جيب سنتافي بالبر [الأرشيف]

سنتافي

09/11/2004, 06:37 PM

السلام عليكم

كيف الحال وش الاخبار وش العلوم عساكم بخير انشاءالله
اليوم حبيت اوريكم صور للسنتافي الجيب بالبر عشان ادري البعض موهب قادر يتصور هذا الشي :p

http://www.aaafamilysites.com/family/mschuilwerve/images/uploads/photoalbum/full/2Jan2003_Desert_cropped.jpg
http://www.aaafamilysites.com/family/mschuilwerve/images/uploads/photoalbum/full/SUV_sup_on_the_dune.jpg

صح يالسنتافي :director: العب العب العب :dance:

http://www.mekshat.com/pix/upload/images5/mk8041_1121.JPG

أبو أسامة

11/11/2004, 02:07 PM

بس ماقلتلنا هو ثقيل بالبر والا لا؟
وتراني معك أن أي سياره دفع رباعي تصلح للبر . إذا كانت مرتفعه ووزنها خفيف على المكينه ؟ هذا هو الشرط الرئيسي وبس .
أنا مثلاً سيارتي نيسان أكس تريل غريب صح :eek: أتحدى فيه أهل gxr بس الفكس آر لا والسفاري الجديد لا ليش لأن وزن سيارتي مناسب للمكينه مثل ماهو وزن الفكس آر مناسب لمكينته والسفاري أيضاً بس الجكس آر وزنه على المكينه ثقيل مره خاصه التماتيك .
ماقلتلنا عن الخرابات عندك والا ؟ الله يكفيك شرها .
أنا بعد كل طلعت بر لازم أغير الربلات اللي تحت المكينه وربلة الشكمان . سواقتي بالبر مهبوله ادور الصعب وادعس له .. :looney:
الله يعطيك خيره ويكفيك شره
وكل عام وأنت والمسلمين بألف خير وعافيه

SilverSniper

11/11/2004, 04:13 PM

أخوي أبو أسامة.. الفرق ماهو كبير بين الفكسار والجكسار في المكينة... مكينة الجكسار 4500 ومكينة الفكسار 4700.. صحيح الفكسار 8 سلندر ولكن حجم السلندر والبستم صغير جداً مقارنة بسلندر مكينة الجكسار 6 سلندر.. ولو تلاحظ الأحصنة ما فيه فرق كبير..
الربلات.. انتبه لربلات عمود التوازن وربلات الشيالات .. المطبات شينه عليها..
الأخ العزيز سنتافي.. آسف جداً.. لا أزال غير مقتنع.. لكن مشكور على الصور.. :)

سنتافي

11/11/2004, 06:40 PM

مشكورين وماقصرتو على النصايح الحلوه اولا هذه الصور لقيتها في منتدى اجنبي مخصص لهذه المركبه فقط وهي صور لزميل لي في المنتدى انا مجرب بموتري وانا اقولك رحت فيه اماكن كثير بالبر وخاص بالرمال اول قبل مايكون هذا الموتر كان اكره ماعلي اني امشي على الرمل لانه كان لازم ياتكون ماخذ عزم او تقعد تثقل وتخفف وتشيك التنسيم وتقعد نتسم وجع الراس اما هال الموتر صح انه مهب ذاك الارتفاع بس تراه فيه ميزه ان وزنه خفيف والمحرك جميل وعزمه قوي لانه V6 ونظام الدفع حقه الكتروني رباعي يعني هو يتحكم بالكفرات ويوزع الدفع على الكفرات الاكثر ثبات وهذه الميزه برأي اذا اجتمعت مع محرك جيد كافيلانه كما هو معروف الذكاء يغلب العضلات لكن هي المشكله الوحيده والتي انا اعترف بها هي مشكلة الحساسات العديده بسبب النظام الالكتروني يعني اعطلها موجوده لكنها مهب كثيره لكن الكمبيوتر بعيد عنها واذا عندك ضمان الوكيل يغيرها من دون ماتدفع شي وهي سعرها عادي مهب غاليه

ومن العايدين

ftoosh

11/11/2004, 09:54 PM

السلام عليكم اشلونك اخوي الله يعطيك الف الف الف الف الف عافيه وماتقصر جزاطك الله الف الف خير ومشكورررر الاصراح الجياب وااايد روعه بس وايد حلوووووو

سنتافي

12/11/2004, 01:56 AM

مشكور اخوي وما قصرت ايه هذه الردود الحلوه الي تفتح النفس اقول من العايدين

SilverSniper

14/11/2004, 11:36 PM

سؤالين بسيطين يا سنتافي.. أرجو الاجابة عليهما بنعم أو لا فقط.. :)
هل ذهبت عليه لنفود صعافيق ( أم دباب مثلا ) ؟؟
هل قطعت عليه شعيب يمشي وقت السيل؟؟
تذكر.... نعم أو لا فقط..

سنتافي

15/11/2004, 08:10 PM

جـ 1 : لا
جـ 2 : لا

ترى انا ماقلت انه اقوى جيب في العالم انا اقول انه ما قل عن اي جيب من فئته بالعكس رأي انه الافضل وانا عارف انت لوين ترمي
بس انا بسألك سؤال وابيك تجاوبني عليه بنفس الطريقه نعم او لا
س : هل انت قد جربت الموتر السته سلندر منه ؟ ;)

http://www.mekshat.com/pix/upload/images5/mk8041_1121.JPG

SilverSniper

16/11/2004, 12:12 AM

جواب سؤالك أخوي سنتافي هو لا والسبب أنني لا أثق بالكوري
أما ان الجيب اللي يقطع الشعيب والا يروح لصعافيق فما له لزوم يكون أقوى موتر في الوجود.. لكن يكون موتر يعتمد عليه.. الهايلكس يقطع الشعيب ويروح لأم دباب وهو 4 سلندر ودفع خلفي بعد.. وأنا رحت عليه وعلى شفر 77 وعلى لاندكروز93 وقطعت بهن شعبان ورحت لأم دباب وللصمان لأني أثق فيهن وعارف انهن يعتمد عليهن.. لكن أنت يا خوي سنتافي تحكم على موترك من الصور والمجلات والدعايات وما جربته تجربه تحكم عليه منها صح..... أنا سحبت منه موترين واحد طافي بشعيب الحثاقي وقت السيول والثاني متعلق في الشوكي بسبب ارتفاعه المنخفض وهذا اللي خلاني ما أثق فيه..
كان ممكن أناقشك عن امكانات السنتافي وأقصى قدرته..لكن أنا أكتفي باجابتك على السؤالين.. No Further Questions your honor :)
تحياتي أخوي العزيز سنتافي..

سنتافي

16/11/2004, 12:46 PM

No Further Questions your honor

اقعد بس صح يالمسكت :good:

شوف انا ما قد رحت للاماكن الي انت ذكرتها بحياتي فا عشان كذا اقولك ما ادري لكن انا قد رحت فيه اماكن رمليه و رمل رمل وكان ولا اروع ابد ما تحس انك تمشي على رمل لكن مشكلة ارتفاعه او بالاصح انخفاضه هذه مشكله مدوختني لاني ممكن ارفعه بس ابي اخسر ثباته على الخط (صاحب خطوط الرجال ) :p وهذا طبعا كلام الوكاله ويوم حسبتها لقيت فعلا انا اطلع الخطوط اكثر من البر لكن انا ودي لو فيه طريقه اقدر ارفع الموتر فيها وانزله متى ما ابي

بن عدوان

16/11/2004, 02:29 PM

والله أنا أعتقد يالسنتنافي .. أن هالسيارة ما ينشد بها ظهر ... في الصحراء ...

يمكن طعس بها بعد المطر ... أو في الشتاء البارد والرمل بارد ..

في الاراضي المسطحة .. لأن خلوصها عن الأرض لا يؤهلها إلا لذلك ..

أما في النفوذ .. وفي الصيف .. فلا تغامر ..

أخوك بن عدوان

للبيب

16/11/2004, 06:56 PM

الله يبارك لك في موترك
لكن اعتقد ان الجيب مهوب اي شركه تصنعه وينجح على طول يا راعي شقراء

SilverSniper

16/11/2004, 11:08 PM

أخوي العزيز سنتافي... موتر تعتمد عليه أنت كاستخدام يومي بالديرة والخطوط.. نصيحة مني لا تبدل ولا تعدل فيه شي أبداً.. حتى ان كان هالكوري..
لكن ان كنت راعي طلعات وروحات وجيات.. ومضايقك انخفاضة وحساسيته.. أنصحك تاخذ موتر اضافي.. رانجلر مستعمل أو ربع تويوتا أو ربع باترول.. عدل فيه وركب توانك وونش ومساعدات على راحتك واطلع عليه... وخل السنتافي زي ما قلت يا طويل العمر للخطوط والطلعات الهينة.. لأني متأكد انه ما راح يتحمل صعافيق ولا الصمان.. أنا رحت لها وعارف خشونتها ووعورة طرقها ..وأم دباب المشهورة موجودة في نفود صعافيق.. اذا رحت لها مرة صدقني بتحبها وتروح لها كل ما سنحت لك فرصة.. أنا طلعت لها ثاني العيد وثالث العيد واليوم.. مرهمات.. تطعيس .. ألعاب نارية .. دبابات.. تحديات.. مخيمات.. سعة صدر بمعنى الكلمة.. جب لك موتر يروح وأنا مستعد أدلك عليها وأعطيك احداثياتها وأوصف لك طريقها.. ولو تبي أمشي قدامك أنا مستعد :).. لكن لا تروح على السنتافي لأنه راح يتحلحل ويتعلق وينحاس.. صدقني.. صعافيق مهيب هينة ورملها مهوب سهل.. ووعر بشكل ما تتصوره.. حرام تروح عليه ويندمر لأنه ما يتحمل..
وحرام تحوس الكترونياته بالسيول والوديان وهو جديد وانت عارف انه ما يتحمل الماء.. مجرد نصيحة أخوية ويا هلا بك والله ومرحبا :)

الاحداثي

17/11/2004, 01:33 AM

اقتباس
( لكن لا تروح على السنتافي لأنه راح يتحلحل ويتعلق وينحاس.. صدقني.. صعافيق مهيب هينة ورملها مهوب سهل.. ووعر بشكل ما تتصوره.. حرام تروح عليه ويندمر لأنه ما يتحمل..
وحرام تحوس الكترونياته بالسيول والوديان وهو جديد وانت عارف انه ما يتحمل الماء.. مجرد نصيحة أخوية ويا هلا بك والله ومرحبا)

مع التحية والإعتذارللأخ المبدع سيلفر ........

سنتافي

17/11/2004, 04:25 AM

مشكورين شباب وماقصرتو بصراحه اثلجتو صدري بالردود الجميله و الشور الزين وانشاء الله اخوي سنايبر اول ماتجيني فرصة طلعه للبر واتجهت لصعافيق انشاء الله بتكون اول من يعلم ومشكور وماقصرت وكثر الله من امثالك ومن امثالكم كلكم

والسموحه اذا ظايقتكم

راعي العزبة

18/11/2004, 07:14 AM

ماشاء الله يا (اخوي السنتنافي) الله يعطيك خيره ويكفيك شره
جيب جميل وردود نافعة والأجمل مشاركتك

سنتافي

19/11/2004, 04:39 AM

السلام عليكم
معليش شباب انا عارف اني غثيتكم بهال موتر بس ودي انكم تشوفون اخو موتري وش مسوي لاني انا منب مصدق

http://www.klostermaier.de/santafe/offroad/or02.jpg http://www.klostermaier.de/santafe/offroad/or03.jpg

http://www.klostermaier.de/santafe/offroad/or04.jpg http://www.klostermaier.de/santafe/offroad/or05.jpg

http://www.klostermaier.de/santafe/offroad/or06.jpg http://www.klostermaier.de/santafe/offroad/or07.jpg

http://www.klostermaier.de/santafe/offroad/or12.jpg http://www.klostermaier.de/santafe/offroad/or08.jpg
http://www.klostermaier.de/santafe/offroad/or16.jpg http://www.klostermaier.de/santafe/offroad/or14.jpg http://www.klostermaier.de/santafe/offroad/or15.jpg

و هذه ردت فعلي :eek:

سنتافي

08/12/2004, 11:43 PM

وين الناس رد يعني انتقاد طيب

902

10/12/2004, 05:20 AM

السلام عليكم

هونداي سنتافي ممتاز والكوري عموماً تطور بشكل كبير في الفترة الاخيرة

بالنسبة لاداءة في البر

الصراحة تعتمد على السواق بشكل رئيسي

تحياتي
محمد

سنتافي

10/12/2004, 05:19 PM

.مشكور اخوي عل الرد :good2:

سانتافي 2002

14/12/2004, 11:21 PM

أنا أشهد أنه موتر .....
وأن كل أسبوعين في طعوس الثمامة أغدي واروح بهالجيب وماشاء الله تبارك الله ،،،،،
الموتر مثبت جدارته وتراه موتر زين بالحيل ....
والتجربة خير برهان ....
واللي ماهو مصدقني .......
يواعدني في الثمامة ويشوف الأمور على حقيقتها ....

وأشكرك أخي سنتافي على هالصور الطيبة وعلى هالمشاركة المتميزة ......
وياهلا بك .......

SilverSniper

15/12/2004, 09:29 AM

حيالله الشباب..
ماش يا سنتافي :p .. هههههه.. حاولت معك يسار... فريتها يمين.. رفعتها فوق... ونزلتها تحت..:).. عجزت أطلع هالموتر من راسك :p هههههه
لكن أنا آسف جداً يا سنتافي.. لا أزال غير مقتنع.. مدري ليه؟؟ :).. يمكن عشان أنا شفت أداء السنتافي وما عجبني..
سانتافي2002... عفواً .. كأني سمعت غلط.. الثمامة؟؟؟؟؟؟ :p
الثمامة لو واحد معه كامري منسم لها تمشي وتروح ولا أزين منها...
الثمامة ماهي مقياس... اطلع لنفود صعافيق أو الصمان.. أو اقطع به شعبان.. مثل الشوكي أو مفيض سدحا أو شعيب الحثاقي.. وأقدر أقول لك انه زين..
عيوب السنتافي في نظري..
- طامن.. شوي الا يحك بالأرض..
- أنظمة الكترونية واجد وخرابيط مالها سنع في موتر بر..
- توماتيك.. في نظري عيب شرعي..
- مقصورة ضيقة.. حجم ما يساعد..
- كوري .. والكوري ما وراه عيشة..
- لا تستطيع اصلاحه في البر ان تعطل عليك شيء..البر ما فيه وكالة الوعلان
- صبر سيء وعدم قدرة على تحمل الماء..
وغيرها ... لا أريد الاطالة..
في رأيي.. الموتر هذا أصرف من السنتافي.. الصورة أنا مصورها بنفود صعافيق.. قريب من ام دباب ..
http://www.mekshat.com/pix/upload/images6/mk7239_hl.jpg

الموتر الماثل أمامك يا حضرات.. قام بسحب جيب باترول وجيب تريكان مغرزات بنفود صعافيق.. :)
سنتافي.. صور جيدة صراحة وتشكر عليها ولكن آآآسف جداً ان كنت جرحت مشاعرك ولكن ماش... ما هضمته.. جاب لي عسر هضم.. عيا ينهضم.. :)
مرة أخرى مشكور على تفاعلك والله يرضى عليك.. :)

سانتافي 2002

15/12/2004, 01:52 PM

آسف على ردي عليك يا سيلفر ((( بالعربي )))
الحقيقة اللي ما جرب لا يتكلم مع احترامي ..... طعوس الثمامة اللي تقول عنها ما هي شيء تعال وشوف سواقين يدقرون بها أحياناً .....
اما عن الموتر فإذا كان ما هوبداخل مزاجك فهذا شيء راجع لك .....
أنا بنفسي ساحب بموتري هالكوري باثفندر ثلاث مرات فوق الطعوس (((( وسواق الباث أمه والدته بطعوس )))) يعني سواق بحق وحقيق .....
إن صدقتني فكيفك ،،، وإن ما صدقتني فبهواك ...

حبيبي الكوري هذا والتيراكان يستعملونه عيال الوعلان اللي يملكون وكالة مرسيدس أو توزيعها في الرياض وهم راعين بران (((( صمان وغيرها ))))

متى ما جربته احكم ؟؟؟؟ وإلا أقولك خلك على هالموتر اللي قطعت به شعيب الصعافيق أو الصفاليق ؟؟؟

وأبشرك أنا قبل أسبوع كنت في وكالة الوعلان أسأل عن سنتافي 2005 قالولي نزلنا 12 سيارة عينة في المعرض وكلها نفذت في أقل من أسبوعين ....

الكوري هذا أزين من الفكس آر اللي صدامه طاح وانخلع من مكانه في الشارع والسيارة تمشي بأمان الله قدام عيوني بدون أي دقشة ولا مطبة ولا أي حاجة ..... ((( ياعيني عليك يا تويوتا يا قوية )))

الكوري رح شفه بصيانته وخدمة ما بعد البيع ،،،،، أعتقد أنه أفضل من وكالة الياباني اللي تجي السيارة شد بلد بأجهزتها وعدتها ويقوم الوكيل مشكور بفك المسجل وبعض السيارات بفك الجنوط وتنباع كإكسسوارات للسيارة ..... هذا شيء شاهدته بعيني مع بعض اخوياي اللي اشراله باث فندر مفكوك مسجله وجنوطه وتنباع له بفرق سعر حوالي 8000 ريال ..... وش رأيك ...

سنتافي

15/12/2004, 02:14 PM

اهلين سيلفر سنايبر وش العلوم

احب ارد عليك بس قبل ودي اهني اخوي سنتافي 2002 واقوله خلاص انت صديقي
http://www.mekshat.com/vb/images/smilies/icon15.gif

نعود الآن لموضوع الاستاذ سيلفر سنايبر و كان ودي لو انك سمعت كلامي وجربت الموتر لكن يله معليش

عيوب السنتافي في نظري..
- طامن.. شوي الا يحك بالأرض.. <= اي سياره طامره ممكن ترفع
- أنظمة الكترونية واجد وخرابيط مالها سنع في موتر بر..<= الالكترونيات هذه هي العقل او الذكاء الي قدر يغلب العضلات واهدارها للطاقه وللمعلوميه كل السيارات الجديده فيها هذا الشي
- توماتيك.. في نظري عيب شرعي..<= شفت يوم اني اقول لك جربه اولا هو مهب اوتوماتيك هو شفت ترونك يعني عادي اوتوماتيك وبتجربتي اصرف من العادي و الاوتوماتيك
- مقصورة ضيقة.. حجم ما يساعد..<= احب اقولك انه هو الجيب صاحب اوسع مقصوره في فئته و ما اضن انك افهم من الخبراء اقراء اي مجله اجنبيه لتصنيف السيارات وتبي تلقى هذا الكلام
- كوري .. والكوري ما وراه عيشة..<= كلامك صحيح لكن قبل اربع سنين وبعدين اذا ماكنت غلطان الكلام هذا كان ينقال على الياباني اول مبدأ انتاجه
- لا تستطيع اصلاحه في البر ان تعطل عليك شيء..البر ما فيه وكالة الوعلان <= اولا تراه سياره مهب اختراع غريب عشان مايتصلح الا بالوكاله ثانيا والله لو وش ما كان الموتر طبعا مايتصلح بالبر لانه مافي قطع غيار بالبر
- صبر سيء وعدم قدرة على تحمل الماء..<= معصي ماعندك سالفه انا الحين بديره ماتعرف التصريف ويوم امطرت وانا ما خليت مسبح الا وانا ماشي به لا وبعضها وقفت لفتره طويله نسبيا والما كان يغطي الفيبر الجانبي من ارتفاعه

وسؤال وشي الشركه الي الآن هي صاحبة اعلى نسبة مبيعات سيارات في المملكه لعام 2003 وبعدين ترى الوكلاء هم الناغي (الغربيه) الوعلان (الوسطى ) والمجدوعي

اما عن موترك الله يعطيك خيره ويكفيك شره هذا موتر بر صرف اما الموتر الي نتكلفم عنه ليس للبر صرفا .

والله الموفق الا حسن السبيل

http://www.mekshat.com/pix/upload/images5/mk8041_1121.JPG

سنتافي

15/12/2004, 02:30 PM

اخوي سنتافي 2002 هذه هديه لك تراها تصلح توقيع

http://tinypic.com/wr1gz

سانتافي 2002

15/12/2004, 02:45 PM

هلا باخوي الغالي
والله صورة جميلة وأكثر من رائعة مو تصلح توقيع وبس ...... تصلح أنها تكون شعار لمنتدانا الغالي بس يالغالي خويك عليمي بالكمبيوتر ما أعرف أسوي توقيع ولا أعرف أدرج صور بالمقالات ...

تكفى يا خوي أسعفني ....

وأقولك زودني بصور هالاكسسوارات للسيارة الغالية ....

تكفى يا خوي قلي وين أجيب هالاكسسوارات منه ؟؟؟؟؟؟
مثل هالصدام والسلة الفوقية ......

وأنا ودي أغير جنوطه أبغى أشكال حلوة ووين أحصلها .....

أرجو التواصل فانا في لهف لرؤية أشياء جديدة عن هالسيارة الحبيبة .....

SilverSniper

15/12/2004, 03:09 PM

يا هلا بكم جميع...
سانتافي2002:) .. وراك تشنجت الله يكافي الشر :)
وسع صدرك يا خوي... حنا أخوان ونتناقش بس..
الثمامة طول الله عمرك أنا ما أعتبرها مهيب دليل وبس.. أعتبرها مهيب بر أساساً.. ومع احترامي لرفيقك هذا راعي الباث.. هاللي ما شاء الله والدته امه بطعوس.. ويغرز 3 مرات ورا بعض .. وفي الثمامة.. :p ..هذا عطه كرولا وقله لا يتعدى الزفلت :)..
أنا صحيح ما جربت هالكوري.. لكن سحبت منه كم من واحد.. يا طافي بسيل.. والا متعلق بشعيب.. معي لاندكروزر فكسار 93 وشفر 77 ومرهم.. ماله لزوم أجربه وأنا ساحبه حتى وصلت به الزفلت..
أما انك تقارنه بالفكسار :).. منيب قايل شي. أترك المجال لأي واحد معه فكسار يرد عليك بذي.. وش جاب الثرى للثريا.. لا تناظر الديكور.. ناظر تحت الكبوت يا بعد الدنيا :)
أما كلامك عن وكالة واكسسوارات وغيره وخدمات ما بعد البيع فهذا ليس موضوع النقاش.. النقاش عن سنتافي هل يمشي بالبر والا لا.. فهمتني يا بعد الدنيا :).. نصيحتي لك.. أطلع به لأم دباب وشف هو يوديك والا لا..
حيا الله سنتافي.. كيفك طال عمرك.. اشتقت لك ولمناقرك يا بعد الدنيا :).. والله ولك وحشة يالغالي..
العيوب يا طويل العمر رديت عليها ولكن ملاحظاتي هي:..
العيب الأول... صح.. ممكن يرفع.. ولكن.. ماهي العواقب ؟؟
العيب الثاني..غريب صراحة.. ما كان هذا رأي اللي سحبته من الشعيب... لأنه احترق عنده شي لتوزيع الكتروني عشان دخله ماء.. :)
العيب الثالث.. تبترونك.. ألعن وأدق رقبه.. تماتيك بوجه ثاني.. أسرع للخراب.. عادي وبسسس !
العيب الرابع.. من فئته... ذي حط تحتها عشرطعشر خط..
الموتر اللي حطيت صورته مهوب موتري.. هذا موتر واحد من ربعي مهبول أم دباب.. مجرد هايلكس 85 أو 86 .. دفرنس واحد.. ومغير كفرات بس.. يعني لا مجهز ولا غيره.. وشفه بصعافيق.. يمشي ويسحب من هالجيوب.. الكلام على السواق مهوب على الموتر.. :)
حياك الله يا بعدي

سانتافي 2002

15/12/2004, 03:46 PM

اخوي سيلفر الحبيبيب
أولاً انا ما أقارن الفكس آر بالهونداي ... لا تفمهني خطأ ...
أنا أذكر لك هالسمعة اللي مشوهة عندنا عن هالكوري ما هي في محلها لأن الياباني الآن غدا ريشة في مهب الريح ......
ولا أتكلم عن ما تحت الكبوت ،،،، لأن اللي تحت الكبوت في الكوري مصدره ((((( متسوبيشي ))))) يا بعد حيي ......

أنا قبل ثلاثة أسابيع شاق بهالكوري مسافة ما لا يقل عن 60 كلم بر ما بين نفود وشعبان ناشفة وأراضي منخفضة ومرتفعة وبعد محمل اغراض وشباب .... والسانتافي يمشي ولا هي بعايقة معه بدون مبالغة ((( شقينا من منتزه سعد إلى رماح كلها بر )))) بس للأسف ما كانت معي كاميرا حتى أصور تلك الرحلة ..

وبعدين أحب أفيدك معلومة أنا ما أقصد طلعة السانتافي للطعوس مثل الشيروكي والربع والشاص ((( حاشا لله ))) لكن السانتافي يوصل للمكان اللي توصله الجيوب اللي ذكرتها ....

ودمت لنا يا غالي .....

وتراي منيب زعلان لكني أحب أني أوضح بعض الخافي عن عيون الناس ...

وسلامتكم ....

سنتافي

15/12/2004, 03:52 PM

هلا اخوي سنتافي 2002

اقول وشلونك وش الاخبار شف حبيبي الظاهر انه 2005 لاعبك شوي بس ماعليك تراها محلوله شف

http://tinypic.com/wr2nb

هذي الاصطبات الجديده مركبه على موديل 2002 ولا تغير الصدام ترى القديم احلى ليه علشان تسوي عبارتين شف انت فيه عندك 3 دخلات اوعفطات في الصدام الخلفي وحده في الوسط واثنين طارفين وحده من الطارفين عند العباره الاصليه اها شف فك الشكمان كامل من بعد المكينه وشف لك واحد حق شكمانات فنان خله يسولك ماصوره من المكينه الين الاخير و ورى قص العفطتين الي في الجوانب وركب كنداستين رياضيه بس ها مقاس الماصوره المولفه لا يفرق عن الاصلي ولا تركب ولا كنداسه الا الثنتين الي في الاخير ودورلك على فلتر رياضي يركب على الكوبيه الهيونداي وركبه عندك (اذا كان الي عندك V6 ) وشف العزم والشكل القوي

http://www.autogazeta.com/c/8/b/hyundai_sante_fe_detroit02_32.jpg

http://mywebpages.comcast.net/crinio/Screen%20saver/22.jpg

وللاسف تعرف الناس مسيكينه توها ماتدري عن هالموتر علشان كذا صعب انك تلقاله اكسسوارات
لكن ابشر الحل عندي هذه اقوى المواقع الي تبيع اكسسوارات السنتافي (مهب انا الموتر) تفضل

http://www.teamfalconracing.com

http://www.hyundaiaccessorymall.com

http://www.i2k.com/~gopack/sfgif2.gif

سنتافي

15/12/2004, 04:23 PM

http://tinypic.com/wr7va

سانتافي 2002

15/12/2004, 08:02 PM

اخوي سنتافي .....
بصراحة ما أقدر أوصف لك شعوري على هالإبداع هذا ...
وما أقدر أقول لك إلا كثر الله خيرك وما قصرت ....
بس وشلون أقدر أحصل على هالإكسسوارات وهل يوجد مكان في الرياض يبيعها غير الوكالة ؟؟؟

واعذرني يا خوي تراي بتعبك معي لأنني مغرم بهالسيارة ...
واللي ما يعرف الصقر يشويه ....

ودمت سالم غانم يا سنتافي ..

سنتافي

16/12/2004, 12:18 AM

يارجال عادي ترى انت اخو وعزيز دام انك من جماعة سنتافي http://www.santafemods.com/images/Smileys/SmileyWelcome.gif

اخوي تصدق انك لمست على وتر حساس جدا وهو انه السياره هذه فعلا ماتقدر الا اذا سقتها وهي فعلا كانت في ناحية الرفض التام عندي الين ما سقتها (ال V6 ) وبعدها ماكمل اليوم الا وانا شاريها فعلا سياره غريبه مايقتنع غير المجرب

اخوي بالنسبه للرياض ما ادري ما اظن انك ممكن تلقالها لكن ممكن تروح مثلا عند حقين المساعدات وتلقالها مساعدات ازين من حقت بلدها انا لقيت عند وكيل منرو الي بجده لكنه قالي انه بيطلبها وهي غاز الططقم الاربع لكن الاكسسوارات الثانيه مالك غير النت :type: للاسف الشديد . . . :(

لكن الي ودي اسأ لك هو هل نزل الوعلان الاصطبات الخلفيه لل2005 مع قطع الغيار لانه الناغي مانزلها توه وانا عرفت ان الوعلان نزلها للسوق قبل الناغي قلت يمكن

http://www.i2k.com/~gopack/sfgif2.gif http://www.santafemods.com/images/Smileys/Peace.gif

SilverSniper

17/12/2004, 06:56 AM

حياكم الله يا جماعة الخير...
بالنسبة للمساعدات والقطع للسنتافي أظن اني شفت له صفحة أو صفحتين كلها مساعدات ويايات وقطع تعديل وزيادة قوة للسنتافي.. في كاتالوج summit على ما أظن.. تقدر تطلبها من نفس موقع summit ويوصلونلك اياها..
أنا طلبت منهم مانيفولد وكاربريتر Edelbrock للشفر77 ودفعت حقها بالفيزا .. ووصلوها إلى مقر عملي بظرف 5 أيام.. ومعها رسالة وصور طريقة التركيب من summit.. ركبتها بنفسي لأن الطريقة مفصلة وواضحة.. وفعلا لقيت فرق.. 420 حصان..
تخيل وش ممكن تلقى للسنتافي.. :)
ما عليه يا سنتافي .. أنا صحيح ما أحب السنتافي ( الموتر ) لكن أحب السنتافي ( العضو ) :)

سنتافي

20/12/2004, 01:17 AM

هلا اخوي سيلفر معذرتا على التأخير بس تعرف الفرمته وقلقها عموما اخوي شفت الموقع بس مالقيت شي للمكينه كلها اكسسوارات خارجيه (انا مدري عن الكتالوج) لكن ودي لو القا

اما بالنسبه لخوي سنتافي 2002 مدري وين راح وكان ودي لويشاركنا عاد . . .

ايه لا تنسون تباركولي على التوقع مشي حالك بس كنه كبير صح . . . :(
http://tinypic.com/xvdcj

رقبة حاشي

20/12/2004, 08:47 AM

السلام عليكم ورحمة الله وبركاته
معاكم اخوكم رقبة حاشي بعد انقطاع ....
على العموم ابغى اضيف على هذا الموضوع اني اعرف لي رجال عنده سياره كوري نوع جالوبر موديل99 والله انه كرفه كرف وبكل مكان جربه ولازال زي الحلاوه والى الان لم يدخله اي ورشه والرجال يمدحه مدح القدره ................ فيا اخوان لا تستهترون باي صناعه حتى لو كوري لان التقنيه الان اصبحت في كل مكان ولم تقتصر باحد بعينه ولان الصانع سوف يقدم افضل مالديه ليثبت جدارته ... هذا والله اعلم

سنتافي

20/12/2004, 04:25 PM

هلا بك اخوي رقبة الحاشي وش لونك عساك بخير

مشكور على الرد الجميل وماقول الا الله لا يجيب القطوعه انشاء الله

http://tinypic.com/xvdcj

سانتافي 2002

21/12/2004, 12:57 AM

مشكور أخوي الكبير سنتافي على سؤالك عن أخيك الصغير ....
بالنسبة لطلبك مريت الوكالة وسألتهم عن اسطبات 2005 يقولون لي ما بعد نزلت قطع غياره ..
وتسلم لي على هالطلة ....

ويا خوي تراك فضخت قلبي بهالإكسسوارات اللي هبلت بي وودي أحصل عليها بس ما أعرف أستخدم الشراء عن الانترنت ولا أعرف أستخدم الانترنت في العمليات مثل المراسلة وما إلى ذلك ....

أفدني بارك الله فيك ،،،،،

وتراي معجب حيل بالصدام اللي مركب على الجيب الأسود .....
هل أقدر أرهم له ترهيم بالصناعية؟؟؟؟؟؟؟ :hot:

سنتافي

21/12/2004, 10:11 AM

اهلين سنتافي 2002 وشلونك وش الاخبار

مشكور على هال طله والسموحه ان تعبتك بالسؤال عن الاصطبات اخوي بالنسبه للجيب الاسود الي عليه الدعاميه تراه نفس الصدام اللهم انهم زودو لمبة الفلشر الصغيره عليه ولا الدعاميه مغطيه عليه ومعطيته منظر ثاني

اما بالنسبه للازرق او الكحلي فعلا الصدام مغير بس يمديك تسويه لانهم استخدموا النصف العلوي من الصدام الاصلي وبعدين قصو الجزأ السفلي وبدلوه بالشكل الي انت شايفه

اما بالنسبه لشراء الاكسسوارات من الانترنت انا بعد ما جربت والله لاني ماطلعت بطاقة الفيزا حقت الانترنت لكن الخبير موجود واتنشاء الله يساعدنا الاستاذ سيلفر سنايبر

http://tinypic.com/xvdcj

سنتافي

24/12/2004, 01:25 AM

هذه بعض الصور الاضافيه لبعض الاكسسوارات للسنتافي

1
http://www.santafelove.com/zeroboard/data/tuning_gall/1103791030.jpg

http://www.santafelove.com/zeroboard/data/tuning_gall/1103791030/1103791030.jpg

2 هذه صورة كوري الظاهر انه رايح البر
http://www.santafelove.com/zeroboard/data/tuning_gall/1103783577.jpg
لايفوتك الانتن الي مركب بالسقف

3
http://www.santafelove.com/zeroboard/data/tuning_gall/1103791944.jpg

http://www.santafelove.com/zeroboard/data/tuning_gall/1103791944/1103791944.jpg

4
http://www.santafelove.com/zeroboard/data/tuning_gall/1103796042.jpg

5
http://www.santafelove.com/zeroboard/data/tuning_gall/1103798874.jpg

http://www.santafelove.com/zeroboard/data/tuning_gall/1103798874/1103798874.jpg

6 هذي لا تفوتكم
http://www.santafelove.com/zeroboard/data/tuning_gall/1103645996.JPG

7
http://www.santafelove.com/zeroboard/data/tuning_gall/1103556829.JPG

8 صح يال GPS
http://www.santafelove.com/zeroboard/data/tuning_gall/1103541835.JPG
http://www.santafelove.com/zeroboard/data/tuning_gall/1103541835/1103541835.JPG

9 هذا الشي لحد يسألني عنه
http://www.santafelove.com/zeroboard/data/tuning_gall/1103516938.jpg

10
http://www.santafelove.com/zeroboard/data/tuning_gall/1103503574.jpg

سانتافي 2002

27/12/2004, 11:30 PM

والله يا خوك مدري وشلون باشكرك على هالجهود الطيبة المبذولة من قبلك ....
فلك كل الشكر ودمت لمحبينك يا سنتافي ....
ولي طليب صغير إذا ما فيه إحراج عليك ...
هل تستطيع أن ترينا صورة سيارتك بدون رقم اللوحة :j

وسلامتكم :bounce:

سنتافي

29/12/2004, 04:33 AM

هلا اخوي سنتافي 2002 وشلونك عساك بخير بالنسبه للصوره مافيه مشاكل جايتك بس خلنا نخف من الاصابه وماعليك واذا كان همك اللون تراه اسود

لكن انا بهديك وللكل واحد يملك نفس الجيب هديه جميله بسيطه

وانا متأكد انها ما قد صارت في هذا المنتدى لكل اصحاب الهيونداي وخصوصا السنتافي وهو دليل الصيانه او ما يسمى بال Shop Manual يعني عندك موتر وعندك موشكله قلي وانا انشاء الله اجيبلك الحل بالطريقه كامله وهذه بعض الامثله للتوضيح

مثال 1 (http://www.hmaservice.com/webtech/iindex.asp?id=394885882#_394885882)

مثال 2 (http://www.hmaservice.com/webtech/iindex.asp?id=394882850#_394882850)

مثال 3 (http://www.hmaservice.com/webtech/iindex.asp?id=394877772#_394877772)

والسموحه على التقصير

ايه تذكرت يا سنتافي 2002 ترى فيه شيء انا ما انتبهتله الا قريب وهو الجيب الجديد لهيونداي واحتمال متوسط انه بديل السنتافي
http://tinypic.com/144kmo
http://tinypic.com/144knn
واذا ماكنت غلطان فأن الجيب المغطى هو
http://www.santafelove.com/zeroboard/data/tuning_gall/1103516938.jpg

و سلامتكم

سانتافي 2002

29/12/2004, 06:24 AM

مشكور أخوي بالحيل على هالجهد وعلى هالإبداع :good:
وأسأل الله أن يشفيك ويعافيك ،،، وما ترى باس ،،، وطهور إن شاء الله .... :heart:

سنتافي

30/12/2004, 06:33 PM

سلام شباب افكار اضافيه

http://memimage.cardomain.net/member_images/6/web/678000-678999/678252_25_full.jpg

http://memimage.cardomain.net/member_images/6/web/678000-678999/678252_27_full.jpg

وهذي صور للوني المفضل

http://memimage.cardomain.net/member_images/9/web/561000-561999/561412_26_full.jpg

http://memimage.cardomain.net/member_images/9/web/561000-561999/561412_38_full.jpg

http://memimage.cardomain.net/member_images/9/web/561000-561999/561412_27_full.jpg

مقاس الجنط 18 والكفر عرض 245 وارتفاع 55

http://memimage.cardomain.net/member_images/9/web/561000-561999/561412_12_full.jpg

وهذا واحد ثاني يحب اللعب بالمياه ( بس حقهم ما يخرب بالمويه مقري عليه) بداية المغامره

http://memimage.cardomain.net/member_images/12/web/696000-696999/696852_6_full.jpg

يتمشى بشويش لا لا يدور الجوال بس

http://memimage.cardomain.net/member_images/12/web/696000-696999/696852_5_full.jpg

وهو وسط السباحه

http://memimage.cardomain.net/member_images/12/web/696000-696999/696852_4_full.jpg

ياحليله توه مخلص سباحه بس ماخرب

http://memimage.cardomain.net/member_images/12/web/696000-696999/696852_7_full.jpg

وهذي صور لثاني لون مفضل

http://memimage.cardomain.net/member_images/10/web/682000-682999/682591_3_full.jpg

http://memimage.cardomain.net/member_images/10/web/682000-682999/682591_4_full.jpg

وهذا واحد مجهز للاولمبيات والعده فوق السقف وزحمه

http://memimage.cardomain.net/member_images/3/web/291000-291999/291365_9_full.jpg

توه واصل للملعب

http://memimage.cardomain.net/member_images/3/web/291000-291999/291365_1_full.jpg

يسخن شويتين ويسمع توجيهات المدرب http://www.mekshat.com/vb/images/smilies/director.gif

http://memimage.cardomain.net/member_images/3/web/291000-291999/291365_2_full.jpg

ويبدأ بالسباحه لكن اذا ماكنت غلطان الظاهر انه نسى ان انه هو الي المفروض يسبح موهب السياره

http://memimage.cardomain.net/member_images/3/web/291000-291999/291365_3_full.jpg

http://memimage.cardomain.net/member_images/3/web/291000-291999/291365_7_full.jpg

انشاء الله ماطولت عليكم وانشاء الله افدتكم بشوية افكار جميله

السالمي

02/01/2005, 10:38 AM

والله موتر حلو ماعليه

والبارح شايف واحد ابيض محمل فوقه خيمتين

وماسك طريق ابوحدريه

سنتافي

02/01/2005, 05:40 PM

هلا اخوي السالمي وشلونك عساك بخير انشاءالله

مشكور على ابداءك بهذا الرأي السليم وهو فعلا موتر جيد http://www.mekshat.com/vb/images/smilies/icon15.gif

سانتافي 2002

04/01/2005, 11:07 PM

اوه .............روعة :bounce:
والله يا سنتافي انت :good2:

سانتافي 2002

11/01/2005, 02:15 PM

img]http://www.mekshat.com/pix/upload/images6/mk11291_Aaa.jpg[/img]

الجنوبي

11/01/2005, 05:27 PM

الا خ العزيز
سنتافي
لقد تا بعت موضوعك
واستمتعت بمتا بعته .. . وابهرتني قوه السنتا في واتمنا قيادته ...
تقبل تحياتي ..... الجنوبي.....

سنتافي

14/01/2005, 03:52 AM

السلام عليكم

آسف على التأخير لكن الحمدلله عودتنا سليمه ولله الحمد

هلا اخوي جنوبي مشكور الرد الجميل و انا انتظر انك تجربه ونصيحتي انك تجرب السته سلندر (عطه حقه)

وبالنسبه لاخوي العزيز سنتافي 2002 اقولك اسمحلي اني اعرض لك صورت االموتر بعد اذنك لاني عدلت جودتها حبتين

http://tinypic.com/18y7ax

وانا تراني عند كلمتي انشاء الله بوريك صور موتري

وسلامتكم

سانتافي 2002

17/01/2005, 01:57 AM

سنتافي ،،،،،، يا هلا والله من طول الغيبات جاب الغنايم
ياخوي قلقتني عليك والله ... عسى المانع خير ؟؟؟‍‍‍‍!!!!! :eek:

ومشكور على تعديلات الصورة .... ;)

وبالمناسبة توني متعلم كيفية إدراج الصور ،،، فنزلتها لكن ما فتحت معي ... وتالي توهقت ... :good2:

سنتافي

04/03/2005, 05:47 PM

السلام عليكم

عوده بعد غياب اعتذر عنه لكن الظروف كانت اقوى عموما ماعلينا

اليوم انا جيبلكم خبريه جميله جدا لكل من يفكر انه يشتريله موتر قوي وجميل وذكي اما بالنسبه للعندهم لا تزعلون لان سياراتكم صارت تسوى كثر في سوق المستخدم

الموتر هو نفسه السنتافي Sant Fe 2005 بمحرك 3.5 وخمسة سرعات قير عادي اوتو ماتيك (تب ترونك)

http://www.fareastcoastcustoms.com/pics/HPIM0816.JPG

وطبعا تراكشن ودلع

اما بالنسبه للاسعار فا ارتفعت اسعار الهيونداي اخيرا لتضع المنافسه بينها وبين المصنعين الآخرين منافسة جودة وكأنها تعلن مثلها مثل الكل سيارات قويه يعتمد عليها

طبعا سعر هذا الجيب 90000 ريال كثير صح لكن انا ممازلت افضل ال2.7 والي وصل سعره ل72000 الف من 64000 ريال طبعا معظم الزياده هي من المصنع مع انخفاض بسيط في اسعار قطع الغيار

وكهديه بسيطه لاصحاب هذا الجواد

من 2001 الى 2002 كان هذا مكان الساعه

http://img.photobucket.com/albums/v492/arkrazorback/HPIM0302.jpg

ومن 2002 الى 2003 كان مكان التاريخ

اما في 2005 صار مكان البوصله
http://img.photobucket.com/albums/v492/arkrazorback/SantaFe17.jpg

لكم مني اني بشوف امكانيت التغير للموديلات السابقه (قبل 2005) للبوصله وبالمناسبه الاصطبات حقت 2005 الخلفيه تركب على الموديلات الي قبل بالوكاله تنباع بعد التخفيض ب410 ريال (يمين يسار)

سانتافي 2002

15/03/2005, 12:27 AM

والله لك وحشة يا سنتافي
حياك الله وبياك
ومعلوماتك جداً وافية وكافية
وعساك عالقوة

سنتافي

17/03/2005, 11:41 PM

هلا سنتافي 2002 وش لونك وش الاخبار وينك ما تنشاف عاد العذر والسموحه على الغيبه

هاه وش سويت ركبت الاصطبات الخلفيه لل2005

تراها تركب انا ركبتها عندي بالظفيره الي تجي مع الاصطب ابد فصلت الاوله من الداخل عند السماعات الخلفيه واشتغلت ولا احلى لا تفوتك

ترى قيمتها الزوج ( يمين يسار) ب 450 ريال عند الناغي ( بعد التخفيض)

سنتافي

17/03/2005, 11:43 PM

ايه بس كيف القهر مكينه رهيبه 3500 بس السعر ماش غالي

شفت السوناتا الجديده الي تشبه الاكورد من الخلف

سانتافي 2002

18/03/2005, 07:33 PM

حياك الله ياغالي
السانتافي عليه طلبية بالهبل
وأبشرك الإسطبات أبي أركبها قريب
وسلامتك يالغالي

abo s3od

18/03/2005, 07:40 PM

ياخي هذي السيارة ما هضمتها (طبعا هذا رأي) والكلام عليه بعد سنه او سنتين

سانتافي 2002

18/03/2005, 11:38 PM

أبو سعود
هلا بك والله
,اشكر لك تحفظك برأيك
أنا عن نفسي السيارة ما شريتها إلا بعد ما جلست ثلاث سنوات وأنا أتابعها وأسأل عنها
هي سيارة تجمع لك بين سلاسة القيادة وخفة الوزن
سيارة تمشي بها وانت صافط الطبلون ما تتوقع أنك راكب جيب ((( بدون مبالغة ))) أنا عن نفسي مشيت بها على خط الدمام 180 كم وما شفت منها ((((( ما شاء الله تبارك الله إلا كل خير ))))) وما هي مفخرة والله بالسرعة عسى الله يتوب علينا ...
اما في الطعوس فخذلك موتر يحبه قلبك يبيض وجهك والله ..... ولا هي مقارنة بالياباني لكن والله تبي الصدق إنك تتفاجأ إن كل هذا يطلع منه ....
وتراي راعي مشاوير بالبر وما شفت منه إلا ما يسر الخاطر ...
ومثل ما يقولون التجربة خير برهان ...
وسلامتكم ....

سنتافي

19/03/2005, 01:38 AM

هلا بك اخوي بو سعود

ياخي هذي السيارة ما هضمتها (طبعا هذا رأي) والكلام عليه بعد سنه او سنتين

اخوي لي تعقيب بسيط على كلامك الجيب هذا هونفسه موجود من 2001 الى الآن (2005 ) وماتغير فيه الا لمسات بسيطه واعتقد انه لما يكون هذا الجيب من صنع مصنع كل سنه تقريبا وهو مغير الا هذه المركبه ما غيرها معناته انه عنده شيء نتائجه مرضيه جدا

وللمعلوميه هو من افضل السياره الي انتجتها هيونداي ويمكن يكون السبب انه مصمم في امريكا بالكامل بالمواصفات الامريكيه وهو يعتبر الين 2003 وهو افضل او بالأصح اكثر الجيوب امان من فئته ومن المنافسين هوندا نيسان تيوتا وللمعلوميه انه يوجد اكثر من منتدى عالمي لهذا الجيب فقط حيث انه ينتاقش اصحاب المركبه الجديره الخبرات و للاستماع الى الملاك الجدد الذين يزيدون بالعدد وبالاعجاب بها

هذه مواصفات الي معي

VEHICLE SPECIFICATIONS
Vehicle tested: 2003 Hyundai Santa Fe GLS
Class: Small SUV
Weight: 3,836 lbs.

Wheelbase: 103 in.
Length: 177 in.
Width: 72 in.
Engine: 2.7L V6
EPA ratings: 19 mpg city | 23 mpg highway

وهذه نتائج اختبار الصدمه من الامام

http://tinypic.com/29g8jc

سنتافي 2002 وشلونك اقول ودك تشوف السانتافي الجديد
.
.
.
.

سنتافي

19/03/2005, 01:41 AM

http://server2.uploadit.org/files/andref-cm_2.jpg

http://server2.uploadit.org/files/andref-cm_1107004419.jpg

وش رايك :D :good2:

ماعليك عندي احساس انهم مغيرين الشيء القليل ماعليك زي مالقيت حل وعدلته ال 2001 لل 2005 انشاءالله ابي اعرف اعدل هذي بس شكله يبي ينزل بعد سنتين 2006 او 2007 ;)

سانتافي 2002

19/03/2005, 04:48 PM

أخوي الغالي سنتافي
والله إبداعاتك غير معقولة
يا خوي
وش هالكوريين ما خلو لليابانيين شيء
وبالنسبة للاسطبات سألت عنها عند الوعلان لقيتها بـ 545 ريال بعد الخصم
فهاه وش رأيك ؟؟؟
أشتريها ولا أصبر شوي ؟؟؟!!!!!

سنتافي

19/03/2005, 05:34 PM

هلا اخوي

وش هالكوريين ما خلو لليابانيين شيء

حبيبي اصلا ماعجز باليابانيين الا الكوريين والدليل حتى تيوتا صار يصنع في الصين واستراليا يعني انسى الياباني كان زمان

على سيرت الاسطبات كم الخصم الي عطوك اياه لاني انا شاريها بخصم 35% من الناغي طلعتلي ب 410 ريال

وبصراحه ترى شكلاها احلى على الصدام القديم لا تغير الصدام الخلفي انت ركب الاسطبات اول
وبعدين ترى عند الموزعين تلقى احيانا اسعار ازين من الوكيل انت و حظك

بس تراها تركب وهذه الصوره

http://tinypic.com/29uetj

وهذا هو السبب لعدم تغيير الصدام الخلفي شف قصة الشكمانين احلى شي على هذا الصدام وبعدين ترى هذه حركه ثانيه تقدر تسويها بالاسطبات

http://tinypic.com/29v0k9

abo s3od

19/03/2005, 05:39 PM

الله يعطيكم خيره ويكفيكم شرة والله بديت أقتنع فيه :D

سنتافي

19/03/2005, 05:50 PM

هلا بو سعود وش لونك شف اذا تبي تقتنع مزبوط فيه جرب سواقة ال V6 2.7 و تبي تقتنع على طول صدقني فيه قوة اقناع غريبه والتجربه خير برهان

الطعس الذهبي

19/03/2005, 07:36 PM

جزاك الله خير على الصور

لاكن تراو جيب كوري مايستاهل هالضخم

سنتافي

19/03/2005, 07:45 PM

مشكور على المشاركه اخوي

قد جربت الموتر ؟

واذا انت ماقد جربته على اي اساس حكمت عليه ؟

abo s3od

20/03/2005, 06:56 PM

أخوي سنتافي أنا جربتها 4 سلندر 6سلندر

مميزاتها:-
1-محرك قوي وجبار.
2-واسعه.
3-مرضية في الطرق الوعرة.

سلبياتها :-
1- تميل كثيرا عند المنعطفات .
2- وزن ثقيل وخاصة مع المحرك 4 سلندر.

بس صرحة سيارة حلوة .

سنتافي

20/03/2005, 08:07 PM

هلا اخوي بو سعود

سلبياتها :-
1- تميل كثيرا عند المنعطفات .

اخوي السنتافي الي انت مجربه وش الكفرات الي مركبه عليه لانه اذا كانت الكوريه تراها انحف من المقاس الامكتوب 225 والدليل قسها بالكفرات الامريكيه وبعد تقدر تزود العرض لل 235 اذا كان الي انت مجربه 2003 وقبل ترى الاذرعه الخلفيه تتغير بجديده (تصميم ثاني لحل المشكله الاولى تجي فيها ميلان ام الجديده مستقيمه )

2- وزن ثقيل وخاصة مع المحرك 4 سلندر.

اكيد عشان كذا انا افضل السته سلندر لانه هو المحرك الانسب اما الاربع يبي يكون ثقيل على اي جيب وفيه السته الجديد ال 3500 تخيل اذا كان ال 2700 قوي فا وش يبي يسوي ال 3500 وخصوصا ان وزن الجيب ما زاد والجير التبترونك 5 نمر
ومن جد ترى وزن البودي خفيف انا مجربه على الرمل وعلى السبخات ( اماكن طينيه موحله ) وبصراحه ادائه كان رهيب وخصوصا لا شفتلك جيب من الكبار غايص بالسبخه بسبب الوزن لايفيده دبل ولا غيره

سانتافي 2002

22/03/2005, 11:37 PM

أخوي سنتافي
السلام علاكم
أبي أركب له كفرات وش تنصحني فيه
كفراته اللي عندي حقة الوكالة 225/70
ودي أركب أعرض منها
وش رأيك ؟؟
بعدين أبي أعرف مكينة اللي عندي 2700 ولا اللي قبله ؟؟؟
سيارتي فل كامل
ودفرنسين م 2002
وسلامتكم

سنتافي

24/03/2005, 10:15 AM

يا سنتافي 2002 كيبفك انت ملا انت

اسمع حبيبي انت الموتر الي عندك 6سلندر صح يعني هو 2700 (2.7) مثل الي عندي

وبالنسبه للكفرات تقدر تركب 235 70 بس المشكله ان مشيته بتثقل عليك شوي

وسلامتك

سنتافي

24/05/2005, 01:58 AM

شباب ما يصير وين الردود

SilverSniper

25/05/2005, 10:48 PM

ولو يا سنتافي..... لا أزال أقول... الكوري ما وراه عيشة..
للعلم.. مرة فكيت ثلاجة بخاخ سيارة كورية صغيرة.. تخيلوا مصنوع من ايش... بلاستيك...
شف الكوري في المعارض كم سعره وشف من يدوره..
لا يقبل التعديل ولا يتحمل الاستخدام القاسي...
هايلكس بمكينته وبدون تعديل.. دفرنس واحد.. بنيون 9 طارة 39.. يسفط هالكوري أبو سته مرتاح.. لا في خط ولا في بر ولا في طعوس..
يا سنتافي..
مكينة السنتافي ستة سلندر صح.. لكن بسعة سيارة صغيرة.. 2700؟؟؟ اللومينا 3000... أكبر منها..
أضف إلى ذلك ان بنيون دفرنس السنتافي .13.. نفس رقم بنيون اللاندكروزر الجيكسار والفيكسار القديم..ثقيل.. على مكينة نتفة.. يعني يالله يقل عمره... أضف إلى ذلك قير تيبترونك.. كله إلكترونيات.. ما يعتمد عليه في الظروف الصعبة..
هل تقارن دفرنس السنتافي .. بنيون 13.. بدفرنس الشاص.. بنيون 9.. للمعلومية .. الأخير يفحط بالرابع..؟؟ لا أعتقد ذلك..
هل تقارن محرك السنتافي بمحركات السيارات التي أسميها فعلاً سيارات بر.. ( 4500 آي 6 سلندر... 350cid small block V8 GM... 454cid Big Block V8 GM... 4700 V8.. ) لا أعتقد ذلك..
هل تقارن تحمل وصبر قير السنتافي اللي من أوله إلى آخره إليكترونيات .. بالقير العادي المعروف عند كل مالكي سيارات البر بقوته وصبره.. أو بقير أتوماتيك H400 المستخدم في الجمس والمعروف بقوته وتحمله... لا أعتقد ذلك..
في رأيي يا سنتافي... هالموتر مجرد موتر ديرة.. لا أكثر ولا أقل..
مع أطيب تحية يا سنتافي..

أمريكي وياباني وبس...