أفضل سلك إشتراك . هو سلك . . . أدخل وتعرف .

[السد الغزير]

ياخوان سمعت معلومة من واحد من الشباب أن أفضل سلك إشتراك للسيارة بين البطارتين .
(( هو سلك السخانة الـ6 ملم ))

فأخوكم شرى السلك طوله 4أمتار . بعدين يوم جيت أقصه شفت من داخل سلكين أحمر وأزرق . وأحترت
السؤال هنا : هل أفرق الثنين من بعضها . وأحط كل واحد لحاله . ولا أقسم السلك كامل نصين بحيث يكون كل واحد مترين هنا ومترين هنا ؟


والسؤال الثاني : هل أقدر أركب له مقبض نفس الاشتراك العادي .
اللي يقدر يدلني على المحلات في القصيم يدلني والله يجزاه ألف خير .

[ابومطيره]

خذلك اشتراك عادي وريح عمرك

[سيد الجو]

سلك مكينة لحام افضل شي


رح الورش وشف اشتراكهم اللي يستعملونه

[أبوراشد]

في محلات مقابل الجوازات ببريده يضبطونة لك

,,,

[حجيku]

افضل شئ سلك لحااام قوي ومجرب عند الورش ويستعمل لجميع انواع السيارات

[لن أمل من العطاء]

حبيبي
ما فيه مثل سلك اللحام 50 ملم او 75 ملم طبعا 75 افضل


اهم شيء كبر السلك وليس كبر البطارية التي تريد ان تشحن منها

عندي 50 ملم
طول السلك الواحد 8 امتار وتركيبه دون فتح الكبوت

تدري اضغط على الرابط وشوف
http://www.mekshat.com/vb/showthread.php?t=97782

[هوايتي مكشات]

زي ماقالو سلك لحام ترى قوي

[درب الصحراء]

وش لك والغثى يعني انت تستعمل السلك كل يوم

ريح راسك وخذلك سلك من المحلات جاهز

[السد الغزير]

أبو مطيرة : أقول سم طال عمرك

سيد الجو : رحت للورش وفعلا شفت اللي عندهم نفس ماذكرت . ويعطيك ألف عافية . :good2:

أبو راشد : ألف ألف ألاف شكر لك . رحت وخذيت منهم الأفكار ورجعت . ;)

حجيku : تأكيداً لكلام سيد الجو . الله يعطيك السلامة ويسعدك يارب . :)

لـن أمـل الـعـطـاء : وش الشغل الزيييين ماشاء الله تبارك الله . تدري شغلك هذا وين أشوفه فيه دايم . هذا في الدوريات .. وتعقيبا على كلامك طلعت من المسجد مرة وأبي أشغل سيارة وجاني عسكري قال لي أبي أشرك السيارة قلت مافيه مشكلة . وطلع اشتراك معه ونفس فكرتك بالضبط .:good: وشغلك هذا بدري علينا :D


هوايتي مكشات : نورت الموضوع وأكدت كلام الشباب . الله يوفقك .:good:

درب الصحراء : أقول سم طال عمرك .

[سوبر VTC]

افضل اشتراك هو ايطالي 50ملي
نشغل عليه مكاين المزرعه :good:
عليه طبقة صفراء بلاستيكية معزولة :good:
غير الربل الاسود الخارجي
سعر المتر تقريبا ب18ريال
جوز الاشتراك ب10

يطلع 4متر * 18ريال = 72ريال
اصابع الاشتراك 2 = 20ريال
و كد و مد :good:

طبعا كان يجي بالسوق صيني 70ملي :good:
لكنه ناعم و لكن يقوم مقام ال50 الايطالي

ميزة الايطالي انه نحاس خشن نحاس عريض :good:
اقوى للتوصيل
اما النحاس الناعم لايقربك :no2:
يحتمي اثناء التشريك و يصير ضعيف غير موصل
حتى لو تلمس الكيبل من عند العازل تحصله محتمي

بخصوص المحل لك رسالة على الخاص
موفق

[كبسولة2]

أخوي خذ لك سلك 6 ملم حق الكهرباء الخاص بالمكيفات

طول 2 متر وأنتهينا صغير إذا طويته وينشال معك بكل سهولة

[ابوراس الدحمي]

معاي سلك حق عقود افراح 6ملم ماشي زي الحلاوة
بس لو موتر جديد ما انصحك ابد تولف اسلاك من عندك ....خذ جاهز احسن لك وابرك

[allmshtag]

افضل اشتراك هو ايطالي 50ملي
نشغل عليه مكاين المزرعه :good:
عليه طبقة صفراء بلاستيكية معزولة :good:
غير الربل الاسود الخارجي
سعر المتر تقريبا ب18ريال
جوز الاشتراك ب10


يطلع 4متر * 18ريال = 72ريال
اصابع الاشتراك 2 = 20ريال
و كد و مد :good:


طبعا كان يجي بالسوق صيني 70ملي :good:
لكنه ناعم و لكن يقوم مقام ال50 الايطالي


ميزة الايطالي انه نحاس خشن نحاس عريض :good:
اقوى للتوصيل
اما النحاس الناعم لايقربك :no2:
يحتمي اثناء التشريك و يصير ضعيف غير موصل
حتى لو تلمس الكيبل من عند العازل تحصله محتمي


بخصوص المحل لك رسالة على الخاص
موفق





الله يجزاك خير وين احصل الأيطالي فيه انا في حاجه ماسه له وضروري جداً وشكراً لكم

[السد الغزير]

سوبر VTC : كلامك مقنع جدا جدا .:good: :good: وأثق دائما في أفكارك وإبداعاتك . وبإذن الله راح اسوي كل اللي قلت لي عليه . ;)

كبسولة2 : بسوي اشتراكين . وكلها للتجارب وحب التوليف . والزين منها مهوب ضايع عطه أحب الناس إليك . . وترى لو تفكر في تكاليف التوليفات هذي حول سعر الجديد تقريبا وربما يزيد عن سعر الجديد . بس أنا ماهمتني التكاليف المادية كثر ماتهمني الجودة وعمر المنتج نفسه وبالنسبة أنه ينشال معي بسهولة أو ثقل أو خفيف , التعب على السيارة ومنت شايله إلا وقت اللزوم . ووقت اللزوم تبي شي يبرد كبدك لو أنه بأغلى الاثمان . صح ولا أنا غلطان ؟ :)

أبو راس الدحمي : وحنا نبي حاجة زي الحلاوة .:good2: اللي يحلي أيامك .

allmshtag : ولايهمك طال عمرك أرسلك الوصف اللي جاني من أستاذنا السوبر . :)

[عشانا]

شريت من السنيدي ببريدة سلك اشتراك كبر قبضة اليد وعملي قوة
واعتقد انه ب 15 ريال او 20

[بدوي جنوبي]

ياخوان سمعت معلومة من واحد من الشباب أن أفضل سلك إشتراك للسيارة بين البطارتين .
(( هو سلك السخانة الـ6 ملم ))

فأخوكم شرى السلك طوله 4أمتار . بعدين يوم جيت أقصه شفت من داخل سلكين أحمر وأزرق . وأحترت
السؤال هنا : هل أفرق الثنين من بعضها . وأحط كل واحد لحاله . ولا أقسم السلك كامل نصين بحيث يكون كل واحد مترين هنا ومترين هنا ؟


والسؤال الثاني : هل أقدر أركب له مقبض نفس الاشتراك العادي .
اللي يقدر يدلني على المحلات في القصيم يدلني والله يجزاه ألف خير .


ج1:

السلك الاحمر يكون للاصبع الموجب +
والازرق خله للسالب -

ج2:

ركب نفس المقابض ما عندك مشكله
،،،

وبكذا عندك اشتراك ممتاز ولا تفصل بينها اتركها مغلفه

[الرمز 1]

يعطيك الف عافيه اخوي