تكفون ياهل الفزعه لاهنتم

[ساحل الغروب]

السلام عليكم ورحمة الله وبركاته

اخواني ابي رايكم وفزعتكم لاعدمتكم

ناوي اشتري سياره للوالد

وجالس ادور له على جيب نسيان شاص من موديل 99 الى 2005
وش رايكم تنصحون به ولا مايصلح
واللي يخبر لي نظيف يبلغني بلغه الله الشهاده

رأي اهل الخبره والتجربه يهمني لعدم معرفتي

اتمنى اجد ضالتي

دمتم بحفظ الرحمن

ارق واعذب التحاياااا

[التعـ King ـديل]

اذا الوالد كبير بالعمر فوق 50 سنه نصيحه اخو ابعد عن الشاص بيسكر عظامه على الفاضي

اذا تبي الموتر مريح وقوي حق بر وديره عليك بالفتك طير شلوى

[ساحل الغروب]

هلا بك اخوي لاهنت

واصل الستين الله يعطيه طولة العمر على طاعة الله وتقواه
مير الوالد الله يحفظه غالبية مشاويره للبر والمزارع

ياليت تفيدني عن الفتك اخوي
لاني ماعرفه واول مرة اسمع عنه

منكم نستفيد

عافاك مولاك

احترامي وتقديري

[(((.ابوتميم .))))]

لا يا ابن الحلال مايصلح ابداااا الشيصان كلها مركبهاا قاسي
شفلك هايلكس دفرنسين غمارة كانة راعي تحميل
او ربع باترول تراه زين في البر
ان شاء الله اني اكون افدتك والله يكتتب لك الصالح المبارك لنا ولك ولجميع المسلمين

[ساحل الغروب]

عاشق شاص

بارك الله فيك وجزيت خيرا

اسأل الله ان يوفقك للخير اينما كان

حضورك تشريف اخي

دمت بحفظ المولى

احترامي وتقديري

[أبوعذااب707]

انا اقول لو تدور له ونيت جمس افضل بكثيييييييييييير
مركب مريح وعزم وقوة

[سوبر VTC]

الله يطول بعمر الوالد على الطاعه
نصيحتي اعرف لك 5رجال كبار بالسن و راعين مزارع
3 منهم معهم هايلوكس دفرنسين م2006 و طالع
و تجي قير تماتيك :good:
و 2 معهم سوزو تماتيك غمارتين دفرنسين نشيطة
لكن الهايلوكس اوسع غمارة :good:
و الوالد معه جمس غمارة و نص م2005

نصيحتي تبي الراحه
ياهايلوكس او جمس او شفر :good:
الجمس او الشفر افضل من حيث الراحه و النشاط و غمارة كبيرة و مثبت سرعه
و بدي الجمس اقوى تحمل من الهايلوكس

تحصل جمس او شفر م2006 او 2006 بحدود ال50الف استخدام امريكي

استخر بعد الاستشارة

يوجد اشخاص كثر ممن تقاعدوا شروا جمس غمارة و نص للبر و الكشتات و الفله
و يخدمك بالديرة و المزرعه

موفق

[عاشق الطرمبه]

دور له جمس حوض
مناسب للسن جدا