تعالو بسولف عليكم سالفة مثلث برمودا .. وهنالك الشيء المدهش والمثير .. بقلم عشق وجنون

[Nawaf alrawaily]

بسم الله الرحمن الرحيم

السلام عليكم ورحمة الله وبركاته

هاتوا لي الدله وقربولي الشاي وتعالوا واجتمعوا عندي واللي ما يسمع يقرب عندي اهنيا . طبعاً بسولف لكم هالسالفة وربما تندهشون من هذا الشيء .

قريت من كم سنة عدة كتب عن المثلث العجيب وشفت أشرطة فيديوا كثيرة

وهالحين بسولف لكم السالفة وزد على النار شوي يا عبيد وهات الحطب يا مناور وقرب لي الدله يا ابو ملوح .

نزلت الجن على الأرض قبل أبونا أدم بألفين سنة وكانت الجن تسرح وتمرح وتتمخطر على الأرض ولكن بدأ الجن يعث بالأرض فساداً يقتل هذا ويكذب على هذا وأنتشر الفساد على الأرض .

وبعدها نزلت الملائكة على الأرض وأخذت تحارب الجن حتى أبعدتهم إلى أعماق المحيطات .

ومن ثم نزل أبونا أدم عليه السلام وأمنا حواء إلى الأرض . وقد نزل أدم عليه السلام في الهند . ونزلت أمنا حواء في جدة . وأخذ أدم يبحث عن حوا في الأرض ولم يجدها وكذلك حواء تبحث عن أدم ولم تجدة وبعد مدة من الزمن إلتقى أدم وحواء في عرفات ( سميت عرفات بهذا الأسم ) نسبةً لإلتقاء أبونا أدم بحواء .

وبعد المقدمة البسيطة هااااات القهوة يا ابو ملوووووح وشب على النار يا مصيول :) وتحلوا السوالف معكم وكلاً يدفىء نفسة بفروته الجوااااا بااااااارد .

وبعد ما عرفنا هالكلام تعالوا هالحين أسولف لكم عن مثلث برمودا

مثلث برمودا يا إخوان يعتبرة البعض منا شيء خرافي لأنه وبكل بساطة فوق طاقة عقول البشر . وهو في الحقيقة صحيح ولا غبار عليه .

تعال خليني اقوووووول لك قبل 200 سنه تقريباً . طبعاً خلني أرجع للوراء قليلاً يا البناخي .

يعني لو قلت لك افطرت في بيتنا بـ عرعر وتغديت بالنظيم :) ( الرياض ) ومن ثم تعشيت بجدة والساعة 2 من الليل وأنا في عرعر . هل تصدق هذا الكلام قبل 200 سنة . أكيد بتقول لا . لأن العقول في ذاك الزمن محدود والطائرة تفوق عقول البشر في تلك الأيام . آهاااااا . أكيد قبل 200 سنة بتقول عن عشق وجنون إنه مجنون ولا أحد يجلس معه تراااة مولي وقاااااضي وطاااااااب الفيظة :)

أقهرهم بالله مسرع العلم تطور وقمنا نصنع الطائرااااااات . طراااااااااااااااااااااااخ قصدي نشتري الطائرات . وإلا حنا ما نصنع نبيطة :)

طيب تعال لزماننا هذا يا عبيد لو أقول لك افطرت بعرعر وتغديت بالنظيم العظيم :) وتعشيت بجدة وأمرحت بعرعر هل تصدق يا عبيد أكيد بتقول صحيح بالطائرة سافرت وجيت .

أهاااااا

هذا اللي أبي أوصل له

يعني هالحين لو تكلمت عن مثلث برمودا وأقول تختفي فية السفن والطائرات هل تصدق في زماننا هذا . طبعاً إحتمال ما تصدق وربما تقولي هذة قصة خراااافية .

ليش قصة خرافية يا عبيد

إسمع يا مناااور وش يقول عبيد

قال إيش قال قصة خرافية

طيب وش الفرق بين عقلك هالحين وعقل الأولين قبل 200 سنة .

؟

وبعدين أكمل لكم الموضوع عن مثلث برمودا في سياق هذا الموضوع إن شاء الله . وأنتظر تفاعلكم وردودكم وراح أذكر لكم وش شبب تسميتة بهذا الأسم وكم عدد الأماكن التي تختفي به الطائرات والسفن والكثير الكثير مع عشق وجنون .

وإلى لقاءً أخر بإذن الله
بقلم
عشق وجنون

[كساب الطيب]

صب لنا فنجال يا عبيد

لحق الحطب على النار يا ولد

[ياعين ابوي]

وعليكم السلآم ورحمة الله وبركاته ,,

ماشاء الله عليك أخوي ,, مبدع في السرد والتشويق,,

بإنتظار باقي القصه ,,

[ابن الحاره]

ياعبيد بس بس انتفخ بطني من القهوه. تراي باخذ لي غطة ولاتنسى تصحيني اذا بدت تكملة السالفة.
انا اشهد انك رائع في السرد وننتظر على احر من الجمر.

[كاسر الغربية]

السلام ممكن أسمع معكم السالفة
صب القهوة ياولد وزد النار

[مدمن مرقوق]

كمل كمل ياجدي

البناخي متحمس

[Nawaf alrawaily]

صب لنا فنجال يا عبيد

لحق الحطب على النار يا ولد


يا مرحبا بـ كساب الطيب ونصب لك فنجال من يد عبيد وحياك الله




وعليكم السلآم ورحمة الله وبركاته ,,



ماشاء الله عليك أخوي ,, مبدع في السرد والتشويق,,



بإنتظار باقي القصه ,,




يا هلا بـ عين ابوي وش وش وش وشلوووونتس عساتس طيبة وهالحين نكمل القصة وأبشري يا بنت الأجواد وشرفني مرورك

ياعبيد بس بس انتفخ بطني من القهوه. تراي باخذ لي غطة ولاتنسى تصحيني اذا بدت تكملة السالفة.
انا اشهد انك رائع في السرد وننتظر على احر من الجمر.

اهلا وسهلا ومرحبتين وعليها زود كمية مراحب إصح يا ولد وهالحين نكمل لك السالفة . اقهر يمي جاي


السلام ممكن أسمع معكم السالفة
صب القهوة ياولد وزد النار

أبشر طال عمرك وحياك وقرب القدوع والدله يا مناور لخوك كاسر الغربية


كمل كمل ياجدي

البناخي متحمس

ما طلبت شيء يا البناخي وهالحين اشرب لك كاسة شاي وإصغ لي زين :)

---------------

وحياكم الله مع هالسوالف الحلوة اللي لولكم ما طلعنها .

عشق وجنون

[Nawaf alrawaily]

مثلث برمودا يا إخوان يعتبرة البعض منا شيء خرافي لأنه وبكل بساطة فوق طاقة عقول البشر . وهو في الحقيقة صحيح ولا غبار عليه .
يعني هالحين لو تكلمت عن مثلث برمودا وأقول تختفي فية السفن والطائرات هل تصدق في زماننا هذا . طبعاً إحتمال ما تصدق وربما تقولي هذة قصة خراااافية .
وبعدين أكمل لكم الموضوع عن مثلث برمودا في سياق هذا الموضوع إن شاء الله . وأنتظر تفاعلكم وردودكم وراح أذكر لكم وش شبب تسميتة بهذا الأسم وكم عدد الأماكن التي تختفي به الطائرات والسفن والكثير الكثير مع عشق وجنون .


وإلى لقاءً أخر بإذن الله
بقلم
عشق وجنون




نكمل لكم السالفة وهالحين صب القهوة يا مناور ودر الفنجال للرجال

وين وقفنا البارح يا إخوان ... إيه وقفنا عند وش سبب تسميه هالمثلث بهالأسم ... أقهرك بالله يا عبيد متابع صح شيطون وما ينقدر لك :)

سبب التسمية والله أعلم ثم حسب متابعتي المستمرة وقرأتي لـ هالموضوع أكثر من عشرطعش مرة هو في يوم من الأيام كانت هنالك إحتفالات بـ هالجزيرة والتي تسمى برمودا .

طبعاً هالجزيرة اقلعت منها ثلاث طائرات والثلاث طائرات يومنهن أقلعن يا مناور كانن على شكل مثلث يعني طيارة وحدة قدام وطيراتين خلفها وبهالطريقة صار عند مثلث يا منااااور :)

وكانت الطائرات تسبح في الفضاء وطائرة قدام عيون هالبشر وهالوادم مبحلقين عيونهم زين ومتهولين من الإستعراضات التي قدمتها تلك الطائرات .

ثم .. ثم .. ثم كانت الطائرات تسوي إستعراض رهيب وجخة بالهجو الزين .. ثم فجأة .. بدأت الطائرات تختفي عن عيون البشر ... ارخبط يا بويه وين ولن هالطائرات وين إختفن بالجو .

والعالم يوم شافوا هالمنظر الرهيب العجيب بدء الإستغراب منهم .

وين إختفت الطائرات

هل الطائرات سقطن في المحيط .

هل هل هل هل هل ( ؟ )

في إستفسار أكثر من علامة إستفهااااااااام

بعهدها بنصف ساعة قام الإسطول الأمريكي بإرسال طائرة إستكشافية ولكنها أيضاً الطائرة إختفت . ومن هنا بدأ غموض وإستكشاف وسبب تسمية مثلث برمودا لدى العامية من البشر .

شفت يا ابو ملوح ؟ ما نعرف إلا القليل من هالعلم .

يعني يا عبيد إنت ومناور والحاضرين مهما بلغنا من العلم ومهما إستكشفنا يبقى الكثير الكثير من الأسرار الغامضة . ما يعلمها إلا الله سبحانه وتعالى .

ومثلث برمودا يا إخوان مكانه غرب من المحيط الأطلسي ولكن بقول لكم سر ولا تعلموووون أحد . برأيكم كم برمودا تختفي فيه الطائرات والسفن على الأرض .

هاااة

هاااة كم مكان يختفي فيه الطائرات والسفن .

أترك الإجابة لكم ونتابع معكم السالفة في لقاءً أخر إن شاء الله في سياق الموضوع . وكل واحد منكم يذكر الله .

لا إله إلا الله

أخوكم

عشق وجنون

[كساب الطيب]

يالله لك الحمد تقهوينا وعينا من الله كل خير

اعتقد سبب السقوط الطائرات والسفن قهورهن على الله
انه من المنطقه فيها جاذبيه عاليه جدا
تجذب جميع الاشياء التي تمر داخل نطاقها
وبارك الله فيك

[Nawaf alrawaily]

يالله لك الحمد تقهوينا وعينا من الله كل خير

اعتقد سبب السقوط الطائرات والسفن قهورهن على الله
انه من المنطقه فيها جاذبيه عاليه جدا
تجذب جميع الاشياء التي تمر داخل نطاقها
وبارك الله فيك

مالك لو يا كساب طيب

الطائرات تختفي أمام أعين البشر ولو كانت جاذبية كان رأينها ولو بالتصوير في حال سقوطها ولكن الطائرات والسفن تحتفي ولا تسقط .

تحياتي

[عارف الشمري]

ياخي تحمست كمل الموضوع مره وحده هههههههههههههههههههه

ولا اقوووووول اروح لشيخ قوقل هو الي يجيبلي السالفه كلهااااااا

[ابن الحاره]

تبي الصدق مدري! ننتظر لين تجيب العلم الوكاد
يامناور قرب الدله عند الضو. :f

[الناب]

الله يبض وجهك على هالقصة
شف عنها فلم وثائقي وقراءت عنها
وكل واحد مؤلف يضع أسباب حسب عقيدته
وفهم سبب وضعك لأسباب الخل في بداية الموضوع
وصلت إلى بعض الحقائق لكن ما بحرق على الشباب القصة
وأتمنى منك وضع المصادر الشرعيه في بعض الأمور التي قد لا يصدقها الشباب
وكي لايرميك أحد بالكذب
لأني متاكد أنه يوجد أمور لا يبلها العقل
وأنت موهت لها كثير بمثال بل 200 سنه والأن
لكن لا بد من المصادر
المهم بقهويني عبيد إلى أن ترجع تكمل القصه
أتمنى من المشرفين تثيبت الموضوع

وأرجوا منك وضعه في توقيعك
أخوك
بن فهد

[Nawaf alrawaily]

. هل تصدق هذا الكلام قبل 200 سنة . أكيد بتقول لا . لأن العقول في ذاك الزمن محدود والطائرة تفوق عقول البشر في تلك الأيام . آهاااااا . أكيد قبل 200 سنة بتقول عن عشق وجنون إنه مجنون ولا أحد يجلس معه تراااة مولي وقاااااضي وطاااااااب الفيظة :)




الله يبض وجهك على هالقصة
شف عنها فلم وثائقي وقراءت عنها
وكل واحد مؤلف يضع أسباب حسب عقيدته
وفهم سبب وضعك لأسباب الخل في بداية الموضوع
وصلت إلى بعض الحقائق لكن ما بحرق على الشباب القصة
وأتمنى منك وضع المصادر الشرعيه في بعض الأمور التي قد لا يصدقها الشباب
وكي لايرميك أحد بالكذب
لأني متاكد أنه يوجد أمور لا يبلها العقل
وأنت موهت لها كثير بمثال بل 200 سنه والأن
لكن لا بد من المصادر
المهم بقهويني عبيد إلى أن ترجع تكمل القصه
أتمنى من المشرفين تثيبت الموضوع

وأرجوا منك وضعه في توقيعك
أخوك
بن فهد

يا مرحبا بالناب ويالله حي ابو فهد

تسلم يا بعدي واقصد قبل 2000 سنة وليس 200 سنة لأني نسيت أزود صفر لكي تصبح الفين سنة وشكراً لك لتنبيهي على ذلك .

وبالنسبة للمصادر . المصادر واجد وكل واحد يفسر ذلك على حسب فهمة ولكن بعض المصادر تفوق عقليات البشر يعني مثل إستحلاب الصوت ومثل السباق مع الوقت ومثل الأنتقال الضوئي وأشياء كثيره ما يتحملها المخ .

وتسلم على الأطراء الطيب يا طيب وشرفني مرورك يا بعدي

عشق وجنون

[Nawaf alrawaily]

ياخي تحمست كمل الموضوع مره وحده هههههههههههههههههههه

ولا اقوووووول اروح لشيخ قوقل هو الي يجيبلي السالفه كلهااااااا

يا مرحبا يا ابو كدريه وحياك الله تقهوووو

على فكرة ترى الشيخ قوقل مكتوب فيه كل شيء ولكن يعطيك الصحيح والغير صحيح وهنا يبدأ تحكيم العقل مع ولد العم سام :) قوقل .

وقرب القدوع له يا مناور وخلة يتقهوى :)


تبي الصدق مدري! ننتظر لين تجيب العلم الوكاد
يامناور قرب الدله عند الضو. :f

يا مناور صب شاهي لـ ابن الحارةبس بدون سكر :)

-----------

شرفني مرورك يا إخوان وحياكم الله

[ياعين ابوي]

ننتظر الإجابه من عندك , لآتتأخر أخوي , ترى تحمسنا

[تؤبر تسبدى]

ومازلنا بانتظار الإجابة

[مخاوي الربيع]

الله يعطيك العافيه

[صقار مبتدئ]

اخلص علينا تراك شوقتنا الله يهديك

[الجرح الحزين]

وعليكم السلام ورحمة الله وبركاته
اسعد الله اوقاتكم بكل خير
تسلم اخوي عشق وجنون على سردك الطيب لسالفه
وترى تحمسنا لنهايه ياخوي
طيب واذا قالنا سبب اختفئ الطائراته من الجن اللي بالسماء والسفن من الجن اللي بالمحيطاته
والله اعلم

[مطيعيس]

السلام عليكم ياعرب صبوا لي قهوه تروي بردااااااااااااااااااااااااااااااااااااااااااااااا اان

[LANDCRUISER40]

السلام عليكم ورحمة الله وبركاته
على حسب ماقرية وسمعت يقال:
أنه ابليس أهناك قاعد ويجمع الوادم
أو الدجال يبي علشان يجمع الناس و
يطلع معه الناس

[hamo0o0ody]

يعطيك العافيه

[ذيب زلفاوي]

مثث برمودا يوجد فيه عرش ابليس الي طلع ابونا ادم من الجنه وتحته الحيه الي ساعدته على ادم
وبعدين لو انها الجاذبيه الارضيه كان تشوف الطيارات وهي تنزل وتلاحظ هالشي من بعيد والجاذبيه اساسا في وسط الكره الارضيه
وسمعت بعد ان في قديم الزمان صارت حرب مع الجن والانس وانتصر الانس وهرب الجن الى البحر لان الانس مايقدرون يروحون للبحر وبعد شاء الله وصارو مخفيين

[سوبر مكشات]

اقول

سواليف الشيبان شيييييييييييييييييييييء بها الليل

بس اخوي عشق وجنون (وشلون يعني عاشق مجنون)
ماتلاحظ ان مربع جنز أاأأ أقصد مثلث صروال برمودا
اخذ زخم1 اعلامي كبير جدا في فترة من الفترات والان شبه ماله ذكر

يعني هل هو خدعة اعلاميه لإنتاج افكار جديدة

طبعا الافكار هذي مانستفيد منه حنا عريبيا بس غريبيا يستفيدون مثل انتاج الافلام
وتمرير بعض الاشيء السياسية وهالون وهالون2
ومثل ماطلعت سالفه الصحون الطائرة بالقرن المنصرم3 يعني على وقت كيندي او اللي بعده والله اني ناسي(اخرس يهالشايب)

بس محد صدقهم وطلعوا لهم سبحونه ثانيه




او انه صدق




لكن اقول
والله و ما تجزم ولا يهونون اللي يتقهووون نروح هناك

اللي بيروح منكم يارجال يجي يميني واللي مب رايح يجي يساري
واللي يبي يروح يمرح مبكر نبي نمشي قبل الفجر بساعه أغدي نصلي الظهر عندهم نبي نتغدا بهم قبل لايتعشون بنا

الله الله يارجال ااااا تكبير
اييييه يرجال
خلو اذاعة القران تشتغل ولآجايكم الا العافيه





بس قبل كل شي نكمل السالفه ونمشي





معليش يابو جنون قطعنا سالفك

يقول المصل اقطع سالفة الرجال تغدي فنجال




1 زخم: يعني مزكم
2 هلون:ريعني هيج
3 المنصرم : يعني وقت الجداد

والمعاني ببطن اللكاشت

[انا مسلمة]

بسم الله الذي لا يضر مع اسمه شيئ في الأرض ولا في السماء وهو السميع العليم

[وليد 5]

السلام عليكم
في اليابان
وكذلك يوجد مثلث الشيطان في اليابان وهو على نفس انقطه التي يوجد فيهى مثلث برمواد يعني لو تحفر في مثلث برمواد كان طلعت على نفس مثلث الشيطان
فعلاً مثلث عجيب الذي يقرعنه يتعجب سبحان الله

[تؤبر تسبدى]

ومازلنا بانتظار عشق وجنون ليكمل لنا ماتبقى من حكايته الشيقة

[أخت البنات]

ياعبيد>>>>سم ياشيخ
يامناور>>>>ياعونك ياشيخ


يابن ملوح>>>>سم طال عمرك


يامصيول>>>> سم سم ياعمي:)


هاتوا القهوه وشاي ربيع :)


لعشق وجنون


لا


لا


لا
هاتوا برميل
والا اقولكم
هاتوا
وايت:)
شاي
وخزان قهوه:)


عشان يكّيف اخونا عشق وحنون ويكمل السالفه


تعبت وانا ودي اعرف سر مثلث برموداhttp://www.diwanalarabtv.com/vb/images/smilies/033.gif
اللي ماوصلت الا انه مثلث متساوي الساقينhttp://www.diwanalarabtv.com/vb/images/smilies/f21.gif

[PICASSO.]

طولت علينا يا عشق وحنون !

[Nawaf alrawaily]

حياكم الله يا إخوان وأبشرو بكمل لكم باقي السالفة ولكن ودي أشوف مدى عرفكم عن هذا المثلث علماً بأن البعض منكم جاب الصحيح .

[وليد 5]

مثلث برمودا عالم ثاني وخيالي
من العجيب في اختفي السفن انهي تشاهد بعد مده في وسط المحيط ؟؟؟؟؟؟؟؟؟؟؟؟؟؟؟؟؟؟؟