ممكن تعطيني دقيقة من وقتك [الأرشيف]

ghareeb

16/12/2009, 06:43 PM

أعضاء مكشات الغالين
اليومين هذي قاعد أفكر أشتري سيارة ومحتار بصراحة
فلوسي في حدود 140000 وأبغى سيارة جديدة دفع رباعي جيب أو جمس أو أي شي
طبعا أبغاها سيارة مريحة على الطريق وممكن أطلع عليها طلعات بر خفيفة جدا لأن عندي سيارة ثانية للبر

الهوى جنوبي

16/12/2009, 07:08 PM

عليك باليكون او التاهوlt اذا تقدار تزود دراهمك عليك بالتاهوltz سياره فخمه ومريحه وكشخه والله يوفقك

هويدي

16/12/2009, 07:15 PM

زي ماتفضل اخونا الهوى جنوبي يوكون او تاهو قصير دفرنسين

مريح بالخط وقوي بالبر

بس كانك راعي بر ومطامر خذلك سفاري 2 او sgl

اما طلعات خفافيه تاهو

واهم شي لاتنسى صلاه الاستخاره قبل تسوي شي والله يدبرك على الصالح

ghareeb

16/12/2009, 08:55 PM

الهوى جنوبي + هويدي شكرا لكما وأتمنى أن أرى مشاركات البقية

أبولمااااار

16/12/2009, 09:06 PM

اضم رايي مع راي الهوى جنوبي وهويدي
واعتقد انهم كفو ووفو
عليك بالتاهو أو اليوكن
وتقبل مروري

بني حسن

16/12/2009, 09:07 PM

اخي ghareeb قد تستغرب من نصيحتي
فما دام عندك سياره للبر وامورها جيده للبر والطلعات
انصحك بشراء سياره سيدان مريحه وفخمه لك ولعائلتك

مجنون باترول4800

16/12/2009, 09:09 PM

وش اعطيك كل وقتي يابعدي:d
ههج عن الأمركي من89 قصدي اللي شكل ال98 وال99
الانه بالقيمة هذي ما انت لقي نظيف
واليباني ممتاز وتلقى بالقيمة هذي نظيف ولكن الموديل قديم وبعد في ميزة رخص القطع ومتوفر
وهذا راي والله يوفقك

ابن سيف 18

16/12/2009, 09:56 PM

عليك باليوكون او التاهو ( مع اني اكرههن )
لكن اشوف انها مفصلة لك تفصيـــــــل (بما ان معك سيارة ثانية للبر )

او السفاري 2

ابوو زيد

16/12/2009, 11:55 PM

انصحك بـالاند كروزر جي سعره بـ 143 الف

أبو راكان

17/12/2009, 12:07 AM

عليك بالاند كروزر شيك قيمته فيه ان بغيت كد ومد وان بغيت تبيع ما ينقص من قيمته شي يذكر ام الامريكي ابعد عنه ديكور فقط واعطال الى قبل واذا بغيت تبيع راحت نص قيمته

ghareeb

17/12/2009, 12:19 AM

الله يعطيكم العافية
وأشوف أكثر الآراء يوكون وتاهو
وأقول لأخوي مجنون باترول4800 شكلك ما قريت موضوعي كويس لأني كاتب مئة وأربعين ألف مو أربعة عشر ألف
أما أخوي ابن سيف فأقول له كيف تنصحني بهن وأنت تكرههن وياليت تقول لي سعر السفاري اللي انت ناصحني فيه
أما أخواني أبو زيد وأبو راكان فأحترم وجهة نظركم لكن أعتقد السعر هذا بيكون لسيارة قير عايدي وأنتم عارفين شرطي أن السيارة تكون مريحة في القيادة لأني بستخدمها في السفر
وشكرا للجميع مرة أخرى

هوى يالبر

17/12/2009, 12:31 AM

عليك بالاند كروزر شيك قيمته فيه ان بغيت كد ومد وان بغيت تبيع ما ينقص من قيمته شي يذكر ام الامريكي ابعد عنه ديكور فقط واعطال الى قبل واذا بغيت تبيع راحت نص قيمته

اضم صوتي لبو راكان لا تتعدى الاند كروزر:good2:

رياح الشرق1

17/12/2009, 12:48 AM

لاندكروزر وبس بلا تاهو بلا يوكون بلا هم

باثفندر

17/12/2009, 12:51 AM

أنصحك أولاً وأخيرا أن تأخذ سيارة أصفار ، لاتقول إخت الجديدة ،،

وإذا لك نظر ترى النيسان مريح .

ابو وافي 444

17/12/2009, 12:52 AM

اخي ghareeb قد تستغرب من نصيحتي
فما دام عندك سياره للبر وامورها جيده للبر والطلعات
انصحك بشراء سياره سيدان مريحه وفخمه لك ولعائلتك

اتفق مع اخي

او جرب التويوتا سيكويا

زعيم المقناص

17/12/2009, 12:53 AM

لاندكروزر او سفاري ورح لاهلك بروبحر ومدن

مقلع الرمث

17/12/2009, 12:56 AM

خذلك لاند موديل 2008 او 9 نظيف ومستخدم خفيف وطايح الزود اللي فيه اعتبره سياره مثاليه

asdali

17/12/2009, 07:39 AM

دام عندك سيارة للبر انصحك بالسيدان وان كان مصر بدفع رباعي انصحك بالطوارق فخمة وهيبة وراحة وتصلح للسفر وفيها انظمة ممتازة برضو للبر وتبدا اسعارها من 123 الف الى 200 الف .

بالتوفيق ان شاء الله.

مبعوث

17/12/2009, 09:43 AM

عليك بالاند كروزر شيك قيمته فيه ان بغيت كد ومد وان بغيت تبيع ما ينقص من قيمته شي يذكر ام الامريكي ابعد عنه ديكور فقط واعطال الى قبل واذا بغيت تبيع راحت نص قيمته

جزاك الله خير قلت اللي بقوله

قدر مكتوب

17/12/2009, 09:48 AM

اخوي خذها نصيحة من احوك لا تتعدى الياباني خلك في التويوتا او النيسان

البرادو والفوتشر وال جي وال جي اكس (اقصد 6 سلندر) والربع والشاص كلها نفس المكينه 4000 سي سي

لذالك لو تاخذ مثلا فوتشر او برادو قير توماتيك راح يمسك دراهمك والموتر راح يكون بسعر معقول جدا وان جيت للحق اذا تقدر على جي من قطر 6 سلندر ويكون قير تماتيك فمواصفاته رائعه جدا

الله يوفقك ويسهل امرك

مجنون نحم

17/12/2009, 09:48 AM

انصحك بالـــــــــــتاهو نصيحة مجرب مع تاهو ممسكينه السواق << سواقته قشرااا

ولكن له 3 سنوات يجلد جلد ولا دخل وكالة ولا دخل ورشة اهم شيئ لا تغلط وتاخذ دفرنس خذ دفرنسين

فارس كيفان

17/12/2009, 10:25 AM

سيكويا

وجهة نظر

تحياتي

o_m55

17/12/2009, 11:19 AM

سبحان الله وبحمده سبحان الله العظيم

باجيرو 99

17/12/2009, 02:28 PM

الباجيرو و بس ياباني اصلي موب تلفيق مثل النيسان و التويوتا
و كل شي فية راحة احسن من الفكسار 2009
و ارخص وإذا بغيت الموصفات اعطيكيها احسن من الفكساراو مثلة ما فية فرق

ghareeb

17/12/2009, 07:49 PM

الله يعطيكم العافية وما قصرتوا يا رجال مكشات

ghareeb

17/12/2009, 07:51 PM

الباجيرو و بس ياباني اصلي موب تلفيق مثل النيسان و التويوتا
و كل شي فية راحة احسن من الفكسار 2009
و ارخص وإذا بغيت الموصفات اعطيكيها احسن من الفكساراو مثلة ما فية فرق
ما نستغني عن خبرة أصحاب الخبرة
وياليت الأسعار تكون مع المواصفات
بس لا أكون ثقلت عليك

علي1221

17/12/2009, 08:01 PM

عليك يالتويوتا 8 سلندر افضلك

التعـ King ـديل

18/12/2009, 04:40 AM

فيه موتر بر وديره حلو وفخم بس انت تقول عندك موتر ثاني للبر

الارمادا يجمع لك الفخامه + القوه بالبر محرك ثمانيه سلندر 5600 سي سي

طبعا انا مع اخوي بني حسن اللي قالك سياره سيدان لان عندك غيرها للبر

وفي كل الاحوال مواتر مريحه مالك الا التاهو والارمادا وابعد عن بقره تويوتا السكويا كبير على الفاضي لا شكل ولا مركب

التعـ King ـديل

18/12/2009, 04:43 AM

الباجيرو و بس ياباني اصلي موب تلفيق مثل النيسان و التويوتا
و كل شي فية راحة احسن من الفكسار 2009
و ارخص وإذا بغيت الموصفات اعطيكيها احسن من الفكساراو مثلة ما فية فرق

انا معك انه ياباني مب تلفيق مثل التويوتا فقط اما النيسان لحد الان محتفظ بااصالته

لكن انت تتكلم عن سياره قطع غيارها غير متوفره واذا توفرت غاليه جدآ وعند البيع

مايناظرك احد ودايم صاحب الباجيرو يبيع بخساره تصل الى 50% من قيمه السياره

في اول 3 سنوات حتى لو كان الموتر اخو الجديد

بخيت الدوسري

18/12/2009, 05:32 AM

تبغى الكلام اللي يجمد على الشارب أبعد عن الأمريكي حتى ولو أنه جديد والله أن تكرة نفسك أسأل مجرب
وعلى فكرة أنت عائلتك كثيرة يعني عدد الأفراد كلهم حوالي الخمسة أنصحك بالسيدان مثل الأفالون بالتويوتا بحوالي 124000الف
وباللكزس خذلك اي اس 300 بشاشه بتكون بحوالي 148000 الف
وإذا العائله ماشاء الله أكثر من سته إلى ثمانية غالبيتهم يكونون أطفال فعليك باللاندكروزر برادو تي إكس إل سته سلندر قير أوتوماتيك بحوالي 136500

وأسأل الله أن يوفقك للشراء الموتر اللي يصلحلك والله يعطيك من خيرة وكفيك من شرة مقدماً

راعي مليجة

18/12/2009, 05:32 AM

اقول خذلك ددسن غمارة ولاهايلكس اصرف لك ههههههههههههههههههههههههه

مثل ماقالوا الشباب اليكون في نظري الافضل واللة يوفقك.......ويعطيك خيرها ويكفيك شرها

ghareeb

18/12/2009, 04:59 PM

والله أشوف الشباب كثير ينصحون باليوكون بس أبي أعرف الفرق بينه وبين التاهو
وبالنسبة للاند كروزر جي إكس ما أدري جي اللي يجي ثمانية سلندر كم قيمته

سوبر مكشات

18/12/2009, 09:20 PM

انا اقول الله يعينك وفكر بالشراء من الخليج او امريكيا

تاخذ لك شي وكالته ب200000
وتشتريه مستعمل نظييف جدا ب150 او 140 خاصتن الامريكي

اللند مب زي اول مايطيح الحين تركب عليه لوحات يطيح 20 ال25خاصة الجكس ار والففكس ار
اما اللي دونهن يطيح 5 الى 10

والله المستعان

وشف كان لقيت اللي يطلعون اقصاد ويبيعون تلقاهم بشركات الاقصاد

موتر اصفار ورخيص

ghareeb

18/12/2009, 09:41 PM

الرمز 1

02/05/2010, 09:42 PM

يعطيك الف عافيه اخوي

b.l.z 2007

04/05/2010, 12:38 PM

خذ لك نيسان ولا تيوتا ...

آل زايد502

04/05/2010, 01:03 PM

والله شف وانا اخوك الامريكي كثار الي يذمونه وهم مايعرفونه اساساً مع ان تايوتا مشكلها صارت كثيره اكثر من اليوكن الدينالي موب العادي بس وعلى فكره شايف اوريون 2010 يطلع منها دخان ابيض وكثير وش معناتها ان السياره وترا مكينة التاهو جباره وقويه والارماده حلو لاكن عيبه مراتبه قاسيه انا اتكلم عن الي ركبته وكنت راكب بالخلف
وترا اليوكن والتاهو مابينهم فرقق يذكر بس فالشكل اتوقع
وياشباب لاحد يتكلم عن سياره ماقد جربها ولا ركبها اساساً
الله يوفقك ويختار لك الي فيه الخير

المساجدي

04/05/2010, 01:54 PM

فيه موتر بر وديره حلو وفخم بس انت تقول عندك موتر ثاني للبر

الارمادا يجمع لك الفخامه + القوه بالبر محرك ثمانيه سلندر 5600 سي سي

:good: :good: :good: :good: :good: :good: :good: :good: :good: :good: :good: :good: :good: :good: :good:

ام صتمه 87

04/05/2010, 02:22 PM

أنا أرى إن اليوكون أو التاهو مفصله عليك ..

راحه وطلعات بر خفافي ..

ابوسعد931

04/05/2010, 07:30 PM

تاهو دفرنسين
نصيحه مجرب ومريح مشاء الله عليه
اذا طلعاتك للبر خفيفه

الكيان

05/05/2010, 12:09 AM

الاكسبديشن xli نصف فل دبل قصير.

moooj

05/05/2010, 12:46 AM

صل ركعتين واستخير
ورح مر على الوكالات واطلب قيادة تجريبية
وبتعرف تلقى طلبك باذن الله
موفق