المترو
18/11/2004, 07:33 PM
السلام عليكم ورحمة الله
هذه رحله خطافيه لا كانت على البال ولا على الخاطر اليكم تفاصيل الرحله
الموضوع وما فيه انه يوم العيد تعرفون الواحد يتصل على الاقارب والاصدقاء للمعايده اتصلت على احد الاصدقاء الغالين للمعايده الساعه الرابعه عصر العيد الاول سلام من العايدين وخلافه قال رفيقي وش العلوم ابد طيبن ومعيدين وانت وش اخبارك قال انا طالع من الديره حول الشعلانيه متجه الى بقعاء وتربه وهاك الديار ومعي ربع شرواك فلان وفلان قلت هاه وتغير صوتي قال تقل حنيت وش عندك ورديت على طول ماعندي شيء تدري الوعد وين
الرجال ما صدق كلامي اي وعد قلت المهم وين اقابلكم الليله رد وقال الصدق انت وينك قلت بالرياض وماشي هالحين لكم
ومشينا والله لاكنت مخطط لها بس الصراحه طنت بالراس ومشيت الساعه 6 المغرب والساعه12:30 منتصف الليل وانا بمحطت المعيقزيله بعد لينه
خط الرحله
الرياض -المجمعه الارطاويه ام الجماجم -مفرق البطحانيه - لينه -20 كيلو بعد لينه ولفيت يسار وانزل واطق الاستيشن اللي بالموتر واحط الاحداثيه وتبعد عني 17 كيلو الا والله الاحداثيه خلاً خالي وادور لربعي يفتح الله يمين يسار ما احد يرد معي رقم محطتهم ويبداء المطر والخيال وانا لي بحجرتن الله لا يوريك لو سالت الارض المهم صارت علوم قلت امرح يا ابو ناصر والصباح رباح (ناقل الاحداثيه اخوكم خطاء الفرق 2 كيلو )
واترفع بهاك الدكاكه المرتفعه واطق الفراش التنزاني واتوسد اللي انتم خابرين و المطر خف
ونومه ولا اقوم الا الساعه 5:30 مع الطيور
وافتح الجهاز على قناتهم ويردون وينك قلت جنبكم وبس وينكم انتم قالو والله كنا تعبانين و على طول بعد العشاء نمنا لان بعضهم له ثلاث ايام وبعضهم واصل من القصيم قبلي بساعات
الا والله الكبيده جاهزه وافطر معهم ونوجه الى العاذر وقيل الباذر اللي فيه مارد الماء مروراً بأم رماح ونسوي دوجتن طيبه الى الساعه 12 الظهر ويهب ذاك السافي اللي ما تشوف اللي قدامك وناخذ نصيحة اهلك لا تهلك ونوجه الى الشعاف اقل سافي وهواء ونتغدى ونطق الخيمه ونوجه الى الحنتين وناخذ دوجتن طيبه بهاك الشعاف الى المعشاء ونمرح حول الحنتين وجهتنا الى جنوب الصليب نسمع ذكر لكن ما شفنا شيء ولا اثره وينتهي اليوم الاول يوم الاحد
اليوم الثاني الاثنين ) نوجه الى الحنتين وناخذ دوجتن طيبه ونفس النتيجه والارض مخضره توه الباذر بادي فيها (ربيع طير ) وينتهي اليوم الثاني الاثنين وامرحنا بالقرب من الحنتين (وقيل النهدين ) بالنفود
اليوم الثالث الثلاثاء ) ونوجه الى النقيان بوجة خب سح (وقيل الصاج ) ونقضي اليوم بالدوجه ونفس النتيجه ذكر بدون شيء اللي يقول جرة سمق ( كراوين بس متعب الكروان بالجره يحوس الارض بيوم واحد
ونوجه الى الحيانيه الديره ونتزود بالماء والوقود وبعض من الخبز و المقاضي البسيطه وخصوصا واحد راعي تتن وخلصت تتنه
ونجد الحيانيه مكينتها خربانه ونحول على الفريهيديه وهي مارد ماء حلو وقيل قراح وفيها مزرعه صغيره وبعض من الاغنام والابل ونتزود منها ونوجه الى اشيقر وهو مارد ماء وارض طيبه وناخذ لنا جولة طيبه ونفس النتيجه لم نجد مبتغنا ونوجه الى حول خب سح وندوج اليوم كله ونمرح حوله
واليوم الرابع الاربعاء نوجه الى جبله وهي جبل ممتد من الجنوب الى الشمال حوالي 2 كيلو طوله يبعد عن ديرة جبله 13 كيلو وهي واصلها المزفت وقيل المقير (المقصود جبلة الشمال وليس جبلة اللي جنوب القصيم ) والمضحى حولها بعد دوجة يوم كامل
وعصر الاربعاء نعزم على النكسه وقيل العوده للاسباب الاتيه الذكر قليل بهالك الديار
الذكر الطيب حول الدكاكه والرضم مصيود 3 ومطير 3 واهل الطيور طيرونا ووجهو عليهن وانا وجهت الى الرياض وكانت كشته ولا بالاحلام الا لاهل الصقور خطرهم واقفه
وخط العوده كما يلي
جبله _ تربه- قبل بقعاء يسار طريق الشعلانيه - طريق حائل بريده -بريده -الرياض
وهذي علومي يا اهل مكشات
وكنت ارغب بأرفاق الصور للاماكن لكن واجهتني مشكله بتنزيل الصور بعد ما كتبت الموضوع وسوف افعل اذا امداني قبل ما تنتهي 120 دقيقه للتحرير والا سوف تكون برد تحت الموضوع
يتبع بعد اضافة الصور
سوف اعود بالصور اذا امكن
والسلام عليكم
الرحــــــــــــــــــــــــــــــــــال2003
هذه رحله خطافيه لا كانت على البال ولا على الخاطر اليكم تفاصيل الرحله
الموضوع وما فيه انه يوم العيد تعرفون الواحد يتصل على الاقارب والاصدقاء للمعايده اتصلت على احد الاصدقاء الغالين للمعايده الساعه الرابعه عصر العيد الاول سلام من العايدين وخلافه قال رفيقي وش العلوم ابد طيبن ومعيدين وانت وش اخبارك قال انا طالع من الديره حول الشعلانيه متجه الى بقعاء وتربه وهاك الديار ومعي ربع شرواك فلان وفلان قلت هاه وتغير صوتي قال تقل حنيت وش عندك ورديت على طول ماعندي شيء تدري الوعد وين
الرجال ما صدق كلامي اي وعد قلت المهم وين اقابلكم الليله رد وقال الصدق انت وينك قلت بالرياض وماشي هالحين لكم
ومشينا والله لاكنت مخطط لها بس الصراحه طنت بالراس ومشيت الساعه 6 المغرب والساعه12:30 منتصف الليل وانا بمحطت المعيقزيله بعد لينه
خط الرحله
الرياض -المجمعه الارطاويه ام الجماجم -مفرق البطحانيه - لينه -20 كيلو بعد لينه ولفيت يسار وانزل واطق الاستيشن اللي بالموتر واحط الاحداثيه وتبعد عني 17 كيلو الا والله الاحداثيه خلاً خالي وادور لربعي يفتح الله يمين يسار ما احد يرد معي رقم محطتهم ويبداء المطر والخيال وانا لي بحجرتن الله لا يوريك لو سالت الارض المهم صارت علوم قلت امرح يا ابو ناصر والصباح رباح (ناقل الاحداثيه اخوكم خطاء الفرق 2 كيلو )
واترفع بهاك الدكاكه المرتفعه واطق الفراش التنزاني واتوسد اللي انتم خابرين و المطر خف
ونومه ولا اقوم الا الساعه 5:30 مع الطيور
وافتح الجهاز على قناتهم ويردون وينك قلت جنبكم وبس وينكم انتم قالو والله كنا تعبانين و على طول بعد العشاء نمنا لان بعضهم له ثلاث ايام وبعضهم واصل من القصيم قبلي بساعات
الا والله الكبيده جاهزه وافطر معهم ونوجه الى العاذر وقيل الباذر اللي فيه مارد الماء مروراً بأم رماح ونسوي دوجتن طيبه الى الساعه 12 الظهر ويهب ذاك السافي اللي ما تشوف اللي قدامك وناخذ نصيحة اهلك لا تهلك ونوجه الى الشعاف اقل سافي وهواء ونتغدى ونطق الخيمه ونوجه الى الحنتين وناخذ دوجتن طيبه بهاك الشعاف الى المعشاء ونمرح حول الحنتين وجهتنا الى جنوب الصليب نسمع ذكر لكن ما شفنا شيء ولا اثره وينتهي اليوم الاول يوم الاحد
اليوم الثاني الاثنين ) نوجه الى الحنتين وناخذ دوجتن طيبه ونفس النتيجه والارض مخضره توه الباذر بادي فيها (ربيع طير ) وينتهي اليوم الثاني الاثنين وامرحنا بالقرب من الحنتين (وقيل النهدين ) بالنفود
اليوم الثالث الثلاثاء ) ونوجه الى النقيان بوجة خب سح (وقيل الصاج ) ونقضي اليوم بالدوجه ونفس النتيجه ذكر بدون شيء اللي يقول جرة سمق ( كراوين بس متعب الكروان بالجره يحوس الارض بيوم واحد
ونوجه الى الحيانيه الديره ونتزود بالماء والوقود وبعض من الخبز و المقاضي البسيطه وخصوصا واحد راعي تتن وخلصت تتنه
ونجد الحيانيه مكينتها خربانه ونحول على الفريهيديه وهي مارد ماء حلو وقيل قراح وفيها مزرعه صغيره وبعض من الاغنام والابل ونتزود منها ونوجه الى اشيقر وهو مارد ماء وارض طيبه وناخذ لنا جولة طيبه ونفس النتيجه لم نجد مبتغنا ونوجه الى حول خب سح وندوج اليوم كله ونمرح حوله
واليوم الرابع الاربعاء نوجه الى جبله وهي جبل ممتد من الجنوب الى الشمال حوالي 2 كيلو طوله يبعد عن ديرة جبله 13 كيلو وهي واصلها المزفت وقيل المقير (المقصود جبلة الشمال وليس جبلة اللي جنوب القصيم ) والمضحى حولها بعد دوجة يوم كامل
وعصر الاربعاء نعزم على النكسه وقيل العوده للاسباب الاتيه الذكر قليل بهالك الديار
الذكر الطيب حول الدكاكه والرضم مصيود 3 ومطير 3 واهل الطيور طيرونا ووجهو عليهن وانا وجهت الى الرياض وكانت كشته ولا بالاحلام الا لاهل الصقور خطرهم واقفه
وخط العوده كما يلي
جبله _ تربه- قبل بقعاء يسار طريق الشعلانيه - طريق حائل بريده -بريده -الرياض
وهذي علومي يا اهل مكشات
وكنت ارغب بأرفاق الصور للاماكن لكن واجهتني مشكله بتنزيل الصور بعد ما كتبت الموضوع وسوف افعل اذا امداني قبل ما تنتهي 120 دقيقه للتحرير والا سوف تكون برد تحت الموضوع
يتبع بعد اضافة الصور
سوف اعود بالصور اذا امكن
والسلام عليكم
الرحــــــــــــــــــــــــــــــــــال2003