المساعد الشخصي الرقمي

مشاهدة النسخة كاملة : تدبيل المساعدات وماهو الضرر المترتب عليها


كثير السؤال
27/12/2009, 06:53 PM
السلام عليكم ورحمة الله وبركاته



اخواني المكشاتيين

اسمع كثيرا عن تدبيل المساعدات
وابي اسأل

وش فوايد التدبيل ووش اضراره
وهل المساعدات اللي ورى قدام يدبلن ولابس اللي ورى

بانتظاركم :good:
ابوراس الدحمي
27/12/2009, 08:52 PM
اللي سمعت عن تدبيل المساعدات اذا كان الموتر حق حمول ويرتخي واجد.. وعدم راحة في الطرق.. وقتها تدبّل المساعدات .... ممكن معلوماتي غير كاملة لكن هذه من ضمن فوايدها
تحياتي...........
كثير السؤال
28/12/2009, 02:52 PM
شكرا لك عزيزي
نرفع الموضوع لعله نلقى من يفيد
معترض الشعيب
28/12/2009, 03:49 PM
تدبيل المساعدات للي يطامر في هالبران
كثير السؤال
28/12/2009, 06:55 PM
مشكوريابعدي

واسأل مره ثانيه وش الفايده ووش الاضرار وهل اللي قدام يدبلن ولا بس اللي ورى
درب الصحراء
28/12/2009, 10:24 PM
الي اعرفة انه كانو يدبلون مساعدات جمس السوبربان والفادة منها اكثر ثبات وخاصة اذا كان محمل

والامامية ما قد سمعت انها تدبل لكن يركبون مساعد للتوازن

وهذا الي عندي

واتمنى اني افدتك
قطب 999
29/12/2009, 07:51 AM
جيده للسيارات ذات التعليق اللين ودائما تراها في البكبات في السباقات الصحراويه
escape_man
29/12/2009, 08:03 AM
اذا دبلت المساعدات يقل عليك البطناج او التنطيط الناتج عن اهتزاز السست او الياي

تصير المساعدات هي القايمة بدور امتصاص الصدمات بدل الياي او السست

ولكن يبيلها حسبة معينة عند اهل الاختصاص علشان مايصير الاثر سلبي على الشاص

يعني نرفق على الياي والسست وتصير الضربة في الشاص
BRI6ANI
29/12/2009, 08:31 AM
تدبيل المساعدات للسيارات القديمه وخاصه الوانيتات والسبرمانات لان شاصيها حديد قوى ويتحمل
وكانو يدبلون عشان الحمل الزايد بالبر وكذلك عشان ثبات السياره بالطريج وقت الحمل .

بالنسبه للوقت الحالى الشواصي خفيفه واذا دبلت كسر الشاصي مع الايام .
وكثير من السفاريات تم تدبيل مساعداتهم وانكسر الشاصي حاصه من الخلف جهه الدفرنش بالظبط .

تحياتى لك اخوى
allmshtag
29/12/2009, 09:31 AM
الي أعرفه ان المساعدات يدبلونها بالسيارات الخفيفه وما تتحمل التحميل مثل الهايلوكسات والدداسن وكما قال أخي BRI6ANI (http://www.mekshat.com/vb/member.php?u=133515) الي شاصها قوي ويتحمل اما غيره فلا انصحك مثل الاند كروزر ما انصح فيه لانه ثقيل وبيأثر على الشاص وغيرها

نشوف باقي الأخوان

هذا الي عندي وبالتوفيق
كثير السؤال
29/12/2009, 02:20 PM
اشكركم اخواني

كان سؤالي مافوائد التدبيل وما اضراره وهل اللي قدام يدبلن ولا بس اللي ورى

قلتم جزاكم الله خير ضرر واحد وهو ينكسر الشاصي

وقلتم انه يخفف من المناطط وتصير الموتر راسيه ومتاز لراعين التحميل

اذا كان به فوايد واضرار زياده

وهل اللي قدام يدبلن
كثير السؤال
29/12/2009, 08:02 PM
نرفعه الله يرفع قدركم
عاشق z71
30/12/2009, 01:51 PM
ياصديقي انا بجاوبك

التدبيل حتاجه الواحد بحالات :

متى يدبلون الي قدام ؟

يدبلونه طال عمرك اذا شافوا الموتر بالبر وجهه يرتفع ثمن ينزل

يعني بالعربي احتيانا تكون بالبر ومسرع وتاكلك حفره او جرف صغير وعقب الجرف هذا يقعد وجه موترك يلعب فوق وتحت يخذله وقت لين يثبت

بالحاله هذي التدبيل قدام ينفعك يصير وجه الموتر ثابت ولا يقعد يطامر فوق تحت

اما ورى فيستخدمونه بحالتين :

الاولى مثل الوضع الي فوق يعني اذا حملت الموتر تلاقيه يقعد يهوي فوق وتحت هنا تاحتاج تدبيل


ثانيا اذا انك راعي تحميل كايد

لانك اذا حملت الموتر حمل ثقيل وكنت بالبر واكلت جفره او مطب قوي تلاقي الموتر نازل على تحت مايرجع لوظعه الطبيبعي لان اصلا المساعد من البدايه منظغط


لكن مع التدبيل الخلفي يرجع الموتر بعد التحميل يرجع لوضعه الطبيعي وكانه موب محمل


هذا والله اعلم
كثير السؤال
30/12/2009, 02:31 PM
عاشق زد واحد وسبعين مشكور يابعدي على التفصيل الرائع