الفرق بين الشاص الخليجي والسعودي؟؟؟ ادخل وشارك

[الوايلي]

يا اخوان دائم نسمع عن الشاص الخليجي انه افضل من السعودي وهذا بلا شك ولكن لماذا؟؟؟
الشاص ياتي ثلاث انواع بريمي وسعودي وفطيمي وافضلهن البريمي والسعودي
والفرق بين السعودي والعماني(البريمي):
العماني شد بلده من اليابان .مسجل اصلي ياباني . مكيف تركيب اليابان.خطوط جانبيه حمراء منظرها روعه تركيب اليابان
اما السعودي مسجله تيوتش صيني ومكيفه تركيب مصنع عبداللطيف جميل في جده وكذلك الخطوط .
حيث لا ياتي غير البريمي فل كا مل (ونش وهزاز )اما السعودي فلابس عليه ضمان اما البريمي ما ادري
يعني هذا الفرق بينهن فقط والناس يسافرون لعمان من اجل الخليجي واغلا في السعر زياده حدود 5000 ريال عن السعودي وفرفهن مكيف ومسجل
وخطوط(كلهن مثل بعض الخطوط غير 2004 بس هو الذي تغير خطه عن السعودي) بس يعني لا عزم زياده ولا شي
وقد يحتمل كلامي الخط والصواب.
فيا اخوان من عنده معلومه لا يبخل علينا به لكي تعم الفائده
وتقبلو تحياتي اخوكم الوايلــــــــــــي.

[أبو أسامة]

السلام عليكم ورحمة الله وبركاته
أن شاء الله أنك طيب .....
الخليجي أبرك من السعودي بشكل عام في التايوتا
بالأضافة لما ذكرت من موصافات الخليجي البريمي وغيره من الخليجيات هنالك السست في الخليجي أبو رفارف وجنوط ألمنيوم شد بلد ( أصغر من السست في الشاص الخليجي العادي والسعودي ) وأيضاً الخليجي عليه ضمان إذا كان وارد البازعي ...
أرجوا أن أكون قد خدمتك ...
وكل عام وأنت بخير

[الوايلي]

مشكور على الرد يا ابو اسامه الي عبرتنا وبعدين انا غلطان اكتب ثاني مره بس اتصفح يعني 70 قارى ما غير رد واحد
وبعدين يا ابو اسامه هل تتوقع علشان السست اغلى 5000 ريال اكيد فيه اسباب
اشكرك على ردك وحسن اسلوبك

[أبو أسامة]

يخوي لا شكر على واجب
ثانياً الفرق مو عشان السست بس الفرق عشان المسجل والمكيف والسست والخطوط اللي على البدي ويكفيك خليجي عشان يكون أغلى عندنا لكن للمعرفه الخليجي أرخص من السعودي بكثير إذا شريته بنفسك من الخليج لكن إذا وصل عندنا يغلونه الشريطيه ......
والخليجي كل شيء فيه شد بلد .... أما السعودي يكفيك عشان تعرف أنه ماهو شد بلد كله شف الخطوط اللي عليه تقول شخابيط ....
وسلامتك ....

[كشاته]

لو ما يأتي في البريمي والفطيمي إلا فرق السست

9 سست

وبعضه 11 سسته

أما السعودي فما يمديك تحمل كم مره ألا ووقفته تتغير

[شاص]

إضلفة إلى عمود التوازن الخلفي بالخليجي

[الوايلي]

مشكور يا شباب على الرد ويا ليت الشباب يتفاعلون مع الموضوع
الاخ شاص ارجو توضح ردك ووش الفرق بعمود التوازن بينهن وبين السعودي
اريد اضيف هذا البيت
شاصا خليجي للنشاما المخصص شد البلد مضمون عن كل الانقاص (مهم سعودي :mad: )
وشكــــــــــــــــــــــــــرا

[تبريزة]

السلام عليكم ورحمة الله وبركاته

الشباب بصراحه قالو كلام وافي

ومن ناحيتي اكيد الخليجي افضل ،،، بعدين الشاص السعودي عندنا بالوكاله حاطين له النور يرقا وينزل ،،، اجل خبرت ان هالحركات ينحطن بالمواتر هذي ،، بكره تمسك لك جلد وانت طاير ماتدري الا المشكوبيات طايره حقت النور وتلقى شمعاتك يتدودلن بالارض يعني من ناحيتي الاضافات البايخه مثل النور ماله سنع :director:

ويكفيك ان الفل كامل يجيك ونش ودوفليك ،، ومستحيل تلقى المواصفات هذي بالسعودي مجتمعه ،، ويكفيك الخطوط شكل اللي يصممهن عند شركة عبداللطيف جميل يعطي ولده الصغير القلم وهمن يقول ارسم اللي انت تبي ،، همن يحطون الخط على حسب رسم هالبزير :dance:

الخليجي وبس ،،، بس حنا مجبورين على عبداللطيف جميل ندور الضمان سوا على الشاص ولا الربع ،،، لو يطيعنا البازعي ويكمله ويجيب ربع كان يطلع احسن واحد ،، بس يدري ان جابه بيفتح عليه باب مسكر ،، وانتم ادرا :j

عموما اسف على الاطاله ،، بس لقيت لي فرصه اطلع اللي عندي :good2: :type:

مشكوووورين والله يعطيكم العافية

ودمتم
اخوكم
تبريزة

[ممتر البران]

السلام عليكم
مشكور مقدما على الموضوع الجيد الذي يتكلم عن سياره اجود :D
المهم
الفطيمي ما اتوقع ان احد يبيه لئن فيه اتفاقيه بينه وبين عبدالطيف جميل بانه اذا جاه سعودي ما يبيعه تصدير يعني بدون جمرك
فيطر الي يبي يشريه يهون لئنه كذا بيدفع جمركين الامارات والسعوديه

العماني او البريمي كما يسميه البعض وهذا غلط بريمي هذا اسم المنطقه الي موجود فيها وكاله تويوتا في منطقه عمانيه في الامارات قرب العين واسم الوكاله سعود بهوان

القطري ولا اعرف اسم الوكاله ولكن انهم مشهورين بالهدد

المهم احسن مزايا الشاص بين كل هالوكالات هو العماني
بلا منازع للمواصفات التاليه:
1- كلش شد بلد مكيف
خطوط
مسجل
رموت
قزاز فصال
......
2- وجود رموت اصلي.
3- وجود تخشيبه اصلي يعني شد مصنع.
4- احد عششر سسته.
5- عمود التوازن بالدفرنس الخلفي وفادته عدم فرش الكفرات مع زيادة التحميل وسبب وجوده بالهنوعيه فقط تضاريس عمان.
6-جود نيكل بالخلف على لمبات الفرامل والريوس والاشاره.
7-وجود فل كامل عندهم يعني عندك اكثر من خيار الي يبي الفله والراحه ياخذ جنوط ورفارف وسبع سست الي راعي مطامر ورا النياق وتحميل علف ياخذ حد عشر سسته ستاندر
والي يبي والخلاوي الي يبي الفله ياخذ الفل كامل دف لوك وونش والي قروشه واجد ياخذ جميه ما ذكر دف لوك وونش وسبع سست وجنوط ورفارف الاسعار حسب معرفتي الفل مره جنوط رفارف دف لوك ونش 116000
حد عشر سسته ودف لوك وونش 112000
حد عشر سسته ستاندر 105000
انا اتكلم عن الفين وخمسه لخوضي التجربه وهذا نتيجتة ما طلعت به
حد عشر سسته ودف لوك وونش عماني طبعا

[الوايلي]

مشكورين يا شباب على الرد
الاخ تبريزه مشكور على الردك الجميل وشكلك زعلان على عبدالطيف بس الشكوى لله (اذا ما طاعك الزمان اطعه)
بس الناس مجبورين علشان الضمان
الخ العزير ممتر البران تصدق اني انتضر ردك على احر من الجمر والله يجزاك خير كفيت ووفيت بس عندي كم سؤال :هل وقفت الخليجي تغير مع التحميل بعد كم سنه وبعدين هل يمكن يجي فيه الفرامل المانعه للانغلاقABS
وهل يجي به فرارات شد بلد
تقبلو تحياتي اخوكم الوايلـــــــــــــي

[الدبل الثقيل]

الفرارات جات على السعودي موديل 2002 في بعض دفعاته... وتمتيك بعد...

[ممتر البران]

يا هلا ومرحبا وقفة العماني ما تغير والاي بي اس ما فيه
والفرارات جت بالفين وثنين شايفن على ثلث واحد من العيال
ووش تقصد بالخليجي؟

[الوايلي]

اخوي ممتر البران تسلم على الرد الشافي الكافي بس عندي سوال لو طولتها عليك :D
هل يمكن تفرق بين العماني والفطيمي من الشكل والخط وبعدين وش قصدك بستاندر
بعدين من ناحية الياي فيه ناس تغير لياي استرالي يقلون صار مثل السست ما يتحرك خشمه ابد ولا ينزل
مع الطرد وشكــــــــــرا

[xozxo]

للمعلومية سعر الجيب الونش مع الدف لوك 102000درهم اماراتي حسب معلوماتي حيث قمت بالاتصال على الوكالة بالبريمي هناك شخص اسمه محمد البلوشي لمن اراد التكلم بالعربية اما البقيه فهنود رقم الوكالة (00968650022)

[gazi9000]

السلام عليكم ورحمة الله وبركاته
اخواني الفرق المهم الي في الشاص هو التعديلات الي يظيفه عبدالطيف في مصنع جده وهي اكسسوارات ماتاثر كثير ماعدا المكيف هو الي مهم.
وشي الثاني الظمان وفي الاغلبيه ما احد يستفيد منه في هذي البلد مع الاسف يعني مبسوطين علينا عبد الطيف وغيره من الوكلاء .
خلاصت الكلام اهم شي المحركات والهيكل كلها واحد ولاي يبي البريمي لا يرده الظمان ابد وسلامتكم .....
تحياتي ......

[حان الرحيل]

السلام عليكم11سسته وسبع موجوده في السعودي والخليجي..المكيف نفسه ..وما فيه مكيف جدة او اليابان...المسجلات او الاكسسوارات..والجنوط يتم شحنها من الصين الى خطوط الانتاج في المصنع..وهناك يتم تركيبهاالفروق لصالح الخليجي خطوط اكبر واوضح ..عمود توازن...الهزاز والونش..اما بقية الامور فلا تعولون عليها كثيرا..وسواءا في الخليج او هنا..الوكالات عند الصيانه يغيرون مالا يحتاج الى تغيير وياكلون اموال الناس بالباطل...

[عبدالإله9933]

السعودي يجي ونش ودف لوك

[زرود538]

الفارق الرئيسي بين الخليجي والسعودي الفل الكامل (البريمي-الاقمشه الخلفيه فحمات والاريل كهربائي والانوارثابته ويوجدتوقيت منبه بالساعه)

[خوخه اجمل]

ياشباب انا ابي اشتري شاص بس احترت وعندي مبلغ ميه وعشر الاف ومن كثر ما اقرى ما عاد ادري وش اشتري بريمي ولا سعودي لاكن ابي مواصفات الفل كامل في السعوديه وابي مواصفات الفل كامل في البريمي الي هو العماني وكم بيطلع علي لو شريت بريمي مع الجمركه الله لا يهينكم
اخوكم ابومصلط الغامدي
تقبلو مروري

[بلاتين]

ياخوان الشاص الفل كامل ونش ودفلك رملي سعودي مثل الخليجي بالضبط 11 سسته الفروق بسيطه في الخط والفرميكا من الداخل السعودي اجمل غامق ومتصله الى الطفايه ومسجل سيدي وكسيت

[مسمار شداد]

الكااااااااااااااااااااااااااااااااااااااااروووووو وووووووووووووووونه
في السعودي اصغر واسأل الي خربت عنده وغيرها لذالك يلاحض خف السعودي في الممشا يعني السعودي اسرع ولاكن على حساب الكارونه