سطام F15
18/12/2009, 01:51 AM
السلام عليكم ورحمة الله وبركاته
الله يصبحكم بالخير والمسرات
يالربع بروي عليكم قصة مضت على رجال أعرفه
القصة
كان الرجال يالربع يحب المقانيص والبر بلحيل وكان له جماعةٍ بدو وكانت عندهم بنت ٍ مريضة لابسها جن الله يحمانا وإياكم من يوم هي صغيرة
يوم يجي فيها تهج مع الخلا وتشقق ملابسها وليا فكها طيبة مافيها شيء أبد ومتغربلة المسكينه
ودوها أهلها بعيد وقريب ماخلوا مكان يسمعون إن فيه قاري يقرأ أو علاج يذكر إلاوودوها له
ولا الله أراد لها شفاء وراحت الأيام ومضت السنين وهالبنية على هالحاله
كبرت البنت وصار وضعها محزن تعرفون كبيرة ومريضة ولا أحد يرضى يتزوجها وصارت أمها تعتني فيها وتصبر على مصيبتها في بنتها
وفي ليلة ناموا أهل البنت وسرت البنت وماحسوا فيها ويوم أصبحوا ولياها سارية ماهيب فيه
قامو يدورن في كل مكان مالقوها وأمها المسكينة تعبت وبكت لين تقطعت عيونها من البكاء على ضناها
مرت حول ثلاثة أيام مالقوها أيسوا منها قالوا خلاص ماعاد حنا لاقينها والظاهر إنها ماتت
المهم يالربع هالرجال كان قانص يم ديرتهم وعدى له في مرقاب وقام يناظر لعله يشوف له صيدة وإلا شيء
المهم هالرجال شافه له شيء من بعيد يشوفه ولا يدري وش هو الوكاد إنه متأكد إنه يتحرك
وكان الوقت عصير قريب غياب الشمس قال بقرب له لعله صيدة وإلا بعير ٍ غادي على راعيه وأذكره للبدو
ونزل من المرقاب اللي هومعدي فيه ونصى مرقابٍ ثاني أقرب من الأول
وعدى به وناظر بهاللي يتحرك ولياه زول آدمي وليا يشوف عنده شيء ٍ ثاني مايدري وش هو وهالآدمي جالس ومنطوي على بعضه وحالته حاله
واللي عنده ينقز من مكان لمكان قال بروح للآدمي ذا شك إن فيه شيء نزل وراح نصاه ويم وصله
وليا البنت اللي ماينكرها وكانت عريانة من ملابسها قالها فلانة قالت إيه فلانة إسترني
نزل ثوبه ورماه لها لبسته وسألها وش اللي جابك هنا إنخبل الرجل ماهو مصدق قالت مدري بس أبشرك أنا تشافيت أنا طبت قال كيف قالت
نزل الجني مني هنا وكان ينقز ويلعب وسبحان الله جاه ذيب من ورى هالسرحة ونقز عليه وذبحه قدامي وأنا أشوف وهالحين أبشرك طيبة قالها والله ليمدي أهلك رايحين بعذاب
يالله بوديك لهم
أخذها ومشى وهضلوا على أهلها بالليل ويوم شافوها ماصدقوا وزادفرحتهم إنها سليمة وطيبة
قص عليهم القصة كاملة
ومن فرحة أبوها قال تراها لك زوجة على سنة الله ورسوله وقبل فيها
وتزوجها وهالحين ياجماعة الخير هي أم عياله ومرأة كبيرة بسنها وسمعت قصتهم هذي من الرجال شخصيا
سبحان الله العظيم
وهذي هي القصة يالربع ونزلتها وأنا والله محتار لأنها صراحة غريبة ولا كل واحد يصدقها
ولكن لكم الحرية في تصديقها أو تكذيبها
تحياتي أخوكم
سطام
منتديات مكشات سوالف شعبية
الله يصبحكم بالخير والمسرات
يالربع بروي عليكم قصة مضت على رجال أعرفه
القصة
كان الرجال يالربع يحب المقانيص والبر بلحيل وكان له جماعةٍ بدو وكانت عندهم بنت ٍ مريضة لابسها جن الله يحمانا وإياكم من يوم هي صغيرة
يوم يجي فيها تهج مع الخلا وتشقق ملابسها وليا فكها طيبة مافيها شيء أبد ومتغربلة المسكينه
ودوها أهلها بعيد وقريب ماخلوا مكان يسمعون إن فيه قاري يقرأ أو علاج يذكر إلاوودوها له
ولا الله أراد لها شفاء وراحت الأيام ومضت السنين وهالبنية على هالحاله
كبرت البنت وصار وضعها محزن تعرفون كبيرة ومريضة ولا أحد يرضى يتزوجها وصارت أمها تعتني فيها وتصبر على مصيبتها في بنتها
وفي ليلة ناموا أهل البنت وسرت البنت وماحسوا فيها ويوم أصبحوا ولياها سارية ماهيب فيه
قامو يدورن في كل مكان مالقوها وأمها المسكينة تعبت وبكت لين تقطعت عيونها من البكاء على ضناها
مرت حول ثلاثة أيام مالقوها أيسوا منها قالوا خلاص ماعاد حنا لاقينها والظاهر إنها ماتت
المهم يالربع هالرجال كان قانص يم ديرتهم وعدى له في مرقاب وقام يناظر لعله يشوف له صيدة وإلا شيء
المهم هالرجال شافه له شيء من بعيد يشوفه ولا يدري وش هو الوكاد إنه متأكد إنه يتحرك
وكان الوقت عصير قريب غياب الشمس قال بقرب له لعله صيدة وإلا بعير ٍ غادي على راعيه وأذكره للبدو
ونزل من المرقاب اللي هومعدي فيه ونصى مرقابٍ ثاني أقرب من الأول
وعدى به وناظر بهاللي يتحرك ولياه زول آدمي وليا يشوف عنده شيء ٍ ثاني مايدري وش هو وهالآدمي جالس ومنطوي على بعضه وحالته حاله
واللي عنده ينقز من مكان لمكان قال بروح للآدمي ذا شك إن فيه شيء نزل وراح نصاه ويم وصله
وليا البنت اللي ماينكرها وكانت عريانة من ملابسها قالها فلانة قالت إيه فلانة إسترني
نزل ثوبه ورماه لها لبسته وسألها وش اللي جابك هنا إنخبل الرجل ماهو مصدق قالت مدري بس أبشرك أنا تشافيت أنا طبت قال كيف قالت
نزل الجني مني هنا وكان ينقز ويلعب وسبحان الله جاه ذيب من ورى هالسرحة ونقز عليه وذبحه قدامي وأنا أشوف وهالحين أبشرك طيبة قالها والله ليمدي أهلك رايحين بعذاب
يالله بوديك لهم
أخذها ومشى وهضلوا على أهلها بالليل ويوم شافوها ماصدقوا وزادفرحتهم إنها سليمة وطيبة
قص عليهم القصة كاملة
ومن فرحة أبوها قال تراها لك زوجة على سنة الله ورسوله وقبل فيها
وتزوجها وهالحين ياجماعة الخير هي أم عياله ومرأة كبيرة بسنها وسمعت قصتهم هذي من الرجال شخصيا
سبحان الله العظيم
وهذي هي القصة يالربع ونزلتها وأنا والله محتار لأنها صراحة غريبة ولا كل واحد يصدقها
ولكن لكم الحرية في تصديقها أو تكذيبها
تحياتي أخوكم
سطام
منتديات مكشات سوالف شعبية