المساعد الشخصي الرقمي

مشاهدة النسخة كاملة : يا هلا بالجميع أدخلو وعطوني رايكم برفعة الهايلوكس


الذيب2009
20/12/2009, 09:16 AM
السلام عليكم ورحمة الله وبركاته ....
صبحكم الله بالخيرات ..........
إخواني عندي هايلوكس دفرنسين من شكل 2006 ودي الله لا يهنكم أرفعه من الخلف وش أحسن طريقة وش تنصحوني فيه؟؟؟
لا تخافون فيه خيارات لكن لابد من ذكر السبب للاختيار


1- زيادة ريشة ( سسته )
2- تركيب لعابات .
3- تدبيل مساعدات طويلة .
4- جلب بين السست


تكفون أنا محتار وقلت مالي الا رعين
المكاشيت طيور مكشات فزعتكم الله لا يحرمكم الأجر
الذيب2009
20/12/2009, 04:35 PM
وينكم يأهل المنتدى أفتوني في أمري ...
عارف الشمري
20/12/2009, 05:04 PM
نصيحه ركب مساعدات طويله وركب قدام كعكات على الياي ونشالله تصير ( شاص) على رفعتها

ونتبه من الحلد بين السست تكسر ضهرك ومطبها جامد ولها اثار للموتر بعدين
fj44
20/12/2009, 07:42 PM
يازينك يا الشد بلد
نصيحه لوجه الله
--البتار--
20/12/2009, 07:44 PM
نصيحتي لك اعمل طرق للسست وارفعها على المقاس اللي تريده لأن زيادة السست تزيد من قساوة المطب
وتركيب لعابات اطول يتسبب في زيادة فرد السست مما يتسبب في سرعة انكسار السست
اما بالنسبة للمساعدات والجلب الحقيقة ما عندي خلفية عنها ولا جربتها من قبل
براوننق
20/12/2009, 07:47 PM
ركب قدام ياي استرالي ومساعد فكسار وورا ركب لعاب ومساعدات فكسار تطلع شاص
مدمن مرقوق
20/12/2009, 07:56 PM
يمدحون شد البلد

ترى ضررها كبير بعد فترة
الذيب2009
20/12/2009, 08:07 PM
جزاكم الله خير على الردود الي تنم عن مدى تفاعلكم مع المنتدى


لكن يا جماعة أنا مركب شد ثقيل شوي و مركب تانكي 150 لتر تقريباً ومرفع الموتر من قدام

يعني الموتر طايح من ورى علشان كذا أبي أرفعة وإلا أنا ما أخلي شد البلد ....




ــــــــــــــــــــــــــــــــــــــــــــ الجادة لو طالت ــــــــــــــــــــــــــــــــــــــــــــــ
ابوراس الدحمي
20/12/2009, 08:40 PM
لا تفكر .......... باقي عليك واحد من الخيارات ما قلته
وهو انك تغير الكفر بمقاس اكبر
وهذه نصيحتي .... لاتفكر تحط كفر كبير بتحكّ عليك الرافارف الامامية
تحياتي...
عبدوش
20/12/2009, 08:46 PM
نا مركب لعابات على هلي 2010 ومشالله مطب خفيف وانصحك فيها اوما الجلد ابعد عنهن لانهم زي ماقلو الاخوان تكسر الظهر
والله يوفقك
shoshanco
20/12/2009, 09:00 PM
اخوياي مركبين ورا جلد
وقدام مساعدات مرسدس وكعكات
3 هايلكسات 2009
1هايلوكس 2008
1هايلوكس 2004 بس ذا ما ركب جلد ورا
داب الرمث
20/12/2009, 09:05 PM
السلام عليكم ........... اليك الطريقة الامريكية للرفع تروح المخرطة وتفصل 2 بلكة حديد طول 13 سم وعرض 6 سم والارتفاع الي تبي انت . تحطهن تحت اخر سستة فوق جرم الدفرنس ................ لو تبي ترفع كثير يبيلك تشري قفيزات سست طوال ....وخلك من شغل ابك واحذر من تدبيل المساعدات تسبب كسور بالشاصي مع الحمل الثقيل
سوبر مكشات
20/12/2009, 10:41 PM
هلا بالذيب

انا اقول

ركب هيدروليك:D :D :D :D

اتوقع انه ازين حل:good2: :good2: :good2:

(معقوله)

وبوالين ومساعدات شاص قدام ووراء:eek: :eek:
وغير المراتب
حط مراتب بيوك 78او لكزز2010 :p :p

عشان لايجيك انزلاق غضروفي بالكارونه:looney: :looney:
بعدين تروح في اسم إن



خل الموتر شد بلد والتانكي لا تملاو
ولا اتفخ الكفرات اللي وراء 40
واللي قدام 30



والاعضاء ما يقصرون ان شاء الله
الذيب2009
21/12/2009, 07:25 AM
________________ معقولة __________________


ليش لا نركب مساعدات هادروليك ياسوبر ...........................

شكرا لكم يا أعضاء مكشات


لكن يا الدحمي عندي السيارة مرتفعة من أمامفلا فائدة من تغير الكفرات تقبل تحياتي....

طيب ممكن تفيدن يا عبدوش أنت سيارتك دفرنس أو دفرنسين ؟
وهل السيارة متوازنة زي شد البلد أو فيها رجه ؟
لانهم قالو لي إنه يصر عدم توازن

وتقبل تحياتي ....


والشكر موصول لجميع من شاركني
فهد بن مشبب العاصمي
21/12/2009, 07:31 AM
اخوي ركب مساعدات ورا يامونرو او جبريل اقسى ولا تخلي الموتر ينزل انا كنت مركب حقات شاص ورا .. والموتر ماشاء الله احمل عليه ولاينزل

.. وافضل حل انك تركب لعابات انا جربتهن على موتري كم سنه ماشكيت منهن .. اذا زودت سسته يقسى المطب .. واذا طرقت سست مع الوقت يلين ..

والامر راجع لك هلكلام من واقع تجربه
escape_man
21/12/2009, 07:34 AM
احدث طريقة لرفع السيارات الان هي البوالين ..

ترفع الموتر الى 18 سم واذا رجعت الديرة تنزله كانه شد بلد

وافضل من يسويها واحد اسمه بدر بصناعية العاصمة مخرج طريق المدينة بالرياض

رفعو الشباب عنده جموس ومبسوطين على الآخر
هويدي
21/12/2009, 07:36 AM
الاخوان كفو ووفو ولكن على قولتهم كلن يدلي بدلوه

1- زيادة ريشة ( سسته ) بيقسى المطب.....
2- تركيب لعابات . ماجربته بس مايمدحونه
3- تدبيل مساعدات طويلة .بصراحه ماخبرت المساعدات ترفع

4- جلب بين السست .. سويتها على جمس صحن تمشي بس موب عمليه

تقدر تفك الشيال وتغير المسمار اللي بالنص ( اللي يمسك السست ) بمسمار اول وتصفلك ربله مع السست وتخرمه مع النص علشان تثبت <= سبق وسويته على جمس صحن ناجحه ولا تكلف

وكنت اسأل زيك العالم مدحو تقويس السست
فهد بن مشبب العاصمي
21/12/2009, 08:19 AM
ياشباب .. لاتنسون ترا الرجال موتره من قدام يايات ومساعدات

وورا سست ومساعدات
بروح معاكم
21/12/2009, 08:54 AM
اخوي الذيب2009
انا مركب شد ثقيل على هايلوكس 2000 وطاح الموتر من ورى وركبت لعابات ولا لحظت شئ فيها ممتازة .
الذيب2009
21/12/2009, 09:48 AM
جزاكم الله خير يا جميع من شاركني وأدلى بدلوه تقبلو تحياتي المتواضعة



أخوكم / الذيب 2009




دمتم