المساعد الشخصي الرقمي

مشاهدة النسخة كاملة : مطلوب ورشه لفصل الدفع الرباعي للاندكروزر 2006


ابومشخص
21/12/2009, 11:11 PM
السلام عليكم ورحم الله وبركاته

مساكم الله بالخير جميع

عندي لاند 2006 وودي افصل الدفع الراعي اخليه دفع خلفي ولكن اذا بغيت اشبك الدبل شبكته لأن موديلات 2006 يجي فيها الدبل شغال الى 70
اللي يعرفلي ورشه بالشرقيه يدلنا ولاعليكم امر
أبوعبدالعزيز11
21/12/2009, 11:35 PM
السلام عليكم
نصيحتي لا تفصل الدفع الرباعي خليه أفضلك
وشكرا
ابومشخص
22/12/2009, 09:46 AM
السبب اخوي الوافي؟

انا مانيب فاصله نهائي ودي اظبطه معا القير يصير اشبكه متى ما بغيت
vx.95
22/12/2009, 09:58 AM
أنا معي لاندكروزر 2000 vxr فصلت الدفع الرباعي والحمد لله أرتحت
لأن الدفع الرباعي يسبب فضاوة بالكارونة اللي قدام وتصير مزعجة ...وعلى العموم فصلة الدفع الرباعي ماتسبب مشكلة ....أنا راعي سفر وكشتات والحمد لله الموتر سليم ....
والتكلفة 800 ريال ...الورشه بالرياض
ابومشخص
23/12/2009, 09:19 AM
لاهنت اخوي vx
طيب سؤال يالذيب
انت اذا بغيت تشبك الدبل لازم ترجع الورشه ولا جاهز من عندك تشبكه وتفصله
واذا ماعندك مانع تبلغني باسم الورشه وموقعها وهل شغلهم مظمون
ابومشخص
24/12/2009, 09:23 AM
يالربع اللي عنده معلومات لا يبخل علينا
ذهلان 1
24/12/2009, 01:39 PM
عندك ورشة الموسى
الصناعية القديمة بالرياض نهاية شارع الأربعين من الشرق
500ريال
يفصلون الدبل التفاضلي حيث يكون الدبل حسب رغبتك
يعني متى ما تبي تشغله تشغله
بس لا تنسى تأخذ القطع اللي يفكونها معك
بأدور رقمهم وأسجله لك
عندي فكسار فصلت دبله وأرتحت والله
خفت نفس الموتر وتغير عزمه
أتمنى أني أفدتك
تحياتي
ابومشخص
24/12/2009, 06:02 PM
الله يبيض وجهك يا ذهلان ويرحم والدينك انشالله ماتقصر يالذيب
لهذام
24/12/2009, 06:36 PM
طيب ياشباب هل البريمي جكسار 2005 دفع خلفي ام رباعي ؟؟
مع ان زر الدبل الخفيف ماعليه علامة اكس؟؟
افزعولنا اببعد الشكه
ابومشخص
25/12/2009, 07:46 PM
ذعذاع الهبوب اللي اعرفه ان اللاند كروزر من 2006 دفع رباعي شابك
تحت ال2006 بس الفكسار هو اللي شابك
vx.95
25/12/2009, 08:28 PM
السلام عليكم
معليش ياأبو مشخص ...تأخرت بالرد عليك ....
الدبل ياطويل العمر أشبكه متى مابغيت على راحتي ...لاأروح الورشه ولاشيء ...
الشيء الثاني أنا فاصله عند واحد بالشفاء يشتغل عند بيتهم الرجال سعودي وحبيب وأجودي ونصوح ..وعلى العموم أقل ورشه تفصله بالرياض 800 ريال لأنه ياخذ القطعه اللي بالدبل ويحط بدالها ثانيه ...وهذا رقم الرجال 0503151217 ________ بس على فكرة الرجال زحمه مرة ...يمكن يعطيك رقم واحد بالصناعيه القديمه تراه سوري بس أشهد أنه رجال وأمين ....
جيب الربع
25/12/2009, 10:15 PM
فية ورشة بالزلفي يفصلون الدفع الرباعي الاند كروزر ويركبون جلد بالوف بدون فك الراس وهذا وقم جوالة المهندس سعودي 0555122765
vx.95
26/12/2009, 08:26 AM
هلا بخوي ...جيب ربع
على العموم فيه بالزلفي أربع ورش تغير جلد بلوف بدون ماتفك رأس المكينه وهذا خاص بالجيوب السته سلندر أما الثمانيه لازم تفك الرأس ...والورش اللي تفصل الدفع الرباعي أقل قيمه بـــ1000 ريال ...أنا فصلت موتري مع تغيير ثلاث حساسات حقت الدبل والريوس والدفلك وغيرت صوف الدبل كلها وخليت الدفلك يشبكه لحاله بدون ماأشبك الدبل .... شغل يده 800 ريال والقطع 400 والحساب 1200 ريال ..
براد نجد
26/12/2009, 10:57 AM
حياكم الله ياشباب انا معي لاند كروزر قديم تماتيك الدبل مشبوك 24 ساعة هل نضامة مثل الجديد ولى يختلف يعني اقدر افصلة؟؟ بالعصا حقت الدبل مكتوب H-n-l نرجو الأفادة الله يجزاكم خير
أبو محجن
26/12/2009, 08:47 PM
والله ياليت احد يفيدنا بورشه ممتازه تفصل لاني عندي VXR2003 وودي افصله
ابومشخص
26/12/2009, 08:50 PM
الله لا يهينك على المعلومات الوافيه اخوي vx
أبو محجن
27/12/2009, 01:13 AM
للرفع يا اخوااان
ابوعبدالعزيز2220
27/12/2009, 02:16 AM
طيب ياشباب vxr 97 القطري يجي دفع رباعي او خلفي
ابومشخص
27/12/2009, 07:26 AM
حن الموتر وادعس
اذا قرص يعني دفع خلفي اذا ما يجي يعني دفع رباعي
أبو محجن
27/12/2009, 06:43 PM
القطري الغالب فيه رباعي

ومازال الاستفسار قائم

هل في احد يفصله في الدمام ولا الرياض وياليت من الاخوان يضعوا رقم هاتف ولا وصف دقيق

مع خالص الشكر للجميع
HAS5SAN
27/12/2009, 08:46 PM
يا أخوان الوكالة أدرى
وشوله تفصلونه
سهيل 55
27/12/2009, 09:33 PM
ياشباب الموضع كالاتي تفك العامود الخلفي والامامي وتفرغ الزيت من مجموعة الدبل وتفك الفلنجه حقة العامود الخلفي وتفك مسامير داير مجموعة الدبل والقير في مكانه وتجد ترس بين الفلنجه الخلفيه والاماميه ماسكه فيه قطعه على شكل شوكه بسنين وهذي هي اللى تثبة الدبل الصغير في حالة كبسة على الزر اللى في الطابلون المرسوم عليه كفرات واكس طيب خذ الترس التفاضلي ورح الوكاله وقل ابي ترس جي اكس ار وخذه وركبه في مكان القديم وخذ سليكون اصلي وزيت تروس وركب مايبالها اختراع ولا شغل يد زياده عن 300 ريال ومافيه اي تائثير وتشبك الدبل الضغير وتفصله عنطريق الزر في الطابلون واي موديل فيه هذا الزر ممكن يتحول الى دبل اختياري والله يوفك الجميع
العواد 2
27/12/2009, 09:44 PM
مانصحك انتفصلة الدفع الرباعي