المساعد الشخصي الرقمي

مشاهدة النسخة كاملة : معرض سيارات 2010 في الرياض


abu_nayf
15/12/2009, 03:27 AM
بسم الله الرحمن الرحيم

السلام عليكم ورحمة الله وبركاتة

بداية احب احييكم وانقل لكم تقريري المبسط عن زيارتي لمعرض سيارات 2010 المقام في معارض الرياض الواقعة على طريق الملك عبدالله القريب من مخرج 10 ,,,

المهم ماراح اطول عليكم انا من سنوات وانا لابد وان ازور هالمعرض لعشقي وهوايتي للسيارات المهم شفت الأعلانات في الجرايد وكالعادة قلت ابروحلة ويوم الاحد 26 /12/ 1430 هـ قمت بزيارة افشل معرض زرته في حياتي فأنصح الي ماراح لا يروح ولا يفكر
وخسارة فيه الوقت والمشوار والبنزين ,,

الشركات او الوكالات المشاركة
نيسان
((لم تشمل انفينيتي))
تويوتا
((لم تشمل لكزس))
فورد
هوندا
هونداي
كيا
بيجو
طبعآ كل وكالة او شركة من الي ذكرة لم تتعدى خمس سيارات من سياراتهم المعروضة .
طبعآ 80% من السيارات كانت ابوابها مقفلة .
و 50% من الموظيف في الوكالات ليس لديهم معلومات كافية عن السيارات المعروضة لدى وكلاهم واخص موظفين تويوتا الذين يحرجون ويتلعثمون عند سؤالهم عن المواصفات او الأسعار وللاسف اغلب موظفين تويوتا اعمارهم اقل من 20 سنة .
والشي المضحك انني وجدت مايقارب 3 سيارات لدى شركات مختلفة معروضة في المعرض وموجود عليها ورقة مكتوب عليها ((مباعة))

اتمنى اني افتدكم واتمنى ان تعذروني لاني فعلاً احس اني سويت شي غلط وضيعت وقتي في مثل هالمعرض ,,

وتقبلو تحياتي جميعاً
ابوراس الدحمي
15/12/2009, 03:49 AM
صادق..... كثير من المعارض يقفلون على السيارات مدري وش يخافون منه
واذا كنت جاد بتشتري سيارة وودك تجرب سيارة ما قبل الشراء يقولون كثير منهم ووالله التست درايف
في الصيانة ؟؟؟ صيانة ايش ؟؟؟؟
والسيارة توها نازلة المعرض ووحدة زيها معروضة للبيع .........

تحياتي
لن أمل من العطاء
15/12/2009, 04:24 AM
صدقت اخي الكريم وكنت متوقع كذا من الاول

لاني رحت لمعرض جده قبل شهرين او اقل
ونفس المشكله
فاشل بكل المقاييس

حتى كنت جاهز للتصوير وبانزله هنا وقلت سبق لمكشات
وخسارة تصويره
شاطرين بس في الكاتلوجات فقط
Riyadh City
15/12/2009, 05:03 AM
الله يجزاك خير أجل نصرف نظر أفضل
ابن دُهمي
15/12/2009, 05:52 AM
حنا نبي مثل الناس اللي حولنا ولكن مانعرف كيف
ننظم للمعرض معين او مزاد بيع سيارات او معدات . عندنا تخصص في الكليات التقنيه اسمه التسويق
هذا القسم الى اليوم لانعير له اهتمام ابدا ضمن التخصصات الاخرى . وكذلك شهادته بعد التخرج محبطه وصاحبها محبط ايضا . ومتى ماعرفنا قيمة التسويق عرفنا كيف ندير معارض ناجحة تستمتع زوارها بتواجدهم
وحتى ولم يشتري .. شاكر لك اخوي على ماطرحت للتنوير .
abu_nayf
15/12/2009, 02:46 PM
صادق..... كثير من المعارض يقفلون على السيارات مدري وش يخافون منه
واذا كنت جاد بتشتري سيارة وودك تجرب سيارة ما قبل الشراء يقولون كثير منهم ووالله التست درايف
في الصيانة ؟؟؟ صيانة ايش ؟؟؟؟
والسيارة توها نازلة المعرض ووحدة زيها معروضة للبيع .........

تحياتي


والله هذا الي يقهر الواحد ويخليه يكره المعارض والوكالات

يعطيك العافية على تكرمك وردك
abu_nayf
15/12/2009, 02:49 PM
صدقت اخي الكريم وكنت متوقع كذا من الاول

لاني رحت لمعرض جده قبل شهرين او اقل
ونفس المشكله
فاشل بكل المقاييس

حتى كنت جاهز للتصوير وبانزله هنا وقلت سبق لمكشات
وخسارة تصويره
شاطرين بس في الكاتلوجات فقط

حتى الكتولجات لك عليها والله ان الموظف يمدلك الكتلوج من طرف خشمة
وحتى الكاميرات تخجل انها تشتغل في مثل هالمعارض

بارك الله فيك مشرفنا العزيز واشكرك على تفضلك بالرد
abu_nayf
15/12/2009, 02:51 PM
الله يجزاك خير أجل نصرف نظر أفضل

وياك يالغالي
لاتقول اجل بنصرف النظر
بل اصرف النظر بدون اي تردد نصيحة اخ
واشكرك على تشريفك الموضوع وعلى ردك
السنع كله
15/12/2009, 02:58 PM
جزيت خيرا
لقد هونت عن الروحة
abu_nayf
15/12/2009, 03:04 PM
جزيت خيرا
لقد هونت عن الروحة


وياك ياغالي

وانت الكسبان وانا اخوك
ابوطاقية
15/12/2009, 04:04 PM
ماهنا فرق بين معرض الرياض ومعرض شيكاغو اللهم انهم بشيكاغو يخلونك تسوق اي سياره بعد المعرض ويعطون خصومات على المشترين من المعرض وكذلك معرض شيكاغو يحتوي على اكثر من الفين مصنع سيارات بالعالم

http://www.chicagoautoshow.com/assets/gallery/medium/HC5O1521.jpg
http://www.chicagoautoshow.com/assets/gallery/medium/HC5O1414.jpg
http://www.chicagoautoshow.com/assets/gallery/medium/HC5O1511.jpg

ها الرجال يشرح للحضور مكونات المحرك

http://www.chicagoautoshow.com/assets/gallery/medium/HC5O1624.jpg
http://www.chicagoautoshow.com/assets/gallery/medium/HC5O1632.jpg

المعاقين لهم حضور

http://www.chicagoautoshow.com/assets/gallery/medium/HC5O1394.jpg
ERIC7
15/12/2009, 07:17 PM
مشكلت الواحد فينا لما يسمع عن معرض الرياض للسيارات يروح مرعد
كنه رايح لمعرض طوكيو للسيارات ويجي ويقول ليه يسوون وليه يفعلون لان المعرض من اساسه فاشل
الوكيل مايعرف يسوق اصلا بس لازم يرتز لو بسيارتين عشان مايقولون ماشارك وعلى قولتك مسكره لانه ماحط السياره عشان يبيعها لا بس عشان يقول تراي شاركت في المعرض
انا عن نفسي احترم كل الشركات التي احترمت نفسها ولم تشارك في المعرض الفاشل زي كل سنه مما يردني لاني مبطل الروحة للمعارض من زمان لاسيارات ولا كتاب ولا بناء ولا زراعة ولاغيره لان الفكرة هي هي او يكون فيه اسباب اخرى تدعم الفشل.
هو1ي البر
15/12/2009, 07:38 PM
صحيح كلامك ,
انا رحت للمعرض
حتى Gmc مافيه
و الشفر نفس الشي !!!
سهم قيادي
15/12/2009, 08:04 PM
ازين ما في المعرض الي يبيعون :director: عند الباب فصفص و بليله:c و دسوس :f و قبوع:p و مداليات :D :D

ياليتهم يخلون المعارض لاهلها:mad:
abu_nayf
15/12/2009, 08:26 PM
ماهنا فرق بين معرض الرياض ومعرض شيكاغو اللهم انهم بشيكاغو يخلونك تسوق اي سياره بعد المعرض ويعطون خصومات على المشترين من المعرض وكذلك معرض شيكاغو يحتوي على اكثر من الفين مصنع سيارات بالعالم


لا حرام نهضم حق معارضنا العريقه الفرق ان معارضنا احسن بكثير

لا هنت اخوي على الرد وعلى الصور

الله يعطيك العافية
abu_nayf
15/12/2009, 08:29 PM
مشكلت الواحد فينا لما يسمع عن معرض الرياض للسيارات يروح مرعد
كنه رايح لمعرض طوكيو للسيارات ويجي ويقول ليه يسوون وليه يفعلون لان المعرض من اساسه فاشل
الوكيل مايعرف يسوق اصلا بس لازم يرتز لو بسيارتين عشان مايقولون ماشارك وعلى قولتك مسكره لانه ماحط السياره عشان يبيعها لا بس عشان يقول تراي شاركت في المعرض
انا عن نفسي احترم كل الشركات التي احترمت نفسها ولم تشارك في المعرض الفاشل زي كل سنه مما يردني لاني مبطل الروحة للمعارض من زمان لاسيارات ولا كتاب ولا بناء ولا زراعة ولاغيره لان الفكرة هي هي او يكون فيه اسباب اخرى تدعم الفشل.

والله يالغالي كل سنه نقول انه راح يتطور بس لا حياة لمن تنادي وصدقني الشركات الي ماشاركة ماراح تشارك دام الوضع من سيئ الى اسوء

يعطيك العافيه اخوي شاكر مرورك وردك
abu_nayf
15/12/2009, 08:31 PM
صحيح كلامك ,
انا رحت للمعرض
حتى Gmc مافيه
و الشفر نفس الشي !!!

اجل ضيعت وقتك اخوي عبدالله مثل ماضاع وقتي بمعرضهم

اشكرك على التشرف موضوعي وردك الله لايهينك
abu_nayf
15/12/2009, 08:40 PM
ازين ما في المعرض الي يبيعون :director: عند الباب فصفص و بليله:c و دسوس :f و قبوع:p و مداليات :D :D

ياليتهم يخلون المعارض لاهلها:mad:


هههههههههههه

ابشرك حتى الي انت تقول ماجو

الله يعطيك العافية
محمد111
15/12/2009, 09:21 PM
نكرم عن اليهودي
اللي باول صوره

وكلامك صحيح
شكرا على الموضوع
Abu Saad
15/12/2009, 09:56 PM
لم العجب اخي العزيز .
حجم الصالة + المواقف+ الموقع
كلها عوامل ايجابية لفشل اي شي يقام تحت هذا السقف ولاننسى المنظمين والقائمين عليه طبعا ..
عموما حصل خير وابشر بالعوض معرض دبي العالمي للسيارات تم افتتاحه اليوم:
http://www.automiddleeast.com/news/misc/one-hour-car-finance-approval-at-dubai-motor-show/image_preview
وذكرت صحيفه الاندبندنت البريطانيه في تقرير حديث ان معرض دبي للسيارات ، والذي ستنطلق فعالياته في الخامس عشر من الشهر الجاري، سوف يشهد حضور العديد من ماركات السيارات الفاخره والقويه، والتي غابت عن معرض لوس انجلوس الاخير.
وتوقعت ان يشهد المعرض الظهور العالمي الاول لنحو 14 سياره جديده، اي اكثر من السابق .
http://www.nissan-arabia.com/vb/imgcache/1038.imgcache.jpg


لمزيد من التفاصيل:
http://www.dubaimotorshow.com/Default_en_gb.aspx
ابو هلال2008
15/12/2009, 10:11 PM
ههههه والله انك صادق حارم بس الاعلانات فيه

الوحيد الي عطااني وجه رااعي الباترول

ولا فيه الا كم شركه