبو يوسف]

فيه مثله واحد جاي لام دبابة

وعندي مقطع باندا له بس ما أدري وشلون احمله على النت

مع التحية

[صقر]

يبدو ان الترهيم جيد حيث استبدل المقصات الخلفية الى ( سست) لزيادة قوة التحمل ولكن هذا على حساب راحة الراكب.

مشكور اخي راعي الكيف.

وبارك الله فيك

[سنتافي]

بصرتحه فنــــــــــــــــــــــــــــــــــــــــــــــــ ان بس عندي سؤال لو الواحد حب يشتريله واحد وشلون

[وين يبون بنا]

السلام عليكم ..

كل عام والجميع بخير ..

اعتقد ورشة السفريات بالصناعية القديمه بشارع الجمعية يسوون مثله .. لانهم ماغير قص بهالمواتر..

تحياتي للجميع :good2:

[راعي الكيف]

اخوي العنكبوت /
اسف جدا لعدم وضع رد لك في الرد السابق وما ذاك إلا أنك قد سقطت سهوا ًً فالعذر والسموحة .....
وبالنسبة لما قلت فإنني شفته كذا مرة في الريا ض بحي السلام شرق الرياض الظاهر انه ساكن هناك ..... ولك جزيل الشكر...

ابو هديل /
مانستغني عن مشاركاتك .......... شد حيلك ودبر لنا مقطع هالبادناد ..

صقر /
والله ما عندي خلفية عنه بس الظاهر انه قام بعملية قص فقط ..... ولك الشكر

سنتافي/
لو عندي واحد كان عطيتك اياه بدون مقابل !!!!!!!!!!!!!ههههههههه واحد يستهبل
الظاهر انك تشرية جيب ثم ترهمه بكيفك......... وحياك الله ...

وين يبون بنا /
انت ابخص شكلك كذا انواع الترهيمات مرت على سيارتك ........... اتمنى لك التوفيق ....




للجميع / اسف على تأخر الرد لإنشغالي بالعيد وتوابعه ................ وكل عام وانتم بخير

[سنتافي]

ماتقصر ياراعي الكيف

[دله وفنجال]

السلام عليكم ...

اخوي العزيز راعي كيف الموتر موجود واكثر من مرة اصادفة واخرتها في ام دباب ايام العيد والموتر من شكلة انه مضروب بوية يعني انه امعدل هنا لاهو جاي من برا كذا ولايحزنون الاهم انهم شاقين الغمارة ومرهمينه على انه شاصي .
وعلى فكره ترا القزازة الخلفية باب زي باب الشنطة بشكل الاصلي .والي انا شايفة له جناح ونفس الون والموديل.
والموتر مافيه فرق ثاني عن الصوالين ابد .
عذرا عن الاطاله.

[al-nashmi]

الصورة واقعية وصحيحة وشفته أنا بنفسي بقطر أكثر من سيارة وشفته بالرياض عند ابن مرضاح قاعد يشتغل به VX-R 2004 و GX-R 2005 الله لايغضب علينا :looney: :no2:

.................................................. .............................

صدقت اخونا شاص الله لا يغضب علينا...........

وصدقت يسوونه عند مركز السفاريات ( ابن مرضاح) بالصناعيه القديمه بالرياض.

وانا يوم الخميس الماضي كنت عندهم وشفت vx.r و gx.r موديلاتها 2004 مقصقصه وملعوب بحسبه اللي صنعها عشان يحولونها عراوي... :confused:

انا مدري وش يصير على الياباني اللي سهر الليالي من اجل ان يصمم الفكسار لو يشوف هالتعديلات والخربطه !!!

:no: يمكن يمشي مع الشوارع ويجرجر قواطي من زود الهبال :burnout2: