سطام F15
27/12/2009, 12:50 AM
السلام عليكم ورحمة الله وبركاته
أسعد الله مساكم بالخير والمسرات
الليلة كنت جالس بمجلس وقص علينا رجال ٍ سالفة وإليكم هذه السالفة طبعا بعد ما إستأذنته
يقول الرجال كان فيه قديما جدا على أيام المطايا كان فيه ذيب بديار
حول المدينة المنورة على طريق مكةالمكرمة وكان هذا الذيب مفترس لدرجة إنه يهجم على الناس ولايخاف
وكان معروف من أهل المدينة والقرى المجاورة لها وكل مامر الهبط
الناس اللي يرتادون المدينة لجلب الرزق من طعام وغيره لأهلهم كان
يهجم عليهم ودائما مايذبح من هالناس
ولا أحد قدر يذبحه ويقول الرجل إنه كان من كبر هذا الذيب ليا من
مرت المطية وعليها اثنين راكبينها يرقهم لين يلحقهم ويهجم عليهم
ويطرح واحدٍ منهم
طبعا اللي يسلم يهج ويتغانم السلامة وفي يوم ٍ من الأيام جاء رجال يقاله
باني اللهيبي من عوف من حرب وضافله عند رجال وغداه المعزب
وأكرمه ويم جاء حزة عصير
قال باني أستأذنك يامعزبي بسري قال وين ياباني بتسري والليل مقبل
عليك أنت منت خابر البونة يقصد الذيب قاله خابره مير أنا عندي عيال
ولا أقدر أتوخر أكثر من كذا
حاول به المعزب مير ماهنا فايدة سرى باني وإتجه بطريقه لمنطقة يقالها القاحة ويقول هذا باني اللي يتكلم الحين يقول ياطويلين العمر يوم أمساني
الليل وجت صلاة المغرب
صليت بهاك الشعيب وتراه يالربع رجلي مامعه مطيه ولامعه غير قديمي
وعصى المهم يقول باني يوم صليت ومشيت وقمرا علي تشوف اللي
حولك زين يقول مادراني غير الريحة القشراء
وقمت أتلفت ولا شفت شيء ومشيت بطريقي ويوم أخذت لي مسافة
زينة وجاء حول العشاء وليا نفس الريحة يوم مرت علي قال وأنا أطلع
خنجري بيد وأمسك عصاي بيد
يقول شكيت إنه الذيب ومع إنتباهي لفتني حركة من وراي قال ولا
أمداني ألتفت إلا الذيب كيد حط يد على كتف من كتوفي واليد الثانية على الكتف الثاني وراسه من فوق راسي جايني من الخلف
وهو ماشاء الله على قد قولهم إن باني رجال متعافي وقليل مثلة بالرجال
قال وأنا أحاول إني بضربه بالعصاء على راسه ومدري كيف طاحت
منه ومسك الذيب يده من كفه وجت بوسط فم الذيب قال وأنا أدخل يدي بحلقة قدر ماقدرت
وحسيت فيه إنه تغير ولاهو تغير قوي قال وطرحه لي وطرحه له وأنا
مدخل يدي بحلقه ولا طلعتها عشان لو طلعت أكلني مافيها كلام
المهم قال وأنا أسل القديمي بيدي الثانية وأحطها برقبته وأقوم أشلعه لين
حسيت بحد السكين بيدي بوسط حلقه وهو يطيح قال ويوم طاح ولاني
ماعاد أقدر أتحرك ويدي كلها دم وفارمها اللعين فرم بأنيابه
ويآخذ له شوي لين صحى زين ويقطع يد الذيب باني اللهيبي ويسري لأهله
ويعلمهم السالفة ويعطيهم يد الذيب لإثبات سالفته لهم وعالج يده وصارت
معوقة أصابعه ماتمتد إلا الظاهر الإبهام والسبابه.
تمت
تحيات أخيكم
سطام
منتدى مكشات / سوالف شعبية
أسعد الله مساكم بالخير والمسرات
الليلة كنت جالس بمجلس وقص علينا رجال ٍ سالفة وإليكم هذه السالفة طبعا بعد ما إستأذنته
يقول الرجال كان فيه قديما جدا على أيام المطايا كان فيه ذيب بديار
حول المدينة المنورة على طريق مكةالمكرمة وكان هذا الذيب مفترس لدرجة إنه يهجم على الناس ولايخاف
وكان معروف من أهل المدينة والقرى المجاورة لها وكل مامر الهبط
الناس اللي يرتادون المدينة لجلب الرزق من طعام وغيره لأهلهم كان
يهجم عليهم ودائما مايذبح من هالناس
ولا أحد قدر يذبحه ويقول الرجل إنه كان من كبر هذا الذيب ليا من
مرت المطية وعليها اثنين راكبينها يرقهم لين يلحقهم ويهجم عليهم
ويطرح واحدٍ منهم
طبعا اللي يسلم يهج ويتغانم السلامة وفي يوم ٍ من الأيام جاء رجال يقاله
باني اللهيبي من عوف من حرب وضافله عند رجال وغداه المعزب
وأكرمه ويم جاء حزة عصير
قال باني أستأذنك يامعزبي بسري قال وين ياباني بتسري والليل مقبل
عليك أنت منت خابر البونة يقصد الذيب قاله خابره مير أنا عندي عيال
ولا أقدر أتوخر أكثر من كذا
حاول به المعزب مير ماهنا فايدة سرى باني وإتجه بطريقه لمنطقة يقالها القاحة ويقول هذا باني اللي يتكلم الحين يقول ياطويلين العمر يوم أمساني
الليل وجت صلاة المغرب
صليت بهاك الشعيب وتراه يالربع رجلي مامعه مطيه ولامعه غير قديمي
وعصى المهم يقول باني يوم صليت ومشيت وقمرا علي تشوف اللي
حولك زين يقول مادراني غير الريحة القشراء
وقمت أتلفت ولا شفت شيء ومشيت بطريقي ويوم أخذت لي مسافة
زينة وجاء حول العشاء وليا نفس الريحة يوم مرت علي قال وأنا أطلع
خنجري بيد وأمسك عصاي بيد
يقول شكيت إنه الذيب ومع إنتباهي لفتني حركة من وراي قال ولا
أمداني ألتفت إلا الذيب كيد حط يد على كتف من كتوفي واليد الثانية على الكتف الثاني وراسه من فوق راسي جايني من الخلف
وهو ماشاء الله على قد قولهم إن باني رجال متعافي وقليل مثلة بالرجال
قال وأنا أحاول إني بضربه بالعصاء على راسه ومدري كيف طاحت
منه ومسك الذيب يده من كفه وجت بوسط فم الذيب قال وأنا أدخل يدي بحلقة قدر ماقدرت
وحسيت فيه إنه تغير ولاهو تغير قوي قال وطرحه لي وطرحه له وأنا
مدخل يدي بحلقه ولا طلعتها عشان لو طلعت أكلني مافيها كلام
المهم قال وأنا أسل القديمي بيدي الثانية وأحطها برقبته وأقوم أشلعه لين
حسيت بحد السكين بيدي بوسط حلقه وهو يطيح قال ويوم طاح ولاني
ماعاد أقدر أتحرك ويدي كلها دم وفارمها اللعين فرم بأنيابه
ويآخذ له شوي لين صحى زين ويقطع يد الذيب باني اللهيبي ويسري لأهله
ويعلمهم السالفة ويعطيهم يد الذيب لإثبات سالفته لهم وعالج يده وصارت
معوقة أصابعه ماتمتد إلا الظاهر الإبهام والسبابه.
تمت
تحيات أخيكم
سطام
منتدى مكشات / سوالف شعبية