الخبير
29/05/2002, 03:42 AM
السلام عليكم ورحمة الله
العديد من الشباب يحاولون يصيرون بواردية و يرمون صح ، لكن اصابعك مهيب وحدة .
بعض الشباب يركب دربيل على البندق عشان يحسن رميه ، وهذا عند بعض الناس عيب و يقولون عنك انك غشيم لانك ما تعرف تصيد بدون دربيل ، انا في نظري ان هذا الكلام غير صحيح مرة ، ليش لان الصيد عموماً سواء اكان بالدربيل او بدونه هو تدريب ، انا اعرف شباب يتحدون بعض في صيد الضب في مكان معين في راسه بدون دربيل ( طبعاً هذا شئ ممتاز ان شخص ياصل لهذي المرحلة من الدقة و التحكم في البندق )
وش الاسباب إلي تخلي الواحد ما يقدر يصيب الهدف:
اهم الاسباب الخوف:
1- بعض الشباب يخاف انه ما يصيب الهدف فيصير مضحكه عند ربعه .
2- الخوف من رجفة البندق . خلنا نقول انه يبي يطلق برشاش مثلاً ، طبعاً الرشاش معروف و شكله مهيب و في الافلام يشوفونه يشخل الرجال شخل . فيظن في داخله اني اذا طلقت بالرشاش كتفي يبي ينخلع من رجفته و يستمر معه الخوف ( مع ان الرشاش ما يهز الواحد )
3- الخوف من طلعة الرصاصة . ( هذي ابي اتفلسف فيها شوي ) هذي قاعدة عرفتها من التجربه ، بعض الناس تخاف من صوت الطلق و قوته و تقعد الاذن تطن ساعة ، فما يجيب الهدف لاته قعد يقول في نفسه الله يستر من الصوت او متى طلع الرصاصة و ارتاح من الطلق . انا لقيت ان الخوف إلي يصير في عقل الواحد انه متى تطلع الرصاصة فتلقاه اذا ضغط على الزناد يرفع البندق ( و هذا اكبر خطأ )
طريقة الطلق المثالية :
1-ابي احيلكم على موضوع اخوي شقردي
سلامتك نود لك سلامتك (http://www.mekshat.com/vb/showthread.php?s=&threadid=2122)
2-التدرب عن طريق اسلحة خفيفة ( افضلها الساكتون ) لان ما له صوت يذكر ولا يرجف ابد و خفيف .
3-اذا كنت في بداية تدريبك على الطلق لازم تختار وضعية مناسبة ، بعض الناس يحب يطلق وهو قاعد ، بعضهم وهو واقف ، بعضهم مسوي وضع الانبطاح ، و بعضهم حاط البندق على مركا او شئ مرتفع و يطلق من عليه. ( هذي طريقة حلوة لوزن السلاح )
4-غالب الناس ( من ملاحظاتي ) انه اذا بغى يطلق يرفع البندق فوق ، هذا شئ نفسي ، يظن البعض انه يبي يمتص رجفة البندق . هذا غلط لانك ممكن مع رفعتك للسلاح تخطي الهدف من غير قصد و تجيب إلي ورى الهدف .
5-طريقة الطلق انك تعصر الزناد عصر ( كأنك تعصر في يدك طماطة ).
6-خل وزنك قدام مهوب ورى ( يعني ثبت نفسك في الارض مع ميلان بسيط إلي الامام )
7-الاخيرة و الاهم التسمية .
8-اذا جهزت و بغيت تطلق خذ نفس من خشمك ثم طلعه شوي شوي من الفم .
مسك السلاح :
طبعاً مسك السلاح شئ معروف لكثير من الناس ، لكن مع ذلك ابي ابين للباقين :
البنادق : سواء اكانت شوزن ، ساكتون او خرازة كلها تحط قفا البندق على كتفك ( انتبه تحطه على اعلى الكتف ) و اليد اليسرى على الخشب الامامي للسلاح ( انتبه تحط يدك على السبطانه ) .
العديد من الشباب يحاولون يصيرون بواردية و يرمون صح ، لكن اصابعك مهيب وحدة .
بعض الشباب يركب دربيل على البندق عشان يحسن رميه ، وهذا عند بعض الناس عيب و يقولون عنك انك غشيم لانك ما تعرف تصيد بدون دربيل ، انا في نظري ان هذا الكلام غير صحيح مرة ، ليش لان الصيد عموماً سواء اكان بالدربيل او بدونه هو تدريب ، انا اعرف شباب يتحدون بعض في صيد الضب في مكان معين في راسه بدون دربيل ( طبعاً هذا شئ ممتاز ان شخص ياصل لهذي المرحلة من الدقة و التحكم في البندق )
وش الاسباب إلي تخلي الواحد ما يقدر يصيب الهدف:
اهم الاسباب الخوف:
1- بعض الشباب يخاف انه ما يصيب الهدف فيصير مضحكه عند ربعه .
2- الخوف من رجفة البندق . خلنا نقول انه يبي يطلق برشاش مثلاً ، طبعاً الرشاش معروف و شكله مهيب و في الافلام يشوفونه يشخل الرجال شخل . فيظن في داخله اني اذا طلقت بالرشاش كتفي يبي ينخلع من رجفته و يستمر معه الخوف ( مع ان الرشاش ما يهز الواحد )
3- الخوف من طلعة الرصاصة . ( هذي ابي اتفلسف فيها شوي ) هذي قاعدة عرفتها من التجربه ، بعض الناس تخاف من صوت الطلق و قوته و تقعد الاذن تطن ساعة ، فما يجيب الهدف لاته قعد يقول في نفسه الله يستر من الصوت او متى طلع الرصاصة و ارتاح من الطلق . انا لقيت ان الخوف إلي يصير في عقل الواحد انه متى تطلع الرصاصة فتلقاه اذا ضغط على الزناد يرفع البندق ( و هذا اكبر خطأ )
طريقة الطلق المثالية :
1-ابي احيلكم على موضوع اخوي شقردي
سلامتك نود لك سلامتك (http://www.mekshat.com/vb/showthread.php?s=&threadid=2122)
2-التدرب عن طريق اسلحة خفيفة ( افضلها الساكتون ) لان ما له صوت يذكر ولا يرجف ابد و خفيف .
3-اذا كنت في بداية تدريبك على الطلق لازم تختار وضعية مناسبة ، بعض الناس يحب يطلق وهو قاعد ، بعضهم وهو واقف ، بعضهم مسوي وضع الانبطاح ، و بعضهم حاط البندق على مركا او شئ مرتفع و يطلق من عليه. ( هذي طريقة حلوة لوزن السلاح )
4-غالب الناس ( من ملاحظاتي ) انه اذا بغى يطلق يرفع البندق فوق ، هذا شئ نفسي ، يظن البعض انه يبي يمتص رجفة البندق . هذا غلط لانك ممكن مع رفعتك للسلاح تخطي الهدف من غير قصد و تجيب إلي ورى الهدف .
5-طريقة الطلق انك تعصر الزناد عصر ( كأنك تعصر في يدك طماطة ).
6-خل وزنك قدام مهوب ورى ( يعني ثبت نفسك في الارض مع ميلان بسيط إلي الامام )
7-الاخيرة و الاهم التسمية .
8-اذا جهزت و بغيت تطلق خذ نفس من خشمك ثم طلعه شوي شوي من الفم .
مسك السلاح :
طبعاً مسك السلاح شئ معروف لكثير من الناس ، لكن مع ذلك ابي ابين للباقين :
البنادق : سواء اكانت شوزن ، ساكتون او خرازة كلها تحط قفا البندق على كتفك ( انتبه تحطه على اعلى الكتف ) و اليد اليسرى على الخشب الامامي للسلاح ( انتبه تحط يدك على السبطانه ) .