كاميرا ديجيتل متعددة المواهب وبسعر معقول

[راعي عنيزة]

http://uk.europe.creative.com/products/img/products/pic_prod283_lang1.jpg

هذه الكاميرا من كرييتف تتميز بعدة وظائف

- ذاكرة الكاميرا 16 ميجا وتخزن لقطات ثابته (صور)
200 صوره على وضوح 640 في 480
100 صوره على وضوح 1024 في 768
20 صورة على وضوح 1280 في 960

- درجة الوضوح 1.3 ميجا (وهي تعتبر جيده بالنسبه للكاميرات الاقتصاديه)

- تسجل الصوت رقميا لمدة ساعه كامله وبامكانك تفريغ التسجيل على الكمبيوتر بنفس الصفاوه

- تسجل فيديو لمدة 75 ثانيه مع امكانيه تسجيل فيديو مستمر في حالة ربط الكاميرا بالكمبيوتر

- تعمل كاميرا انترنت وبامكانك استخدامها في برامج المحادثات مثل البال توك والياهو مسنجر

- امكانيه اخذ لقطات متتابعه اتوماتيكيا

- مزوده بفلاش ومانع احمرار العين

- حساسية الضوء 10 لوكس

- سعرها حاليا بحدود 450 ريال

- الكثير جربوها ويثنون عليها

http://www.americas.creative.com/images/products/249header.jpg

[شقران]

عشت يابوحمد ماشاء الله درجة الوضوح 1.3 ميجا (وهي تعتبر جيده بالنسبه للكاميرات الاقتصاديه)
مهيب هينه اجل بارك الله فيك ياغالي بس الا صملت وخذتها قلي تستاهل ولا:p :p
تحياتي لك ياغالي

[عبدالعزيز الدباسي]

تسلم يا ابو حمد على هالمعلومة ، وبارك الله في جهودك

واعتقد انك من الناس اللي تهوى الأوائل فانت سجلت اول موضوع في الخيمة الجديدة .


<CENTER><P><IFRAME WIDTH=65% HEIGHT=240 SRC="http://shagrdi.jeeran.com/shegardi1.swf"></IFRAME><BR></CENTER>

[البتار]

على هالحاله يبيلنا عشر للمحل الله لا يهينك وأغديك تجدعلنا

[هو وعصاه]

السلام عليكم من عضو جديد ومرحبا للجميع
الحقيقة شدني موضوع الكاميرا الرقمية من راعي عنيزة واود التأكد من السعر هل هو بالريال او الدولار مع شكري الجزيل

[الخبير]

السلام عليكم
كمرة جميلة و مواصفات حلوة ، لكن ممكن سؤال : كم دقة التصور الفيديوفي الكمرة ذي؟

[راعي عنيزة]

شقران #
باذن الله يا خلفهم اول ما تجي نطقها تصوير للبورد الي انت خابر


شقردي#
الله مير يسلمك وتفكا لا تجيب طاري الاوائل ترا العالم حاقدين على صالح كامل واخاف يحسبونن تبعه :D


البتار#
سم يابو عبدالقدوس بجيب لك 15 وبحسبهن ب 300 ريال بس اصبر لنا نفتح محل بالبديعه وبسميه البنار للاتصالات (مهوب البتار) وبحط نفس شعارك واطق لوحه على الباب (لا يوجد لدينا فروع اخرى ونحذركم من المقلدون ) ;)


هو وعصاه #
ياخوي السعر بالريال السعودي وتراني غلطان فيه
السعر الصحيح 540 ريال وليس 450 والعتب على الكيبورد :)


الخبير #
عليكم السلام هلا بخلف الثمامه عساك شريت امبي واستعديت للمراسله ;)
دقتها 1.3 ميجا بيكسل

[الخبير]

هههههههههههههههه
يا طويل العمر 1.3 ميغا بكسل هذي دقة الصور( مربعات ) ، لكن تصوير الفيديو يختلف فمثلاً ككمرات الفيديو الرقمية المعروفة تصور بدقة 320 في 300 تقريباً.

[ابو نواف]

السلام عليكم



الله يعطيك العافية يا ابو حمد
:good:

[راعي عنيزة]

الخبير #
تراني غشيم بالكاميرات يا خلفهم :)
تصور فيديو على دقة 640 في 480 لكن الصوره تتكسر وايضا تصور على 352 في 288 صافي

ابو نواف #

الله مير يحييك ويبقيك

ولمشاهدة صور مأخوذه من الكاميرا يا حبايب ارعصو تحت
http://www.mekshat.com/vb/showthread.php?s=&threadid=2556

[أرض الحجاز]

يا سلام جميلة جدا في لتصوير والله حلوه
موجودة في أسواق الكمبيوتر في الرياض ولا لا

[السكب]

تسلم على المعلومات الطيبة........ياراعي عنيزة
لكن وين نلقاها ...تكفى عطنى خبر

[راعي عنيزة]

الاخوان عزيز والسكب

حياكم الله ومشكورين على المجامله والكاميرا فعلا موجوده في الرياض وتتوفر في محلات حراج الكمبيوتر في العليا

[فتى الوادي]

السلام عليكم

أنا شخصياً لا انصح بموديل كرييتف موديل PD-1060

فصورها ردئية جداً جداً ..... وسعرها 325 ريال من الشدادي للكمبيوتر بالرياض

وهذه صورتها ....

http://www.mekshat.com/pix/gallary/data/images/mot66.JPG


http://www.mekshat.com/pix/gallary/data/images/mot77.JPG

[ذيب البر]

هلااااااااااااااااااااا فيكم

حبيبي راعي عنيزه مشكور على ذا المعلومات

ما يميز الكاميره تعدد الميزات فقط وألا التصوير الديجتل لا تتعدى السوني لو تدفع الشيء الكثير

واسأل مجرب بس يبيلك تطمر الالفين بشوي

[راعي عنيزة]

صادقين الكاميرا بعد التجربه طلعت خرطي واي كلام :)

لكن المشكله ان الكاميرات الزينه اسعارها نار ومثل ما تفضل الاخ انها فوق الفين ريال واعتقد الماركات المتخصصه في التصوير مثل كانون ومنولتا افضل واكثر تطور من الماركات العامه مثل سوني وhp

[القماري]

أخوي راعي عنيزة يسعد الله أوقاتك والجميع بخير
أسمح لي في ذي المداخلة بخصوص المنولوتا وال HP الصراحه أخواني أثنينهم واحد عنده منولوتا والثاني HP وبصراحة المنولوتا رهيبة مرة وفيها مميزات موصاحية بس أعتقد إنها معقدة بزيادة وتحتاج واحد خبير أكثر من هاوي . لكن ماشاء الله أخوي الثاني معاه ال HP وخذ منها صور على كيف كيفك ولا أسهل من جميع النواحي سرعة جودة وسهولة في التصوير والتحميل والعرض وتقريبا تستعمل في الاسبوع سبع أيام وكادها في البر والبحر والحضر عكس المنولوتا إلي ما تطلع سوى في المناسبات. :p

[البتار]

حيا الله الشباب ... الصراحة انا اجتهدت ورحت أحوس في هالنت وحصلت هالكمرة والظاهرة من النوع الممتاز عاد انتم شوفوا مواصفاتها واحكموا بأنفسكم .

هذي صورته وطبعاً تراها من سوني
http://www.sony-middleeast.com/arabic/digitalcam/images/DSC_F707.gif

وهذا ملخص مزاياها :


HAD CCD فائق 2/3 بوصة
إجمالي عدد البكسل - 5.24 مليون
عدد البكسل الفعال - 5.02 مليون
أقصى حجم للصورة 2560 × 1920
زووم بصري 5× (زووم رقمي بدقة 10×)
عدسة كارل زايس
خاصية التصوير الليلي
خاصية التصوير في الظلام الدامس
بؤرة تلقائية للصور المجسمة
خاصية ألوان نقية منخفضة الضوضاء
مغلاق بطيء منخفض الضوضاء للقطات الليلية
معالج ممتد رقمي 14 بت
فلاش سابق التجهيز
وضع تعريض يدوي
قياس الضوء
أفلام MPEG ممتدة
تحريك الصور
توافق مع إنفوليثيم من السلسلة [M]
ضبط حساسية متوافق مع معايير الأيزو (ISO)
موازنة اللون الأبيض (تلقائي/في الأماكن المغلقة/في الأماكن المفتوحة/ إيقاف)
مزايا وضع البريد الإلكتروني ووضع النص ووضع المذكرة الصوتية
التقاط صور بتنسيق TIFF
زووم إعادة عرض التسجيل لمشاهدة الصور التي تم التقاطها
شاشة LCD‏ 1.8 بوصة
وحدة يو إس بي طرفية
مخرج الصوت/الصورة
الملحقات المصاحبة:
شريحة ذاكرة 16 ميجا بايت ومهايئ تيار متردد وكابل الصوت والصورة و بطارية NP-FM50 وكابل يو إس بي
البرامج المصاحبة
أسطوانة مدمجة واحدة عليها برامج MGI PhotoSuite وMGI VideoWave وبرنامج تشغيل يو إس بي

[راعي عنيزة]

القماري
هلا هلا بالغالي وكل عام وانت بخير
صحيح صحيح كل ما زادت المميزات زاد التعقيد واصلا الكاميرات هذي للمحترفين وليست للملحطين مثلنا :)
وانا تعجبني كانون خصوصا النوع G3 احس ان مواصفاتها خياليه
وياليت تذكر لنا نوع ومواصفات وسعر كاميرتك وهل فيها زوم ؟ ويا حلالات لو تحط لنا نماذج من تصويرها لان اخوك ناوي يشتري كاميرا ولا وده يتوهق مثل ما توهق في الكرييتف :rolleyes:


ابو عبدالله
وش خليت مواصفات طياره مهب كاميرا :p بس المشكله سعره سعر موتر :D