المساعد الشخصي الرقمي

مشاهدة النسخة كاملة : عيد الفطر 1425 وين تكشتون وين تروحون وش تنصحون به ؟


BASSAM
09/11/2004, 09:48 AM
اخواني

السلام عليكم ورحمه الله وبركاته

كل واحد يعطينا خطته للعيد (قصدي الرحلات فقط) استكشاف او كشته او وش ينصح نروح له في هذه الاجازه ؟

بالنسبه لي ابروح انشاء الله الى حرض وما حولها وش تنصحونن اشوف في هذه المناطق ؟

محبكم بسام
وجيه 11
09/11/2004, 03:27 PM
البر و الرحلات زينة في كل مكان ، إذا كان هالمكان هادي وبعيد عن الناس ، والله يجيب الخير والمطر .

لكن النصيحة يا أخوان انك في البر " لا تقتل إلا الفراغ ، و لا تترك إلا آثار قدميك "

أنا من جهتي ناوي الكشتة في الوشم ولا شيئ غير الوشم سهل وجبل ورميلة .

وبالنسبة لحرض أعتقد أنها قريبة من الدحول في الصمان ، بس لازم معك سيارة تكانة حتى تعبر الرمال الي بينك وانت في

حرض وبين الصمان واضنها رمال الدهناء والي شافوها يقولون أنها تروع من الهدوء والجفاف والصعوبة . كما ان الدحول

نفسها صعبة بالحيل ولا يمكن الدخول فيها من دون تجهيزات خاصة من حبال وتدريبات على التسلق وغيرها .

تمنياتي للجميع برحلة هادئة وممتعة :)

اللهم أغثنا ... اللهم أغثنا ... اللهم أغثنا
شاهد عيان
09/11/2004, 04:50 PM
أنا أشوف إن موقع ( أم دباب ) أفضل مكشات في القصيم حيث يجتمع شباب من القصيم ( بريدة وعنيزة والمذنب ... ) وكذلك من الرياض ومن محافظات الرياض الزلفي المجمعة الغاط وشقراء إلخ ...

وهذا التجمع يتم فيه صعود نفود أم دباب بواسطة مرهمات ودبابات بأنواعها البانشي والخاطوف وكذلك وجود الألعاب النارية ..

إذا كنتم قريبين من الموقع لا تفوتونه تراه وناسه وتشوف عالم أهم شيء الضحك عندهم

وإذا تبي شوري رح بتاريخ ثاني العيد 2- 10-1425

ولي موضوع مستقل بهذه الساحة
آل حسين
09/11/2004, 09:09 PM
السلام عليكم
اخوي وجيه
الوشم ماشاء الله
وش خليت
يازين ذيك الديار
هضبة حمراء ونفود زين وشعبان زينه
وشف الصورة اللي في التوقيع على النفود حول ثرمداء
وعسى الله يجيب الامطار ويعم الخير
وجيه 11
09/11/2004, 10:09 PM
آمين ... آمين ... آمين

ثرمداء والله وش خليت يا آل حسين المكان هناك عجيب أنا أزوره باستمرار .

لا وفيه مكان قبل ثرمداء أسمه النخيل ، شعيب جميل جدا وفسيح فيه أشجار ممكن الواحد يوسع صدره بالساكتون ويصيد من

هالطيور له أو لبزرانه ، وهذا المكان قريب من الخط المزفلت . وبالتحديد بعد ما يجيك نقطة التفتيش الي بعد ضرما بحوالي

100 كم وهي نقطة تفتيش مرات وعندها مفرق طريق زراعي على اليمين لو تلف معه يوديك لثرمداء ولو بتلت بعد النقطة

تروح لشقراء الي قبلها مرات أنت بعد النقطة لاتبتل ولا تلف يمين ! لكن لف يسار بعدما تجيك العبارة الي بعد التفتيش تلقا

طريق ممهد يدخلك في الشعيب كلما تقدمت يستاسع المكان وفي هذا الشعيب موقع يقال له البسيتين . ما له داعي اتفلسف عليكم

اسمه يوضح طبيعته . :good2:

لكن المكان الجميل الي ما يختلف عليه اثنين هو شعيب الشمس قرب الدبيجة وأم سليم هذا المكان رائع لكنه ما يصلح لأهل

الجوالات " ما فيه إرسال " كينوود ويالله يخدمك .
صقر
09/11/2004, 10:16 PM
السلام عليكم

بالنسبة لي شخصياً .. والله الجو ما يساعد فالجو حار وما هنا ربيع حولنا.. واعتقد ان الوقت ما زال مبكرا للرحلات البرية .... رغم الاجازة.

وشكرا لك اخوي بسام على طرح الموضوع.
أبو فراس
11/11/2004, 06:03 AM
السلام عليكم ورحمة الله وبركاته

بالنسبة لي ما اشوف اوفق من عنيزة وبخيمنا حتى نشاهد اجتماع العائلة كلها مع الاصحاب

ما نفرط بهالاجتماع ابد

وبعد اسبوعين ان شاء الله راح يكون حلال
آل حسين
11/11/2004, 06:20 AM
السلام عليكم
اخوي الوجيه انا العام منزل موضوع للبسيتين والشمس والشميسه مع الصور
http://www.mekshat.com/vb/showthread.php?t=15071
وروضة القاع في ثرمداء مع الصور وهي مليانه ماء في شهر 11 وبعد الربيع في شهر 1
http://www.mekshat.com/vb/showthread.php?t=17543
وتراني من ذيك الديار واعرفها ومن ثرمداء بالتحديد
والصورة في التوقيع للجيب الباترول على نفود ثرمداء بتاريخ 25-11-1424هـــ

اخوي صقر الجو هالحين زين وبالذلت في الليل على النفود مع انك اذا انتصف الليل لازم تتدفأ ويمكن تشب الضوء
فلا تخلي جلسات النفود وانا اخوك يازينها وعسى الله يشرح صدورنا بطاعته
BASSAM
11/11/2004, 04:14 PM
شكرا يا اخوان كل من شارك ومر على الموضوع

والقصد منه هو تبادل الافكار مثل ما سويتو يا شباب وكل الاماكن اللي قلتو ممتازه وحلوه 0

نتظر مشاركات الشباب الباقين

الشكر للجميع
تركي الضرغام
11/11/2004, 07:10 PM
السلام عليكم ورحمة الله وبركاته
أنا مكشاتي السنه هذي أن شاء الله وإن كاننا من الحيين النفود الكبير اللي أشوفه أنه أفضل شي لأن الأمطار جايه هاك الدير قبل المناطق اللي ذكرو الشباب ونصيحتي إذا صرت تبي تكشت بهالعيد مالك إلا النفود لأنه ونيس شوي بدون تحديد أي نفود (( مثل نفود الدهناء )) وغيرها أما عن حرض فمالي أي خلفية عنها

وبتوفيق للجميع وعيد سعيد وكل عام وأنت بخير
slamah
13/11/2004, 09:15 PM
أماأنا بالنسبه لي فأنا من ثاني يوم العيد طالع أنا والعيله الى محمية حرة الحرة إنشاء الله
عاشق مرات
18/12/2006, 01:00 PM
اذاكنت قريب من منطقة الوشم فانصحك بشعيب الشمس والشميسه والبسيتيين وابو الحيران وروضة القرعاء(روضة الشمس) لأنها جميعها ماشيه والروضة مليانه بالماء
التابعه لمنطقه (مرات)