يا نسيم الهبايب ( سامرية)

[مخاوي الذيب]

يا نـسـيـم الهـبايب خـبري ويـن خـلي = خـبـري ويـن خـلي يا نسـيم الهـبـايب
خـبري ويـن راح اللي هـروجه تسلي = خبري وين راح اللي هروجه عجايب
يوم شفت الركايب قمت ارحب واهلي = قمت ارحب واهلي يوم شفت الركايب
شد مظنون عيني شد ما هو هوى لي = أه لا عــاد يــوم فـيـه فـرقـى الحـبايب
ســيـد كـل الـحـبايـب مـره جـا مـحلي = مـره جــا مـحــلي ســيـد كـل الحبـايب
مقدم الراس شايب من فراق السجلي = من فراق السجلي مقدم الـراس شايب
جعل وبل السحايـب فـوق دارة تهـلي = فـوق دارة تهـلي جعـل وبـل السحايب

[المربعانيه]

صح لسانك بس ابي اعرف خله غادي ولا مات؟؟؟؟

[مخاوي الذيب]

الله اعلم وين خله
واعتقد ان جماعته شدوا من المكان الى مكان لا يعرفه الشاعر
أو ان خله جاحده ولا يبي شوفته

[المربعانيه]

يـــا دافع البلاء ...يختك وهو لعبه تجحدة تسذيا لالالا
لاتحط في ذمتك شي:D :D :D

[سحري]

والقصيدة هي للشاعر/ فيصل البواردي من أهل شقراء
ولها قصة جميلة جداً وهي :
أن عم الشاعر قد أرسله ليحرس الأشجار المقطوعة تواً لكي لا تأكلها الأبل والحمير ألا انه وهو في طريقة سمع ناس يغنون في ( المزين) وهو ماكن اللعب فذهب لذلك المكان وترك الحراسة فلما جاء عمه فوجئ به وسطهم ينشد ( يانسيم الهبايب ) ويغنونها ويلعبون عليها .
والشاعر هو أخو حجرف أمير شقراء في عهد الملك عبدالعزيز رحم الله الجميع .
وقد ذكر راشد بن جعيثن في ملاحظاته أن القصيدة لابن دريويش من أهالي شقراء .
وتقبلوا تحياتي ...

[مخاوي الذيب]

تشكر يااخ سحري على المعلومات المفيدة وعلى التفاعل الجيد
وتقبل تحياتي