المساعد الشخصي الرقمي

مشاهدة النسخة كاملة : ...ماذا تعرف عن البنزين (91-95)....؟؟؟؟


القناص4800
27/12/2009, 09:51 PM
بسم الله ارحمن الرحيم

السلام عليكم ورحمة الله وبركاته

يا شباب عندي هايلوكس 2010 4*4

مكتوب على غطاء البنزين من داخل 91

بس كل من شافني اعبي 91 يقولي عب 95 احسن

ويا ليت ناخذ آراؤكم

واللي يقول نوع يذكر السبب لكي تعم الفائدة

ولو كل واحد يذكر نوع سيارته والبنزين اللي يعبيه

وعلى اي اساس يعبي سواءاً 95 او91

ننتظر ردودكم
ابو نايف 111
27/12/2009, 10:53 PM
السلام عليكم
اول شي مبروك عليك الموتر وتبي ترتاح خذلك فره في الكتلوج الموتر ونت ترتاح
وسلامتك
S3UDY
27/12/2009, 10:57 PM
اخي الكريم انا عندي باثفندر 2005 طبعاً الشركة تقول بنزيم 91 لكن انا اعبي 95 احس انه يطول في الموتر اكثر من 91 وبعض المكنيكيين ينصحوني فيه يقولو افضل للبخاخ
تحياتي لك
القناص4800
27/12/2009, 11:17 PM
السلام عليكم
اول شي مبروك عليك الموتر وتبي ترتاح خذلك فره في الكتلوج الموتر ونت ترتاح
وسلامتك

الله يبارك بك

غطاء البنزين مكتوب عليه 91

بس بعض اللي قالولي عب 95 يقولون ان اول ما كان فيه الا 95

91 ما طلع الا من كم سنه واحترنا مع هالعالم ما ندري وش الاحسن
القناص4800
27/12/2009, 11:19 PM
اخي الكريم انا عندي باثفندر 2005 طبعاً الشركة تقول بنزيم 91 لكن انا اعبي 95 احس انه يطول في الموتر اكثر من 91 وبعض المكنيكيين ينصحوني فيه يقولو افضل للبخاخ
تحياتي لك

مشكور اخوي على هالمرور الجميل

وننتظر باقي الاخوان كل يدلي بدلوه
بو خالد77
28/12/2009, 01:11 AM
الله يبارك بك

غطاء البنزين مكتوب عليه 91

بس بعض اللي قالولي عب 95 يقولون ان اول ما كان فيه الا 95

91 ما طلع الا من كم سنه واحترنا مع هالعالم ما ندري وش الاحسن

وعليكم السلام ورحمة الله وبركاته

ياطويل العمر اذا كان اول مافيه الا بنزين 95 اتوقع انهم حاسبين حساب هالشي....
لكن الحين فيه 95 وفيه 91 معناه ان الامور تغيرت والحسابات تغيرت...

واضمن لك خلك على كلام الوكاله او الكاتالوج عشان لاسمح الله صار شي بالمكينه يمكن يقلبونها عليك ويقون لك حنا قنا لك حط 91!!!

وبالاخير الف مبروك الموتر والله يعطيك خيره ويكفيك شره ويوفقك وييسر امورك....
درب الصحراء
28/12/2009, 01:22 AM
السيارات الفخمة ما يصلح لها الا من 95 وطالع

والفايده منه انه يعطي احتراق افضل كل ماكان الاوكتان عالي

ولا يطلع صوت اثناء عملية الاحتراق في المحرك

والله اعلم
عارف الشمري
28/12/2009, 02:41 AM
شف ونا اخوك والله تراها نفسيه الواحد اذا خربت سيارته وكان يعبي بنزين 91 قال هو السبب

بلعكس انا استخدم 91 على جميع سياراتي حتى كان عندي جيب سفاري كبليتر موديل 90 اعبيه بانزين اخضر 91 وزي الحلاوه


انصحك بـــ91
نفود الثويرات
28/12/2009, 06:26 AM
شف وأنا أخوك
91عندنا غير اللي عندهم
أنصحك بـ95 أسلم لسيارتك، وسوف ترى هذا بعد مدة.
السنع كله
28/12/2009, 06:38 AM
البعض يظن انه كلما كان اغلا كان للسيارة احلا لستم بادرى من صانعها واتركوا عنكم التخرص والتوهم كل يعبي سيارته بماقاله صانعوها تراهم ابخص وزود
برنو1990
28/12/2009, 06:44 AM
اغلب المكانيكيين ينصحون بــــــــــــ95
وسلام
راعي الفورت
28/12/2009, 06:49 AM
أولا أبارك لك السيارة

والله يطعمك من خيره ويكفيك شره

أنا عندي تاهو 2008 كنت أعبي الموتر 91 ومشيت عليه فترة حسيت إن الموتر بدا يطلع فيه صوت مثل صوت الموتر القديم

وأرجع للكتالوج وألقى الأفضل 95 والآن الحمد لله راح الصوت ولي سنة الآن ما أعبي إلا هو

وسلامتكم
قطب 999
28/12/2009, 07:47 AM
هل تضمن ان بنزين 91 فعلا هو بالتاكيد بنزين 91
وانه ليس اقل من هذا الرقم
لماذا اذا عبيت 91 تسمع اصوات البلوف في المكينه وطقطقه تختفي اذا غيرت لل 95
ادفع 15 هلله زياده لليتر واكسب سيارتك ومن يقول ما فيهن فرق يلعب على نفسه
اقول لك خللك بالمضمون 95 وعساك تسلم
أبو رند
28/12/2009, 08:07 AM
انا معي هايكلس 2009 وما اعبي الا 91 وما لاحظة شي
وبالكتالوج مكتوب 91 ابد عبي 91 واترك الناس
ابو نايف 111
28/12/2009, 10:11 AM
الله يبارك بك

غطاء البنزين مكتوب عليه 91

بس بعض اللي قالولي عب 95 يقولون ان اول ما كان فيه الا 95

91 ما طلع الا من كم سنه واحترنا مع هالعالم ما ندري وش الاحسن
خل عنك الغطاء وشف الكتلوج لارضاء النفس فقط
وناء كان عندي فورد 96م امريكي من قبل مايطلع 91
وروح اشوف كتلوجه ولقاه 85 نوع البنزين وعلطول حولت 91
حرنتش
28/12/2009, 10:29 AM
السلام عليكم

زي ماقالو الاخوان شف الموقع حق بنزين 91 و95 وهو يعلمك عن نوعيه بنزين كل سيارة .
وبعدين اسئل الوكاله واذا قالولك 91 عب ولاتخاف لان السيارة تحت الضمان
قطمان المحازم
28/12/2009, 10:41 AM
يا خووي البنزين كله وااحد سواء 91 ولا 95 واللي يقوللك اعبي 91 ويجي طقطق في المكينه مع احتراامي له>>اقوله البنزين وااحد انا معي باترول 99 سلقه اعبيه 91 يمشي معي زي الساعه شف وانا اخووك خله 91 نصيحة لين موترك 4 سرندل وما يستحمل 95 ويثقل عليه شوي >>> 91 خفيف على الموتر جرب وشف معلليك من كلام الناس جررررررررررب 91
قطمان المحازم
28/12/2009, 10:46 AM
الموتر اعبيه 91 __ او 95 ما يضره عاااااادي
لو يخيرونك بين بنزين اخف لموترك ---- وبين بنزين بيثقل بموترك
>>>>>>91<<<<<<>>>>>>>95<<<<<<<<<

وش تختاااار>>>> الاخف صح ولالا
وعلى العموم السياره الله يعطيك خيرها ويكفيك شرها

الـــعــــصــــيـــــــمـــــــــــــــــــــي
العابر
28/12/2009, 10:55 AM
يا خوي هي حالة نفسية

وهالميكانيكيين ورني اياهم اروح اجلد الواحد على الين يعض الارض

الحين المصنع يقول لك حط 91 وهم يقولون 95 يعني هم ادرى من المصنع

هذا يدل على جهل مركب واللي يقول هالكلام انا من رأئي انك ما تثق فيه
ذيب النير
28/12/2009, 10:57 AM
اتمنى ان الشباب افادوك وشف اللي ترتاح له نفسك
ناصح
28/12/2009, 11:29 AM
يا أخي الكريم

صانع السيارة أدرى بما تحتاج

والفرق بين 91 و 95 هو رقم الاكتين

وليس له علاقة بالرصاص أو التركيز أو النقاوه

ورقم الاكتين مرتبط بانفجار خليط الوقود داخل السلندر عند ضغط معين صمم المحرك له

وعلى هذا إذا سيارتك مقرر لها 91 فتعبئة 95 ما هو إلا خسارة مالية دون أي فائدة تذكر

الخلاصة راجع كتيب التعليمات - الكاتلوج

واترك عنك القيل والقال
القناص4800
28/12/2009, 02:53 PM
وعليكم السلام ورحمة الله وبركاته

ياطويل العمر اذا كان اول مافيه الا بنزين 95 اتوقع انهم حاسبين حساب هالشي....
لكن الحين فيه 95 وفيه 91 معناه ان الامور تغيرت والحسابات تغيرت...

واضمن لك خلك على كلام الوكاله او الكاتالوج عشان لاسمح الله صار شي بالمكينه يمكن يقلبونها عليك ويقون لك حنا قنا لك حط 91!!!

وبالاخير الف مبروك الموتر والله يعطيك خيره ويكفيك شره ويوفقك وييسر امورك....

مشكور اخوي ابو خالد على هالمرور العطر

صدقت مالنا الا الكتلوج بس السؤال

في سيارات قديمه يقولون الوكاله انه 91 علماً ان اول ما كان فيه

الا 95 ولا فيه احد اشتكى
القناص4800
28/12/2009, 02:55 PM
السيارات الفخمة ما يصلح لها الا من 95 وطالع

والفايده منه انه يعطي احتراق افضل كل ماكان الاوكتان عالي

ولا يطلع صوت اثناء عملية الاحتراق في المحرك

والله اعلم

اسعدني مرورك درب الصحراء

هل افهم من كلامك ان الفرق بصوت المكينه ؟
القناص4800
28/12/2009, 02:59 PM
شف ونا اخوك والله تراها نفسيه الواحد اذا خربت سيارته وكان يعبي بنزين 91 قال هو السبب

بلعكس انا استخدم 91 على جميع سياراتي حتى كان عندي جيب سفاري كبليتر موديل 90 اعبيه بانزين اخضر 91 وزي الحلاوه


انصحك بـــ91

اي والله انك صدقت

ومشكور على هالمرور الجميل
القناص4800
28/12/2009, 03:01 PM
شف وأنا أخوك
91عندنا غير اللي عندهم
أنصحك بـ95 أسلم لسيارتك، وسوف ترى هذا بعد مدة.

يشرفني مرورك اخوي نفود الثويرات

بس وش قصدك بــ (91عندنا غير اللي عندهم )
القناص4800
28/12/2009, 03:04 PM
البعض يظن انه كلما كان اغلا كان للسيارة احلا لستم بادرى من صانعها واتركوا عنكم التخرص والتوهم كل يعبي سيارته بماقاله صانعوها تراهم ابخص وزود

مرور جميل اخوي السنع كله

بس ابي احد يجيبني وش الفرق بين 95 و 91
nayf01
28/12/2009, 03:08 PM
كلها من مخباتك

95 غالي

91 ارخص وانت فلل سيارتك من 95 وشف بكم
القناص4800
28/12/2009, 03:11 PM
اغلب المكانيكيين ينصحون بــــــــــــ95
وسلام

من تقصد بالميكانيكيين

تقصد اللي دارس ومتعلم ويتكلم عن علم

ولا هالعمال اللي يوم ميكانيكي ويوم سباك ويوم كهربائي ........
الكايف2
28/12/2009, 06:56 PM
اخوي مبروك الموتراولا الله يطعمك من خيره وشره بالنسبه للبنزين عندي لاند كروزرماظبط لين عبيت 95ولكن يمكن السيارات الثانيه تختلف
استشاري
29/12/2009, 11:11 AM
السلام عليكم
غالبية السيارات الامريكيه مكتوب عليها بنزين بدون رصاص و كانت الناس سابقا تعبي البنزين العادي بالرصاص و ما احد يسال وما كان فيه مشاكل.
الغريبه ان جي اكس ار 6 بنزينه 95
و جي اكس ار 8 بنزينه 91 ( 2008 فما فوق للنوعين)
عندي جي اكس ار 6 , 2009 تفاجات بعد الشراء ان بنزينه 95.
سالت مهندس الصيانه عند الفحص الاول و قالي غير 91 مايضر بشرط تستمر على 91.
وعند الفحص الثاني بعد مده (ولا يتذكرني) سالته و كررت و الحيت عليه و اكد لي انه ما يضر بس ماتغير مره 95 ومره 91.
قلت له لو تعطلت السياره لاي سبب و لقيتو فيها بنزين اخضر هل يضر الضمان؟؟
و اكد لي انه ما يضر الضمان.
حبيت اعطيكم هالمعلومه و الله اعلم
و دمتم بخير
بومشعل2010
29/12/2009, 11:29 AM
مرحبا اخوي اول شي مبروك على الموتر والله يعطيك خيره ويكفييييييييك شره
والله ال95 انظف بس اذا الوكاله كاتبة على الغطاء 91 عب 91 والله كريم حتى لا تحتج الوكاله لو صار شي بالموتر على كلام اخوي .......!
القناص4800
29/12/2009, 02:51 PM
يعطيكم العافيه على هالردود

وشكلي ابستمر على 91

بس هل يفرق بالأداء
صحيح
29/12/2009, 03:06 PM
بالنسبة لـ 91 يسبب تقطيع في السيارة (تفتفه خفيفه) وهي واقفه السيارة وشغالة الماكينة يسبب ضعف في العزم وخاصة اثناء التطعيس أو المشي في مرتفعات (زفلت) الدعسه ثقيلة عند الدوس على البنزين . يحرق (يتأكل) التانكي. ينقص ببطئ .
والمشاكل هذه صايره لي أنا محدثكم.
والعكس صحيح في الـ 95
فغيرت لـ 95 الفرق 15 هلله بس يكفيك من مشاكل ممكن تكلف أكثر . وعيبه تحس انه ينقص بسرعة بعكس الـ 91
صحيح.
الرمز 1
02/05/2010, 09:25 PM
يعطيك الف عافيه اخوي
عابر شمال
02/05/2010, 10:51 PM
حسب علمي ان السيارات الكبليتر 95 افضل من شان الكربون
والبخاخ احسن شي له 91 بس المشكله انه يسبب كربون

انا كنت اعبي 95وقلت والله ما اغيره بس حصلت بعض المشاكل من ناحية بعض المحطات تلقى بنزين 91 بس وانت مقطع تضطر تغير البنزين .......
ذيب زلفاوي
02/05/2010, 11:24 PM
يابن الحلال الهايلوكس لا تعبيها الا 91 اكثر اخوياي معهم هايلوكسات ولا اخبر واحد منهم يعبي 95 وبعدين الكاتلوج يقول 91 يعني لازم تعقد الامور المهم ان الموتر يحتاج اوكتين 91 ويمكن تكون وااجده عليه بعد و 95 ماهي الا زياده اوكتين لان فيه سيارات تحتاج الي 95 اووكتين

انا اقولك عب 91 انا معي ددسن 2007واخواني معهم تاهو 2009 جكسار 2010 ماركيز 2008 بليزر 2007 بليزر 2003 فورتشنر 2007 فورد 2003
وكلهم يعبون 91 الا باثفندر يعبي 95 ليش مادري مع اني اخبره اول كان يعبي 91 بس مره موتره خرب عليه وعقبها صار يعبي95
سوبر VTC
02/05/2010, 11:58 PM
. ما هو الأوكتان؟
رقم الأوكتان بطريقة البحث ورقم الأوكتان بطريقة المحرك هما أداتان لقياس أداء الوقود المقاوم للقرقعة. وتستخدم السيارات الأمريكية معياراً للأوكتان مشتق من معدل رقم الأوكتان بطريقة البحث ورقم الأوكتان بطريقة المحرك معاً، بينما تستخدم المملكة معياراً يقوم على رقم الأوكتان بطريقة البحث.وتقوم شركات صناعة السيارات بتحديد الحدود الدنيا للأوكتان لتجنب القرقعة، التي قد تؤدي في الحالات الحادة إلى فقدان المحرك لقوته ومن ثمّ تلفه.وتعتمد متطلبات الأوكتان اللازمة لتفادي القرقعة إلى نوع المحرك وظروف تشغيله.
2- ما القرقعة؟
قرقعة الإشعال هي صوت غريب يدل على احتراق البنزين.فعندما تبدأ شرارة إشعال الاحتراق داخل محرك الاحتراق الداخلي، فيجب أن تخرج مقدمة اللهب من شمعة الإشعال وتنتقل عبر حجرة الاحتراق بسرعة وسلاسة. وإذا اشتعل الجزء الأخير من مزيج الهواء والوقود تلقائياً (اشتعال تلقائي) قبل وصول مقدمة اللهب، فسيؤدي الارتفاع المفاجئ في الضغط داخل حجرة المحرك إلى حدوث ما يسمى:القرقعة المميزة أو إصدار صوت فرقعة.وتحدث القرقعة لكون أوكتان الوقود أقلمن متطلبات مقاومة القرقعة للمحرك.


الشاهد باللون الاحمر
اذا كان الاوكتان قليل 91 و اقل
فانه يحدث انفجار للبنزين و الهواء قبل اشتعال الشرارة
الانفجار يحدث بسبب ضغط و كبس البستم

نقطة اخرى
الكبليتر مثل الباترول و غيره
عند تعبئة 91
يصير للمكينة لقلقة للبلوف + و صرقعه
خصوصا عند وضع القير بنمرة خفيفة على 3
و اشتغال الموتر ضعيف و سيئ جدا في الصباح
و الحل 95 :good2:

نقطة اخرى
ال91 حار جدا بغرفة الاحتراق
لانه مافي تكافئ بين البنزين و الهواء
لذلك اذا كنت تمشي بخط على سرعة 170 و طالع
يذوب سطح البستم و يتحفر مع الايام

مثال اخر لتوضيح الصورة
مكينة اللحام
اذا زودت كهرب مكينة اللحام بواسطة الفرار اللي فوق المكينة
فان اللحام يبدا يقص الحديد اللي تبي تلحيمه
ما يلحم بسبب قوة الكهرب الزائدة فوق اللزوم
و العكس صحيح
و اذا قصرت على الكهرب
فانه عند التحليم يظهر كربون زائد اسود على طبقة اللحام
و مايمسك اللحام تمام ينكسر
و الحل لابد من التناسب 50% لكل قوة

مثال اخر
الاوكسجين + الغاز تستخدم لقطع الحديد
اذا زاد الاوكسجين تطفى النار
اذا زاد الغاز تكون النار حمراء و ماتنفع ماتقص حديد اطلاقا
لانه لابد من التناسب بان تكون النار زرقاء عشان تقص

http://www.mekshat.com/vb/../pix/upload01/prof006/mk53291_aaaaa1.jpg http://www.mekshat.com/vb/../pix/upload01/prof006/mk53291_aaaaaaa2.jpg



الحل

بنزين 95 متكافئ مع الهواء نسبة و تناسب :good:


للمزيد الرابط التالي

البانزين 91 الأخضر ودعتك بلا عودة؟ (http://www.mekshat.com/vb/showthread.php?t=249077)


طبعا بالامكان تعبئة بنزين 91
بشرط اساسي
انك ماتتجاوز سرعة 160 و طالع
لانه مع الايام راح يموع و ينصر البستم
و لذلك للسبب اعلاه





المشاركة الأصلية كتبت بواسطة لن أمل من العطاء http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=3445024#post3445024)
يا شباب
لا اريد ان اجزم وان احلف
ان السيارات مابها مشكله
مشكلتنا في الزيت ونوعيته الرديئة
حتى انا بدأت اتأكد ان البنزين الحمر هو عيار 92 ا 91
وان البنزين الاخضر هو 88 او 87
وبعد تتذكرون كلامي هذا

ابو عبدالعزيز كلامك صحيح

بدليل انهم حللوا بنزين 95 بالمختبر و جدوا ان نسبة الاوكتان 93.7 :no:
و ليست 95 بمعنى بنزيننا خايس :mad:
و اكد لي ذلك موضف بشركة الجميح
و على الحال
ماستبعد ان بنزين 91 الاوكتان فيه 88 و ليس 91
***
وليد الجريدي
03/05/2010, 11:53 AM
والله ياطويل العمرررر ماعرفنااالهم

انا معي جيب GX2007 بس ماعبي الا 95 لاني ماني بضامن ال91

اخوي الصغير كان معاه كامري 2008 ويعبي بنزين 91 المهم رحت للمحطه وكان معي الموتر وللما فكيت التانكي ابي اعبي لازم من اللقافه شوي الموتر جديد
فكيت غطى التانكي حصلت مكتوب على نفس الغطى من جوا استخدم بنزين 91 بالبنط العريض مثل مايقولون اخواننا المصاريه
وتحت مكتوب بالخط الصغير
لاداء محرك افضل استخدم بنزين 95:D :f
يعني اذا تبي تحافظ على موترك لاتقرب ال95 وافهم يافهيم

والله ماعرفنالهم
NissaN 1990
04/05/2010, 11:57 AM
أنا عني أعبي بنزين 95 أحس أنه أزين من ال 91 وبعدين يطول وأثقل ال 91 أحس أنه عصير ليمون ماهو بنزين ،،،،،
namsh
04/05/2010, 09:11 PM
اسمع يالحبيب . أنا كنت مشترك في لجنه خاصه بموضوع البنزين 91 .95 في دارة حكومية . وبعد مخاطبة جميع شركات السيارات اتضح أن 95 الأفضل لجمع السيارات حتى القديم ولو تعبي 91 مافيه مشكله والجيوب والونيتات لامشكلة مع ال 91 أما الفورد والكابرس الجديدة يتعطل فيها طرمبة البنزين التي بجانب التانكي بسبب 91
SAUD HAIL
05/05/2010, 01:28 AM
95 وبسسسسسسسس

انا معي باترول 97 سلقه المهم كنت اعبي 91 لعب بالموتر لعب صوت بلوف + دخان كربون+ لاجيت اشغل السياره تطول ماتشتغل+ لقلقة بالمكينه واصوات المكينه قويه تحس انك راكب 79 جمس لمن عبيت 95 وستمريت عليه تقريبآ من ثاني تعبآه فل والله انه صار زي الحلاوه لاكربون ولا دخان ولا لقلقه المكينه صارت صافيه

والخيار لك طال عمرك تحياتي لك

ومبروووووووووك السياره الله يعطيك خيرها ويكفيك شرهاااا وتكسرها بالعافيه هع هع هع


تحياتي لك
monsixnet
08/05/2010, 06:01 AM
الله يجزاك خير
مخاوي الليل1
08/05/2010, 10:56 AM
السلام عليكم

اخوي القناص

انا معي هايلكس 2009

واعبيه 91 مع اني اعبي مجاني بكرت بنزين مجاني الكرت الي معي 95 واعبي 91 ولا حسيت بتغير في الموتر

مع ان صاحب ورشة مشعل العتيبي المعروفه بالصناعيه ينصح 95 واكيد هم اهل الخبره

بس انا اعبي 91 كل مااطلع طلعه مااحصل بنزين 95 ولا ودي كل شوي اغير نوع البنزين

وزي ماانت عارف في القرى والهجر ماتحصل 95 كلها 91 هذا الي يخليني اعبي 91


اخوك مخاوي الليل







.