المساعد الشخصي الرقمي

مشاهدة النسخة كاملة : فزعتكم يا شباب مكشات في لندروفر دسكفري 1999 قبل لا اشتريه


إلنترا 2005
15/12/2009, 05:56 PM
السلام عليكم ورحمه الله وبركاته


صبحتم/مسيتم بالخير جميعاً


اليوم أنا طالب شوركم وفزعتكم ياشباب مكشات
نسيب واحد من الشباب عارض اللند روفر حقه للبيع بسعر رمزي جدً


السياره صارلها موقفه ابو سنه وعليها
والرجال عنده سياره ثانيه
وناوي على بيعه اللند
وللأسف ما عندي معلومات كثيره عنه لكن بذكرلكم اللي اعرفه الأن وباقس المعلومات راح توصلني هاليومين


الموديل:بين الـ1998و2000
(الصور موجوده تحت اذا الخبراء ممكن يفيدونا)


الطراز : لند روفر دسكفري
المحركات: 8 سلندر حالتها جيده+الدبل شغال
العيوب: فيها مشكله في البريكات + الدركسون
السعر المطلوب: بحدود الـ7ألاف ريال على حالته الحاليه


اللي صار اني قلت للرجال يروح يشيكه في الوكاله ويشوف وش هي عيوبه ويرد لي خبر


وهذي هي صور السياره:



http://www.up-00.com/h1files/C9987784.jpg



http://www.up-00.com/h1files/UJ787784.jpg



http://www.up-00.com/h1files/ltJ87784.jpg






بغيتكم لاهنتوا تفيديوني بالتالي:


1- كيف السعر هل هو مناسب؟


2- هل لو الواحد صرف عليها مبلغ بحدود 8000 ريال زياده علييها بيمشي حالها ؟!


3- كيف أدارء هالنوع من السيارات في البر أو على الطعوس وهل يصلح للإستخدام اليومي


4- سمعت ان وكيلها سئ جداً...مامدى صحه هالكلام ؟


5- هل يوجد ورش تصلحها في الخبر أو الدمام (صناعيه الثقبه مثلاً)


6- هل يوجد محلات لقطع الغيار غير الوكيل وهل القطع متوفره من الأساس وهل أسعارها مناسبه؟


ادري طولت عليكم بالأسئله لكن والله خبرتي في الجيوب معدوووووومه
وحبيت أستشير أهل العلم قبل لا أخذه وابتلش فيه


ولكم خالص التحيه والشكر مقدماً على نصحكم


((أنا منتظر رد خوينا بالنسبه لبعض المواصفات ومنتظر تقرير الوكاله
متى ماتوفرت عندي معلومه جديده راح ابلغكم مباشره))


ولكم التحيه
أخوكم
أبو بدر
فاقدخوي
15/12/2009, 07:37 PM
سلام عليكم

اعطيك رايي لو كنت في موقفك

والله مانصحك ابها

طيب ماشاء الله عندك 7000قيمة السيارهو8000قيمة تصليخات صار المجموع 15 لو قدرت تدبر فوقها5000 بتجيب لك نيسان طيب بالحيل افضل من ذا البليه اللي ماينعرف له

موفق
kellahd
15/12/2009, 10:03 PM
اذا السيارة ما فيها شيء فسعرها تمام

اما اذا فيها مشاكل و تحتاج اصلاحات فلا تأخذها الا من 3500 و انت نازل

بس من اول وهله اشوف انها مرشوشة من الامام فاذا كانت مسمكرة فابعد عنها احسن

بالنسبة للاندروفر اذا انت رجال راكد و باخص في السواقة في البر و الطعوس فهو ما فيه كلام يوسع الصدر

العيب الوحيد اللي فيه انه ما يتحمل الجور
stranger
15/12/2009, 10:37 PM
اليسكفري متاز جداً اذا محركاته نظيفة ولا فيه حرارة ومشكلته في قطع الغيار ولكن بالنسبه للي ساكن في الرياض موجود محلات متخصصه في قطع غيار هذا النوع من السيارات وارخص من الوكالة بكثير وهناك مشكلة حاب اوضحها لك وهي : ان طرمبة الزيت احيانا ما ترفع الزيت الى المكينة
وحلها : ممكن انك تصلحها بنفسك وهي تشتري علبة فازلين وتفك الطرمبة تلاقيته موجودة بجنب السفون وهي خارجيه وليس داخل المكينة وتنظف اترسين داخلها وتعبيها فازلين وتركبها وبكذا راح تشغل معك مباشرة وهي مجربه واتمنى انك ما تحتاج استخدامها
والله يكتب الي فيه الخير
إلنترا 2005
16/12/2009, 05:04 PM
سلام عليكم

اعطيك رايي لو كنت في موقفك

والله مانصحك ابها

طيب ماشاء الله عندك 7000قيمة السيارهو8000قيمة تصليخات صار المجموع 15 لو قدرت تدبر فوقها5000 بتجيب لك نيسان طيب بالحيل افضل من ذا البليه اللي ماينعرف له

موفق


حياك الله أخوي فاقد خوي
على خبري يالغالي جيوب النيسان موديل 2000 سعرها حول ال35 وانت طالع
صلحلي معلومتي كني غلطان
وجزاك الله خير على النصيحه الطيبه





اذا السيارة ما فيها شيء فسعرها تمام




اما اذا فيها مشاكل و تحتاج اصلاحات فلا تأخذها الا من 3500 و انت نازل


بس من اول وهله اشوف انها مرشوشة من الامام فاذا كانت مسمكرة فابعد عنها احسن


بالنسبة للاندروفر اذا انت رجال راكد و باخص في السواقة في البر و الطعوس فهو ما فيه كلام يوسع الصدر



العيب الوحيد اللي فيه انه ما يتحمل الجور



والله يا kellahd العيوب اللي فيها تتصلح بحدود5000 ريال بدون رش البويه
وراح اخذها منه بحدود 5000 ريال والسياره ما جاها حوادث لكن لونها مشهب من الشمس وقله الغسيل
فما أدري وش قولك فيها
وشاكرلك نصيحتك يالغالي



اليسكفري متاز جداً اذا محركاته نظيفة ولا فيه حرارة ومشكلته في قطع الغيار ولكن بالنسبه للي ساكن في الرياض موجود محلات متخصصه في قطع غيار هذا النوع من السيارات وارخص من الوكالة بكثير وهناك مشكلة حاب اوضحها لك وهي : ان طرمبة الزيت احيانا ما ترفع الزيت الى المكينة
وحلها : ممكن انك تصلحها بنفسك وهي تشتري علبة فازلين وتفك الطرمبة تلاقيته موجودة بجنب السفون وهي خارجيه وليس داخل المكينة وتنظف اترسين داخلها وتعبيها فازلين وتركبها وبكذا راح تشغل معك مباشرة وهي مجربه واتمنى انك ما تحتاج استخدامها
والله يكتب الي فيه الخير



حياك الله أخوي stranger توفرت عندي معلومات جديده عن السياره وبأطرحها لكم هنا يمكن تفيدكم في تقييم السياره


-الموديل 99
- الممشى 265 ألف (للسياره)
-المكينه والقير مركبه جديد على السياره من جيب دسكفري ثاني (تشاليح) ماشي 10 ألاف
يعني الجير والمكينه شبه جديد


-السياره ما جاها حوادث أو صدوم لكن راعيها كان راعي تطعيس وغير الجير والمكينه كاملين


القطع المحتاجه لتبديل:
البطاريه
الكفرات
علبه البريك (800 ريال) في الوكاله
القماشات



بالله لاتقصرون معي
وانتم فيكم الخير بإذن الله
ابوطاقية
16/12/2009, 07:20 PM
انصحك نصيحة اخ
ابعد عن الموتر ترى بتحط في بطنه كثر قيمته خمس مرات ولاجاب خبرك طبعا لعدة اسباب
اولا الموديل قديم
ثانيا وكيله سيء
ثالثا قطع الغيار غاليه
رابعا الورشات المختصه قليله
خامسا الموتر مايجمل بالرمل ثقيل طينه
انا لو بمكانك وابي سياره مخصصه للبر والميزانيه محدوده
ما اتعدي الجيب العشه والا باترول موديل93
الله يوفقك ويوفق الجميع
هواوي تعديل
16/12/2009, 07:41 PM
أن كنت راغب الموتر أستخر قبل
بس ماأنصحك به لأن الموتر مهما كان نظيف راح يطلب قطع غيار
والوكيل سيئ وغالي
راح تحط فيه وبعد فتره لو تجمع خسايرك فيه راح تجيب لك موتر أحسن
والموتر تصميم شكله سيئ
الدركتر1
16/12/2009, 11:58 PM
الله يهديك ذكرتني بقولة المثل ( يامن شراله من حلاله بلشه ) وأنا اقول بدل بلشه نكبه
ياخوي لو راعيه يعطيك 7000 آلاف ويقول اخذه لاتاخذه وانت على كيفك
والسلام عليكم
تبي موتر بر نيسان لوه ددسن 85 وش حليله توظب المكينه والقير بـ 17 ريال وش تبي بس كنك شاري 2 صامولي و15 علبة ببسي }}} شوية مبالغه لا دقق
المهم يعني اللي تحطه بالسياره تحس له طعم موب سياره تحط فيها وتناظرك وتقول هل من مزيد
بالتوفيق اخوي وانصح راعيه ان يحرقه ولا يورط الناس يقعدون يدعون عليه بكره

باي
ابوراس الدحمي
17/12/2009, 01:10 AM
الرجال اللي يبغي يبع لك السيارة قول له عطني الموتر فترة اجربه واشوف ايش من موتر
اما تطب على موترا ما لك به علم ما انصحك ابدا
تحياتي............