مجلس الشيبان والشباب والسوالف اللي تشرح الصدر أرحبوووو يا رجال

[Nawaf alrawaily]

بسم الله الرحمن الرحيم


حياكم الله يا إخواني


والسلام عليكم ورحمة الله وبركاته


حبيت أجمعكم اليوم ونأخذ اعلومكم وتأخذون اعلومنا وعلى قوله الشاعر راكان ابن حثلين


ياما محلا الفنجال مع سيحة البال ... في مجلسً مافيه نفوس ثقيلة
هـــــــذا ولــد عم وهذا ولـــــد خال ... وهـــــــذا رفيقً مــالقينا مثيلة


حبيت أجمعكم اليوم ونفتح لكم ولنا باب النقاش الهادف عن حياة الأولين وعن الحياة الأن , إسئلونا ونسئلكم وجابو وإنجاوبكم , كيف كنا نعيش ونتحمل المشاااااق وكيف الأن أنتم تعيشون وهل تتحملون .


وعطوني سوالفكم ونعطيكم سولفنا بهدف تنوير البعض منكم وتنويرنا بما لديكم .


وأرحب يا الشيخ مسكين تراك هالحين إنت بصدر المجلس وخلهم يسئلون وحنا نسئلهم .


وحياكم الله يا إخوان ودر القهوة يا ولد ,,,


أخوكم


عشق وجنون

[السبيعي 503]

عليكم السلام


سلمه والله يبقيك


وحقيقتاً مجالس الشيبان فيها الحكم والمواعظ والمراجل التي تغيب عن بعض مجالس الايام هذي لا ن الزمن تغير


ولو تلاحظ أن سوالف الايام هذي يا في سياسة او اسهم ولا مور مالية ومثل ماذكرها الشاعر ابناخي أبو سعود


لكن انا عندي قصيدة وهي مناسبة لمووضوعك وهذي لــ

الشاعر : عبدالعزيز بن سعود الحمد العريني السبيعي وهو من شعراء رغبة



وانا ابذكر القصيدة البيت عن الف بيت من بعض القصايــد




على ذكرئ الزمان الي مضالي هل دمع العين.

تذكـرت السنيـن الاولـه والدمـع همـالـي

.يلج ابداخلي ذكر ربوعـي والزمـان الزيـن.

وفكري من هموم القلب وصدوف الزمن خالي.

يورى في عيوني مجلس الشايب وبيت الطيـن

.مداهيل الرجال الـي لهـم بالطيـب منزالـي.

مجالسهم مجالس لشجاعـة والكـرم والديـن

.تنومس راعي الطالـة وتغبـن كـل بطالـي.

ماهي مثل المجالس ذا الزمان الي قبوله شيـن

.مغير السالفه وسط السياسة واسهـم المالـي

اخذت ابسجتي ساعة بعد مافقت مـدري ويـن.

زواني هم قلبي عقـب جيـت الـدار بلحالـي.

غدت عيد النخل صرعا وطاح السور والبرجين

.تصدع وانهدم جنبه وزرنـوق اللـزا مالـي.

ولاباقي سوا السدرة والاثله تبكـي الماضيـن.

مع البركة وبرجستـن حديـد مصـدي بالـي

.تكلم عن زمان راح يوم المد عـن عشريـن

.تريد ابه الثنا مادورت بـه قـرش وريالـي.

زمان راح مايمكـن يعـود ودق فيـه البيـن.

انا مالي سوا الذكـرى ولوهـي كـدرت بالـي

الايادار ويـن اهـل الكـرم والابـة الوافيـن

.صورهم في عيوني واين ماوجهـت تبرالـي.

الاياوقتنا الي سم حالي فـوق عشـر اسنيـن.

على فقد النشاما كـل غالـي يتبعـه غالـي.

بكيناهـم بدمـع حـرق الجفيـن والخـديـن

.ولوكان البكا مـارد لـي عمـي ولاخالـي .

انا وقفت من فوق القبر عقب العصر ياحسيـن.

علامة الحزن فوق الوجيـه وصـرت مهتالـي

اسولف مع هجوسي وانشد الخاطر بحين وحين.

زمان اول لحقتـه صـدق ولا هـو يورالـي .

بكينهم وحنـا نـدري انـا عقبهـم ماشيـن.

تـر دنيـا الفنـا ميقـاف منـزال وترحالـي.

الا يالايمـي خـل الملامـه واتـرك التخميـن

انا شاعر واعبر عـن شعـور دق فـي بالـي









واعذرني على الاطالة وأسجل تقديري لك وعلى مووضوعكـ وأتمنى التفاعل من الاعضاء

[Nawaf alrawaily]

عليكم السلام


سلمه والله يبقيك


وحقيقتاً مجالس الشيبان فيها الحكم والمواعظ والمراجل التي تغيب عن بعض مجالس الايام هذي لا ن الزمن تغير


ولو تلاحظ أن سوالف الايام هذي يا في سياسة او اسهم ولا مور مالية ومثل ماذكرها الشاعر ابناخي أبو سعود


لكن انا عندي قصيدة وهي مناسبة لمووضوعك وهذي لــ

الشاعر : عبدالعزيز بن سعود الحمد العريني السبيعي وهو من شعراء رغبة



وانا ابذكر القصيدة البيت عن الف بيت من بعض القصايــد



على ذكرئ الزمان الي مضالي هل دمع العين.
تذكـرت السنيـن الاولـه والدمـع همـالـي
.يلج ابداخلي ذكر ربوعـي والزمـان الزيـن.
وفكري من هموم القلب وصدوف الزمن خالي.
يورى في عيوني مجلس الشايب وبيت الطيـن
.مداهيل الرجال الـي لهـم بالطيـب منزالـي.
مجالسهم مجالس لشجاعـة والكـرم والديـن
.تنومس راعي الطالـة وتغبـن كـل بطالـي.
ماهي مثل المجالس ذا الزمان الي قبوله شيـن
.مغير السالفه وسط السياسة واسهـم المالـي
اخذت ابسجتي ساعة بعد مافقت مـدري ويـن.
زواني هم قلبي عقـب جيـت الـدار بلحالـي.
غدت عيد النخل صرعا وطاح السور والبرجين
.تصدع وانهدم جنبه وزرنـوق اللـزا مالـي.
ولاباقي سوا السدرة والاثله تبكـي الماضيـن.
مع البركة وبرجستـن حديـد مصـدي بالـي
.تكلم عن زمان راح يوم المد عـن عشريـن
.تريد ابه الثنا مادورت بـه قـرش وريالـي.
زمان راح مايمكـن يعـود ودق فيـه البيـن.
انا مالي سوا الذكـرى ولوهـي كـدرت بالـي
الايادار ويـن اهـل الكـرم والابـة الوافيـن
.صورهم في عيوني واين ماوجهـت تبرالـي.
الاياوقتنا الي سم حالي فـوق عشـر اسنيـن.
على فقد النشاما كـل غالـي يتبعـه غالـي.
بكيناهـم بدمـع حـرق الجفيـن والخـديـن
.ولوكان البكا مـارد لـي عمـي ولاخالـي .
انا وقفت من فوق القبر عقب العصر ياحسيـن.
علامة الحزن فوق الوجيـه وصـرت مهتالـي
اسولف مع هجوسي وانشد الخاطر بحين وحين.
زمان اول لحقتـه صـدق ولا هـو يورالـي .
بكينهم وحنـا نـدري انـا عقبهـم ماشيـن.
تـر دنيـا الفنـا ميقـاف منـزال وترحالـي.
الا يالايمـي خـل الملامـه واتـرك التخميـن
انا شاعر واعبر عـن شعـور دق فـي بالـي









واعذرني على الاطالة وأسجل تقديري لك وعلى مووضوعكـ وأتمنى التفاعل من الاعضاء

حياك الله يا السبيعي وبيض الله وجهك على الأبيات ومن قالها وشرفني مرورك يا بعدي

[Nawaf alrawaily]

مرة شفت لي شوفة ما تسر العدو ولا الصديق


ليه بعض من جيل اليوم يوم يشوف الشايب في الشارع أو في مكان عام يتمهزىء فيه .


ما يدري إن الشايب يوم كان في شبابه وكبر سنه كان معيش قبيلة


ما يدري إن الشايب يوم كان عمره 10 سنوات يسرح ويرعى بالغنم وإلا إنت وش سويت كل يوم يبه أبي بسكوت


ما يدري إن الشايب يوم كان عمره 10 سنوات سوالفة سوالف رجال وما يعرف الكسل ولا الملل .


وإلا أنت ياللي تتمهزىء بالشيبان حياتك نوم وسهر وبيبسي ونفيش وحتى القهوة والشاي ما تعرف تسويها . وإذا سير عليك خويك على طول شغلت التلفزيون وعلى أفلام كرتون ( توم وجيري ) . ويوم أبوك يشتريلك جوال بكميرا على طول رحت تؤذي خلق الله وتصور الناس فرحان بجوالك وماسك الناس بالبلتوث . وإلا أنت يوم تطلب منك أمك توديها للسوق أو المستشفى تقولها بعدين أو تقول تعبان . اقهرك بالله ما تستحي على دمك . وإلا ابوك يوم يطلب منك تجيب اغراض من البقاله تقول له عطني السيارة والبقاله قريبة . عجبي لبعض الأبناء . وإلا لو طلب منك أبوك تودي أهلك للمحل الفلاني تقول له ماني فاضي لأنك مواعد أخوياك .


طيب ليش تتمهزىء بالشيبان وأنت هذا فعايلك


الشايب يوم كان بسنك ما يعرف النوم


الشايب يوم كان بسنك مايؤذي جارة


الشايب يوم كان بسنك ............ إلخ


وهالحين فهمت ياللي تتمهزىء بالشيبان ....... وش إنت .


ولكن الحمد لله إنهم قله في مجتمعنا هذا وبارك الله لي ولكم ,,,


أخوكم


عشق وجنون

[دوسريه كول]

http://hajisqssu.jeeran.com/v21.gif



بكون متابعه من بعيد للاستفاده من للموضوع


وعساكم ع القوه


http://hajisqssu.jeeran.com/v54.gif

[ياعين ابوي]

مرة شفت لي شوفة ما تسر العدو ولا الصديق



ليه بعض من جيل اليوم يوم يشوف الشايب في الشارع أو في مكان عام يتمهزىء فيه .


ما يدري إن الشايب يوم كان في شبابه وكبر سنه كان معيش قبيلة


ما يدري إن الشايب يوم كان عمره 10 سنوات يسرح ويرعى بالغنم وإلا إنت وش سويت كل يوم يبه أبي بسكوت


ما يدري إن الشايب يوم كان عمره 10 سنوات سوالفة سوالف رجال وما يعرف الكسل ولا الملل .


وإلا أنت ياللي تتمهزىء بالشيبان حياتك نوم وسهر وبيبسي ونفيش وحتى القهوة والشاي ما تعرف تسويها . وإذا سير عليك خويك على طول شغلت التلفزيون وعلى أفلام كرتون ( توم وجيري ) . ويوم أبوك يشتريلك جوال بكميرا على طول رحت تؤذي خلق الله وتصور الناس فرحان بجوالك وماسك الناس بالبلتوث . وإلا أنت يوم تطلب منك أمك توديها للسوق أو المستشفى تقولها بعدين أو تقول تعبان . اقهرك بالله ما تستحي على دمك . وإلا ابوك يوم يطلب منك تجيب اغراض من البقاله تقول له عطني السيارة والبقاله قريبة . عجبي لبعض الأبناء . وإلا لو طلب منك أبوك تودي أهلك للمحل الفلاني تقول له ماني فاضي لأنك مواعد أخوياك .


طيب ليش تتمهزىء بالشيبان وأنت هذا فعايلك


الشايب يوم كان بسنك ما يعرف النوم


الشايب يوم كان بسنك مايؤذي جارة


الشايب يوم كان بسنك ............ إلخ


وهالحين فهمت ياللي تتمهزىء بالشيبان ....... وش إنت .


ولكن الحمد لله إنهم قله في مجتمعنا هذا وبارك الله لي ولكم ,,,


أخوكم



عشق وجنون



لآ أخوي عشق وجنون ان شاء الله ماتوصل لها الدرجه ,, والله ثم والله يوم أشوف كبار السن من الجنسين اني ودي واتمنى أخذ واحد منهم معي لبيتنا , هم مصابيح البيت ,

وبيض الله وجهك

[طير غمار]

هلا وغلا ..

انا جديد على هذا المنتدى وللأمانه عجبني موضوعك وطرحك اخوي ..

الله يعطيك العافيه

من وجهة نظري اشوف ان الزمن تحول ومن الظلم مقارنة شباب اليوم بشباب زمااان ..

والسبب .. الآن يوجد .. بالسابق لايوجد ..

عموما ..

احب مجالسة كبار السن ووالدي لم يمضى على رحيله الا سنه غفر الله له واسكنه فسيح جناته بصراحه لما تجلس معه تحس بالعيشه تسمع السوالف اللي تشرح الصدر ..

ماهب سوالف شباب اليوووم .. السيارات والموديلات ههههههههههه

ما الومهم طبعاً لان احنا نعيش بزمن غير عن زمان ابائنا واجدادنا غفر الله لهم ..

شكرا لطرحك اخي الكريم ...

[Nawaf alrawaily]

http://hajisqssu.jeeran.com/v21.gif




بكون متابعه من بعيد للاستفاده من للموضوع


وعساكم ع القوه


http://hajisqssu.jeeran.com/v54.gif



يا مرحبا بك يا دوسرية وأبشري بالسوالف اللي تشرح النفس إن شاء الله




لآ أخوي عشق وجنون ان شاء الله ماتوصل لها الدرجه ,, والله ثم والله يوم أشوف كبار السن من الجنسين اني ودي واتمنى أخذ واحد منهم معي لبيتنا , هم مصابيح البيت ,


وبيض الله وجهك




يا هلا بـ عين ابوي والحمد لله إنها ما تصوللهالدرجة هذة لأن شبابنا فيهم الخير





هلا وغلا ..


انا جديد على هذا المنتدى وللأمانه عجبني موضوعك وطرحك اخوي ..


الله يعطيك العافيه


من وجهة نظري اشوف ان الزمن تحول ومن الظلم مقارنة شباب اليوم بشباب زمااان ..


والسبب .. الآن يوجد .. بالسابق لايوجد ..


عموما ..


احب مجالسة كبار السن ووالدي لم يمضى على رحيله الا سنه غفر الله له واسكنه فسيح جناته بصراحه لما تجلس معه تحس بالعيشه تسمع السوالف اللي تشرح الصدر ..


ماهب سوالف شباب اليوووم .. السيارات والموديلات ههههههههههه


ما الومهم طبعاً لان احنا نعيش بزمن غير عن زمان ابائنا واجدادنا غفر الله لهم ..


شكرا لطرحك اخي الكريم ...



حياك الله يا طير غمار بيض الله وجهك وشرفني مرورك والساعة المباركة اللي تشرفنا فيها

[Nawaf alrawaily]

تصدقون يا إخوان إذا طلعت للبر لازم أخذ معي النجر . تدرون ليش ..!!


لأن من قبل صلاة الفجر أقوم واتوضى واصلي لي ركعتين ثم اشب على النار وبعدها أدق الهيل بالنجر على شان يطلع الصوت وينسمع في البر على مسااافات طويلة وإذا سمع أي واحد صوت النجر من هالقناصة أكيد يبي يجي ويتقهوا وحياااة الله .


وعلى شان كذا أحب أخذ النجر معي دائم . وهذة صورة شبية للنجر اللي عندي


http://www7.0zz0.com/2009/12/29/00/866514524.jpg

[السبيعي 503]

حياك الله يا السبيعي وبيض الله وجهك على الأبيات ومن قالها وشرفني مرورك يا بعدي






ووجهكـ أبيضـ يا عشق وجنونـ


المووضوع يطوولّ إذا جبنا سوالف الشيبان ومن راي أنا ( سوالف الطيبينـ )




أنا بحكم مجالستي مع الشيبان أبذكر كذا بيت يطري على بالي وهذا البيت دايم يرددة جديـ الله يطول بعمرة وعمر شيبانكم

يقــول :


سوالفي عند النشاما طريفة ..... وهرج (ن ) على غير الناشاما غثا بال

وهذا من البيوت الي دايم على لساني من حبي لة ولمعناة وقايلة


يقوول ,,,

الحي يحيك والميت يزيدك غبن ,,,



حكمة ,,,


الفقر ذل ومفتاح بابة العجز ,,,



وسلامتكم ,,

[فهد الهلالي]

السلام عليكم ورحمه الله وبركاته
اولا اشكرك ياخي عشق وجنون على طرحك لهذا الموضوع الجيد
واشكر كل من شارك في الردود على هذا الموضوع
فنقاشكم هذا دليل قاطع لنجاح هذه الخيمه الشعبيه ووجود نخبه من الاعضاء
ومايتمتعون به من مكارم الاخلاق وشهامه الانسان العربي
بارك الله لكم وانار محياكم والله يحفظكم
مع تحيات اخيكم
الشيخ مسكين

[ابوعبود6]

مجالس تحث على علو الهمم

[Nawaf alrawaily]

بارك الله في الجميع وحياكم الله

[asman]

ارحبوووووووووووووووووووووووووووووووو




واخوة شرواكم ماتملاها اقل شيء تقول عنهم زحاــــــــــــزيح
هذي طراة العمر والدايم الله محيي نبات القع بأرض صحصيح

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
الله يحييك ويبجيك اخوي عشق وجنون على هذا المجلس الطيب المليى بريحه القهوه والهيل ودفئ المكان
بحنين السوالف الشيبان وضحكهم ..
الله يرحم شيابنا ويشفي عجايزنا ويطول باعمارهم اللهم آآآآآآآآمين..

[Nawaf alrawaily]

السلام عليكم ورحمه الله وبركاته

اولا اشكرك ياخي عشق وجنون على طرحك لهذا الموضوع الجيد
واشكر كل من شارك في الردود على هذا الموضوع
فنقاشكم هذا دليل قاطع لنجاح هذه الخيمه الشعبيه ووجود نخبه من الاعضاء
ومايتمتعون به من مكارم الاخلاق وشهامه الانسان العربي
بارك الله لكم وانار محياكم والله يحفظكم
مع تحيات اخيكم

الشيخ مسكين



الله يبيض وجهك يا فهد
وشرفني مرورك

[Nawaf alrawaily]

قابلت رجل طاعن بالسن وهو يمشيء على رجوله حيث إنه يحمل أغرض وأكياس شايلهن معاااة


وقلت له يا عم .. تعال إركب معي بالسيارة خليني أوصلك إلى بيتك لأني أشوفك شايل أكياس ثقيله عليك وكنت حينها جاي من وسط المدينة


قال .. الله يعطيك العافية يا ولدي ولكن أنا تارك سيارتي عند البيت وحبيت أمشيء للبقاله على رجولي وحبيت أشيل أغراضي بيدي ومنها أكسب حاجتين ...؟


قلت وش هي الحاجتين يا عم ...


قال الحاجة الأولى كثرة الإستغفار وأنا أمشيء حيث أقوم بذكر الله وأستغفرة أكثر مما أكون بالسيارة لأن عندما أمشيء على رجولي للبقاله تطول المسافة ويزيد الوقت وأنا أكسب هذا الوقت بالدعاء .


وقلت طيب وش هي الحاجة الثانية :


قال :: الرياضة وتعويد الجسم على التحمل أكثر وأكثر وطرد الكسل اللي يتمتع بها بعض من شباب اليوم .


-------------------------


نعم ما أجمل ما قام به هذا الرجل حيث إن بعض الشباب لا يتحرك إلا بالسيارة ولو هي على كيفة كان قطع حوش بيتهم بالسيارة من زود الكسل .


تحياتي
عشق وجنون

[GMS96]

موضوع جميل جداً
و ياليت يخصص موضوع اسبوعياً لبحثه و مناقشتة مع الاعضاء
مثلاً يكون عن القهوة و السوالف اللي قيلت فيها و الشعر عنها
والاسبوع الاخر عن الابل و هكذا

[كبتن]

وعليكم السلام ورحمة الله وبركاته

ابقاك الله
____
ابكبّر الخطّ عشان يشوفون الشيبان:D
____
والله الى ذكرت ذيك الايام في الديرة
انها تخنقني العبرة و ودي انها ترجع
جينا لرياض ومرّت السنين وشانت الاوضاع
زحمات وغبار وقست قلوب الناس
حسد ونكد ويالله اني دخيلك
__
\هذا امر الله/وش نسوي

وانا دايم الى سليت وقمت اهوجس
في شارع ولا حديقة ولا سوق
ولاّ شفت شايب،والله اني اقول
الله يعينه

خصوصاً الي في الرياض<<تراني متعقد من الرياض
وشلون بيسوق في ذالزحمااات؟
ولين تذكر زمانه وايام الصبا ، وشاف الواقع قدامه.وتذكر ربعه اللي نصفهم رحلوا
وأقفوا عن الدنيا وش بيقول!!؟؟
واذا تذكر بيوت الطين والنخيل ولا كيماويات ولا غيرها !!
الله يعينه بس

والله اني دايم اخذ علوم الشايب الله يمد بعمره
على الطاعه
واسئله عن ايامهم

ويقول لي طول الله عمره

انهم في الديرة كانت الشعبان تسيل سبع سيلات في السبوع!! إي والله
_
والحين ماسالت العام الا مرتين في السنه!!!

ايييييه

وسألته مرّه متى أول مره رميت بالشوزل؟؟

قالي اول مره رميت بالشوزل صدت أرنب!!

ويقول اول الصيد نلقاه في كل مكاان وعول،وظبا،و وبران،وارانب و، و،الخ

الله المستعاااااان
____
اما سواليفنا حنا يالشباب هالحين وكثير من الشيبان في هذا الزمن في الكوره!!

والله يالربع اني انقد على الشايب اللي يتابع الكوره

على العموم احسن اني استطردت في الحديث وقر قرت عليكم
واعذروني فأنا لا احسن السرد

والسلام عليكم ورحمة الله وبركاته

[الوافي710]

وعليكم السلام
الله يبيض وجهك عشق وجنون على الموضوع

الجميل والله يطول بعمر شيبانا ويرحم موتانا

أنا عجبني موضعك لأني والله أحب أجلس مع الشيبان وأحب سواليفهم

لكن بما إنك فتحت الموضوع هذا عندي إستفسار بسيط

ياليت أحصل عند أحد إجابته

حنا من يوم إننا صغار للحين وحنا نسمع إذا قال أحد فداك قال الثاني فداك اللاش

حبيت أسأل وش اللاش اللي مقصود بالرد

وسلامتك

[Nawaf alrawaily]

وعليكم السلام ورحمة الله وبركاته



ابقاك الله
____
ابكبّر الخطّ عشان يشوفون الشيبان:D
____
والله الى ذكرت ذيك الايام في الديرة
انها تخنقني العبرة و ودي انها ترجع
جينا لرياض ومرّت السنين وشانت الاوضاع
زحمات وغبار وقست قلوب الناس
حسد ونكد ويالله اني دخيلك
__
\هذا امر الله/وش نسوي


وانا دايم الى سليت وقمت اهوجس
في شارع ولا حديقة ولا سوق
ولاّ شفت شايب،والله اني اقول
الله يعينه


خصوصاً الي في الرياض<<تراني متعقد من الرياض
وشلون بيسوق في ذالزحمااات؟
ولين تذكر زمانه وايام الصبا ، وشاف الواقع قدامه.وتذكر ربعه اللي نصفهم رحلوا
وأقفوا عن الدنيا وش بيقول!!؟؟
واذا تذكر بيوت الطين والنخيل ولا كيماويات ولا غيرها !!
الله يعينه بس


والله اني دايم اخذ علوم الشايب الله يمد بعمره
على الطاعه
واسئله عن ايامهم


ويقول لي طول الله عمره


انهم في الديرة كانت الشعبان تسيل سبع سيلات في السبوع!! إي والله
_
والحين ماسالت العام الا مرتين في السنه!!!


ايييييه


وسألته مرّه متى أول مره رميت بالشوزل؟؟


قالي اول مره رميت بالشوزل صدت أرنب!!


ويقول اول الصيد نلقاه في كل مكاان وعول،وظبا،و وبران،وارانب و، و،الخ


الله المستعاااااان
____
اما سواليفنا حنا يالشباب هالحين وكثير من الشيبان في هذا الزمن في الكوره!!


والله يالربع اني انقد على الشايب اللي يتابع الكوره


على العموم احسن اني استطردت في الحديث وقر قرت عليكم
واعذروني فأنا لا احسن السرد


والسلام عليكم ورحمة الله وبركاته








بارك الله فيك يا كبتن وبيض الله وجهك

[Nawaf alrawaily]

وعليكم السلام
الله يبيض وجهك عشق وجنون على الموضوع

الجميل والله يطول بعمر شيبانا ويرحم موتانا

أنا عجبني موضعك لأني والله أحب أجلس مع الشيبان وأحب سواليفهم

لكن بما إنك فتحت الموضوع هذا عندي إستفسار بسيط

ياليت أحصل عند أحد إجابته

حنا من يوم إننا صغار للحين وحنا نسمع إذا قال أحد فداك قال الثاني فداك اللاش

حبيت أسأل وش اللاش اللي مقصود بالرد

وسلامتك


حياك الله يا الوافي وبيض الله وجهك

سؤالك جداً ممتاز وفي محله

بمفهومي الشخصي بأنه جرى العرف عند البعض إن صح التعبير بأن المعنى مدفون وهذا ما تعارف عليه الأباء من قبل الأجداد والبعض اللآخر منهم تفسيرة لـ فداك اللاش أي المهبول أو الخبل يعني يفداك الخبل أو المهبول لأن الطيب ماهوب ند للشخص الأخر وهذا هو المتعارف عليه في السابق وبقى حتى الأن .
حيث يقول الشاعر
الشيخ يدمح له ثمانين زله * * * واللاش ماني عن زرياه داري
وإن شاء الله تكون الفكرة وصلت وننتظر مشاركة البقي بهذا السؤال
وبارك الله فيك وما قصرت يا الوافي
تحياتي

[مقناص 20]

بارك الله فيك
الله يرحم شيباننا الحي والميت ان شاء الله
وشكرا على الموضوع الرائع

[الكاسر4]

اخي عشق وجنون طرحك ممتاز واسلوبك مشوق لك مني كل التقدير
راح اذكر لكم سالفه مع شايب واوصي اخواني بالبر اللا متناهي مع الوالدين وكبار السن لايشعرالانسان بمرارة الحرمان الا عند فقد والديه
نبدأ بالسالفه : قبل اكثر من عشرين سنه كنت من ضمن المكلفين باستلام مشروع داخل اسكان حكومي ولا بد من ان نقوم بزيارة بعض المساكن لكي نتأكد من اكتمال الخدمه
دخلنا احد المنازل واستقبلنا صاحب البيت سمعت صوت بكاء رجل وباتجاه الصوت ولا رجل كبير في السن يبكي بمراره سألت صاحب البيت عن بكاء العجوز قال هذا ابوي جبته من البر حتى يعيش معنا واوفر له حياه كريمه ومن يوم ماجبته وهو يصيح يبغى يرجع للبر وقال لي تعال معي واخذني الابن الى كراج السياره ولا مقفله وفارشه ومسوي له مشب ويحاول يجتهد في توفير حياة البر له ولكن الشايب ماهو راضي
يبغى يرجع للبر حاولنا نقنع الشايب ولكن دون جدوى قلت للابن اكسب بر ابوك ورجعه للمكان اللى يرتاح فيه
وتركنا الشايب وبكائه وقلوبنا تتقطع من الحزن
من هنا نستوحي عبره وهي ان الانسان كما قيل ابن بيئته بالرغم من صعوبات العيش وندرة الرفاهية في الصحراء ولكن يجد الانسان متعته في ان يتعايش مع الفطرة التي فطر الله الانسان عليها وهي عودة الانسان الى طبيعته وعودة الانسان الى الحياة البسيطة التي ليس فيها تكلف وليس فيها بهرجه وزيف
لك مني وللاخوه الكرام فائق التقدير على هذا التميز
اخوك الكاسر4 طيبة الطيبه

[ابوناصر السهلي]

الله يعطيكم العافيه جميعاً والشايب المهذري مثلي وش يسون به اهله لا صار مشغلهم عند الكمبيوتر

[يوسف الخليفة1]

بارك الله فيك أخي الفاضل عشق وجنون

والشكر الجزيل