المساعد الشخصي الرقمي

مشاهدة النسخة كاملة : هل سحب السيارات يضر اللاندكروزر ( قير اتوماتيك)


alhtan
11/12/2009, 09:39 PM
السلام عليكم ياأخوان
انا معي لاندكروزر vxr 2002 قير اتوماتيك وبعض الاحيان في البر اساعد المغرزين واسحب سياراتهم ,,
وقال لي واحد من الشباب انه السحب يضر القير التوماتيك

فحبيت اخذ رايكم !!
أمير الكشته
11/12/2009, 10:10 PM
عليكم السلام .... هلا براعي الفزعات ......
السحب للسيارة له شروط ..
الشرط الأول : يكون الدبل على الثقيل
الشرط الثاني : تكون كفرات الساحب والمسحوب منسمه وكل مانقص هوى كفرات الساحب زادت القدرة على الجر . ممايساعد على تقليل الضرر على القير والكلتشات .
الشرط الثالث : التبـــريح وفــك جــره بمســحاة مـثلاً يساعـــد على السحـــب بسهــــوله مما يريــح القيــــر والكلتشات من الضرر .
الشرط الرابع : الجهة السليمة التي يتم من طريقها سحب السيارة العالقة .
الشرط الخامس : أن لاتكون عملية الجر بطريقة النتل بقوة . فهذي أعتقد أنها أشد ضرر على القير والصليبات
وغيرها .
كل هذه الشروط تسهل مهمة سحب وإستخراج السيارة العالقة من مكانها سواء في الرمل أو في الطين .
وعموماً وجود المسحاة أو الكريك وسحب الرمل اللي بجرة الكفرات واللي تحت الأبواب بالنص له فائده كبيرة في إستخراج السيارة المغرزة ....
لكن يبقى الضرر وارد على القير .. وأنصحك بالونش .....
وصنائع المعروف تقي مصارع السوء .. بيض الله وجهك على فزعتك لإخوانك .ولاحرمك الله الأجر
ووفقك وكثر الله من أمثالك .....
التعـ King ـديل
11/12/2009, 10:41 PM
السحب بشكل عام يضر .. وللتخفيف من الضرر زي ماقال اخوي الامير

لكن القير العادي قدره تحمله اكثر من التماتيك
الادعج
11/12/2009, 10:49 PM
انتبه لا تنتل بقوه ...اسحب شوي شوي حبه حبه ..ويجي معك ..اما النتل هذا عذاب وقبر القير والصليبات
كبسولة2
11/12/2009, 10:52 PM
سحب السيارة المغرزة له أضرار على السيارة الساحبة :

1 / صوت ونة في الكرونة بسبب التواء التروس الداخلية لها

2 / خراب الصليب في عمود الكردان ويسبب فضاوة تبان عند التعشيق بالـ d

أو r صوت طقة

3 / خراب طنجرة الجربكس والكلتشات في القير التماتيك

وخراب الدسك والصحن في القير العادي

4 / تهريب زيوت من صوف المكينة والقير بسبب الضغط على المكينة مع الدبل

لأن الدبل مصمم لأخراج السيارة المصمم لها خصيصاً بمعطيات معينة

يعني ثقل السيارة وحمولتها وأنت بسحبك لسيارة ثانية تزيد الضغط على محركات سياراتك

فوق طاقتها والأضرار هذه تظهر أحياناً وقت السحب وأحياناً بعد السحب بفترة

هذه خلاصة تجاربي 25 سنة قيادة سيارات خصوصي وعمومي ودفع رباعي
بدوي جنوبي
11/12/2009, 11:19 PM
انا معي لاندكروزر vxr 2002 قير اتوماتيك

اولا جزاك الله خير على مساعدة الناس

ثانيا لا تقلق كثيرا
المحرك عندك 8 سلندر بأمكانه سحب السياره المغرزه
شرط ان تطبق الخطوات التى ذكرها الاخ
امير الكشته وخاصة تشغيل الدبل الثقيل :good2:

بالتوفيق
alhtan
12/12/2009, 10:08 PM
أمير الكشته شكرا لك على هذه النصائح
وتقبل تحيتي


التعـ King ـديل شكرا لك
وفعلا دائما اسمع ان القير العادي قدره تحمله اكثر من التوماتيك


الادعج
شكرا لنصيحتك

كبسولة2
ماشا الله عليك خبره 25 سنه ,, لكن هل الاضرار اللي ذكرتها تنطبق على القير العادي والتوماتيك ؟؟


بدوي جنوبي

شكرا لمرورك ,, وش رأيك بكلام اخونا كبسولة 2 بالنسبه للاضرار المذكوره ؟
aboyagob
13/12/2009, 12:24 AM
عيب القير التماتيك اذا جيت تسحب تسمع صوت المكينه والكفرات ما تدور طيب تسأل وش السبب ؟؟

القير العادي فيه كلتش يحترق وتغيرهـ لكن التماتيك فيه كلتشات داخل القير يعني اذا خربت لازم توظب القير !!

وهذا سبب اغلب راعين الجيوب التماتيك يتحرج من السحب ..

طيب وش الحل لا كنت ساحب ساحب مالك الا انك تحط الدبل على L4 ( الدبل الثقيل ) وبذالك تقلل المشكله لاقل قدر منكن ..

طبعا الشي هذا ينطبق على القير العادي بعد لكن العادي امره هين كله كلتش وبس ..

واسف ع الاطاله
يكفيني نظرة
13/12/2009, 12:51 AM
القير التماتيك لاتنسى تحط القير على 2 او 1 عشان مايقدر الموتر يريح نفسه ويحرق الكلتشات...
الكلاسك
13/12/2009, 01:51 AM
لا تسحب احد الا اذا كانت سيارته صغيره ومعك ونش
اذا شفت مراهقين يغرزون بسياره صغيره لا تساعدهم ( هههههه واحد نجس )
لانك بتصير وراهم بس مالك شغله الا تتطلعهم كل شوي من غراز
اذا شفت عائله ساعدهم باللي تقدر عليه هم اللي فعلا يستحقون المساعده
اما غير كذا انا اشوف ماله داعي تخرب سيارتك
راعي الطلعات
13/12/2009, 02:02 AM
ماشاءالله ماقصرو الشباب

وازيدك من الشعر بيت اذا جيت تسحب اسحب السياره بهدؤ ثم بهدؤ لائن النتع من بس يضر القير يضر الشاص حق السياره وبالتوفيق
قليط
13/12/2009, 02:21 AM
وانا انصحك لالالالالالالالالالالا تسحب عندي ونش لك اذا تبي ادخل على الربط

http://www.mekshat.com/vb/showthread.php?t=247369
بوسدن
13/12/2009, 12:48 PM
اسحب السياره بطريقة النتل يعني خل الحبل مرتخي قليلا ثم ادعس بنزين وشيل رجولك قبل ما ينشد الحبل لكي تستفيد من قوة وزن سيارتك فقط دون سحب وهذا يحرك السياره المغرزه قليلا ولا يكون الأثر على القير هذا إذا كانت السياره المغرزه ثقيلة أو متعلقة ....وبعد هذا دع السياره المغرزه تمشي معاك على الخفيف لكي تساعدك بالجر
وإحذرإنك تستمر بالسحب إذا كانت السياره ما تمشي معاك لا يتأثر الغير
س ل ي م ا ن
13/12/2009, 12:52 PM
ولد عمي معه هدد2007 تماتيك وضب القير بسبت السحب

لكن را هي تعتمد على طريقة السحب مثل ماقالو الأخوان