مارايكم بدور البطارية الاضافية

[ابوناصر426]

السلام عليكم

كنت خلال الفترة الماضية افكر في تركيب بطارية اضافية، لجل الانارة وانا في البر، لكن بعد الاتصال بمحلات تركيب البطارية حصلتها تكلفني مبلغ باهض الثمن، اتصلت بالدفع الرباعي قال نركب لك بطارية اضافية+محول كهرب+افياش بالسيارة+لمبتين بالكبوت ولمبتين بالسلة بحدود 2500 ريال !!، توقفت عند كلامه وقلت له يصير خير، وفكرت بالشغلة، قلت اذا انا احتاج البطارية عشان الانارة بالبر اخذ عقد السنيدي اللي فيه 3 لمبات وشبكه في فيش الولاعة وكل ساعتين اشغل السيارة وصلى الله وبارك، واذا انا مطول الكشتة بجلس يومين او اكثر، اشتري لي ماطور كهرب ب 2000 ريال اوفر لي من اني اركب بطارية اضافية ولمبات.

وش رايكم

[الثويرات]

اول شي الي يعرف الشغله قسم بالله ينقهر ووده يشب باصحاب الورش النصابين نار.

قمة الجشع والطمع اجل كرسي ولمبه بسعر ذا.

اول شي الكرسي مايكلفك عند الحداد ولا80 ريال
الدقمه اخر مره شريتها 90 ريال
ويبيلك سلك عشره ملي حوالي ثلاثه متر مع اربع رئوس لسلك 65 الى 70 ريال

ويبيلك اربع مسامير (مقاس 10) سعر 10ريال
ولمبة الكبوت سعرها 10 ريال والسلك 3 ريال .

ولعلي افزع لك اخي الكريم اذا كان سيارك باترول فابشر ازيلك كرسي مايكفلك ولا 50 ريال وارسله لك بالمكان الي تبي ولا ابي لك الا الدعاء.

وذا كان سيارك ماهي باترول . صعبه شوي لازم يكون عندي الموتر لكي اخذ مقاساته.

وياليت تقول وش نوع سيارتك

[asd6244]

والله أنا مثلك محتار
تكلفة البطارية الإضافية عندنا ببريدة تقريبا بحدود 750 بدون محول كهرباء ولا لمبات
ومن ناحية تشغيل اللمبات ، أغلب طلعاتنا للبر نقوم بتشغيل اللمبات على البطارية الأساسية و الأمور ماشية ولله الحمد .

[خبوبي]

رائي من وقع تجربه
اذا مالك نظر في بيعت السيارة وهي بحاله ممتازه فلا تتردد في اي شي يعجبك تركيب أو فك
بالنسبة للبطارية الاضافيه بالنسبة لي تعتبر علاج
شريت محول كهرب 600 واط 120 فولت من العليان ب 260 ريال
ورحت لورشه سوافي قلت هذا المحول ابيك تركب لي بطارية اضافيه
ركب البطاريه مع فيشين (الاصل فيش واذا طلبت زود يزيد السعر على كل فيش 50 ريال )
مع فيوز ودقمه تفصل من الديلمو اذا طفيت السياره واذا شغلت تعبي الاظافيه
وركبت لنبه بالكبوت وافياش ولاعه اضافيات وسلك الكنود وفاص للافياش
من ناحيه الاداء مافيه كلالالالالالالالالالالام اطمئن وحده على وحده
اشحن الاب توب والكامير وجوال بوقت واحد( مركب على الفيش قسام لثلاثه افياش ) بسبب غلاء الافياش لزوم التوفير
الميزه اني داخل المدينه شاحن الجوال بستمرار شغال على المحول
صارلي الان 3 سنوات ماواجهت اي مشاكل او عيوب في التركيب او التمديد

عذروبه انه غالي عند المره الاولى لكن بعد الاستخدام ماتتحسف بالقيمه

وسلامتكم

[aljde40]

السلام عليكم

كنت خلال الفترة الماضية افكر في تركيب بطارية اضافية، لجل الانارة وانا في البر، لكن بعد الاتصال بمحلات تركيب البطارية حصلتها تكلفني مبلغ باهض الثمن، اتصلت بالدفع الرباعي قال نركب لك بطارية اضافية+محول كهرب+افياش بالسيارة+لمبتين بالكبوت ولمبتين بالسلة بحدود 2500 ريال !!، توقفت عند كلامه وقلت له يصير خير، وفكرت بالشغلة، قلت اذا انا احتاج البطارية عشان الانارة بالبر اخذ عقد السنيدي اللي فيه 3 لمبات وشبكه في فيش الولاعة وكل ساعتين اشغل السيارة وصلى الله وبارك، واذا انا مطول الكشتة بجلس يومين او اكثر، اشتري لي ماطور كهرب ب 2000 ريال اوفر لي من اني اركب بطارية اضافية ولمبات.

وش رايكم
وصلى الله وبارك.على مين ؟

[aljde40]

رائي من وقع تجربه
اذا مالك نظر في بيعت السيارة وهي بحاله ممتازه فلا تتردد في اي شي يعجبك تركيب أو فك
بالنسبة للبطارية الاضافيه بالنسبة لي تعتبر علاج
شريت محول كهرب 600 واط 120 فولت من العليان ب 260 ريال
ورحت لورشه سوافي قلت هذا المحول ابيك تركب لي بطارية اضافيه
ركب البطاريه مع فيشين (الاصل فيش واذا طلبت زود يزيد السعر على كل فيش 50 ريال )
مع فيوز ودقمه تفصل من الديلمو اذا طفيت السياره واذا شغلت تعبي الاظافيه
وركبت لنبه بالكبوت وافياش ولاعه اضافيات وسلك الكنود وفاص للافياش
من ناحيه الاداء مافيه كلالالالالالالالالالالام اطمئن وحده على وحده
اشحن الاب توب والكامير وجوال بوقت واحد( مركب على الفيش قسام لثلاثه افياش ) بسبب غلاء الافياش لزوم التوفير
الميزه اني داخل المدينه شاحن الجوال بستمرار شغال على المحول
صارلي الان 3 سنوات ماواجهت اي مشاكل او عيوب في التركيب او التمديد

عذروبه انه غالي عند المره الاولى لكن بعد الاستخدام ماتتحسف بالقيمه

وسلامتكم
كلام صحيح 100% والله من واقع تجربة ان البطارية الإضافية لايستغني عنها راعي البر .
أما اللي يقول ان شغلهم غالي ومبالغ فيه مقارنة بحساباته للتكلفة فأنا أقول ترى الخبرة ودقة الشغل والإتقان لها قيمة , يا أخي شغل سوافي والله الوكالة ماتسوي مثله أوقريبا منه بدون مبالغة .

[ابوحمد666]

يا ابن الحلال وش لك بالمحولات والاسلاك وكثر الافياش واللمبات الواحد صارت سيارته تقل تريله كله لمبات واسلاك
اخوي خذها من واقع تجربه
بطاريه باقادر تعبئه وليس اللكترونيه 95 امبير وريح مخك
ونا لي سنين وانا استخدمها(ثلاجه شغاله 24ساعه+لمبه+محول مع اللاب توب احيانا+ولمبات السقف اربع شغالات ومعي غطاس صغير لو القى بير شغلته وغسلت السياره)ومع ذا اشغل السياره كل 5 ساعات والتشغيل ماله داعي بس من باب المحافظه على عمر البطاريه
هذا من باب النصح وانت واختيارك اخوي
تحياتي لك اخوي

[العائم بالصحر]

والله يا خي ما راح تحسف وانا الصراحة براسي تركيب بطارية اضافية لكن ابسال عن ورشة سوافي وين الله لا يهينكم

[لاتكب البيالة]

السلام عليكم
تبي نصيحة وان سويته ما تندم
فصل لك قاعدة للبطارية الاضافية عند اي حداد واشتر بطارية واصابعه واسلاك وقاطع يدوي كبير فيه نوع مدور سعره 60 ريال وركب البطارية على البطارية الاساس وبينهن هالقاطع تصير عملية الشحن يدوية وعمل اطول واقل خرابات وارخص والبطارية الاضافية بتعيش اكثر لانه ما تعبي وتفضى باستمرار

[سوبر VTC]

ياخوان المسالة مهب صعبة :good:
انا مسويها بنفسي :good2:
4متر كيبل 10ملي ب36ريال
ان بغيت حط 6ملي مثل حق دينمو السيارة شد البلد
اللي يشحن البطارية
روس كيبل من محلات العدد ب4ريال
جرجور عازل 5متر ب20ريال
سيم معلاقة :p
عشان تسحب الكيبل من صدر الغمارة الى داخل الموتر
عن طريق الفرشة الارضية من عند الابواب
(اذا بغيت تحط البطارية بالداخل)
كرسي بطارية ب60ريال تقريبا
دقمه جمس ب150ريال قبل فترة كانت ب200ريال
الدقمه تسحب له كهرب من اي سلك يشتغل مع فتح السويتش
ماص الدقمه تسحبه من البدي
توصل الكيبل 10ملي من البطارية الاساسية الى الدقمه
الطرف الاخر من الدقمه توصله الى البطارية الاضافية
عند فتح السويتش تشتغل الدقمه :good:
عند الاطفاء تفصل بين الكيبلين :good:

اللمبات حط 50وات صفراء اوسرام على البطارية مباشرة :good:
و احسن من اللمبة البيضاء => عيت تدخل مخي هاللمبة
البيضاء ظلام دامس ماتشوف و تنعمي تقز بعيونك :eek:
المحول ركب ياباني ذهبي ب180ريال
من اجل شحن الجوال او اللابتوب

هذا كرتون الدقمه

http://www.mekshat.com/vb/../pix/upload01/prof005/mk53291_dj.jpg


هذي صورته و هي راكبه
للعلم
فيه كتاوت بالسوق مدبول مضاعف
سعره ب80ريال
لكن لا اعرف مكانه




http://www.mekshat.com/vb/../pix/upload03/images120/mk53291_aaaaa.jpg

[ابوطاقية]

اسعارهم مبالغ فيها والعمليه ماتحتاج كل ها المبلغ
صلحتها بالبيت وانا ماعندي خبره بالكهرباء وكلها من فضل الله ثم فضل منتدي مكشات وموضوع الاخ ماسترو الله يجزاه خير
التكلفه تقريبا من غير البطاريه 240 ريال (دقمه جمس اصليه+اسلاك+فاصل+قاعدة بطاريه كامله +اصابع+كلبسات)
العمل اخذ تقريبا اربع ساعات والبطاريه شغاله تمام والحمدلله
اشكر الاخ سوبر Vtc والله يجزاه خير على ابلاغنا بوجود الدقمه عند العبيدان

[التل الصامت]

يرفع للفائدة العامة

[ابوهيون]

ماقصرتو والله

[ابو نواف المطرفي]

يعيطكم العافية

[sameer_1798]

الشغله أبد ماهي صعبه وممكن تشتغلها بنفسك توجد مواضيع للشباب ماشاء الله في المميزه شرح رائع في التركيب وحتى لو ماعندك أي معلومات في الكهرب .وماتستاهل هذا المبلغ الكبير .
بالنسبة لي شخصياً ماني مقتنع بتركيبها بسبب أني ما احتاج الكهرب في البر .. الواحد ماشرد عن المدن إلا من ضوها وازعاجها . يازين البر بظلامه وشبة ناره وإن بغيت نور على خفيف شيل معك اتريك أو فانوس . والثلاجه نستعمل بها الثلج أما الاجهزة مانستعملها إلا والسياره تمشي .
والليل للنوم وأنا اخوكم .

[ولد الخاتله]

اول شي الي يعرف الشغله قسم بالله ينقهر ووده يشب باصحاب الورش النصابين نار.

قمة الجشع والطمع اجل كرسي ولمبه بسعر ذا.

اول شي الكرسي مايكلفك عند الحداد ولا80 ريال
الدقمه اخر مره شريتها 90 ريال
ويبيلك سلك عشره ملي حوالي ثلاثه متر مع اربع رئوس لسلك 65 الى 70 ريال

ويبيلك اربع مسامير (مقاس 10) سعر 10ريال
ولمبة الكبوت سعرها 10 ريال والسلك 3 ريال .

ولعلي افزع لك اخي الكريم اذا كان سيارك باترول فابشر ازيلك كرسي مايكفلك ولا 50 ريال
وارسله لك بالمكان الي تبي ولا ابي لك الا الدعاء.

وذا كان سيارك ماهي باترول . صعبه شوي لازم يكون عندي الموتر لكي اخذ مقاساته.

وياليت تقول وش نوع سيارتك

بيض الله وجهك

[الشمالي 2010]

كلام سليم الله يعطيك العافية

[mzarkash2000]

يعيطكم العافية

[asdali]

بالتوفيق اخوي الصراحة انا افكر بطريقة مبتكرة وهو تركيب بطارية اضافية لكن بألواح شمسية مخفية لاني متحسس من الكهرب ولا ابغى اتعبث بكهرب السيارة .