وينك يا نقا هشال ما جبت أخبار ولا صور عن أمطار تمير

[كشّات]

كل عام وأنتم بخير لاعضاء المنتدى الأحباب
نقا هشال المتابع الجيد لعلوم المطر :good:
كل يوم أتوقع يعطينا تفاصيل عن الأمطار التي هطلت على جزء من تمير وما حولها من الشعبان يوم الاثنين 3-10 مساءً
عسى المانع خير :)
ونحن بالانتظار ولو بدون صور لأن ماهو أي واحد يجيب لك علم المطر صح :butt3:
وأخونا نقا دايم أخباره موثقة :good:
أخوك كشات

[نقا هشال]

هلابك ياغالي

وآسفين على التأخير

والامطار الي جت تمير

مزون متفرقه وغريبه يعيني السحاب ماكان عريض

والاماكن اللي سالت قليله وليست مهمه وليست بهاك السيل العرم

يعني الله يجيب الخير العااااام والتااام وان شاء الله نفيدكم عن اي خبر جديد..

[كشّات]

يعطيك العافية على ردك وبالنسبة لي أنا عارف أن السحاب ماهوب عريض
ولكن نتباشر ولو كان بسيط وحتى لو هو سيل فلاة
ولعلك تذكر العام أول السيل كان سيل بسيط للأرطاوي في العشر الآواخر من رمضان ثم تتابع الخير
وهذا قصدي من التسائل
وعسى الله يجيب الخير

[رعد بن برق]

السلام عليكم ورحمة الله وبركاته ...............
أخوي العزيز كشات
ودي أعرف وش معنى سيل فلاة بالضبط ؟؟؟؟
وترى المصطلحات تختلف بين كل منطقة ومنطقة
وجزاك الله خير

[كشّات]

أخوي رعد بن برق
سيل فلاة يعني المطر المتوسط اللي سالت منه الشعبان الصغيرة والشغايا وتشوف الماء يتصافق في الأرض وتمتلي الدعوب والمطامن بس ما وصل أنه يكون سيل قوي بحيث يمشي منه الشعيب الكبير

[رعد بن برق]

مشكور يا أخوي كشــــــــــــــــــــــــّات على نفسك الطيبة والجواب الزين