طريقة الدي ان Dn للخروج من الرباضات بتنسيم الكفرات او بدون تنسيم (فيديو)

[asdali]

السلام عليكم ورحمة الله وبركاته

اليكم طريقة الدي ان أو الار ان D N ويقصد بها السير للامام ثم وضع الجير على الفاضي او حرف N للاوتوماتيك.

الطريقة باختصار لما تغرز تعشق الدبل الثقيل وتكمل مشوارك للامام بدون تنتيع ولا يحزنون تمشي ببطء شديد للامام واذا لاحظت ان الكفرات بتدور لوحدها (تبوش) وقف على طول 3 او 5 ثواني وحط الجير على N او الفاضي للعادي عشان ما يسخن معك الموتر في الصيف وكمل طريقك لين تطلع من الرباضة والمفروض في الصيف تخلي الكبوت مفتوح وجربنا الطريقة على البكب النيسان الددسن والهايلكس والفورد فكتوريا ونفعت والحمدلله وهي الافضل للدفع الرباعي بدون شك .. التوقف اللحظي يخلي الرمل ينرص تحت الكفرات ويصير اكثر تماسك وبكذا تتحرك السيارة . هذي الطريقة تنفع حتى لو بطن الموتر حك بالارض بنسبة 50% .

طبعا من كثر ما غرزت تعلمت الطريقة هذي لان غرزت اكثر من مرة على طريق الدمام الرياض اوقف جنب الطريق في الليل ولا ادري الا انا برباضة والسيارة محملة وصعب تنسم وانت مسافر فالحمدلله جربت الطريقة هذي وطلعت لين الطريق وكملت سفري .

ملحوظة الطريقة هذي تنفع حتى بدون تنسيم الا في حالات الرباضات القوية او التطعيس , يعني اللي بكون في سفر او قريب من الاسفلت لا ينسم يطبق الطريقة ويتوكل على الله .

المقاطع هذي مع التنسيم الى 15 في بر غونان بالشرقية واللي فيه اصعب الرباضات

WIDTH=540 HEIGHT=439

تكملة المقطع السابق ولاحظ اثر حك المكينة بالرمل
WIDTH=540 HEIGHT=439


تكملة المقطع السابق ولاحظ الوجه طب بالكامل فجربت الطريق للخلف وتحركت السيارة ثم الامام ومشت بكل سهولة بدون تنتيع ولا دف ولا يحزنون .

هذي صورة للوجه


http://www.mobdi3ine.net/uploads/images/mobdi3ine-f8ebb366be.jpg (http://www.mobdi3ine.net)

WIDTH=540 HEIGHT=439

اتمنى الاخوان يجربونها قبل لا ينقدونها .

مع شكري للجميع .

[آل زايد502]

وعليكم السلام ورحمة الله وبركاته
ماشاءالله عليك طريقه حلوه
ونجربها ان شاءالله تضبط معنا
لاهنت يالذيب
يشرفني ان اكون اول من يرد عليك

[VIP-503]

اقول كيذ يبح عزم الموتر وهوا الكفرات 40 سلامات وش القصة ؟؟؟؟؟؟


بس عز الله ان الباجيرو سيارة

[asdali]

آل زايد مشكور على المرور والاطراء وجرب منت خسران

Vip 503 الهوا 15 ويمكن اقل وطبيعي تسمع حنت الموتر رباضة اجل وش تبي تسمع ؟!
.

[اليكي]

خوش تجربه ماشاء الله ... بس يابعد حيي الموتر بيد سواق واضح ...
وعزالله انه خوش سيارة بين انه قويه الله يستر عليه

[aooa]

عندنا في الرياض

اذا رويت التعوس من المطر تلقى الكامريات والكوريلات تناطع الجيوب ..

ومعروف ان طعوس الشرقيه دائما بها رطوبه بسبب قربها من البحر ..

والا الباجيرو معروف ان دبلاته قويه لكن كلتشاته ضعيفه واي غراز قوي يخلف الله على الكلتشات ...

تقبل تحياتي ونجرب ونشوف الدنيا تجارب وانا خوك ما قصرت يمكن فكرتك هذي تنقذ بعد الله انسان في احوج ما يكون ....

[هبــ حريملاااء ـبوب]

الله يعطيك العافيه
ويجزاك خير
مجهود تشكر عليه
لا هنت

[asdali]

اليكي شاكر مرورك ودعاءك

aooa الموضوع ما له علاقة بالباجيرو اطلاقا , والرباضة ماهي رطبة ابد لو تمشي برجلك تغوص وسبق طلعت الدهنا وجربت رباضاتها قوية صحيح لكن ما تجي مثل رباضات غونان واذا لك زيارة للشرقية ابشر بسعدك .. ولك اطيب تحية

ددسن 2008 حياك الله وبياك وشاكر لك مروك .

شكرا للجميع

[ونش]

الكاتب ذكر انه ما يحتاج تنسيم وستشهد بقصه السفر ويقول ان الكفرات في التجربه هواها 15 اجل خلاص ماراح تغرز تدري اني اطاعس بجميع انواع الكثبان الرمليه وهواء الكفرات 25 بحيث اني ما يحتاج اعبي السياره وتوجه للبيت على طول دون الوقوف للتعبيه

[asdali]

الكاتب ذكر انه ما يحتاج تنسيم وستشهد بقصه السفر ويقول ان الكفرات في التجربه هواها 15 اجل خلاص ماراح تغرز تدري اني اطاعس بجميع انواع الكثبان الرمليه وهواء الكفرات 25 بحيث اني ما يحتاج اعبي السياره وتوجه للبيت على طول دون الوقوف للتعبيه

مدري ليش بعض الاخوان معصبين ومستنكرين !

الموضوع هذا للفائدة يمكن تفك ازمة مع اي مسلم.

على العموم الموتر اللي في توقيعك اقدر اطلعه بنفس الطريقة وبدون ونش ..:D

[باترول2008]

عزيزي ..

أبسأل عن الدفلك وش وضعه

اللي يوضح لي إن الدفلك مشبوك
وأتوقع بدون دفلك الكفر اللي ورا يمين مهب متحرك >>> كما صارلي قبل




لكن ما عليك نبي نجرب ونشوف



تحياتي ومشكور على مجهوديك والله يباركلك بالموتر



دمت بود ...

[الصقر الاسعدي]

كلامك يا اخوي صحيح ومساله الوقوف للحظه هي السر حتى ينهضم الرمل الذي اسفل السياره ثم ترتفع مره اخرى بعد ان تضع القير على دي ..

اشكرك اخي ولا تهتم من الانتقاد ما دام انك تريد الفائده للغير فلا تضن ان كلامك سوف يؤيد من الجميع ..

اشكرك اخي واشكر كل من وضع حرفا في هذا المنتدى الرائع بقصد الفائده للجميع ..

[باثفندر]

يعطيك العافية على المجهود والنصيحة مع الشرح الوافي ،،، محدثك من المنطقة الشرقية وهذه الطريقة أستخدمها كثير خصوصا في الرباضات إذا نشب الموتر ولافي مجال أنها تمرجح ،، بس حاولت أطبقها بالدهنا وبالثويرات ماتنفع أبد أبد ،،،

[كنز المشاعر]

يالربع انتم وش بلاكم ياخي لا طلعت للبر وخصوصا النفود نسم نسم نسم نسم اريح لك وللموتر كلام كلام واشتر لك ماطور هواء ابو ناقة ولا ابو جمل ولا ابو عصويد وصل الله وبارك انفخ وروح لبيتكم

[asdali]

باترول 2008 حياك الله وسيارتي مافيها دف لوك ولا تراكشن فقط جير اوتو . جرب الطريقة وانت الكسبان ومع الحركة الخفيفة جدا بدور الكفر في الجهة الثانية .

الصقر الاسعدي بيض الله وجهك وجزاك الله خير ورحم والديك .

[asdali]

حياك الله اخوي باثفيندر انا جربتها بالدهنا والصراحة اسهل من الشرقية وبالاخص غونان .. لاطلعت الدهنا ثاني مرة سم الرحمن و جربها بس ببطء شديد جدا وراح تنفع معك ان شاء الله .
وترى الفيديو اللي حاطه اعتبر مسرع شوي لاني تعودت عليها ولا المفروض البطء الشديد عشان النتيجة تكون مضمونه باذن الله .

كنز المشاعر شكرا لمرورك .

[ابوسعد النجدي]

يعطيك العافية

[حبيبي الشروكي]

الله يعطيك العافيه

[ابونواف501]

يعطيك العافيه

[سوبر مكشات]

اخي العزيز


عندي ملاحظتين
وطلب

1- جزاك الله خير عا الموضوع وانك تحب تفيد الشباب والشياب


2- المستبيشي اذكر اذا شبكت الثقيل تلقائي يشبك التراكشن (الدفلك بس غير شكل)

وممكن كان يلعب دور معك


الثالثه:وهي الطلب الصغير جدا وهي الطامة الكبرى والمصيبة العظمى والاصابة في مقتل اذا طحت بحفاظة (يعني نقرة ضيقه جدا)
وكان في نفس الحفاظة عثمور يخلي وجه سيارتك يرتفع 10 سم والكفرات اللي وراء باقي ربع الكفر ويندفن
ووراك قص(كسر سيف) تقل عقم حدود من ارتفاعه
ان النظر مايصل اقصاو(ويييييييييين)

فكيف ابطلع بدون نتل

طبعا الموقف صار لي فجأة والفزاعه غرزو كل ما جاء واحد قلط بجنبي مغرز:D :D :D بس مب مثلي

جا بترول ولعله ارتاح بجنبي وجا جكس ار 8 سلندر ولعله انبطح بعيد عنا


الين اجتمع حول 12 رجال طلعنا مواتر الرجاجيل
ثم جينا لموتري
ونخلناو نخل هزهزه الله يجيرك جعلك ما ركبت المفروض اني نازل وهم يهزهزون النظارات في جهه والجوال في جهة اخرى:mad: :mad: :mad:

على طاري من جهة اخرى


في هذا الموقف الشنيع الفظيع وشلون اطلع


للفائدة قبل لاتطيح بحفاظه احرق ابو الموتر بالاول عشان تعتق

انا كنت مفهيا في حينه
وعلى قول الشاعر
الا الفهاوة اعيت من يداويها



موفق

[الضاحي]

ما قصرت وبيض الله وجهك على النصيحة

الركادة دايما زييييينة

[asdali]

ابوسعد النجدي
حبيبي الشروكي
ابونواف501
الضاحي

شاكر لكم المرور والدعاء واطيب تحية

[asdali]

2- المستبيشي اذكر اذا شبكت الثقيل تلقائي يشبك التراكشن (الدفلك بس غير شكل)

وممكن كان يلعب دور معك



حياك الله اخوي سوبر مكشات

ما ودي ادخل في نوع السيارة لكن بما انك تكلمت فأحب اقولك ان الميتسوبيشي اللي معي مافي دفلوك ولا تراكشن الفئة المتوسطة والمكينة الاضعف 3000 سي سي وجير اوتو .

بالنسبة لتغريزتك انت واخوياك كان ودي بصورة للحكم عليها مع ان وصفك واضح ومفهوم الا ان الصورة تعطيك اكثر من خيار للتفكير بطريقة للخروج من المأزق.

بالنسبة للطريقة الدي ان تنفع مع اي سيارة وخاصة الدفع الرباعي وشوف المقطع هذا لسيارة هوند ام ار في كروس اوفر يعني دفع رباعي مستمر للثبات ولا فيها اي تراكشن ولا تصنف كسيارة دفع رباعي

صور الهوندا قبل اخراجها بالدي ان

[asdali]

http://up3.up-images.com/up//uploads/images/images-04482fe66f.jpg (http://fashion.azyya.com)http://uploadpics.a2a.cc"]. ([URL="http://uploadpics.a2a.cc).[/URL (http://www.a2a.cc)]


http://up3.up-images.com/up//uploads/images/images-7dd7896e1a.jpg (http://fashion.azyya.com)[URL="

[asdali]

<B><FONT size=3>http://up3.up-images.com/up//uploads/images/images-c37896de25.jpg (http://fashion.azyya.com)[URL="

[mzarkash2000]

ما شاء الله

والله يعطيك الف عافية إختي

[mzarkash2000]

ما شاء الله

والله يعطيك الف عافية

[asdali]

المقطع الاول

WIDTH=540 HEIGHT=439


تكملة المقطع الاول

WIDTH=540 HEIGHT=439

[هـدد]

ودي ادري وشوله طاق القناع
اخوي
لايهمك الي يعشق الدبل الثقيل بالرمل

وتنسيم الهوا بالرمل اساسي وأهم من الدبل وسأل الهلي

وغيرالكلام هذا (هك)

[هويدي]

الله يعطيك العافيه يالغالي

اما السواق كنه بيسرق بنك على هالقناع :) امزح

ونا من مؤيدين التنسيم وطريقتك تفك ازمه بس اشوف انها تستهلك الكلتش

واختلاف الرأي لايفسد للود قضيه

[faiz-111]

يعطيك العافيه لكن للاسف ماظهر معي مقعطع الفيديوا

[راعي البخاخ]

ماشاء الله , حيـاك الله يااخوي اسـديال وطـريقة وفكره مبـاركـه , خصوصا للي ماله
خـبره كثيره بالسواقه على الرمال , لالالالالالالالالالالاكــن انا اتـــوقع 200% ان هالطريقه
ماتصلح الا ( للجـيب التــماتيك ) امــا الـقير >>>> يمكن يصعب على الواحد خصوصا اكـثر
الجـيوب يكون القير قوي ومهما خـف رجله ماراح يصير سرعه الكفرات الاربع بنفس السرعه
امـــــــا الــــتـــماتـــيك ثــقيل وكل ماخفيت رجلك مشت معك السياره هههههههههههههههههههههههه

[Avalanche]

مع أني من الناس الي ينسم الكفرات
وذلك لسببين ...
1- مقاس الجنوط 20 انش (بلشة بالرمل)
2- أريح للموتر (القير)

لكن بجرب هذه الطريقة !!

[asdali]

mzarkash2000
هـدد
هويدي
faiz-111
Avalanche

الكفرات على 15 بس المكان رباضة محترمة شاكر لكم المرور والتعليق

[asdali]

ماشاء الله , حيـاك الله يااخوي اسـديال وطـريقة وفكره مبـاركـه , خصوصا للي ماله
خـبره كثيره بالسواقه على الرمال , لالالالالالالالالالالاكــن انا اتـــوقع 200% ان هالطريقه
ماتصلح الا ( للجـيب التــماتيك ) امــا الـقير >>>> يمكن يصعب على الواحد خصوصا اكـثر
الجـيوب يكون القير قوي ومهما خـف رجله ماراح يصير سرعه الكفرات الاربع بنفس السرعه
امـــــــا الــــتـــماتـــيك ثــقيل وكل ماخفيت رجلك مشت معك السياره هههههههههههههههههههههههه

حياك الله راعي البخاخ والله يبارك في عمرك.

الطريقة جربناها على الاكستيرا والهايلكس والدتسن وعلى الكايرون الصيني جير عادي والكابرس والفكتوريا والفورتشنر والباثفايندر القديم وكذا سيارة ما تحضرني الان . واللي يقول تجهد الجير او الكلتش اقوله المسافة المقطوعة كلها امتار بسيطة وبهدوء والا جهاد الحقيقي اللي يدعس بقوة في التطعيس مش اللي يمشي برواق , وانا ذكرت اللي يكون قريب الاسفلت ماله داعي ينسم لكن في البر المفروض التنسيم بس بعض الاخوان يحسب ان الرباضات نوع واحد يعني حتى لو انت منسم 15 او اقل فهناك رباضات توقف الموتر و ما ينفع معها الا السحب او الطريقة هذ DN

تحياتي لك

[الشبانه]

عافاك الله

[المكشات]

أحس انك ماكل مقلب بعمرك مع احترامي الشديد هههه

ياخي كل ربابيضك ذي أكلنا أشكل منها بدون دي ان اي

والله وبدون تنسيم حتى ، بالباترول والثقيل يمشي سلام سلام

أما صورة الاكستيرا اللي تقول أقدر أطلعه، تراه متعمد مغرزة فاصل الدبل ولو يشبك الخفيف طلع

شكراً على كل حال ورأيي الشخصي أن فكرتك لا تجدي أبداً

[asdali]

الشبانة
الله يعافيك وحياك الله .

[asdali]

أحس انك ماكل مقلب بعمرك مع احترامي الشديد هههه

ياخي كل ربابيضك ذي أكلنا أشكل منها بدون دي ان اي

والله وبدون تنسيم حتى ، بالباترول والثقيل يمشي سلام سلام

أما صورة الاكستيرا اللي تقول أقدر أطلعه، تراه متعمد مغرزة فاصل الدبل ولو يشبك الخفيف طلع

شكراً على كل حال ورأيي الشخصي أن فكرتك لا تجدي أبداً


ما خليت فيها احترام اسلوبك يدل على تربيتك . ولا راح اناقشك لانك ما تركت مجال للمناقشة .

[s3ed]

السلام عليكم

جزاك الله خير وبيض الله وجهك

اخوي جربت الحركة هذة في الاف جي مامشت معاي جربتها في منطقة رملية اسمها البدايرفي الامارات الرملة حمرا وثقيلة
اذا مشيت على الدي يحفر الموتر يدفن قبل عن تحط على الان

[asdali]

السلام عليكم

جزاك الله خير وبيض الله وجهك

اخوي جربت الحركة هذة في الاف جي مامشت معاي جربتها في منطقة رملية اسمها البدايرفي الامارات الرملة حمرا وثقيلة
اذا مشيت على الدي يحفر الموتر يدفن قبل عن تحط على الان

وعليكم السلام وجهك ابيض اخوي

كم كان ضغط الهواء ؟ ياريت تصور المقطع فيديو من جميع الجوانب عشان اعرف ايش السبب . الشي الاخر اخوي الكفر المفروض يكون منسم الا اذا كنت قريب الطريق .

بانتظار ردك ولك اطيب تحية

[اكسبلورر احمر]

فكره حلوه الله يعطيك العافيه
وانشاء الله نجربها يوم الخميس

[مغلي]

الله يعطيك العافيه
ويجزاك خير
مجهود تشكر عليه

[عزيز نجد]

الله المستعان ذكرتني بغونان وايام غونان
الله يذكر ذيك الايام بالخير "خوش بر"

الطريقه اذا ممكن تمشي بدون تنسيم تكون فعلا عمليه اما بعد التنسيم 15 المفروض ما تمسك موترك حتى الرباضة ولو كانت في غونان

الا في حالة كونك متعمد انك تاقف فيها علشان تبين الطريقة

الصراحة لي عتب على بعض الاعضاء , انه ما يكلف على نفسه يقرا الموضوع كامل ثم بعد ذلك يرد وينتقد

عموما مشكوور اخوي ما قصرت

[asdali]

اكسبلورر احمر
مغلي

الله يعافيكم وياريت تجرب الطريقة ببطء شديد جدا غير اللي سويته انا في المقطع وكثر الوقفات لين تتعود عليها .

اطيب تحية

[asdali]

الله المستعان ذكرتني بغونان وايام غونان
الله يذكر ذيك الايام بالخير "خوش بر"

الطريقه اذا ممكن تمشي بدون تنسيم تكون فعلا عمليه اما بعد التنسيم 15 المفروض ما تمسك موترك حتى الرباضة ولو كانت في غونان

الا في حالة كونك متعمد انك تاقف فيها علشان تبين الطريقة

الصراحة لي عتب على بعض الاعضاء , انه ما يكلف على نفسه يقرا الموضوع كامل ثم بعد ذلك يرد وينتقد

عموما مشكوور اخوي ما قصرت

حياك الله اخوي عزيز

اجل ذكرتك بغونان .. هذا حال الدنيا ما تستقر على حال فسبحان الله

الطريقة ممكن تمشي بدون تنسيم بس لا متار محدودة يعني تصلح لما تكون قريب الطريق . بالنسبة لغونان مثلك عارف كبيرة حيل . والرباضات من مكان للثاني تختلف عن بعضها , وياريت تنسق معي اذا لك جية للشرقية اوديك نفس المكان وانا متأكد ان مكان التصوير ما طبيته من قبل وراح تقنع ان شاء الله .

شاكر لك المرور والتعقيب واطيب تحية .

[دل البحار]

ماشاء الله عليك انت وسيارتك الله يقنيك بركتها

[الذيب 502]

أولا جزاك الله خير

وبيض الله وجهك

بسألك سؤال

انا قد غرت تغريزه غبيه جدا

مره كنت امشي في نفود في الجبيل

المهم طحت في رباضة من قوتها انها مسكت الكفرين الي قدام يعني نص السياره مغرز والنص الثاني لا

ووقفت السياره كاملة تخيلت الموقف

امشي في الرباضة ثلاث ارباع ساقي يدخل فيها

في الحالة هذي وش اسوي ؟

أنا من حسن حظي كان في بلك وحطينه تحت الكفرات ورجعت

طيب لو مافيه بلك وش اسوي ؟

[ولد وايل..]

ياليتك حطيت منقووووول...

وإن كان انت دكار اللي بمنتدى السيارات يايت وضحت...!

[ابوصالح77]

يعطيك العافية
أوووه يابر الشرقية والربضات
وطريق الرياض الدمام أبو النكبات
بالتوفبق

[ابو العز بلس]

وعليكم السلام ورحمة الله وبركاته


اعتقد على كذا ان الكفر يبي يحفر ...؟

[قرم العيال]

هذا اسمه فن القياده

الواحد إذا غرز عطى الموتر كل ما بطنه ويبوش ويحفر زياده !!

[الخيمة والذرا]

عندنا في الرياض




اذا رويت التعوس من المطر تلقى الكامريات والكوريلات تناطع الجيوب ..


ومعروف ان طعوس الشرقيه دائما بها رطوبه بسبب قربها من البحر ..


والا الباجيرو معروف ان دبلاته قويه لكن كلتشاته ضعيفه واي غراز قوي يخلف الله على الكلتشات ...



تقبل تحياتي ونجرب ونشوف الدنيا تجارب وانا خوك ما قصرت يمكن فكرتك هذي تنقذ بعد الله انسان في احوج ما يكون ....




ألف شكر اخي السدالي على المعلومات والتعب لأجل انك تجيب حاجة تنفع بها اخوانك في المنتدى..
وهذا واضح من إحتسابكم وتصويركم



أما اخي aooa


فاقول لك لا توهق برمل السواحل هذا الرمل مو على الساحل على طول وانما هو تكونات رملية من الذواري


وهي طبعاً ما يحتاج اعلمك عن الذواري


في يوم من الأيام ما طلعنا إلا الدفاع المدني ..نتمشى على قولتك بهاك النفود اللي ما مثله في منطقة ساحلية لكن بعيدين عن البحر شوي ....قل ثم


والله وتهبك السفاري بجزء من الثانية على بطنها ..لزق على الرمل يا ولد ما ينفع تنسيم ولا غيره وش السواة ...هه قل ثم


والله ويلهمنا اله ونتصل على الدفاع المدني ..وجانا رجال شروى هالوجيه قروم من جد معهم مقطية طولها حوالي الخمسين متر ويالله يالله بكل الوسائل طلع الموتر ....


فلا تتوهق توهيقتي نصيحه ...كانت فكرتي مثلك ان السواحل رملها حليل ............................................لا والله مفارقها

[السليطين]

مشكور اخوي على مجهودك ...

لكن السياره مازالت تمشي ... ليش انت توقف ؟؟؟؟ خلاص مادام السياره تمشي كمل دربك ..

بعدين الطريقه لم اقتنع فيها . لاني حاولت اجربها وما اشوف فيها شئ مميز .

اذا غرز الموتر اكيد اذا دعست بقوه بيغرز الموتر . واذا سايسته يبي يطلع معك .

انت بالمقطع تسايس الموتر . لكنك توقف شوي وبعدين تكمل . يعني الموتر لم يتوقف اصلا . مازال يمشي .
لكن لو توقف مكانه وماتحرك اكيد ماراح يمشي ..

مره اخرى اقول لك شكرا ..

[AL NADER]

عافاك الله..

[ونش]

الموضوع قديم ليه يرفع