ودي أرهم ما طور هواء أسفل اللاند كروزر ..... رايكم لو تكرمتوا..

[بن عدوان]

تعبت من تنسيم الكفرات .. وإعادة تعبئتها عند محلات تغيير الزيت .. وهي شغله جدا متعبة .. ومحرجه مع أصحاب المحلات !!

ولا أقول إلا حظ أصحاب الهمر ... اللي ينفخ .. وينسم بكبسة زر ..

وأنا من فترة تراودني فكرة تقليد تقنية الهمر .. وجعله في السيارة العادية .. ولكن وين أصحاب الهمر المتعاونين ؟؟ واللي يسمحون لك تطل تحد موترهم !!!

عموما .. أنا قرأت أكثر من مرة عن ترهيم ماطور الهواء الخاص بسيارات البيوك ..

وودي حقيقة أعمل نفسها في اللاند كروزر .. ولكن بماطور جديد تنصحون فيه .. وفي بالي أمدد لكل كفر لي يكون قريب له .. ولا مانع عندي أن أجعل لكل كفر ماطور هواء خاص به ..

بس ياليت أصحاب الخبرة .. في هذا المجال يساعدوني .. في عمل هذا المشروع ...بأفكارهم النيرة ...

وياليت من يملك همر .. يصور لنا البلف الموجود على الجنط واللي ينفخ الكفر .. وطريقة تمديدة ... من الخلف ..

اخوكم بن عدوان